% Text title : Raghavendra Tantram % File name : rAghavendratantram.itx % Category : deities\_misc, gurudev % Location : doc\_deities\_misc % Author : Krishna Avadhutapandita Vedavyasacharya % Proofread by : Gopalakrishnan, PSA Easwaran % Latest update : December 16, 2021 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Raghavendra Tantram ..}## \itxtitle{.. shrIrAghavendratantram ..}##\endtitles ## || shrIrAghavendratantram || anukramaNikA prathamapaTalaH || 1|| dvitIyapaTalaH \- mantravidhivarNanam || 2|| tR^itIyapaTalaH \- rAghavendrahR^idayam || 3|| chaturthapaTalaH \- rAghavendrapUjAvidhAnam || 4|| pa~nchamapaTalaH \- rAghavendrarakShAkavacham || 5|| ShaShThapaTalaH \- rAghavendrabandhamochanakavacham || 6|| saptamapaTalaH \- rAghavendrAShTottarashatanAmastotram || 7|| aShTamapaTalaH \- rAghavendrasahasranAmastotram || 8|| navamapaTalaH \- rAghavendragurudashastotrANi || 9|| adhyAyaH 1 rAghavendrAbhayapradAnaM adhyAyaH 2 rAghavendrApatpariharaNastotraM (ashvadhATi) adhyAyaH 3 rAghavendraduHkhaharaNastotraM adhyAyaH 4 rAghavendrakarAvalambanastotraM adhyAyaH 5 rAghavendrasaMsAroddharaNastotraM adhyAyaH 6 rAghavendrahR^idrogaharaNastotraM adhyAyaH 7 rAghavendra pratikUla svAnukUlIkaraNastotraM adhyAyaH 8 rAghavendrasantoShapradastotraM adhyAyaH 9 rAghavendradAridryamochanastotraM adhyAyaH 10 rAghavendragurukaruNAsampAdanastotraM dashamapaTalaH \- rAghavendrapradakShiNAgadyam || 10|| ekAdashapaTalaH \- rAghavendragAthAstutiH || 11|| dvAdashapaTalaH \- rAghavendraR^iNamochanastotram || 12|| trayodashapaTalaH \- rAghavendrapAdukApUjAvidhAnam || 13|| chaturdashapaTalaH \- rAghavendrakShamApaNastotram || 14|| pa~nchadashapaTalaH \- rAghavendragururAjastavarAjaH || 15|| atha shrIrAghavendratantram | \chapter{prathamapaTalaH || 1||} athAtaH shrIrAghavendratantraM vakShye tavAj~nayA | kR^iShNAvadhUtanAmA.ahaM kalau pratyakShasiddhidam || 1|| nArAyaNaM namaskR^itya rAmakR^iShNadvayAtmakam | mArutitritayaM prANaM tato granthamudIrayed || 2|| shrIrAghavendragururAT sArvabhaumA~NghrireNavaH | siddhiM dishantu me vAchAM rasArNava ivAmbhasAm || 3|| rAghavendraguroH pAdapadmapAMsuluThanmanAH | appaNAchAryavaryo.atra siddhiM dishatu karmaNi || 4|| yaH pUrvaM bodhayAmAsa svapne mAM vimukhaM guroH | dvAtriMshadvarShaparyantaM durAchArarataM sadA || 5|| prabodhito.apyavishvAsAdappaNAryeNa mUDhadhIH | nAkArShaM shrIgurau bhaktiM punarAsaM kukarmaNi || 6|| punaH svapne samAgatya mantrau sa vyAsakR^iShNayoH | appaNAchAryo.ahamityuktvA sevAM chopAvishadguroH || 7|| aj~nAta shrIgurustotro.apyetatprabhR^iti vishvasan | gurustotrArthamevAhaM paThan gurumapUjayam || 8|| evaM katipaye kAle nivR^itte ko.api sadyatiH | svapne yadAha gopyatvAt tadvaktuM na hi sAmpratam || 9|| tadArabhyAvadhUyAhaM viShayAn bAndhavAn gR^iham | koshaM pitrArjitaM putrAn patnIdvayamapi priyam || 10|| manasApi parityajya gR^ihAdanyatra tasthivAn | upAsya gurupAdAbjamavadhUtastato.abhavam || 11|| loke pitroryathA putre tato.api premato.adhikAt | mAM rakShati gurustasmAt sa pitA.ahaM cha tatsutaH || 12|| tatrApyanusarantI mAM davatIyAbhUd dvitIyakA | gururAjAnumatyA.ahaM svIchakAra pativratAm || 13|| sutaM cha janayA~nchakre tasyAM gurvatyanugrahAt | kuTumbajIvanaM tatrApyAsIttasya prasAdataH || 14|| pade pade samAgatya sAkShAt svapne bravIti yat | gopyaM vaktuM na tadyuktaM gururAjaH kR^ipAnidhiH || 15|| choditastena vakShyAmi bhaktAnugrahakA~NkShiNA | shrIrAghavendratantrAkhyaM granthaM pratyakShasiddhidam || 16|| dhanasya devatA viShNurjAmadagnyo.akhileshvaraH | sa sha~NkarasharIrastho yaj~nochChiShTadhanapradaH || 17|| ityAdi guruvAkyena dhanadaM paThanAdidam | ga~NgAdisarvatIrthAnAM labhate snAnajaM phalam || 18|| vedAntabhAratAdInAM vedAnAmapi sA~NgataH | paThane yatphalaM tachcha sakR^it paThanato bhavet || 19|| sarvama~NgalamA~NgalyaM sarvatApapraNAshanam | sarvarogaprashamanamAyurvardhanamuttamam || 20|| strIhatyA bAlaghAtashcha gohatyA brahmashAsanam | sarvahatyAkR^itaM pApaM kShayaM yAtyasya pAThataH || 21|| steyI gurva~NganAgAmI tathA vishvAsaghAtakaH | ayonigAmI yo mUDho brAhmaNyA saha sa~NgamI || 22|| kuyonimaithunAdduShTo duShTo durbuddhichetasaH | naShTasvadharmo.apyetasya paThanAt shuddhimApnuyAt || 23|| vinA pUjAM vinA dhyAnaM vinA nyAsaM vinA tapaH | vinA japaM vinA yaj~naM vinA yogaM cha bhAvanAm || 24|| phalaM tu labhate teShAM paThanAdasya nityashaH | atyantachittanairmalyakaraM duHsvapnanAshanam || 25|| yogAnandakaraM j~nAnabhaktivairAgyadAyakam | bhUtapretapishAchograbrahmarAkShasanAshanam || 26|| gAndharvamArIkUShmANDabAlagrahavinAshanam | svAmidroha pitR^idroha pitR^ivyadrohahArakam || 27|| vashyAkarShaNavidveShamAraNochchATanapradam | stambhanaM shatruvachasAM pratyarthIkR^itakarmaNAm || 28|| yantratantraprashamanaM choravyAghrabhayApaham | rAjabAdhAM kShudravAdhAM haret kaivalyadAyakam || 29|| hR^idrogaM kukShirogaM cha shUlApasmAragulmajam | ekAhikaM dvAhikaM cha tryAhikaM chaturAhikam || 30|| anekajvarasambAdhakuShThashodhakShayAdhikam | Adhayo vyAdhayaH sarve pratya~NgirapurogamAH || 31|| etasya pAThamAtreNa palAyante.atidUrataH | prativAdijayaM vidyAM dhanaM rAjyaM pashUn sutAn || 32|| kanyAM patnIM cha labhate lokapUjyatvamApnuyAt | kR^ityAbhichAragaralasarvabandhanivAraNam || 33|| pratikUlavatI bhAryApyanukUlavatI bhavet | mAtApitR^isuhR^idbandhunindakaH sarvadUShakaH || 34|| abhakShyabhakShako vA.api muchyate pAtakAt tataH | ekAvR^ittyA paThedetat sarvapApaiH pramuchyate || 35|| santatiM sampadaM j~nAnamArogyaM chApi vindati | dvirAvR^ityA paThodyastu bhaktyA sa syAjjagadvashI || 36|| trirAvR^ittyA paThedyastu trimAsaM gurusannidhau | lokapUjyatvamApnoti rAjAdyAH sevakA iva || 37|| gurorvAre cha puShyArke tanmahArAdhanotsave | yaH paThechChR^iNuyAdvApi gururAjaprasAdataH || 38|| iha bhuktvAkhilAn bhogAn gurubhaktiM cha durlabhAm | j~nAnaM cha haribhaktiM cha tathA mokShamavApnuyAt || 39|| nArI shrutvA tu saubhAgyaM saushIlyaM pativashyatAm | chiramA~NgalyamApnoti na sapatnI kadAchana || 40|| appaNAchAryakR^itaM stotraM paThitvA.adau tatastvidam | paThedyadi phalaM dadyAt sadya eva kalau yuge || 41|| kalau yuge kalpataruprabhAvaH uddhArakartA kalitAgaso.api | jIyAchchiraM viShNuparAgragaNyaH shrIrAghavendro gururADudAraH || 42|| iti shrImatkR^iShNAvadhUtapaNDitakR^itau shrIrAghavendratantre prathamapaTalaH sampUrNaH | \chapter{dvitIyapaTalaH || 2||} shrIrAghavendramantravidhivarNanam | atha mantravidhiM vakShye rAghavendrAryasadguroH | japena yasya mantrasya gururiShTaM prayachChasi || 1|| harau ruShTe gurustrAtA gurau ruShTe na kashchana | gurau tuShTe haristuShTo gurudvArA vimuktidaH || 2|| uttamAduttamA siddhiH dharmamokShAdiShu sphuTam | tattasmAduttamAchArye labdhe nA.ato.avaraM vrajet || 3|| ekasya shiShyatAM prApya na tadAj~nAM vinA samam | avaraM vA vrajeduchchaguNashchennaiva duShyati || 4|| narANAM sthUladR^iShTInAM shAstraj~nAnAdhikAH svataH | tadanugrahAchcha yA vidyA svarUpoddhAriNI bhavet || 5|| guruprasAdo balavAn prasAdAt shrIharerapi | apAsito.api bhagavAn prasanno yena muktidaH || 6|| yastAratamyavettA syAdgurUNAM devatAsvapi | bhaktimAn guradeveShu tadbhakteShu cha sidhyati || 7|| avaj~nAtA gurUNAM cha devatAnAM na sidhyati | prayAti cha tamo ghoramityAdibahuvAkyataH || 8|| guroranugrahaM mukhyaM samprApya sukhavAn bhavet | ato bhUlokamadhye.asmin pratyakShaphaladAyinaH || 9|| rAghavendraguroH stotraM mantraM kavachamuchyate | appaNNAryeNa kathitaM lokAnugrahakA~NkShayA || 10|| lakShmIH sadIrghAgnigharma sAdharoShThAmbarAmR^itam | datto vAyushcha hR^idayaM manuraShTAkSharo guroH || 11|| ShaDa~NganyAsaH \- vinA tu hR^idayaM ShaDbhiH varNaira~NgamudAhR^itam | dvirAvR^ittaiH mantrapadaiH ShaDa~NgAnyathavA viduH || 12|| taireva tu dvirAvR^ittaiH kramavatkramato.athavA | taptakA~nchanasa~NkAshamakShamAlAM kamaNDalum || 13|| dordhyAM dadhAnaM kAShAyavasanaM rAmamAnasam | yogIndratIrthavandyA~NghriM tulasIdAmavakShasam || 14|| j~nAnabhaktitapaHpUrNaM dhyAyet sarvArthasiddhaye | mantreNaiva prakartavyaM dishAM bandhashcha mochanam || 15|| lakShANyaShTau dvAdasha vA purashcharyAparo japet | anyo vA.aShTottarashataM sahasraM pratyahaM japet || 16|| kR^itAkR^itaM cha homAdi parastrIvimukho bhavet | brAhmaNArAdhanaM mukhyaM yathAshakti R^iNaM vinA || 17|| a~NganyAse dvitIye tu dhyAnaM vakShyAmi sadguroH | shrIrAghavendroparipAdaka~njaniShevaNAllabdhasamastasampat || 18|| devasvabhAvo divijadrumo.ayamiShTaprado me satataM sa bhUyAt | nyAse tR^itIye dhyAnaM tu pUjApaTala uchyate || 19|| agniH sudIrghabindushchenmanurekAkSharo.aparaH | ShaDdIrghasvarayuktena tenaiva syAt ShaDa~Ngakam | nichR^idgAyatrIkAnuShTup ChandasI etadAdyayoH || 20|| shrIrAghavendraH sakalapradAtA svapAdaka~njadvayabhaktimad.hdhyaH | aghAdrisambhedanadR^iShTivajrakShamA surendro.avatu mAM sadA.ayam || 21|| dve lakShe vA.aShTalakShANi purashcharA japo mataH | imau mantrau mantrarAjau mukhyamApannivArakau || 22|| jayapradau cha vAksiddhipradau putrAdikapradau | kalau pratyakShaphaladau shIghrameva dhanapradau || 23|| R^iNApahArako rAjachorapIDAdishAmakau | janAnurAgI lokaishcha pUjyo bhavati jApakaH || 24|| j~nAnavAn vAkpaTurdaivashAlI dIrghAyuruttamaH | kShemavAn kavitAshAstragoShThIShu cha vichakShaNaH || 25|| balavAn rUpasampanno nirmalAtmA subhaktimAn | kalatraputrabandhUnAmAnukUlyaM cha vindati || 26|| shatruvashyaM bhavettasya sarvasaubhAgyavardhanam | vedAntapAragaH kIrtisampannaH sudayAnvitaH || 27|| shAntakrodho nirmalAtmA sarvadevapriyo bhavet | vairAgyavAn mahAtyAgI bhogI dharmavichakShaNaH | kanyAM lakShaNasampannAM prApnoti shriyamuttamAm || 28|| kimatra bahunoktena gururAjakR^ipAbalAt | sa bhavet siddhasa~NkalpaH sarvarogavivarjitaH || 29|| bhagavat j~nAnabhaktibhyAM bhuktiM muktiM cha vindati | snAtvA nityAhnikaM kR^itvA vR^indAvana gataM gurum || 30 || athavA pAdukAyAM cha yantre vA.avAhayan jale | appaNAryakR^itastutyA snApayitvA shuchiH sthiraH || 31|| japet pashchAt appaNAryanAmamantraM japedyathA | shrI appaNAryAya nama itthamaShTAkSharo manuH || 32|| yogIndratIrthavandyAni tulasIdAmavakShasam | j~nAnabhaktiH tapaH pUrNaM dhyAyet sarvArthasiddhaye || 33|| shrIrAghavendragurvatrisaMsaktadhiShaNAgraNIH | appaNNAryagururbhUyAdasmadiShTArthasiddhaye || 34|| a~NganyAsAdinAsyAsti shataM vA dasha vA japet | mAlAdigAsanAdIni prasiddhAnyeva lokataH || 35|| anena gururAjasya mantraH shIghreNa sidhyati | rAM bIjaM vilikhet pUrvaM trikoNaM tvekarekhayA || 36|| vartulaM veShTayitvA.atha padmamaShTadalaM likhet | taddaleShu