% Text title            : Shri Raghavendra Kavacham
% File name             : rAghavendrakavacham.itx
% Category              : deities\_misc, gurudev, kavacha
% Location              : doc\_deities\_misc
% Author                : appaNAchArya
% Proofread by          : PSA Easwaran
% Latest update         : April 25, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Raghavendra Kavacham ..}##
\itxtitle{.. shrIrAghavendrakavacham ..}##\endtitles ##
(shrIappaNNAchArya kR^ita)
kavachaM rAghavendrasya yatIndrasya mahAtmanaH |
vakShyAmi guruvaryasya vA~nChitArthapradAyakam || 1||
R^iShirasyAppaNAchAryaH Chando.anuShTup prakIrtitam |
devatA shrIrAghavendragururiShTArthasiddhaye || 2||
aShTottarashataM japyaM bhaktiyuktena chetasA |
udyatpradyotanadyotabharmakUrmAsane sthitam || 3||
edyakhadyotanadyotapratApaM rAmamAnasam |
dhR^itakAShAyavasanaM tulasIhAravakShasam || 4||
dordaNDavilasaddaNDakamaNDaluvirAjitam |
abhayaj~nAnamudrAkShamAlAshIlakarAmbujam || 5||
yogIndravandyapAdAbjaM rAghavendraguruM bhaje |
shiro rakShatu me nityaM rAghavendro.akhileShTadaH || 6||
pApAdripATane vajraH keshAn rakShatu me sadA |
kShamAsuragaNAdhIsho mukhaM rakShatu me guruH || 7||
harisevAlabdhasarvasampatbhAlaM mamAvatu |
devasvabhAvo.avatu me dR^ishau tattvapradarshakaH || 8||
iShTapradAne kalpadruH shrotre shrutyarthabodhakaH |
bhavyasvarUpo me nAsAM jihvAM me.avatu bhavyakR^it || 9||
AsyaM rakShatu me duHkhatUlasa~NghAgnicharyakaH |
sukhadhairyAdisuguNo bhruvau mama sadA.avatu || 10||
oShThau rakShatu me sarvagrahanigrahashaktimAn |
upaplavodadhesseturdantAn rakShatu me sadA || 11||
nirastadoSho me pAtu kapolau sarvapAlakaH |
niravadyamahAveShaH kaNThaM me.avatu sarvadA || 12||
karNamUle tu pratyarthimUkatvAkaravA~N mama |
bahuvAdijayI pAtu hastau sattattvavAdakR^it || 13||
karau rakShatu me vidvatparij~neyavisheShavAn |
vAgvaikharIbhavyasheShajayI vakShasthalaM mama || 14||
satIsantAnasampattibhaktij~nAnAdivR^iddhikR^it |
stanau rakShatu me nityaM sharIrAvadyahAnikR^it || 15||
puNyavardhanapAdAbjAbhiShekajalasa~nchayaH |
nAbhiM rakShatu me pArshvau dyunadItulyasadguNaH || 16||
pR^iShThaM rakShatu me nityaM tApatrayavinAshakR^it |
kaTiM me rakShatu sadA vandhyAsatputradAyakaH || 17||
jaghanaM me.avatu sadA vya~Ngasva~NgasamR^iddhikR^it |
guhyaM rakShatu me pApagrahAriShTavinAshakR^it || 18||
bhaktAghavidhvaMsakaranijamUrtipradarshakaH |
mUrtimAnpAtu me romaM rAghavendro jagadguruH || 19||
sarvatantrasvatantro.asau jAnunI me sadA.avatu |
ja~Nghe rakShatu me nityaM shrImadhvamatavardhanaH || 20||
vijayIndrakarAbjotthasudhIndravaraputrakaH |
gulphau shrIrAghavendro me yatirAT sarvadA.avatu ||| 21||
pAdau rakShatu me sarvabhayahArI kR^ipAnidhiH |
j~nAnabhaktisuputrAyuryashaH shrIpuNyavardhanaH || 22||
karapAdA~NgulIH sarvA mamAvatu jagadguruH |
prativAdijayasvAntabhedachihnAdaro guruH || 23||
nakhAnavatu me sarvAn sarvashAstravishAradaH |
aparokShIkR^itashrIshaH prAchyAM dishi sadA.avatu || 24||