kramAnmantravarNAni vilikhedbudhaH || 37|| rekhAbhyAM bhUpuraM dvAbhyAmaShTadikShu shriyaM likhet | tribhirAvaraNairyuktaM pUjAyantramidaM guroH || 38|| sAdhyArNAn vilikhet dhArye trikoNe bIjasampuTe | evaM mantreNa yantreNa gururAjaprasAdajaiH || 39|| manorathaiH samR^iddhaH syAdaneke santi sAkShiNaH | svAnubhUtaM chAha sAkShAdavadhUto guroH sutaH || 40 || satatavimalagAtraM sadguNAnAmamantraM duritatR^iNalavitraM durmatadhvAntamitram | bhaja kabharabahitraM mAmakaprANamitraM gurumatulacharitraM naumi mAM pAtu putram || 41|| iti shrImatkR^iShNAvadhUtapaNDitakR^itau shrIrAghavendratantre shrIrAghavendramantravidhivarNanaM nAma dvitIyapaTalaH sampUrNaH | \chapter{tR^itIyapaTalaH || 3||} shrIrAghavendrahR^idayam | nArAyaNaM mahAlakShmIM bhArgavaM raghunAyakam | kR^iShNaM vyAsaM hanUmantaM bhImaM madhvaM gurUnapi || 1|| vyAsaM natvA.avadhUto.ahaM vakShyAmi hR^idayaM guroH | nAnAChandaH susarvArthadAyakaM pApanAshakam || 2|| dhyAyAmi shrIrAghavendrAryarUpaM bhUloke.asmin sarvasaubhAgyahetum | bhaktatrANAyaiva baddhAdaraM me chitte nityaM saMvasatviShTadaivam || 3|| purA prahlAdanAmA.abhUt hiraNyakashipoH sutaH | yadarthaM shrImahAvaShNurnR^ikaNThIravatAM gataH || 4|| saMhataH prahatashcheti tasyAstAM parichAriNau | tretAyAM rAmasevArthaM vibhIShaNatayA.ajani || 5|| tatrApi chArau tau jAtau sandhikashcha prasandhikaH | dvApare.api samaM tAbhyAM samAviShTashcha vAyunA || 6|| bhUbhArakShapaNe viShNora~NgatAmAptumeva saH | pratIpaputratAmApya bAhlIkeShvabhavatpatiH || 7|| kalau gopAlakR^iShNArchA pUjAyai vyAsamaskarI | bhUtvA nirjitya durvAdAn madhvashAstraM prakAshayat || 8|| brahmamAnasapUjAyAmAvirbhUtAM hR^idambujAt | shrIrAmAryaM cha sItArchyAM prapUjayiShureShakaH || 9|| shrIrAghavendratIrthAkhyo.avatIrya yatirUpataH | vivR^ityA madhvashAstrasya lokopakR^itimAtanot || 10|| appaNNAchArya kR^iShNAkhyau tatrApi dvijarUpataH | saMhatAhatau jAtau shiShyau tasya priyau sadA || 11|| punashcha satyasandhAkhyo maThAntaranivAsinIm | anarchitAM cha sItAyAH pratimAmArchayadyatiH || 12|| viShvaksenAhIshaputrAvatArAH ShaDime matAH | tasya shrIrAghavendraguroH kAmyArthadAyinaH || 13|| appaNNAchAryarachitaM stotraM sarveShTasAdhakam | etadvinA guroH pUjA stotra~nchAShTAkSharI japaH || 14|| sevA cha vyarthatAmeti na prasAdo gurorbhavet | Adau sakR^idvA tatpAThAdanyatsid.hdhyati shIghrataH || 15|| sarveShvapi cha shiShyeShu appaNNAchArya eva saH | guroratipriyo yasmAt stutistena samAdR^itAH || 16|| appaNAchAryasamproktaM mUlaM mAlA cha varma cha | yathAyogaM yathAkAlaM tattaduktArthasiddhidam || 17|| shrIrAghavendrayatinaM IpsitArthapradAyinam | upAsate yathA bhaktyA tathA phalamavApnuyAt || 18|| sevayA paramahaMsAnAmaihikA.amuShTikaM bhavet | j~nAnaM bhaktiM cha vairAgyaM bhuktiM muktiM cha vindati || 19|| ityAdi vAkyAt paramahaMsAdhIshamimaM gurum | seveta sarvathA martyaH svarUpoddhArakAraNam || 20|| stuvIta bahubhiH stotraiH prArthayIta yathepsitam | shrIrAghavendraM shritapArijAtaM sItAraghUttaMsapadAbjachittam | kAShAyavastraM kamanIyaveShaM kAmyArthadAtAramatItadoSham || 21|| jayatu jayatu rAjA rAjarAjAdipUjyo jayatu jayatu ramye ra~njitAnekalokaH | jayatu jayatu bhogI bhaktabhAgyapradAtA jayatu jayatu bhUmA bhUri bhUri pradAtA || 22|| jayatu jayatu bandhurbandhanachChedakArI jayatu jayatu mitraM mIlitAnekavairI | jayatu jayatu mAtA mAnyamAnyo mahAtmA jayatu jayatu tAtastApahartA nitAntam || 23|| guro tava padAmbujaM bhavapayodhinaukAyitaM mahAjanaparamparAbhajanagocharaM bhUtidam | bhajAmi bhajatAM nR^iNAM bahugadaughavidhvaMsakaM sukhapradamaharnishaM sukhasukhena saMsiddhidam || 24|| mano vasatu pAdayorbhavatu me vachaste stutau tvadIkShaNavidhau dR^ishA bhavatu te.archanAyAM karau | shrutI tava guNashrutau bhavatu mastakaM te natau pradakShiNavidhau pade guruvarAshraye te pade || 25|| vittAshayA jagati vittAdi sampadatimattAnimAnupacharan nyAttAdirasmyahamanuttAnaluNThadapachittAvivekamatimAn | mattA~NganA kaThinavR^ittAnubandhikuchadattAdharashcha tamimaM shrIrAghavendra dayayA.a.arAdupaihi mama dhIrAshu yachCha sumatim || 26|| tava sevAratAn kAMshchit bhaktAn preShayA mAM prati | teShAM manorathaM tAta mayA putreNa pUraya || 27|| athavA karuNAsindho mayi sannihitaH sadA | putrasya mama vAkyena sarvasarveShTado bhava || 28|| yenakenApyupAyena dUne duryashasA bhuvi | mAhAtmyaM mayi vinyasya kuru mAM lokapUjitam || 29|| yuktAyuktamajAnAno yAche tvAM bAlavadguro | dAtA trAtA dayAlustvaM yathechChasi tathA kuru || 30|| sarvaj~nAya svatantrAya bhaktakleshavinAshine | udArachetase kiM te vade madbhAravAhine || 31|| ApAdamauliparyantaM gurUNAmAkR^itiM smaret | tena vighnAH praNashyanti sid.hdhyanti cha manorathAH || 32|| iti shrI gururAjasya hR^idayaM tadanuj~nayA | kR^iShNAvadhUta kathitaM guruvAkyAnusArataH | sampAdya siddhasa~Nkalpe bhaktiM muktiM cha vindati || 33|| paThanAchChravaNAdvApi gurusAnnidhyakAraNam | kimatrabahunA sarvaM gururAjaprasAdataH || 34|| modaM me dishatu guruH sa rAghavendro dInAnAM sharaNamudArachittavR^ittiH | bhaktAnAM harigururUpadarshakastvaM supremNA mayi mama tAta sannidhehi || 35|| iti shrImatkR^iShNAvadhUtapaNDitakR^itau shrIrAghavendratantre pratyakShasiddhide shrIrAghavendrahR^idayaM nAma tR^itIyaH paTalaH | \chapter{chaturthapaTalaH || 4||} shrIrAghavendrapUjAvidhAnam | atha pUjAvidhiM vakShye rAghavendrAryasadguroH | yatastuShTena guruNA harau ruShTo.api rakShyate || 1|| kR^itanityAhnikaH shuddhaH svasthachittaH sukhAsanaH | Adau pUjA~NgabhUtaM cha japaM kuryAt guronmanoH || 2|| prANAnAyamya mantreNa saMsmarenmUrdhni taM gurum | R^iShiChando devabIjashaktikIlAnyathochcharet || 3|| nyAsaM dhyAnaM japaM kR^itvA gurupAde samarpayet || 4|| rAghavendraguraM dhyAyet kAShAyAmbaradhAriNam | nIlAmbudasamAbhAsaM bhavyA~NgaM dIrghabAhukam || 5|| raktarAjIvapatrAkShaM UrdhvadvAdashapuNDrakam | baddhapadmAsanaM devasvabhAvaM daNDadhAriNam || 6|| AnAbhilambitasvachChatulasIdalamAlikam | j~nAnamudrA.abhayakaraM praNateShTasuradrumam || 7|| (iti mantrajape dhyAnam) dhyAyAmi gurumabjAkShaM mahAsAmrAjyashobhinam | prasannamappaNAchAryayogIndrAdyaiH parIvR^itam || 7|| (iti dhyAnam) AvAhayAmi tvAmatra sarvadevairadhiShThitam | shiShyasa~NghaiH parivR^itamiShTadAnodyataM prabhum || 8|| (ityAvAhanam) gururAja mahArAja dvijarAjAdi sevitaH | svarNapIThAsanaM tubhyaM dadAmi svIkuru prabho || 9|| (ityAsanam) AgachCha shrImahArAja sArvabhauma gurUttama | yAvatpUjAM karomyatra tAvatsannihito bhava || 10|| (iti sannidhApanam) shrIguro rAghavendrArya bhaktavatsala bhUsura | tvadIyaissakalaiH sAkamatrasthaH susthiro bhava || 11|| (iti sthirIkaraNam) jaya shrIgururAjendra rAghavendra yatIshvara | pUjAM gR^ihItuM bhaktasya tvaM mamAbhimukho bhava || 12|| (ityabhimukhIkaraNam) smR^itimAtreNa santuShTa prasiddha karuNAnidhe | prasanno bhava te pUjAM yathAshakti karomyaham || 13|| (iti prasannIkaraNam) abhivyaktasvasvarUpaj~nAnAnanda garUttama | mayA dattaM gR^ihANArghyaM namaH sAtvika sAtvika || 14|| (ityarghyam) bhUlokapAvanArthAya kR^itAvataraNa prabho | pAdyaM gR^ihANa rAjarShe pavitraM kuru mAM prabho || 15|| (iti pAdyam) sadA sAkShAtkR^itashrIsha keshavAdikarUpiNe | namastubhyaM mayA dattaM gR^ihANAchamanaM guro || 16|| (ityAchamanam) prahlAdasyAvatArAya kalyANonmukharUpiNe | madhuparkaM gR^ihANedaM rAjarAjAya te namaH || 17|| (iti madhuparkam) gururAja mahodAra snAne pAne cha sarvadA | kShIrapriyasya te gavyapayasA snApayAmyaham || 18|| (iti kShIrasnAnam) gururAghavarAjendra tvAM dadhnA snApayAmyaham | sadA me tvatprasAdena shAntAH syurdurupadravAH || 19|| (iti dadhisnAnam) mahAbalimahAprAj~na gururAja ghR^itapriya | ghR^itena snApayAmi tvAM puShTirme vardhatAM balam || 20|| (iti ghR^itasnAnam) madhuraM madhurAvAraM madhuvAchaM madhuvratam | madhunA snApayAmi tvAM loke mAM madhuraM kuru || 21|| (iti madhusnAnam) sharvarIsha manohArin viShadoShanivAraNa | sharkarAbha snApaye tvAM sharkarAbhaM kuruShva mAm || 22|| (iti sharkarAsnAnam) badarI kadalI chUtaphalaistvAM snApayAmyaham | saphalaM kuru me sarvaM tArakastvaM guruprabho || 23|| (iti phalasnAnam) shuddhaiH shuddhipradaiH shAntashItalaiH sukhadarshana | shuddhasnAnaM kArayiShye shuddhaM mAM kuru te guro || 24|| (iti shuddhodakasnAnam) vidhibaddhasutailena champakAdyaiH sugandhinA | kAraye ma~NgalaM snAnaM kuru tvaM mama ma~Ngalam || 25|| (iti ma~NgalasnAnam) bhUlokamadhyasaMsiddhatIrthapAvanarUpiNam | snApayAmi sutIrthotthaiH jalairmAM pAvaya prabho || 26|| (iti tIrthasnAnam) svarNaprakhyaM shashiprakhyaM raviprakhyaM sadambaram | kaupInaM yatirAjendra savyAnaM cha gR^ihANa bhoH || 27|| (iti vastram) UrmikA mauktikAdi srakkuNDalAdi subhUShaNam | gR^ihANa gururAjendra kuru mAM lokabhUShaNam || 28|| (iti AbharaNam) dvAdashApyUrdhvapuNDrANi gopIchandanagandhataH | viShNupAdodakaM dAsye sAkaM shrItulasIdalaiH | gR^ihANa viShNubhaktAnAM sampradAyapravartaka || 29|| (iti UrdhvapuNDrAdikam) gandhakakkolakastUrI karpUrAgaruku~NkumaiH | mishritaM chandanaM tubhyaM dAsyAmi svIkuru prabho || 30|| (iti gandham) kastUritilakaM chUrNaharidrAtaNDulairyutAn | gR^ihANa guruvarya tvamala~NkArArthamakShatAn || 31|| (iti akShatAn) mallikAmAlatImAlAM tulasIdalamAlikAm | ketakAdIni puShpANi gR^ihNIShva gurusattama || 32|| (iti puShpANi) vanaspatirasotpannaM surabhiM surabhipriya | mahAbhoginnimaM dhUpaM gR^ihANa prItimAn bhava || 33|| (iti dhUpam) vartidvayayutaM sAjyaM dIpadvandvaM tamo.apaham | nirantaraprakAsho.api gR^ihANa kR^ipayA mayi || 34|| (iti dIpam) mayA.a.anItaM yathAshakti yathAkAlaM yathAdhanam | bhakShyopadaMshadadhyAjyakShIrAdyanvitamodanam || 35|| shuNThIrAmaTha jambIralavaNAdisamanvitam | takraM cha chandanoshIra karpUra ghusR^iNAnvitam || 36|| pAnIyaM cha harau vAyau nivedya tvaM gurUttama | bhuktvA parijanaiH sAkaM tuShTo bhava pitarmama || 37|| (iti naivedyaM \-35,36,37) shrItetyAdidashastotrapaThanaM te karomyaham | sA~NgabhojanasAphalyasid.hdhyai svIkuru sadguro || 38|| (iti dashastotrapATham) varadau bhaktalokasya garadau sakalApadAm | udakena karau pAdau prakShAlaya yatIshvara || 39|| (iti hastaprakShAlanam) kuruShvAchamanaM svAmin ma~NgalArthaM mayAkR^itam | tvantrastavarAjena sahitaM svIkuru prabho || kuruShvAchamanaM svAmin viShNupAdodakaM piba | gR^ihANa tulasIpatraM gururAja prasIda me || 40|| (iti punarAchamanam) aparokShIkR^itashrIsha vidhibandhavivarjita | kAmachAra mayA.a.anItaM tAmbUlaM pratigR^ihyatAm || 41|| (iti tAmbUlam) nIrAjanAShTakaM svAmin ma~NgalArthaM mayAkR^itam | tvanmantrastavarAjena sahitaM svIkuru prabho || 42|| rAghavendraguruM rAjasArvabhaumapadasthitam | rAmachandrapriyaM vande rAM bIjapratipAditam || 43|| (iti prathamanIrAjanam) rAmachandramahAbhaktaM pApATavyagnirUpiNam | rAghavendraguruM vande dvitIyAkSharaveditam || 44|| (iti dvitIyanIrAjanam) ghanAghanAbhanIlA~NgaM ghanaroganivAraNam | ghoratApatrayaharaM tR^itIyAveditaM bhaje || 45|| (iti tR^itIya nIrAjanaM) vedAnta sArasarvaj~naM vedavyAsapadArchakam | prahlAdasyAMshasambhUtaM turIyArNavagataM bhaje || 46|| (iti chaturthanIrAjanaM) drAvayantaM pishAchAdIn drAghimAmayahArakam | drAgbhakteShTapradaM vande pa~nchamAkShara veditam || 47|| (iti pa~nchamanIrAjanam) yathAshakti yathAbhakti sevakAnAM phalapradam | yavanAdyaishcha saMsevyaM vande ShaShThaprapa~nchitam || 48|| (iti ShaShThanIrAjanam) nandatIrthakR^itAnekagranthabhAvaprakAshakam | aghavidrAvakaM vande saptamAkSharaveditam || 49|| (iti saptamanIrAjanam) mAnadaM madhvabhaktAnAM shaThAnAM mAnahAnidam | mAnyaM virodhinAM chApi vande vasunirUpitam || 50|| (itya ShTamanIrAjanaM) iti shrIrAghavendrAShTAkSharamantrAtmakastavam | nIrAjaneShu paThatAM rAghavendraH prasIdati || 51|| suvarNaratnakhachitaM puShpaM puShpA~njaliM tava | shrIrAghavendragururAT dadAmi svIkuru prabho || 52|| (iti puShpA~njaliH) jayashabdaiH pAhishabdaiH gadyaiH padyaiH pradakShiNAm | karomi rAghavendrArya santuShTo bhava sarvadA || 53|| (iti pradakShiNA) gururADrAghavendrasya ekaikasmin pradakShiNe | saptadvIpamahIyAtrAphalaM vindati mAnavaH || 54|| bAhubhyAmatha jAnubhyAM shirasA manasA hR^idA | pa~nchA~NgakaM praNAmaM te kurve.abhIShTArthadAyine || 55|| (iti namaskArAn) tava sevAratAn kAMshchidbhaktAn preShaya mAM prati | teShAM marorathaM tAta mayA putreNa pUraya || 56|| athavA karuNAsindho mayi sannihitaH sadA | putrasya mama vAkyena sarvasarveShTado bhava || 57|| yena kenApyupAyena dUne duryashasA bhuvi | mAhAtmyaM mayi vinyasya kuruM mAM lokapUjitam || 58|| yuktA.ayuktamajAnAno yAche tvAM bAlavadguro | dAtA trAtA dayAlustvaM yathechChasi tathA kuru || 59|| sarvaj~nAya svatantrAya bhaktakleshavinAshine | udArachetase kiM te vade madbhAravAhine || 60|| brAhme muhUrte chotthAya shayanAvadhi yatkR^itam | manovAkkAyajanitaM karma yadvA shubhAshubham | tatsarvaM prItaye bhUyAt pAdayoste samarpaye || 61|| (iti samarpaNam) kShaNe kShaNe.aparAdhAMstAn matkR^itAn vai sahasrashaH | kShamasva gururAjendra prasIda tanaye mayi || 62|| (iti kShamApaNam) evaM yaH kurute pUjAM sakR^idvA.api bahirhR^idi | gururAjaprasAdena bhuktiM muktiM cha vindati || 63|| dine dine prakurvIta guruvAre visheShataH | pUjAkAle.athavA bhaktyA gururAjasya sannidhau || 64|| idaM cha pUjApaTalaM paThatAM sakalApadaH | nashyanti sA~NgapUjAyAH phalaM prApnotyasaMshayaH || 65|| iti shrImatkR^iShNAvadhUtapaNDitakR^ita shrImadrAghavendratantre pratyakShasiddhiprade gurupUjAvidhAnaM nAma chaturthaH paTalaH || \chapter{pa~nchamapaTalaH || 5||} shrIrAghavendrarakShAkavacham | atha shrIrAghavendrAryarakShAkavachamadbhutam | vakShyAmi daMshito yena kShemavAn vijayI bhavet || 1|| gururAjapremaputraH tatprasAdapuraskR^itaH | kR^iShNAvadhUtanAmA.ahaM tasya sannidhikArakam || 2|| ChandaH triShTup samAkhyAtaM devatA gururAT smR^itaH | mantranyAsaH prakartavyo dhyAnaM vakShyAmi sadguroH || 3|| karadhR^italaguDhaM dhR^itAkShamAlaM daravivR^itekShaNamambujAsanastham | darachaladadharaM guruM dadhAnaM varamabhayapraNateShTadaM smarAmi || 4|| OM pUrve.atra mAM rakShatu rAghavendro mAM dakShiNe.avyAdghanapApahantA | avyAtpratIchyAmabhayapradAtA pAtUttarasyAM dishi shAntikartA || 5|| AgneyabhAge.avatu divyatejAH naiR^ityabhAge.avatu duShTahantA | vAyuvyabhAge.avatu vajrakAyo mAmIshabhAge.avatu siddhidAtA || 6|| pAyAt shikhAM me shritarAmapAdaH pAyAt shiro me shashishItavR^ittiH | phAlaM mamAvyAdduradR^iShTahartA bhruvau mamAvyAdbhavatApahartA || 7|| kUrchaM mamAvyAt kulashIlashAlI netre mamAvyAnnayanapradAtA | karNau mamAvyAdbadhiratvahArI gaNDau mamAvyAdgaradoShahArI || 8|| oShThAdharau me.avatu kaShTahArI nAsAM sadA me.avatu nAdakArI | jihvAM sadA rakShatu vAkpradAtA dantAn sadA rakShatu bhakShyadAtA || 9|| pAyAt sadA me chibukaM yatIshaH | pAyAt sadA me vadanaM vratIshaH | kaNThaM nu kaNThIravabhaktavaryaH skandhau mamAvyAddhR^itapuShpamAlaH || 10|| bhujau mamAvyAdiha bAhudAtA karau mamAvyAdvaradAnashUraH | hastA~NgulIn me manujApako.avyAt vakSho mamAvyAdghanasaMshayachChit || 11|| kukShiM mamAvyAdayamAmayaghnaH pArshve mamAvyAdbhavabhItihartA | sAhAyyakartA mama pAtu pR^iShThaM kaTiM sadA me kanakAmbaro.avyAt || 12|| mehAmayaghno.avatu me tu guhyaM UrU sadA me.avatu vegashIlaH | maunavratI me.avatu jAnunI cha ja~Nghe mamAvyAjjavanatvadAyI || 13|| gulbhau mamAvyAdguNavarNanIyaH pAdau mamAvyAtparapIDitAriH | yadyanmamA~NgaM na mayoktamatra tattatsamastaM cha dayAluravyAt || 14|| pitR^IMshcha patnIMshcha sutAMshcha bandhUn pautrAdikAnme sutavatsalo.avyAt | vyAghrA.ahibhallUkavarAhadantI lulAyasiMhAMshcha sR^igAla chorAn || 15|| hatvA cha duShTAn kR^imivR^ishchikANDa\- jAtAn mamAvyAdgururAjadaNDaH | bhindyAtpishAchAsurayakSharakSho bhUtagrahAdIn gurupAdareNuH || 16|| agnyambushailAshanirAjashatru\- viShAdito.avyAdgurupAdatIrtham | kuShThajvarArshaHkShayamukhyarogAn vinAshayitvA.avatu mR^ittikA sA || 17|| dhAnyaM dhanaM bhUShaNavastrageha\- dhairyaM mamAvyAdgururAghavendraH | rAjArinArInaravashyasiddhiM mitrAdikapremakavitvavidyAH || 18|| sarvAnukUlyaM sakalArthasiddhiM dadhAtu me siddhagaNAgragaNyaH | j~nAnaM sadAchAramudArabhAvaM chittendriyAdIni cha pAtu sUj~naH || 19|| dharmAnukUlyaM kR^itapuNyakarma vivekamityAdi pitA mamAvyAt | sa~NkalpasiddhiM mama vAkyasiddhiM jayaM cha sarvatra dadAtvabhIShTaH || 20|| purashcha me.avyAdvaradAnakArI pashchAshcha me.avyAdbaladAnakArI | UrdhvaM mamA.avyAtparitApahArI adhashcha me.avyAt sthivAsakArI || 21|| divA prabhAte nishi cha pradoShe madhyandine.avyAnmama jAgarUkaH | sarveShu kAryeShu cha sarvadA mAM pAyAdgururmatkR^itasannidhAnaH || 22|| idaM shrIrAghavenadrAryakavachaM rakShakaH param | trikAlaM vA dvikAlaM vA sakR^idvA paThitAM dinam || 23|| kuShThAdi rogashamanaM sarvapIDAharaM shubham | kavitAshAstravij~nAnapradaM vAdijayapradam || 24|| sarvasAdhvasarakShArthaM brahmAstrasadR^ishaM kalau || 25|| vande shrIgururAjamugratapasaM sarvAridarpApahaM devendrAbhasamR^iddhasampadamamuM bhaktipriyaM sadgurum | bhaktatrANanabaddhaka~NkaNamasadbhAdhAharaM svargavI\- svAratnasvaragAtyudArahR^idayaM taM riShTatAtiM prabhum || 26|| iti shrImatkR^iShNAvadhUtapaNDitakR^itau shrIrAghavendratantre shrIrAghavendrarakShAkavachaM nAma pa~nchamapaTalaH sampUrNaH | \chapter{ShaShThapaTalaH || 6||} shrIrAghavendrabandhamochanakavacham | atha shrIrAghavendrAryakavachaM mantranAmajam | kalau pratyakShaphaladaM bahvAyAsena vai vinA || 1|| guroH putro.avadhUto.ahaM vakShye ChandasyanuShTubhiH | rAM bIjaM cha namaH shaktI rAghavendrAya kIlakam || 2|| shritajanasuradhenau shrIsudhIndrAryasUnau duritatimirabhAnau durdashAyAH kR^ishAnau | virachitabhayahAnau vAmahaste.atra jAnau mama vasatu yatIndre mAnasaM rAghavendre || 3|| OM shrIM shrIrAghavendrAryagururAjaH shiro.avatu | OM rAM rAmamahAvIrArAdhako.avatu so.alikam || 4|| OM ghaM ghanatarApattiharaNo rakShatu bhruvau | OM veM ve~NkaTashaileshapUjako.avatu chAkShiNe || 5|| OM drAM drAvayitArAtiH karNAvavatu santatam | OM yaM yatIshvaro nAsAM OM naM namyaH kapolakau || 6|| OM maM mAnno.avatAjjihvAM OM maM maskarabhR^idgalam | OM naM nArAyaNapreShThaH skandhadeshaM sadA.avatu || 7|| OM yaM yakShAdibhayahA vakShaH pAtu nirantaram | OM drAM drAk ChinnasarvAribandhano.avyAdbhujau sadA || 8|| OM veM vepitashatrushcha hastau rakShatu sarvadA | OM ghaM ghoraviShabAdhAparihartA.avatUdaram || 9|| OM rAM rAjAdi nirbandhaChedakR^itpAtu pArshvayoH | OM shrIM shrIhanumadbhaktaH kaTiM madhyaM cha rakShatu || 10|| OM shrIM shrIlajanastutyo guhyaM rakShatu shAshvatam | OM rAM rAShTrakShemakaro UrU rakShatu jAnunI || 11|| OM ghaM ghanA~Ngo ja~Nghe cha OM veM vedAntavedakaH | OM gulmau rakShatu pAdau tu OM drAM drutagatipradaH || 12|| OM yaM yamanidhiH pR^iShThaM OM naM chittaM natAkhilaH | OM maM mAtR^idoShaghnaH sarvA~NgAnyapi rakShatu || 13|| mAlAmantra stotraM \- OM namaH shrI rAghavendrAya namo bhagavate rAM rAghavabhaktAya, ghaM ghanAnandAya, veM vetAlAdi bhayahAriNe, drAM drAk prapannAya, yaM yakSharakShovinAshAya, naM nAmasa~NkIrtanatuShTAya, maM mahAmodapradAya svAhA | smaraNamAtrasannihitAya.amitrAnmitrIkuru mitrIkuru, vauShaDhAkR^iShTAShTaishvaryacharyAya paramantra\-tantra\-pAshAdi bandhaM Chindhi Chindhi | hu.N bhaktavajrakavacharUpAya, parakR^itashastrAstravishvacheShTakaM bha~njaya bha~njaya | vaShaT prakAsharUpAya, mama sudaivaM prakAshaya prakAshaya | phaT daNDadharAya, shR^i~NkhalAbandhanaM sphoTaya sphoTaya | bhedaya, bhedaya, mAM rakSha, mAM rakSha, sarvavipadaH shamaya, shamaya sarvasampadaH sampAdaya sampAdaya huM phaT svAhA om || 14|| OM etachChrIrAghavendrAryagururAjaH kR^ipAnidhiH | mAlAmantrAtmakaM stotraM sapAdadvishatArNakam || 15|| mantrarAjAtmakaM bandhamochakaM kavachaM shubham | shatrukR^ityAdishamanaM trivAraM paThatAM dine || 16|| yathAyogyaM saptakaM vA dvisaptakamathA.api vA | trisaptakaM maNDalaM vA tripakShaM vA vichakShaNaH || 17|| tAmrapatre chandanena parilipte.aShTakoNakam | padmaM likhitvA tatpatre mantramaShTAkSharaM guroH || 18|| anulomAllikhitvA.atha tadvahishcha vilomataH | likhitvA karNikAyAM tu rAM bIjaM vilikhet guroH || 19|| vilikhet rAM chaturdikShu vilikhenmaM vidikShu cha | AvAhya pUjayet tatra rAghavendraguruM tathA || 20|| hanUmantaM rAghavaM cha prajvAlya ghR^itadIpakam | vartikAShTakasaMyuktaM gandhapuShpAkShatAdibhiH || 21|| sampUjya phalapAnIyairnityamaShTottaraM shatam | pashchimAbhimukho japtvA muchyate sarvabandhanAt || 22|| appaNNAryastavaM pUrvaM tatashchAShTAkSharaM manum | aShTottaraM japitvA.atha samantrakavachaM japet || 23|| pradoShehyartharAtre vA shR^i~NkhalAdikabandhataH | muchyate nAtra sandeho gururAjaprasAdataH || 24|| prajapet pUrvavannityaM mAlAmantrArNasa~NkhyayA | mahAnirbandhato muchyedavadhUtavacho yathA || 25|| sakR^idvA yaH paThennityaM pradoShe gurusannidhau | mArge.a.raNye dviShanmadhye chorasarpAdi bandhane || 26|| prabhAte vA nishAyAM vA muchyate sarvato bhayAt | santatiM sampadaM saukhyaM labhate tatprasAdataH || 27|| shrI rAghavendraM dhR^itadR^iShTadaNDaM kAShAyavastraM kamanIyaveSham | bhajet sadA bhakta bhayaughanAsha\- baddhAdaraM rAmakapIshabhaktam || 28|| iti shrImatkR^iShNAvadhUtapaNDitakR^itau shrIrAghavendratantre shrIrAghavendrabandhamochanakavachaM