sa dakShiNe chAvatu mAM samupekShitabhAvajaH |
apekShitapradAtA cha pratIchyAmavatu prabhuH || 25||
dayAdAkShiNyavairAgyavAkpATavamukhA~NkitaH |
sadodIchyAmavatu mAM shApAnugrahashaktimAn || 26||
nikhilendriyadoShaghno mahAnugrahakR^idguruH |
adhashchordhvaM chAvatu mAmaShTAkSharamanUditam || 27||
AtmA.a.atmIyAgharAshighno mAM rakShatu vidikShu cha |
chaturNAM cha pumarthAnAM dAtA prAtaH sadA.avatu || 28||
sa~NgrAme.avatu mAM nityaM tattvavitsarvasaukhyakR^it |
madhyAhne.agamyamahimA mAM rakShatu mahAyashAH || 29||
mR^itapotaprANadAtA sAyAhne mAM sadA.avatu |
vedisthapuruShojjIvI nishIthe pAtu mAM guruH || 30||
vahnisthamAlikoddhartA vahnitApAtsadA.avatu |
samagraTIkAvyAkhyAtA gururme viShaye.avatu || 31||
kAntAre.avatu mAM nityaM bhATTa (bhAShya) sa~NgrahakR^idguruH |
sudhAparimaLoddhartA su (sva)chChandastu sadA.avatu || 32||
rAjachoraviShavyAdhiyAdovanyamR^igAdibhiH |
apasmArApahartA naH shAstravitsarvadA.avatu || 33||
gatau sarvatra mAM pAtUpaniShadarthakR^idguruH |
R^igvyAkhyAnakR^idAchAryaH sthitau rakShatu mAM sadA || 34||
mantrAlayanivAsI mAM jAgratkAle sadA.avatu |
nyAyamuktAvalIkartA svapne rakShatu mAM sadA || 35||
mAM pAtu chandrikAvyAkhyAkartA suptau hi tattvakR^it |
sutantradIpikAkartA muktau rakShatu mAM guruH || 36||
gItArthasa~NgrahakarassadA rakShatu mAM guruH |
shrImadhvamatadugdhAbdhichandro.avatu sadA.anaghaH || 37||
iti shrIrAghavendrasya kavachaM pApanAshanam |
sarvavyAdhiharaM sadyaH pAvanaM puNyavardhanam || 38||
ya idaM paThate nityaM niyamena samAhitaH |
adR^iShTiH pUrNadR^iShTiH syAdeDamUko.api vAkpatiH || 39||
pUrNAyuH pUrNasampattibhaktij~nAnAbhivR^iddhikR^it |
pItvA vAri naro yena kavachenAbhimantritam || 40||
jahAti kukShigAn rogAn guruvaryaprasAdataH |
pradakShiNanamaskArAn gurorvR^indAvanasya yaH || 41||
karoti parayA bhaktyA tadetatkavachaM paThan |
pa~NguH kUNishcha paugaNDaH pUrNA~Ngo jAyate dhruvam || 42||
sheShAshcha kuShThapUrvAshcha nashyantyAmayarAshayaH |
aShTAkShareNa mantreNa stotreNa kavachena cha || 43||
vR^indAvane sannihitamabhiShichya yathAvidhi |
yantre mantrAkSharANyaShTau vilikhyAtra pratiShThitam || 44||
ShoDashairupachAraishcha sampUjya trijagadgurum |
aShTottarashatAkhyAbhirarchayetkusumAdibhiH || 45||
phalaishcha vividhaireva gurorarchAM prakurvataH |
nAmashravaNamAtreNa guruvaryaprasAdataH || 46||
bhUtapretapishAchAdyAH vidravanti disho dasha |
paThedetattrikaM nityaM gurorvR^indAvanAntike || 47||
dIpaM saMyojya vidyAvAn sabhAsu vijayI bhavet |
rAjachoramahAvyAghrasarpanakrAdipIDanAt || 48||
kavachasya prabhAveNa bhayaM tasya na jAyate |
somasUryoparAgAdikAle vR^indAvanAntike || 49||
kavachAditrikaM puNyamappaNAchAryadarshitam |
japedyaH sa dhanaM putrAn bhAryAM cha sumanoramAm || 50||
j~nAnaM bhaktiM cha vairAgyaM bhuktiM muktiM cha shAshvatIm |
sa.nprApya modate nityaM guruvaryaprasAdataH || 51||

iti shrImadappaNAchAryavirachitaM shrIrAghavendrakavachaM sampUrNam |

##
Proofread by PSA Easwaran 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}