nAma ShaShThapaTalaH sampUrNaH | \chapter{saptamapaTalaH || 7||} shrIrAghavendrAShTottarashatanAmastotram | sa~Nkalpada kramaH \- OM asya shrIrAghavendragurumantrarAjAtmaka aShTottarashatanAmAmR^itastotrasya shrIkR^iShNAvadhUto R^iShiH, anuShTupChandaH, shrIrAghavendragurvantargatamanunAmaka\- bhAratIramaNamukhyaprANAntargata sItApatishrIrAmachandro devatA | shrIM bIjaM, namaH shaktiH, rAghavendrAya iti kIlakam | atha karanyAsaH 1) OM shrIM a~NguShThAbhyAM namaH, 2) OM rAghavendrAya tarjanIbhyAnnamaH 3) OM namaH madhyamAbhyAM namaH, 4) OM shrIM anAmikAbhyAnnamaH, 5) OM rAghavendrAya kaniShThikAbhyAM namaH, 6) OM namaH karatalakarapR^iShThAbhyAM namaH | atha a~NganyAsaH 1) OM shrIM hR^idayAyanamaH, 2) OM rAghavendrAya shirase svAhA, 3) OM namaH shikhAyk vaShaT, 4) OM shrIM kavachAya huM, 5) OM rAghavendrAya netrAbhyAM vauShaT, 6) OM namaH astrAya phaT | atha dhyAnam | bhavyAkAro bhAviteShTArthadAtA vAme jAnau vAmahastaM dadhAnaH! j~nAnAbhItIj~nAnavAn dakShahastIrantA chitte rAghavendro mama syAt || shrIrAghavendragurvantargata manunAmaka bhAratIramaNa mukhyaprANAntargata sItApati shrIrAmachandrapreraNayA shrIrAmachandraprItyarthaM gurumantrarAjAtmaka aShTottarashatanAmastotrapArAyaNaM kariShye | omityekAkSharaM brahma yadgranthe samprakAshitam | tasmai shrIrAghavendrArya gurave.astu namo mama || 1|| namaste shrIrAmachandrA~NghripUjAsampAdite shatam | ghanAbhA~NgAya vedArthaprakAshodyogashAline || 2|| drAgabhIShTapradAtre cha yativaryAya te namaH | nAnA duHkhavinAshAya namo mAnadhanapriya || 3|| shrIpradAtre namastubhyaM rAjavaryAdisevita | ghanasaMsArasaukhyAya vepitaprativAdine || 4|| drAkShAmadhurabhAShAya namastubhyaM yashaHprada | namatAM saukhyadAtre cha mAnadAya namo namaH || 5|| shrIpatipreShThabhaktAya namaste rAjapUjita | ghanarogavinAshAya ve~NkaTeshArchine namaH || 6|| drAvitAnekabhUtAya yashodAtanayArchaka | nAdarUpaparabrahmopAsine mAnine namaH || 7|| shrInAthacharaNAmbhojabambhArAyitamAnasa | rAShTrAgatajanastoma samIhitaphalaprada || 8|| ghanarogatR^iNadhvaMsadavAnalapadAmR^ita | vedashAstrasudhAmbhodhi manthanaj~nAnamandara || 9|| drAghimAbhAvitIbhUtabhaktaseveShTadAyine | namaste yAchakavrAtachAtakAmR^itatejase || 10|| naranArIkadambogravipattivinivAriNe | mahAdayArasAsArasAgarAya namo namaH || 11|| shrImadbhiH sevyamAnAya rAShTrakShemakarAya cha | ghanAghanA~NgalolAya vedavyAkhyAvinedine || 12|| drAvitA.anekapApAya yAnAdyaishvaryashAline | nAgArivAhabhaktAya mAnadAtre namo namaH || 13|| shrIrAmArchyApUjakAya rAmAnAsaktachetase | ghanApatparihArAya vepitArAtaye namaH || 14|| drAkShAmadhukaTAkShAya yadunAthapadArchine | namajjanAghanAshAya mAnyamAnyAya te namaH || 15|| shrIvyAsarAjarUpeNa kR^iShNArchArchaka te namaH | rAshIkR^itA.aghatUlAgninibhadarshana te namaH || 16|| ghAtukAnAM ghAtukAya vedavidyAvishArada | drAghIyaH karuNApA~Ngairnamaste bhaktatoShiNe || 17|| yathAshaktyappaNAryoktastotrapAThapramodine | naranArInR^ipeDyAya mahAdAridryanAshine || 18|| shrIsudhIndrakarambhojasa~njAtavarasUnave | rAvitAnekadurvAdidvIpine ghanachetase || 19|| veshmatraya nivAsAya drAk prasannAya te namaH | yamine narasiMhA~NghriniratAya mamatAjuShe || 20 || shrIprahlAdAvatArAya rAjadvANIvilAsine | ghaTanAnanurUpasyApyarthasya ghaTakAya te || 21|| vedavedA~NgavittAya drAvayanmAyivAdine | yAnArohaNasantaptamudrAsthApanakAriNe || 22|| namo namyapadAbjAya mAyAvimadahAriNe | shrItu~NgAtIravAsAya tubhyaM rAjanatAya cha || 23|| ghanasArarajoraktabhadrashrIrasasevine | vetAlabhayanAshAya drAganugrahakAriNe || 24|| yakShmakuShThAdiharaNapAdatIrthAya te namaH | nAmasa~NkIrtanAdeva puraHsannihitAya cha || 25|| mahAjanashiraHsthAnasamAlAlitapAduka | shrIsarvatantrasvAtantryashAline rAjalakShmaNe || 26|| ghanavighnavinAshAya baddhaka~NkaNa te namaH | vegena bhaktakAryANAM sAdhakAya namo.astu te || 27|| drAvayadvAdijihvAya yashovyAptadishe namaH | nAnAjAtijanastomastUyamAnapadAmbuja || 28|| namo mAra mahAvIra mArgaNAmR^igyachetase | shrImadhvashAstrasaTTIkAvyAkhyAkaushalyashAline || 29|| rAjachChrIkAya dharmAbhitaptatApApahAriNe | velAM velAmupAgamya bhaktAnAM kAryasAdhaka || 30|| drAkShApAkena sakalagranthavyAkR^itikAriNe | yatheShTadhanadhAnyAdidAtre nayavishArada || 31|| mantrAlayamahAkShetravR^indAvananivAsine | shrIsatyasandharUpeNa shrIsItApratimArchaka || 32|| rAjattu~NgAtaTabhrAjanmahiShIkShetravAsine | dharmadyutinavajyotidyotitAmbaradhAriNe || 33|| vetaNDamattamAyIndra mR^igendradrApitApahan | yakSharakShobhayadhvaMsin namo nArAyaNapriya || 34|| mAyAmohitachittAnAM bhaktAnAM j~nAnadAyine | namaH shrIhanumadbhIma madhvAtmakaharipriya || 35|| rAjapUjitapATIrapAdukAya ghanAkR^ite | veshantIkR^itasadbhaktasaMsArAmbudhaye namaH || 36|| drAvitAkhilabhaktaughanAnAduHkhAya te namaH | yamadUtabhayatrAtre nAnAbhayavinAshine || 37|| mAtR^itaH pitR^itopyuchchaiH bhaktakAmadughe namaH | iti shrIrAghavendrAryagururAjamahAtmanaH || 38|| nAmnAmaShATottarashataM sachatuShTayamuttamam | aShTAkSharamahAmantravarNAnukramavarNitam || 39|| gururAjAtmabhUkR^iShNAvadhUta kavinoditam | gururAjena kR^ipayA saprasAdaM puraskR^itam || 40 || paThatAM japatAM sarvakAmadaM gurvanugrahAt | nashyanti jvaramohAdyAH chaturdashadinAvadhi || 41|| iti shrImatkR^iShNAvadhUtapaNDitakR^itau shrIrAghavendratantre saptamapaTale aShTottarashatanAma stotraM sampUrNam | \chapter{aShTamapaTalaH || 8||} shrIrAghavendrasahasranAmastotram | (akArAdi kShakArAnta) sondUra shrIkR^iShNa avadhUtavirachitaM shrIrAghavendrasahasranAmastotram || shrIrAghavendra gurubhyo namaH | atha shrIrAghavendrArya nAmAnAM sAhasramuttamam | pravakShyAmyavadhUto.ahaM sadyaH prItikaraM guro || 1|| akArAdi kShakArAnta varNAnukramayogataH | kvachidrUDhyA cha yogena kvachillakShaNayA kvachit || 2|| antaryAmI hariprANAdhiShThAnAtishayatvataH | prahlAdAvatAratvAchcha ghaTate.atra na saMshayaH || 3|| Chandassu \- dvirAvR^ittairmantrapadaira~NgaM Chando.apyanuShTubhaH | shrI mano rAghavendrAya bIjaM shaktishcha kIlakam || 4|| dhyAnam\- bhavyAkAro bhAviteShThArthadAtA vAme chAsau vAmahastaM dadhAnaH || 5|| j~nAnAbhItI j~nAnavAn dakShahasterantA chitte rAghavendro mama syAt || 6|| OM athAto brahmajij~nAsetyAdi sUtrArthayojanAm | yastantradIpikAM chakre taM naumyaj~nAnabha~njanam || 7|| aNimAdyaShTasiddhidamanaNuj~nAnasampadam | amoghashaktimanaghamaparokShIkR^itAchyutam || 8|| akhilAbhIShTadaM chAtmavidamAyuHpravardhanam | AnandatIrthasachChAstraTIkAbhAvaprakAshakam || 9|| AnandasAndramArabdhakAryAntagamanakShamam | AkulIkR^itadurvAdivR^indamAkArabandhuram || 10|| AshuprasannamAsannabhaktakAmasuradrumam | AdhyAtmaratamAchAryamAsamudraikasadgurum || 11|| AtmArAmArchanAsaktamAryamAptatamaM mama | indriyotpannadoShaghnamindravattyAgabhoginam || 12|| pramANamiShTadAtAramIShaNAtrayavarjitam | ugrarakShaHpishAchaghnamunmAdaharamuttamam || 13|| udArachittamuddhArakamutpAtahArakam | upekShitakuvAdIndramupakAraparAyaNam || 14|| UrudaghnIkR^itApArabhavasAgaramUrjitam | UShmahartAramR^ikShAdhipatishItaladarshanam || 15|| R^ijusvabhAvamR^iddhorumAhAtmyamR^ijumAsam | eDamUkasuvAgdAtre namaste chaikabhAShiNe || 16|| ekAntabhaktAyaishvaryadAtre chaikyamatachChide | otatvetyAdyanuvyAkhyAsudhAbhAvArthadarshine || 17|| o~NkArajapashIlAya sadomAtmetyupAsine | auShadhoktyApi bhaktAnAmAmayAdhikahAriNe || 18|| aMsAttatulasImAlamaMhonAshakadarshanam | asta~NgatAriShaDvargamarthimandArakaM bhaje || 19|| kalidoShavinAshAya kalau sadyaH phalapradaH | kamalApatibhaktAya kuNThakuNThatvabha~njine || 20|| karAlanarasiMhograkrodhashAmakamUrtaye | kapolasha~NkhachakrA~NkashAlin kapaTavarjita || 21|| kalpabhUruharUpAya kalabhaudhAbhakIrtaye | namaH kamaNDaluM dhartre kare daNDadharAya te | kAmeShUNAmalakShyashcha kAminIkAmanojjhitaH || 22|| kAmArishlAghyasadvR^ittaH kAmadaH kAmarUpadhR^it | kAnInabhAvavettA cha kAlaj~naH kAlasAdhakaH || 23|| kApAlikamatadhvaMsI kAshikAkAshamAnavAk | kAntArabhItihA kAntikAntaH kApathavarjitaH || 24|| kAShAyAmbaradhArI cha kAshmIradravacharchitaH | kirAtabhItisaMhartA kilAsitvavinAshakaH || 25|| kInAshabhayahA kITabhayahA kIrtimaNDitaH | kukUlAbhaH pishAchAnAM kuShTharoganivAraNaH || 26|| kushAsanasthitaH kukShipUrakashcha kutUhalI | kutsitAchArarahitaH kumArasukhavardhanaH || 27|| kushalashcha kulInashcha kushAsanavivarjitaH | kumbhaghoNakR^itAvAsaH kuto.api bhayabha~njanaH || 28|| kUpapAtakapApaghnaH kUrmAsanaparigrahaH | kUShmANDAdi pratibhayaH kIrtidaH kIrtanapriyaH || 29|| keshavArAdhakaH ketudoShaghnaH kevaleShTadaH | ketakIkusumAsaktaH kesaradravalolupaH || 30|| kaivalyadAtA kai~NkaryatuShTashrIshashcha koshadaH | kAlAnusAradAtA cha koshI koshAtakIpriyaH || 31|| kolAhalavirodhI cha kaupInapaTalA~nChanaH | kambudhvanipriyaH kambugrIvaH kampavivarjitaH || 32|| kR^ipITayonivarchasthaH kR^itabhaktArtinAshanaH | kR^ityAsanaH kR^itaj~nashcha kR^ityAcheShTakabha~njanaH || 33|| kR^ipAmahodadhiH kR^iShNadhyAnAsaktaH kR^ishapriyaH | kastUrItilakAsaktaH kR^ittasaMsArasAdhvasaH || 34|| (tvameva sharaNaM bhUyA nAnyaH kashchanavidyate)|| 35|| khageshavAhabhaktAya kharapAtakahAriNe | khadoShahartrA khapurapriyAya khalamAriNe || 36|| khAdyapriyAya me bhUyAt khalapvA bhavatA gatiH | khilahInaH khedahantA khinnachittapramodadaH | khedahA khuraNoghnashcha kha~njaduHkhanivAraNaH || 37|| khoDatvanAshako bhUyAdasmadiShTArthasiddhaye || 38|| garaghnAdgaNanamyA~NghrergarutmadvAhasevakAt | guroranyatra me chittaM na gachChatu guNArNavAt || 39|| galAttatulasImAlo garbhado garbhaduHkhahA | gartahArI gajagatirgatadoSho gatipradaH || 40|| gadAdharo gadaharo garvahA garimAlayaH | gabhastimAn gahvarastho gatabhIrgalitAhitaH || 41|| gatAgho garjitArAtirgadayitnurgavAM priyaH | grastArirgrahadoShaghno grahochchATanatatparaH || 42|| gIShpatyAbhashcha gAyatrIjApako gAyanapriyaH | grAmaNIH grAhako grAhI grAvagrIvamatachChidaH || 43|| grAmakShemakaro grAmyabhayahA grAhabhItihA | gAtrakShemakaro gAmI girisAranibhA~NgakaH || 44|| gatabhAvijanirgamyo gIrvANAvAsamUlabhUH | guNI guNapriyo guNyo guhAvAso gurupriyaH || 45|| guDapriyo guchChakaNTho gulmachChettA guNAdaraH | guptaguhyo gUDhakarmA gururAjashcha gUhitaH || 46|| gehadAtA geyakIrtirgairikAra~njitAmbaraH | gR^ihyakShemakaro gR^ihyo gR^ihago gR^ihavardhanaH || 47|| godAvarIsnAnarato gopabAlakapUjakaH | goShpadIkR^itasaMsAravArdhirgopurarakShakaH || 48|| gopyamantrajapo gomAn gokarNI gocharAkhilaH | gogrAsado gotraratnaM gostanInibhabhAShaNaH || 49|| goptA gautamashAstraj~no gauravI gauravapradaH | gantA ga~njitashatrushcha gandharvo gandhavardhanaH || 50|| gandhI gandhavatIsUnugranthavidgandhavAhavit | gandharvAbho granthibhedI granthakR^idgranthapAThakaH || 51|| gaNDashailapriyo gaNDamAlabhidgaNDakIratiH | ga~NgAsnAyI cha gA~Ngeyaprado gANDIvimitravit || 52|| ghaTanAnanurUpasyApyarthasya ghaTako ghanaH | gharmahartA ghanaprItirghanAghananibhA~NgabhAH || 53|| ghanasAradravAsiktakAyo ghargharikA~NkanaH | ghrANatarpaNachArva~Ngo ghR^iNAvAn ghusR^iNapriyaH || 54|| ghR^itapriyo ghAtitArirghoShayitnushcha ghoShadaH | ghoNTAphalAsthidvayajapamAlAkarAmbujaH || 55|| ghorAmayaparIhartA ghaNTApathagatipriyaH | ghaNTAnAdapriyashchAtha gaNadvAdyavinodanaH || 56|| chakrasha~NkhA~NkitabhujashchamUmadavibha~njanaH | charAcharakShemakartA chaturashcharaNAruNaH || 57|| chatuShpadIstutyamAnashchaturmukhapitR^ipriyaH | chatussAgaravikhyAtaH charmAsanasamAdhimAn || 58|| chatvarasthaH chakorAkShaH cha~nchalatvanivArakaH | chaturvedavisheShaj~naH chalAchalakR^itapriyaH || 59|| chatura~NgabaladhvaMsI chaturopAyashikShitaH | chArurUpaH chArasevyaH chAmaradvayashobhitaH || 60|| chittaprasAdajananaH chitrabhAnuprabhojjvalaH | chirajIvI chittaharaH chitrabhAShI chitipradaH || 61|| chitraguptabhayatrAtA chira~njIjanasevitaH | chintAmaNiH svabhaktAnAM chintitArthapradAyakaH || 62|| chintAhartA chittavAsI chIrakaupInadhR^ik tathA | (chIrakaupInadhAriNaH) chipiTatyAgakR^it chullakakShidaH chullavardhanaH || 63|| chUDAmaNiH vaiShNavAnAM chUrNIkR^itamahAbhayaH | chUDAlA yashasA chUDaprAgvAdavinodanaH || 64|| chUDAkarmAdi kartR^INAM sannidhau sarvadoShahA | cheShTakaH cheShTakadhvaMsI chaitrotsavamudambharaH || 65|| chodyahartA chauranAshI chitimAMshchittara~njanaH | chintyaH chetanadAtA me chintAM haratu santatam || 66|| chandrahAsaH chandrakAntaH chandraH chaNDIshapUjakaH | chakShuHprItikaraH chandrachandanadravasevanaH || 67|| ChadmahInaH ChatrabhogI ChalahA ChadalochanaH | Channaj~nAnaH ChannakarmA ChavimAn ChAtrasevitaH || 68|| ChAtrapriyashChAtrarakShI ChAgayAgAtishAstravit | ChatrachAmaradhAtA ChatrachAmarashobhitaH || 69|| ChidrahArI ChinnarogashChandashshAstravishAradaH | Chedako bhavaduHkhAnAM bhavatAt ChinnasAdhvasaH || 70|| jarAhartA jagatpUjyo jayantIvratatatparaH | jayado jayakartA cha jagatkShemakaro jayI || 71|| jarAhIno janaiH sevyo janAnandakaro javI | janapriyo jaghanyaghno japAsakto jagadguruH || 72|| jarAyubandhasaMhartA jalagulmanivAraNaH | jADyahA jAnakIshArchI jAhnavIjalapAvanaH || 73|| jAtamAtrashishukShemI jyAyAn jAlmatvavarjitaH | jiShNurjinamatadhvaMsI jigIShurjihmavarjitaH || 74|| jagaduddhR^itaye jAto jitakrodho jitendriyaH | jitArivargo jitadurvAdI jitamanobhavaH || 75|| jIvAturjIvikA jIvadAtA jImUtavat sthiraH | jIviteshabhayatrAtA jIrNajvaravinAshanaH || 76|| juShTashrInAthapAdAbjo jUrtibAdhAvinAshanaH | jetA jyeShTho jyeShThavR^ittiH jaivAtrakasamaH satAm || 77|| jyotsnAnibhayashA jambhahantA jambUphalapriyaH | jhallarIvAdanaprItaH jhaShaketorupekShakaH || 78|| jhalApriyo jhUNihantA jha~njhAvAtabhayApahA | j~nAnavAn j~nAnadAtA cha j~nAnAnandaprakAshavAn | TaTTarIrahitaH TIkAtAtparyArthaprabodhakaH || 79|| Ta~NkArakarachAritraH Ta~NkAbho duritashamanaH | TakpratyayavikAraj~naH TIkR^itAnyabudhoktikaH || 80|| DamarudhvanikR^inmitraM DAkinIbhayabha~njanaH | Dimbhasaukhyaprado DolAvihArotsavalolupaH || 81|| DhakkAvAdyapriyo DhaukamAno NatvArthakovidaH | tapasvI taptamudrA~NkaH taptamudrA~NkanapradaH || 82|| tapodhanAshrayaH taptatApahartA tapodhanaH | tamohartA tvaritadaH taruNarstakapaNDitaH || 83|| trAsahartA tAmasahA tAtastApasasevitaH | tArakastrANadastrAtA taptakA~nchanasannibhaH || 84|| trivargaphaladaH tIvraphaladAtA tridoShahA | tiraskR^itaparastyAgI trilokImAnyasattamaH || 85|| tIkShNarUpaH pishAchAnAM tIrNasaMsArasAgaraH | turuShkasevitastulyahInasturagavAhanaH || 86|| (turuShkapUjita\.\.) (tR^iptastR^iptipradastR^iShNAhartA tu~NgAtaTAshrayaH) tUlAyitIkR^itAghaughastuShTidaH tu~NgavigrahaH | tejasvI tailavidveShI tokAnAM sukhavardhanaH || 87|| tandrIharastaNDuladasta~njApurakR^itAdaraH | sthaladaH sthApakaH sthAtA sthiraH sthUlakalevaraH || 88|| stheyAn sthairyapradaH sthemA sthaurI cha sthaNDileshayaH | dashAvAn dakShiNo dattadR^iShTirdAkShiNyapUritaH || 89|| dakSho dayAlurdamavAn dravachchitto dadhipriyaH | dravyado darshanAdeva prIto dalitapAtakaH || 90|| dattAbhIShTo dasyuhantA dAnto dAruNaduHkhahA | dvAsaptatisahasrANAM nADInAM rUpabhedavit || 91|| dAridryanAshako dAtA dAso dAsapramodakR^it | divaukaHsadR^isho diShTavardhano divyavigrahaH || 92|| dIrghAyuH dIrNadurito dInAnAthagatipradaH | dIrghAyuShyaprado dIrghavarjito dIptamUrtimAn || 93|| durdharo durlabho duShTahantA duShkIrtibha~njanaH | duHsvapnadoShahA duHkhadhvaMsI drumasamAshrayaH || 94|| dUShyatyAgI dUradarshI dUtAnAM sukhavardhanaH | dR^iShTAntahIno dR^iShTArtho dR^iDhA~Ngo dR^iptadarpahR^it || 95|| dR^iDhapraj~no dR^iDhabhaktirdurvidhAnAM dhanapradaH | devasvabhAvo dehIti yAchanAshabdamUlabhit || 96|| (yAchanAshabdagUDhahA) dUnaprasAdakR^it duHkhavinAshI durnayojjhitaH | daityAripUjako daivashAlI dainyavivarjitaH || 97|| doShAdrikulisho doShmAn dogdhA daurbhikShyadoShahA | daNDadhArI dambhahIno dantashUkashayapriyaH || 98|| dhanado dhanikArAdhyo dhanyo dharmavivardhanaH | dhArako dhAnyado dhAtA dhiShaNAvAn dhinotu mAm || 99|| dhIro dhImAn dhIpradAtA dhUtAriShTo dhruvAshrayaH | dhR^itabhaktAbhayo dhR^iShTo dhR^itimAn dhUtadUShaNaH || 100|| dhUrtabha~Ngakaro dhenurUpo dhairyapravardhanaH | dhUpapriyo dhoraNIbhR^it dhUmaketubhayApahaH || 101|| dhautavastraparIdhAno dhAvAyatvahitaM mama | namaste nalinAkShAya navagrahabhayachChide || 102|| navadhAbhaktibhedaj~no narendro narasevitaH | nAmasmaraNasantuShTo nArAyaNapadAshrayaH || 103|| nADIsthairyaprado nAnAjAtijantujanArchitaH | nArIdUro nAyakashcha nAgAdyaishvaryadAyakaH || 104|| nirvANado nirmalAtmA niShkAsitapishAchakaH | niHshreyasakaro nindAvarjito nigamArthavit || 105|| nirAkR^itakuvAdIndro nirjarApto nirAmayaH | niyAmako niyatido nigrahAnugrahakShamaH || 106|| niShkR^iShTavAkyo nirmuktabandhano nityasaukhyabhuk | nidAnaM sampadAM niShThAniShNAto nirvR^itipradaH || 107|| nirmoho niraha~NkAro nityanIrAjanapriyaH | (nirmamo) nijapradakShiNenaiva sarvayAtrAphalapradaH || 108|| nItimAn nutapAdAbjo nyUnapUrNatvavarjitaH | nidrAtyAgI nispR^ihashcha nidrAdoShanivAraNaH || 109|| nUtanAMshukadhArI cha nR^ipapUjitapAdukaH | nR^iNAM sukhaprado netA netrAnandakarAkR^itiH || 110|| niyamI naigamAdyaishcha bhaktibhAvena sevitaH | nediShTho bhajatAM bhaktyA naukA bhaktabhavAmbudheH || 111|| nandAtmajapriyo nAtho nandano nandanadrumaH | prasannaH paritApaghnaH prasiddhaH paratApahR^it || 112|| prathamaH pratipannArthaH prasAdhitamahAtapAH | parAkramajitArAtiH pratimAnavivarjitaH || 113|| pravaraH prakramaj~nashcha paravAdijayapradaH pramukhaH prabalaH praj~nAshAlI pratyUhanAshakaH || 114|| prapa~njasukhadAtA cha prakR^itisthaH pravR^ittikR^it | prabhUtasampat patrorNadhArI praNavatatparaH || 115|| prachaNDaH pradaradhvaMsI pratigrahavivarjitaH | pratyakShaphaladAtA cha prasAdAbhimukhaH paraH || 116|| pAThakaH pAvanaH pAtA prANadAtA prasAdakR^it | prAptasiddhiH pArijAtadarpahA pAkasAdhanaH || 117|| pATIrapAdukaH pArshvavartI parAyaNapriyaH | piNyAkIkR^itadurvAdI pitA pIDAvinAshakaH || 118|| prItimAn pItavasanaH pIyUShaM pIvarA~NgakaH | priyaMvadaH pIDitAghaH pulakI puShTivardhanaH || 119|| putravatpAlyabhaktaughaH puNyakIrtiH puraskR^itaH | puShTapriyaH puNDradhArI purasthaH puNyavardhanaH || 120|| pUrNakAmaH pUrvabhAShI pR^ithuH pR^ithukavardhanaH | pR^iShTaprashnaparIhartA pR^ithivIkShemakArakaH || 121|| peshalaH pretabhItighnaH peyapAdodakaprabhuH | pre~NkhadvANIvilAsashcha prerakaH premavardhanaH || 122|| paishunyarahitaH protasukhadaH poShakAgraNIH | protadharmA pauruShadaH pUrakaH pa~NktipAvanaH || 123|| paNDitaH pa~NkahA pampAvAsI pa~NgutvavArakaH | phalodayakaraH phAladurakSharamadApahR^it || 124|| phullanetro.atha phalitatapasyaH pharpharIkavAk | phUtkArochchATitAnekatApatrayapishAchakaH || 125|| phANTAneketarAsAdhyakAryo rakShatu mAM sadA | balavAn bahudAtA cha badarIphalalolupaH || 126|| bAlapriyo brAhmaNAgryo bAdhAhantA cha bAhudaH | buddhidAtA budho buddhamataghAtI budhapriyaH || 127|| vR^indAvanasthatoyona sarvatIrthaphalapradaH | vairAgyollAsakartA cha vR^indAvanasamAshrayaH || 128|| bilvapatrArchanaprIto bandhuroktishcha bandhahA | bandhurbadhiratAhartA bandhuvidveShavAraNaH || 129|| vandhyAputrapradatvAdyaiH yathAyogena sR^iShTikR^it | bahuprajApAlakashcha vetAlAdilayapradaH || 130|| bhaktAnAM jayasid.hdhyarthaM vAdyaj~nAnapradaH svayam | bhagavadbhaktavidveShTuH sadyaH pratyakShabandhakR^it || 131|| bhaktido bhavyadAtA cha bhagandaranivAraNaH | bhavasaukhyapradaH bharmapITho bhasmIkR^itAshubhaH || 132|| bhavabhItiharo bhagnadAridryo bhajanapriyaH | bhAvaj~no bhAskaraprakhyo bhAmatyAgI cha bhAgyadaH || 133|| bhAvyarthasUchako bhAryAsaktAnAmapi saukhyadaH | bhaktabhAradharo bhaktAdhAro bhogapriyaH sadA || 134|| bhikShurbhImapadAsakto bhuktimuktiphalapradaH | bhUtapretapishAchAdi bhayapIDAnivAraNaH || 135|| bhUmA bhUtiprado bhUridAtA bhUpativanditaH | bhrUNakartA bhR^ityabhartA bhaktavashyashcha bheShajam || 136|| bhairavo bhavarogasya bhoktA bhojanadAyakaH | bhauriko bhautikAriShTahartA bhaumajadoShahA || 137|| bha~Ngaprado.arimodasya bhrAntihIno.avatAt sa mAm | mallikAkusumAsakto mathitAnyamato mahAn || 138|| masR^iNatva~N marutprakhyo mahAndhanayanapradaH | mahodayo manyuhIno mahAvIrapadArchakaH || 139|| malImasamaladhvaMsI mukuraH shAstrasaMvidAm | mahiShIkShetrago madhvamatadugdhAbdhichandramA || 140|| (maihIkShetrago) manaHpramodajanano mattAnAM madabha~njanaH | mahAyashA mahAtyAgI mahAbhogI mahAmanAH || 141|| mArikAbhayahartA cha mAtsaryarahitAntaraH | mAyAhartA mAnadAtA mAtA mArgapradarshakaH || 142|| mArgaNeShTapradAtA cha mAlatIkusumapriyaH | mukhyo mukhyagururmukhyapAlako mitabhAShaNaH || 143|| mIlatArirmumUrShushcha mUkAnAM divyavAkpradaH | mUrdhAbhiShikto mUDhatvahArI mUrChanarogahA || 144|| mR^iShAvachanahInashcha mR^ityuhartA mR^idukramaH | mR^ida~NgavAdanaruchirmR^igyo mR^iShTAnnadAyakaH || 145|| mR^ittikAsevanenaiva sarvaroganivAraNaH | medhAvI meharogaghno medhyarUpashcha meduraH || 146|| meghagambhIraninado maithilIvallabhArchakaH | modakR^inmodakAsakto mohahA mokShadAyakaH || 147|| maunavratapriyo maunI mantrAlayakR^itAlayaH | mA~NgalyabIjamahimAmaNDito ma~NgalapradaH || 148|| yaShTidhArI yamAsakto yAchakAmarabhUruhaH | yAtayAmaparityAgI yApyatyAgI yatIshvaraH || 149|| yuktimAn yakShabhItighno yogI yantA cha yantravit | yauktiko yogyaphalado yoShitsa~NgavivarjitaH || 150|| yogIndratIrthavandyA~NghriryAnAdyaishvaryabhogavAn | rasikAgresaro ramyo rAShTrakShemavidhAyakaH || 151|| rAjAdhirAjo rakShoghno rAgadveShavivarjitaH | rAjarAjAyito rAghavendratIrtho jayatyalam || 152|| riktapriyo rItimAMshcha rukmado rUkShavarjitaH | revAsnAyI raikvakhaNDavyAkhyAtA romaharShaNaH || 153|| rogahA rauravAghaghno rantA rakShaNatatparaH | lakShmaNo lAbhado liptagandho lIlAyatitvadhR^it || 154|| luptArigarvo lUnAghamUlo lekharShabhAyitaH | lokapriyo laulyahIno la~NkArAtipadArchakaH || 155|| vyatIpAtAdi doShaghno vyavahArajayapradaH | vAchamyamo vardhamAno vivekI vittado vibhuH || 156|| vya~Ngasva~Ngaprado vyAghrabhayahA vajrabhItihR^it | vaktA vadAnyo vinayI vamihA vyAdhihArakaH || 157|| vinIto viditAsheSho vipattiparihArakaH | vishArado vyasanahA vipralApavivarjitaH || 158|| viShaghno vismayakaro vinutA~NghrirvikalpahR^it | vinetA vikramashlAghyo vilAsI vimalAshayaH || 159|| vitaNDAvarjito vyApto vrIhido vItakalmaShaH | vyaShTido vR^iShTido vR^ittidAtA vedAntapAragaH || 160|| vaidyo vaibhavadAtA cha vaitAlikavarastutaH | vaikuNThabhajanAsakto voDhA vaMshAbhivR^iddhikR^it || 161|| va~nchanArahito vandhyAvatsado varadAgraNI | sharaNaM shamasampannaH sharkarAmadhubhAShaNaH || 162|| sharIrakShemakArI cha shaktimAn shashisundaraH | shApAnugrahashaktashcha shAstA shAstravishAradaH || 163|| shAntaH shiraHshUlahartA shivaH shikhariNIpriyaH | shivadaH shishiraH shlAghyaH shraddhAluH shrIpradAyakaH || 164|| shIghraprasAdaH shItaghnaH shuddhikR^it shubhavardhanaH | shrutavAn shUnyahA shUraH shreShThaH shushrUShisaukhyadaH || 165|| shvetavastrapriyaH shailavAsI shaivaprabha~njanaH | shokahartA shobhanA~NgaH shauryaudAryaguNAnvitaH || 166|| shleShmahartA sha~Nkarashcha shR^i~NkhalAbandhamochakaH | shR^i~NgAraprItijanakaH sha~NkAhArI cha shaMsitaH || 167|| ShaNDhapuMstvapradaH ShoDhA ShaDvairirahitaH sadA | bhUyAt ShoDashamA~NgalyapradAtA ShaTprayogavit || 168|| satyasandhaH samAdhisthaH saralaH sattamaH sukhI | samarthaH sajjanaH sAdhuH sAdhIyAn sampradAyadaH || 169|| sAttvikaH sAhasI svAmI sArvabhaumatvasAravit | (sArvabhaumashcha sAravit) sarvAvaguNahInashcha sadAchArAnumodakaH || 170|| sarvabhUtadayAshAlI satyadharmarataH samaH | svanAmakIrtanAdvedashAstrArthaj~nAnasiddhidaH || 171|| (svanamaskAramAtreNa sarvakAmyArthasiddhidaH) svabhaktAnAM durAchArasahanaH susmitAnanaH | sarvatantrasvatantrashcha sudhIndrakaraka~njajaH || 172|| siddhidaH siddhasa~NkalpaH siddhArthaH siddhisAdhanaH | svapnavaktA svAduvR^ittiH svastidAtA sabhAjayI || 173|| sImAvAn surabhiH sUnudAtA sUnR^itabhAShaNaH | sugrIvaH sumanAH snigdhaH sUchakaH sevakeShTadaH || 174|| setuH sthairyacharaH saumyasaumyaH saubhAgyadAyakaH | (setuH svairacharaH) somabhAH sammataH sandhikartA saMsArasaukhyadaH || 175|| sa~NkhyAvAn sa~NgarahitaH sa~NgrahI santatipradaH | smR^itimAtreNa santuShTaH sarvavidyAvishAradaH || 176|| sukulaH sukumArA~NgaH siMhasaMhananastathA | harisevAparo hAramaNDito haThavarjitaH || 177|| hito hutAgnirhetushcha hemado haimapIThagaH | hR^idayAlurharShamANo hotA haMsashcha heyahA || 178|| lalito labdhanirvANo lakShmIrlAvaNyalakShitaH | kShamAshIlaH kShAmaharaH kShitisthaH kShINapAtakaH || 179|| kShudrabAdhApahartA cha kShetraj~naH kShemadaH kShamaH | kShodahantA kShaudradR^iShTiH kShantA bhaktakR^itAgasAm || 180|| iti shrIrAghavendrAryagururAjasya yoginaH | chaturviMshati saMyuktaM nAmnAM sAhasramIritam || 181|| iti sondUra shrIkR^iShNa avadhUtavirachitaM shrIrAghavendratantre aShTamapaTale shrIrAghavendrasahasranAmastotraM sampUrNam | \chapter{navamapaTalaH || 9||} \section{atha prathamo.adhyAyaH 1 \- shrIgurudashastotram |} yA kR^itA dvAdashAdhyAyI gururAjastutirmayA | gururAjAj~nayA saiva dashadhyAyI virachyate || || abhayapradAnaM nAma prathamo.adhyAyaH || shritAnAM svapAdaM mano.abhIShTadAne suradrupramoda prahAdi prabhAva | ava tvaM sadA shrIguro rAghavendra prabho me shirasyAshu hastaM nidhehi || 1|| rajohIna te hInapAdAmbujAtaM prasannaH prayAti prakR^iShTapramodam | prapannaH prayAti ava tvaM sadA shrIguro rAghavendra prabho me shirasyAshu hastaM nidhehi || 2|| ghanAnanda te pAdapadmaM pravindan anando.apyamandaM sadAnandameti | ava tvaM sadA shrIguro rAghavendra prabho me shirasyAshu hastaM nidhehi || 3|| vadAnyo vadAnyo vadAnyAsti kastvAM tato.ahaM yate hanta te pAdamAptaH | ava tvaM sadA shrIguro rAghavendra prabho me shirasyAshu hastaM nidhehi || 4|| dayAlo dayAlo dayAlo dayAlo dayAM kurvamoghAM padaM te prapadye | ava tvaM sadA shrIguro rAghavendra prabho me shirasyAshu hastaM nidhehi || 5|| yathAshakti pAdastutiM te.appaNArya pragItAM paThantaH pramodaM bhajanti | ava tvaM sadA shrIguro rAghavendra prabho me shirasyAshu hastaM nidhehi || 6|| na jAnAmi te pAdasevAvidhAnaM yathAshakti kintu svayaM staumi naumi | ava tvaM sadA shrIguro rAghavendra prabho me shirasyAshu hastaM nidhehi || 7|| mahApadvinAshAya te pAdareNuH prabhuH syAdatastvAM vipanno.ahamAptaH | ava tvaM sadA shrIguro rAghavendra prabho me shirasyAtu hastaM nidhehi || 8|| bhuja~Nge bhuja~Ngena kR^iShNAvadhUtena gItaM sugItena loke paThedyaH | ava tvaM sadA shrIguro rAghavendra prabho me shirasyAshu hastaM nidhehi || 9|| iti shrIkR^iShNAvadhUtavirachite shrIrAghavendratantre navamapaTale abhayapradAnaM nAma prathamo.adhyAyaH sampUrNaH | \section{atha dvitIyo.adhyAyaH 2 \- ApatpariharaNa stotraM (ashvadhATi) \-} shrIkAmukAya bahushokAya tatsukhamabhIkAshu yachChasi hi bho lokAya tadduritapAkApta pa~NgujaDamUkAdibhAvaharaNa | shrIrAghavendrapadavIryAdibhogabhavaghorAghamAshu hara bho dArAtmajAdibhavavArAshisambhavadapArApadaH shamaya bhoH || 1|| rAjAdi bhaktajana pUjAlasatpadapayojAmbubindurapi bIjAyate suvidhibhujAya dUnanR^iShu te jAgarUkakaruNaH | shrIrAghavendrapadavaryAdibhogabhavaghorAghamAshu hara bhoH dArAtmajAdibhavavArAshisambhavadapArApadaH shamaya bhoH || 2|| ghoTImadebhavarashATIvirAjinR^ipakoTIshirovidhR^ita\- koTIraratnaparipATIbhR^ishAruNitapATIrapAduka vibho | shrIrAghavendrapadavIryAdibhogabhavaghorAghamAshu hara bhoH dArAtmajAdibhavavArAshisambhavadapApApadaH shamaya bhoH || 3|| vedAdidUShakakuvAdAdarAdhya sumodAvadAhakamahA\- dAvadoShavidhure dAnavadviShi mamAdAya dhehi hR^idayam | shrIrAghavendrapadavIryAdibhogabhavaghorAghamAshu hara bhoH dArAtmajAdi bhavavArAshi sambhavadapArApadaH shamaya bhoH || 4|| drAkShAmadhukSharaNa shaikShAkarAmala kaTAkShAvalokata uta tatkShAmatAM harasi bhaikShATakasya bhuvi lakShAdhikasya sapadi | shrIrAghavendra padavarIyAdi bhogabhava ghorAghamAshu hara bhoH dhArAtmajAdi bhavavArAshai sambhavadapArApadaH shamayo bhoH || 5|| yAnAdisampadamanUnAmavAptumahamAnAyi pUrvasR^ikR^i tenAgryate padamato.anAdi durduritamAnAshayAshu mamabhoH | shrIrAghavendra padavIryAdi bhogabhava ghorAghamAshu hara bhoH dArAtmajAdi bhavavArAshi sambhavadapArApadaH shamaya bhoH || 6|| nAgArivAhapadayogAdarAmitadAgAradAradhana bhogAvanAptumanurAgata tavAbhimativegAdupaimi sukhadam | shrIrAghavendra padavIryAdi bhogabhava ghArAghamAshu hara bhoH dArAtmajAdi bhavavArAshi sambhavadapArApadaH shamaya bhoH || 7|| mantrAlayasya tava mantrAdijapturarimantrAdi saMhatita tantrAbhavatyakhilatantryAdhikeShvaparatantrAvamAmupagatam | shrIrAghavendra padavIryAdi bhogabhava ghorAghamAshu hara bhoH dArAtmajAdi bhavavArAti sambhavadapArApadaH shamaya bhoH || 8|| kR^iShNAvadhUtakR^itamiShTArthadAnachaNamaShTArthamantra pari puShTAtulastamavakaShTAvaha shubhamariShTAharaM paThatiyaH | shrIrAghavendra padavIryAdi bhogabhava ghorAghamAshu hara bhoH dArAtmajAdi bhavavArAshisambhavadapArApadaH shamaya bhoH || 9|| iti shrIkR^iShNAvadhUtavirachite shrIrAghavendratantre navamapaTale ApatpariharaNastotram nAma dvitIyo.adhyAyaH sampUrNaH | \section{atha tR^itIyo.adhyAyaH 3 \- duHkhaharaNastotram |} shrIpatibodhavibodhaka bAdhakasAdhitasAdhana bhoH | rAghavendragururAja bhavodbhavaduHkhamidaM me parihara bhoH || 1|| rAjamukhIratisambhramalolupachittatayA vyacharaM bahu bhoH | rAghavendragururAja bhavodbhavaduHkhamidaM me parihara bhoH || 2|| ghaTatAM me kathamasya durAcharaNaM charato hitakR^idbhuvi bhoH | rAghavendragururAja bhavodbhavaduHkhamidaM me parihara bhoH || 3|| vedapurANaviruddhakR^ito me nAnyaH tvattaH pAtA bhoH | rAghavendragururAja bhavodbhavaduHkhamidaM me parihara bhoH || 4|| drAgiShTaM dAsyasi bhaktebhyastvamiti shrutvA tvApaM bhoH | rAghavendragururAja bhavodbhavaduHkhamidaM parihara bhoH || 5|| yadyapi dayAluriti vikhyAtastarhi dR^ikShaM mAmuddhara bhoH | yadyasi dayAluriti rAghavendragururAja bhavodbhavaduHkhamidaM me parihara bhoH || 6|| na mamoddhartA chet tvaM bhuvi te divijadruma iti suyashaH kiM bhoH | rAghavendragururAja bhavodbhavaduHkhamidaM me parihara bhoH || 7|| mAyApAshavibaddho nAhaM jAne vivekalavamapi bhoH | rAghavendragururAja bhavodbhavaduHkhamidaM me parihara bhoH || 8|| kR^iShNAvadhUtavirachitamaShTakametat paThatAM sakalaM bhoH | rAghavendragururAja bhavodbhavaduHkhamidaM parihara bhoH || 9|| iti shrIkR^iShNAvadhUtavirachite shrIrAghavendratantre navamapaTale duHkhaharaNastotraM nAma tR^itIyo.adhyAyaH sampUrNaH | \section{atha chaturtho.adhyAyaH \- 4 karAvalambana stotram |} shrIdharA~Nghaghrisaroruhe disha dAsatAmanudAsatAM tadvadhUpavanAdikeShvanudAsatAmanudAsatAm | rAghavendra karAshrayaM tava dehi me varadaihi mAM rAghavendra karAshrayaM disha rakShatAM kuru chAkShatAm || 1|| rAmayA hR^itahR^ittvahaM na labhe sukhaM na labhe sukhaM kiM karomi hatAshayashcharitAsmyahaM mR^igatR^iShNayA | hatAshayashchariShNurahaM rAghavendra karAshrayaM tava dehi me varadaihi mAM rAghavendra karAshrayaM disha rakShatAM kuru chAkShatAm || 2|| ghAtukaM mama pUrvakarma vibhAdhate pravibAdhate tena saMsR^itisAgare bhramato mama bhramato mama | rAghavendra karAshrayaM tava dehi me varadaihi mAM rAghavendra karAshrayaM disha rakShatAM kuru chAkShatAm || 3|| vedmi ki~nchana sAdhanaM na hi sadgatermama sadgate mArgamAshu vimuktidaM pratidarshaya pratidarshaya | rAghavendra karAshrayaM tava dehi me varadaihi mAM rAghavendra karAshrayaM disha rakShatAM kuru chAkShatAm || 4|| drAvayA.ashu mamApadaM niyatAyatAmanayA.agatAM anyathA tava bhaktaduHkhaharaprathA tu bhavedvR^ithA | rAghavendra karAshrayaM tava dehi me varadaihi mAM rAghavendra karAshrayaM disha rakShatAM kuru chAkShatAm || 5|| yAmi kaM tvadR^ite pitaH sharaNaM vadAsharaNaH prabho putravatsalatA pitustava nAsti kiM tava nAsti kim | rAghavendra karAshrayaM tava dehi me varadaihi mAM rAghavendra karAshrayaM disha rakShatAM kuru chAkShatAm || 6|| mAnayasva sutasya me bahu bhAShaNaM karuNeShaNaM vakravAgapi bAlakasya mudaM pituH kurute na kim | rAghavendra karAshrayaM tava dehi me varadaihi mAM rAghavendra karAshrayaM disha rakShatAM kuru chAkShatAm || 7|| kR^iShNanAmayutAvadhUtakR^itaM tava stavamAdarAt yaHpaThediha tasya tatsukhamAdishAbhayamAdisha | rAghavendra karAshrayaM tava dehi me varadaihi mAM rAghavendra karAshrayaM disha rakShatAM kuru chAkShatAm || 8|| iti shrIkR^iShNAvadhUtavirachite shrIrAghavendratantre navamapaTale karAvalambanastotraM nAma chaturtho.adhyAyaH sampUrNaH | \section{atha pa~nchamo.adhyAyaH 5 \- saMsAroddharaNastotraM} shritalokAmarabhUruhasadR^ishA~Nghre kR^ipayA bhoH | gururAjoddhara mAM pratipatitaM saMsR^itikUpe || 1|| ramaNI rai suta mohita manasaM modada bho bhoH | gururAjoddhara mAM pratipatitaM saMsR^itikUpe || 2|| ghanasachChitsukhapUrita karuNAsAgara bho bhoH | gururAjoddhara mAM pratipatitaM saMsR^itikUpe || 3|| varadeshAmita chitracharita bhUbhAsura bho bhoH | gururAjoddhara mAM pratipatitaM saMsR^itikUpe || 4|| darachakrA~Nkita kaNThaga tulasImAlika bho bhoH | gururAjoddhara mAM pratipatitaM saMsR^itikUpe || 5|| yativarAmitabodha sumatavistAraka bho bho | gururAjoddhara mAM pratipatitaM saMsR^itikUpe || 6|| namatAmiShTada kuShThamukha mahAkaShTahara bho bhoH | gururAjoddhara mAM pratipatitaM saMsR^itikUpe || 7|| mamatA bhaktajane suta iva jAgrati te bho bhoH | gururAjoddhara mAM pratipatitaM saMsR^itikUpe || 8|| stavanaM kR^iShNAvadhUtarachitaM yaH paThatIdam | gururAjoddhara mAM pratipatitaM saMsR^itikUpe || 9|| iti shrIkR^iShNAvadhUtavirachite shrIrAghavendratantre navamapaTale saMsAroddharaNastotraM nAma pa~nchamo.adhyAyaH sampUrNaH | \section{atha ShaShTho.adhyAyaH 6 \- hR^idrogaharaNastotram |} shrIrAme guNadhAmani vinihita chittaprabho dayApUrNa | gururADudArabhAva tvaM hara hR^idrogamatitUrNam || 1|| rAjIvAkShIkA~NkShApUraNa santApasantatAbhyastam | cheto me gururAja tvaM hara hR^idrogamatitUrNam || 2|| ghorAshAbhidhabhUtAviShTaM bhR^ishamasthiraM sadA bhramati | cheto me gururAja tvaM hara hR^idrogamatatUrNam || 3|| vedapurANasumArgAnujjhitvA duShTanIchamArgacharam | cheto me gururAja tvaM hara hR^idrogamatitUrNam || 4|| drAgiShTArthadamIshamalabdhvAnyAnupAsya bahukhinnam | cheto me gururAja tvaM hara hR^idrogamatitUrNam || 5|| yatnAt kApuruShAdhikasevAvidhinApi nApa kAmyArtham | cheto me gururAja tvaM hara hR^idrogamatitUrNam || 6|| nartetvadbhuvi ka~nchana jAnIte.anyaM kalau suradrusamam | cheto me gururAja tvaM hara hR^idrogamatitUrNam || 7|| mahimAnaM tava bhUyaH shrutvA tvatpAdapa~NkajaM prAptam | cheto me gururAja tvaM hara hR^idrogamatitUrNam || 8|| kR^iShNAvadhUtarachitaM pathyopetaM manorogaharam | stotraM me paThatAM tvaM saMhara hR^idrogamatitUrNam || 9|| iti shrIkR^iShNAvadhUtavirachite shrIrAghavendratantre navamapaTale hR^idrogaharaNastotraM nAma ShaShTho.adhyAyaH sampUrNaH | \section{atha saptamo.adhyAyaH 7 \- pratikUla\-svAnukUlIkaraNastotram |} shrIbhUpe kUpe sukhavArAM kR^itachittaM chitte tvAM dhyAyAmi cha bhUyo.ahamamattaH | svAmin bhUman bho gururAja pratikUlaM dArApatyAdyaM sakalaM kurvanukUlam || 1|| rAShTre rAShTre khyAtayashastoma vibhAsin vAsin dhyAtushchetasi dAtaH karuNAvAn | svAmin bhUman bho gururAja pratikUlaM dArApatyAdyaM sakalaM kurvanukUlam || 2|| ghore saMsAre patito.ahaM tava putraH kutrAveyaM tvAmapahAya prabhumiShTam | svAmin bhUman bho gururAja pratikUlaM dArApatyAdyaM sakalaM kurvanukUlam || 3|| vedAhaM no sadgatihetuM tava potaH pUtaM pAdAdanyadR^ite saMsR^itivArdheH | svAmin bhUman bho gururAja pratikUlaM dArapatyAdyaM sakalaM kurvanukUlam || 4|| drAvaM drAvaM nashyati kaShTaM tava dR^iShTyA kaShTyApaM tvAtaH kuru tuShTaM vR^iShapuShpam | svAmin bhUman bho gururAja pratikUlaM dArapatyAdyaM sakalaM kurvanukUlam || 5|| yatyatuchcha tvadvareNuM gatamAnau dAryaM dhAryaM mUrdhani vAryannadamIDhe | svAmin bhUman bho gururAja pratikUlaM dArApatyAdyaM sakalaM kurvanukUlam || 6|| nAnA nAnA daivakadambe savilambe lambe smAlambaM sukhadaM tvAmavilambam | svAmin bhUman bho gururAja pratikUlaM dArapatyAdyaM sakalaM kurvanukUlam || 6|| mantraM te mantrAlayadhAman bhuvi japtuH pAtuH pAdAmbho laghu nashyatyatiduHkham | svAmin bhUman bho gururAja pratikUlaM dArApatyAdyaM sakalaM kurvanukUlam || 7|| chakre.aShTashlokImavadhUtaH kavikR^iShNaH tatpAThena tvaM bhava tuShTo hara kaShTam | svAmin bhUman bho gururAja pratikUlaM dArApatyAdyaM sakalaM kurvanukUlam || 9|| iti shrIkR^iShNAvadhUtavirachite shrIrAghavendratantre navamapaTale pratikUla\-svAnukUlIkaraNastotraM nAma saptamo.adhyAyaH sampUrNaH | \section{atha aShTamo.adhyAyaHaShTamo.adhyAyaH 8 \- santoShapradastotram |} shrIdhAmani narimAdhAvaya mama bodhAtirahitachittaM bAdhApaharadasAdhAraNaguNa medhAvivara vinA tvAm | rAjAnasi gururAjAmaravara bhUjAyita sharaNaM me toShaM disha disha doShaM parihara joShaM kimasi dayALo || 1|| rAmAkaTitaTasomAnanakuchasImAruchimanubhoktuM hemAbharaNakasAmAdibhirapi mAmAptamavadhunIte | rAjAnasi gururAjAmaravara bhUjAyita sharaNaM me toShaM disha disha doShaM parihara joShaM kimasi dayALo || 2|| gharmAparahaNasharmAvaha tava dharmAbhikalitapAdU narmAnatajanakarmAhitamapi dharmAyayasi mahAtman | rAjAnasi gururAjAmaravara bhUjAyita sharaNaM me toShaM disha disha doShaM parihara joShaM kimasi dayALo || 3|| velAvanamatimelAbdhaisalilamAlAmanubhavitA chet kIlAladhimaNi jAlAkR^itiyashaso lAghavamudadheH syAt | rAjAnasi gururAjAmaravara bhUjAyita sharaNaM me toShaM disha disha doShaM parihara joShaM kimasi dayALo || 4|| drAgAgatasujanAgAra turaganAgAdi vavidhasampat tyAgAdara karuNAgAra bahulabhogApakapadapadma | rAjAnasi gururAjAmaravara bhUjAyita sharaNaM me toShaM disha disha doShaM parihara joShaM kimasi dayALo || 5|| yaM kAmayati kala~NkAvaha bahupa~NkAkR^itirapi yattvaM taM kAmamimamasha~NkAkalitamalaM kArayasi hi tena | rAjAnasi gururAjAmaravara bhUjAyita sharaNaM me toShaM disha disha doShaM parihara joShaM kimasi dayALo || 6|| nArIti gadita mArIgrahagati ghorIkR^ita bhavavArdheH (dUrIkR^ita bhavavArdheH) tArI bhava mayi chArI bhavati hi kA rItiriyamupekShA | rAjAnasi gururAjAmaravara bhUjAyita sharaNaM me toShaM disha disha doShaM parihara joShaM kimasi dayALo || 7|| mandAshayamapi vR^indAraka kuruvR^indAbhayasi tathAndhaM (guruvindApayasi) shandAshu vitara kandAsitatanunandAtmajapadabhaktim | rAjAnasi gurAjAmavarava bhUjAyita sharaNaM me toShaM dasha disha doShaM parihara joShaM kimasi dayALo || 8|| kR^iShNAbhidakaviraShTArNakamanu puShTAM nutimavadhUtaH kaShTArjitAmatiriShTArthada tava shiShTArpayati virachya | rAjAnasi gururAjAmaravara bhUjAyita sharaNaM me toShaM disha disha doSha parihara joShaM kimasi dayAlo || 8|| iti shrIkR^iShNAvadhUtavirachite shrIrAghavendratantre navamapaTale santoShapradastotraM nAma nAmAShTamo.adhyAyaH sampUrNaH | \section{atha navamo.adhyAyaH 9 \- dAridryamochanastotram |} shritAnAM pAdaM te sakalavidhayA shokaharaNaH tvamevAmbA tAtastvamasi mama mitraM saralahR^it | pradAtuM svachChandaM draviNamanR^iNaM vatsala guro kalatrAdyaiH sAkaM satatamanubhoktuM cha vitara || 1|| rataM vA duShTArye tyajati sutamambA kimu pitA kR^ipAM kR^itvA shishnodarakR^itamahAgasyapi mayi | pradAtuM svachChandaM draviNamanR^iNaM vatsala guro kalatrAdyaiH sAkaM satatamanubhoktuM cha vitara || 2|| ghanAgho vA dIno vAvayavavikalo vAkShavikalaH prapannashchetpAdaM tava sukhayasItyAgamamaham | pradAtuM svachChandaM draviNamanR^iNaM vatsala guro kalatrAdyaiH sAkaM satatamanubhoktuM cha vitara || 3|| vadAnyAt tvadbhUmau divi surabhikalpadrumadR^iShadAM laghutvaM jAne.ahaM vitaraNamidaM vIkShya bhavataH | pradAtuM svachChandaM draviNamanR^iNaM vatsala guro kalatrAdyaiH sAkaM satatamanubhoktuM cha vitara || 4|| dravatkAruNya shrIparimalasamudgArihR^idaya tvadanyo dAtA chedbhavati kathamAyAmi vAda me | pradAtuM svachChandaM draviNamanR^iNaM vatsala guro kalatrAdyaiH sAkaM satatamanubhoktuM cha vitara || 5|| yathAshaktyA.a.arAdhya prasabhamamarAnapyatha narAn vrajan deshaM deshaM shramajanirabhUvaM na cha dhanI | pradAtuM svachChandaM draviNamanR^iNaM vatsala guro kalatrAdyaiH sAkaM satatamanubhoktuM cha vitara || 6|| na bAdhante dArA kimidamadhunA me priya dishe\- tyamuM mA dAridryavyasanaparipiNDIkR^itahR^idayam | pradAtuM svachChandaM draviNamanR^iNaM vatsala guro kalatrAdyaiH sAkaM satatamanubhoktuM cha vitara || 7|| mahodAre bhUmni tvayi pitari putro.ahamadhunA jaratkAkAvasthAM bhR^ishamanubhavAmIsha kimidam | pradAtuM svachChandaM draviNamanR^iNaM vatsala guro kalatrAdyaiH sAkaM satatamanubhoktuM cha vitara || 8|| guroH putraH sukaviravadhUtaH stavamahaM chakAraikashvAsAta saralamimamAdR^itya paThatAm | pradAtuM svachChandaM draviNamanR^iNaM vatsala guro kalatrAdyaiH sAkaM satatamanubhoktuM cha vitara || 9|| iti shrIkR^iShNAvadhUtavirachite shrIrAghavendratantre navamapaTale dAridryamochanastotraM nAma navamo.adhyAyaH sampUrNaH | \section{atha dashamo.adhyAyaH 10 \- gurukaruNAsampAdanastotram |} shrI prAptyai prachuratR^iShApishAchakaH sa\- nnAjanmaprakaTitatIrthakAkabhAvaH | dAridryapriyasuhR^idaM tathApi dAta\- rmAM pAtre samitamupekShase kva yAmi || 1|| rAkendupratimamukhImavekShya chittaM lolantIM shunakakudhIstadAnukUlye | shaMyurnAbhavamanayA tathApi bhUya\- shchUDAlaH svajanavirodhajApakIrtyA || 2|| gharmArto dishi dishi chArapAshachAraM sa~ncharyakShaNamapi vishramaM na chApam | kApeyastadapi malImase dhanAshA\- bhAreNa pratigR^ihamemyaki~nchano.api || 3|| (gR^ihamAptaki~nchano.api) vedAnte na kimapi sAhasaM mayA.a.attaM saMsarturmama dhiShaNAbhavachChilAbhA | shrIlAnAM dvijakaka ityanAdR^ito vA pashchAdvA purata utAnugAdiko.aham || 4|| dArA me tilakaTu kalpayanti chittaM vrAtIno dhanikatayApi nApamartham | tasmAnmAmanupadhikaM suputrakaM te tAteShTaprada kuru rAghavendratIrtha || 5|| yaM yaM vA janamahamAshraye sukhAya prArabdhAnmama sa sa karmaNo jahAti | hR^idrogaH prapachati rUpamadya tatya\- staM kShipraM prashamayA mAM sukhIkuru tvam || 6|| narnR^ittaH prItiparama~NganAdhanAshI uShNAluH satatamahaM himelureShaH | kiM kAryamiha parasAdhanAnyupAyI\- (parasAdhanAnyupAchI\-) kR^itye tvaM guruvara me gatiM pradehi || 7|| mA rodIriti chiradUnamAnasaM mA\- mAshvasya prakaTaya mayyudArabhAvam | yAche tvAM yativara rAghavendratIrthA\- nanyApyAM pitR^ibalatAM tvayAhamAptum || 8|| kR^iShNAkhyaH kaviravadhUta IshajUTI saMsarpatsurasahitAbhavAgvilAsaH | stotraM shrIguruvarapAdayorvitanva\- nnApede sapadi tadiShTaputrabhAvam || 9|| iti shrImatkR^iShNAvadhUtapaNDitakR^itau shrIrAghavendratantre navamapaTale gurukaruNAsampAdanastotraM nAma dashamo.adhyAyaH sampUrNaH | \chapter{dashamapaTalaH || 10||} shrIrAghavendrapradakShiNAgadyaM \- jaya jaya gururAja jaya jaya gururAja, jaya jaya jagataH kShemAya, shrIrAghavendra gurusArvabhauma bho, sharaNAgatabhUbhR^innikurambam, nAnyAvalambaM vigatavilambaM rakShitukAmaM, suguNArAmaM doShavirAmaM, grahaNe bhImaM, budhajana sandehaharaM, vande mayi kuru mande, santatakaruNAM, shokaharaNAM pArvaNahariNA~NkAnanaramaNIyAkR^iti hariNIlochana taruNI lIlAsaraNIlolupachitte yauvanamatte, vinihatavitte, vigatamahatte, vanamadamattebhakumbhavR^itte stane pradattehe, hA hatashIle, kapaTashIle, shrIlagR^ihAn vA gAma gAmaM dInArAn vA yAyaM yAchaM, hInanarAn vA sevaM sevaM, paradArAn vA darshaM darshaM sa~nchitapApe, ku~nchitapuNye, va~nchitasAdhau, pa~nchamarAge, pa~nchitakarNe, pa~nchasharAstraiH a~nchitabAdhe, sulabhakrodhe, vigatavibodhe, vivekahIne, kA~NkShitayAne, matApamAne, bhavamadhirUDhe, bhAvitumUDhe, kaitavagUDhe, mayi guNalesho.api na hi, rameshopAsanayesho shakalaM kartuM chAnyat kartuM tatte~NghryambhojaM prApaM bho, jaya jaya gururAja gururAja || 1|| yativara mAyopahato bhUyo dArApatyAdikasaMsR^ityAmanubhUyaivaM duHkhamabhUvaM, putro.ahaM te himakarashAnte, kamalAkAnteDita charaNAnte, kR^itavishrAnte, nitarAM mAM te padaruddhvA~NkShe, srarthAkA~NkShe smaradAkA~NkShe, ??kanakamayaghaTI kanatkuchataTI lasattanupaTIralakShitakaTIralaghushroNI bhramarashreNI sannibhaveNIrma~njula\- vANI nayanajitaiNIH, kuchabharatAntAH, kapaTasvAntAH, kalibhirashAntAH, vilokya kAntAH cha~nchalamanasA, bhrAntastarasA, mohAvarte, suchiraM prItyai tAsAmuttamavAsAMsyanarghya\-bhUShAdikAninIShAmAlambyAhaM, ku~nchitadehaM dhaninAM gehaM tvarita~NgatvA dIno bhUtvA, stavanaM kR^itvA, parIcharitvA koshaM nApaM, kleshamavApaM, vipulAlApaM, kR^ita japalopaM, dhR^itAvalepaM, sAdhitakapaTaM, mukhavItapaTaM, dhR^itajapamAlaM, bhuvijanajAlaM, suva~nchayAno, viha~NgayAnopAsahIno, vyacharaM nityaM, narakaM satyaM bhavatItyAlochya, samprati lopAgata, sharaNAgata janabharaNAdaravantaM tvAM pitaraM matvA.adhunAgato bho jaya jaya gururAja gururAja || 2|| kR^iShNAvadhUtaM mAM kuru pUtaM, tava padapotaM tvameva sharaNaM nAnyatkaraNaM, bhavabhayaharaNaM, tvadabhayahastaM dattasamastaM, nidhehi maste, jagati samaste, sadR^ishaH kaste, samastatantra\- svatantra mantrAlayakR^itadhAman, shubhaguNabhUman, udAradhImaMstava mahimAnaM, nirastamAnaM, prakAshamAnaM, nishamyanikaTaM, bhaktiprakaTaM, prAptajanAnAM bhajamAnAnAM, tvaritaM nAnAbhIpsitadAnAlambitavalayaM, kR^itapApalayaM, tvAmA.a.alokyAdarAttrilokyAmanupamacharitaM, mama bahuduritaM, dUrUkuryAditi matvAryAgatamuddhara mAmitarAsugamAmuddhR^itividyAM yAsyanavadyAM, pratihatanidraiH saudhasamudraistu~Ngatara~NgaiH premakura~NgaiH sambhR^itasa~NgaiH lalitApA~NgaiH, pashyan sadayaM, modita hR^idayaM, kuru tava shaktiM vaktumashaktiM bhajamAno.ahaM nAshaka meghasphItamanISho heyavisheSho, viShAdapUre, nirgatasAre.asthirasaMsAre, sukhAvabhAsaM, duHkhavikAsaM, bahumanvAnaH, kiM tanvAnaH, sukhI bhaveyaM tava padi seyaM praNAmarItiH pAlaya mAM bhoH jaya jaya gururAja gururAja || 3|| iti shrImatkR^iShNAvadhUtapaNDitakR^itau shrIrAghavendratantre dashamapaTale pradakShiNAgadyaM sampUrNam | \chapter{ekAdashapaTalaH || 11||} shrIrAghavendragAthAstutiH | aj~nAnanAshAya vij~nAnapUrNAya suj~nAnadAtre namaste guro | shrIrAghavendrArya shrIrAghavendrArya shrIrAghavendrArya pAhi prabho || 1|| AnandarUpAya nandAtmajAshrIpadAmbhojabhAje namaste guro | shrIrAghavendrArya shrIrAghavendrArya shrIrAghavendrArya pAhi prabho || 2|| iShTapradAnena kaShTaprahANena shiShTastuta shrIpadAmbhoja bho | shrIrAghavendrArya shrIrAghavendrArya shrIrAghavendrArya pAhi prabho || 3|| IDe bhavatpAdapAthojamAdhyAya bhUyo.api bhUyo bhayAt pAhi bho | shrIrAghavendrArya shrIrAghavendrArya shrIrAghavendrArya pAhi prabho || 4|| ugraM pishAchAdikaM drAvayitvA.a.ashu saukhyaM janAnAM karoShIsha bho | shrIrAghavendrArya shrIrAghavendrArya shrIrAghavendrArya pAhi prabho || 5|| UrjatkR^ipApUra pAthonidhe ma~NkShu tuShTo.anugR^ihNAsi bhaktAn vibho | shrIrAghavendrArya shrIrAghavendrArya shrIrAghavendrArya pAhi prabho || 6|| R^ijUttama prANapAdArjanaprAptamAhAtmya sampUrNasiddhesha bho | shrIrAghavendrArya shrIrAghavendrArya shrIrAghavendrArya pAhi prabho || 7|| R^ijusvabhAvAptabhakteShTakalpadrurUpeshabhUpAdivandya prabho | shrIrAghavendrArya shrIrAghavendrArya shrIrAghavendrArya pAhi prabho || 8|| R^iddhaM yashaste vibhAti prakR^iShTaM prapannArtihantarmahodAra bho | shrIrAghavendrArya shrIrAghavendrArya shrIrAghavendrArya pAhi prabho || 9|| klR^iptAtibhaktaughakAmyArthadAtarbhavAmbhodhipAra~Ngata prAj~na bho | shrIrAghavendrArya shrIrAghavendrArya shrIrAghavendrArya pAhi prabho || 10|| ekAntabhaktAya mAkAntapAdAbja uchchAya loke namaste vibho | shrIrAghavendrArya shrIrAghavendrArya shrIrAghavendrArya pAhi prabho || 11|| aishvaryabhUman mahAbhAgyadAyin pareShAM cha kR^ityAdi nAshin prabho | shrIrAghavendrArya shrIrAghavendrArya shrIrAghavendrArya pAhi prabho || 12|| o~NkAravAchyArthabhAvena bhAvena labdhodayashrIsha yogIsha bho | shrIrAghavendrArya shrIrAghavendrArya shrIrAghavendrArya pAhi prabho || 13|| aurvAnalaprakhya durvAdi dAvanalaiH sarvatantrasvatantresha bho | shrIrAghavendrArya shrIrAghavendrArya shrIrAghavendrArya pAhi prabho || 14|| ambhoja sambhUta mukhyAmarArAdhya bhUnAthabhaktesha bhAvaj~na bho | shrIrAghavendrArya shrIrAghavendrArya shrIrAghavendrArya pAhi prabho || 15|| asta~NgatAneka mAyadivAdIsha vidyotitAsheShavedAnta bho | shrIrAghavendrArya shrIrAghavendrArya shrIrAghavendrArya pAhi prabho || 16|| kAmyArthadAnAya baddhAdarAsheShalokAya sevAnusaktAya bho | shrIrAghavendrArya shrIrAghavendrArya shrIrAghavendrArya pAhi prabho || 17|| khadyotasAreShu pratyarthisArtheShu madhyAhnamArtANDabimbAbha bho | shrIrAghavendrArya shrIrAghavendrArya shrIrAghavendrArya pAhi prabho || 18|| garviShTha garvAmbushoShAryamAtyugra namrAmbudheryAminInAtha bho | shrIrAghavendrArya shrIrAghavendrArya shrIrAghavendrArya pAhi prabho || 19|| ghorAmayadhvAntavidhvaMsanoddhAma dedIpyamAnArkabimbAbha bho | shrIrAghavendrArya shrIrAghavendrArya shrIrAghavendrArya pAhi prabho || 20|| ~NaNatkAra daNDA~Nka kAShAyavastrA~Nkaka kaupIna pInA~Nka haMsA~Nka bho | shrIrAghavendrArya shrIrAghavendrArya shrIrAghavendrArya pAhi prabho || 21|| chaNDIsha kANDesha pAkhaNDavAkkANDatAmisramArtANDapAShaNDa bho | shrIrAghavendrArya shrIrAghavendrArya shrIrAghavendrArya pAhi prabho || 22|| ChadmANubhAgaM na vidmastvadantaH susadmaiva madmAdhavasyAsi bho | shrIrAghavendrArya shrIrAghavendrArya shrIrAghavendrArya pAhi prabho || 23|| jADyaM hinasti jvarArshaHkShayAdyAshu te pAdapadmAmbulesho.api bho | shrIrAghavendrArya shrIrAghavendrArya shrIrAghavendrArya pAhi prabho || 24|| jhaShadhvajIyeShvalabhyoruchetaH samArUDhamArUDhavakSho.a~Nga bho | shrIrAghavendrArya shrIrAghavendrArya shrIrAghavendrArya pAhi prabho || 25|| yAj~nAvihInAya yAdR^ichChikaprAptatuShTAya sadyaH prapanno.asi bho | shrIrAghavendrArya shrIrAghavendrArya shrIrAghavendrArya pAhi prabho || 26|| TIkArahasyArthavikhyApanagrandhavistAralokopakartaH prabho | shrIrAghavendrArya shrIrAghavendrArya shrIrAghavendrArya pAhi prabho || 27|| Tha~NkurvarINAmameyaprabhAvoddharApArasaMsArato mAM prabho | shrIrAghavendrArya shrIrAghavendrArya shrIrAghavendrArya pAhi prabho || 28|| DAkinyapasmAraghorAdikogragrahochchATanodagravIrAgrya bho | shrIrAghavendrArya shrIrAghavendrArya shrIrAghavendrArya pAhi prabho || 29|| DhakkAdikadhvAnavidrAvinAnekadurvAdigomAyusa~NghAta bho | shrIrAghavendrArya shrIrAghavendrArya shrIrAghavendrArya pAhi prabho || 30|| NAtmAdimAtrarNalakShyArthakashrIpatidhyAnasannaddhadhIsiddha bho | shrIrAghavendrArya shrIrAghavendrArya shrIrAghavendrArya pAhi prabho || 31|| tApatrayaprauDhabAdhAbhibhUtasya bhaktasya tApatrayaM haMsi bho | shrIrAghavendrArya shrIrAghavendrArya shrIrAghavendrArya pAhi prabho || 32|| sthAnatrayaprApakaj~nAnadAtaH stridhAmA~NghribhaktiM prayachCha prabho | shrIrAghavendrArya shrIrAghavendrArya shrIrAghavendrArya pAhi prabho || 33|| dAridrya dAridryayogena yogena sampannasampattimAdhehi bho | shrIrAghavendrArya shrIrAghavendrArya shrIrAghavendrArya pAhi prabho || 34|| dhAvanti te nAmadheyAbhisa~NkIrtanenainasAmAshu vR^indAni bho | shrIrAghavendrArya shrIrAghavendrArya shrIrAghavendrArya pAhi prabho || 35|| nAnAvidhAnekajanmAdiduHkhaughataH sAdhvasaM saMharodAra bho | shrIrAghavendrArya shrIrAghavendrArya shrIrAghavendrArya pAhi prabho || 36|| pAtA tvameveti mAtA tvameveti mitraM tvamevetyahaM vedmi bho | shrIrAghavendrArya shrIrAghavendrArya shrIrAghavendrArya pAhi prabho || 37|| phAlasthadurdaivavarNAvalIkAryalopo.api bhaktasya shakto.asi bho | shrIrAghavendrArya shrIrAghavendrArya shrIrAghavendrArya pAhi prabho || 38|| baddho.asmi saMsArapAshena te.a~NghriM vinA.anyAgatirnetyavemi prabho | shrIrAghavendrArya shrIrAghavendrArya shrIrAghavendrArya pAhi prabho || 39|| bhAvaM bhajAmIha vAchA vadAmi tvadIyaM padaM daNDavat svAmi bho | shrIrAghavendrArya shrIrAghavendrArya shrIrAghavendrArya pAhi prabho || 40|| mAnyeShu mAnyo.asi matyA cha dhR^ityA cha mAmadya mAnyaM kuru drAg vibho shrIrAghavendrArya shrIrAghavendrArya shrIrAghavendrArya pAhi prabho || 41|| yaM kAmamAkAmaye taM na chApaM tatastvaM sharaNyo bhavatyemi bho | shrIrAghavendrArya shrIrAghavendrArya shrIrAghavendrArya pAhi prabho || 42|| rAjAdivashyAdi kukShimbharAnekachAturyavidyAsu mUDho.asmi bho | shrIrAghavendrArya shrIrAghavendrArya shrIrAghavendrArya pAhi prabho || 43|| lakSheShu te bhaktavargeShu kurveka lakShyaM kR^ipApA~Ngaleshasya mAm | shrIrAghavendrArya shrIrAghavendrArya shrIrAghavendrArya pAhi prabho || 44|| vArA~NganAdyUtachauryAnyadArAturatvAdyavadyatvato mAM prabho | shrIrAghavendrArya shrIrAghavendrArya shrIrAghavendrArya pAhi prabho || 45|| shakto na shaktiM tava stotumAdhyAtumIdR^iktvahaM karomIsha kiM bho | shrIrAghavendrArya shrIrAghavendrArya shrIrAghavendrArya pAhi prabho || 46|| ShaDvairivargaM mamArAnnirAkurvamando harerA~NghrirAgo.astu bho | shrIrAghavendrArya shrIrAghavendrArya shrIrAghavendrArya pAhi prabho || 47|| sanmArgasachChAstrasatsa~Ngasadbhaktisajj~nAnasampattimAdhehi bho | shrIrAghavendrArya shrIrAghavendrArya shrIrAghavendrArya pAhi prabho || 48|| hAsyAspado.ahaM samAneShvakIrtyA tavA~NghriM prapanno.asmi saMrakSha bho | shrIrAghavendrArya shrIrAghavendrArya shrIrAghavendrArya pAhi prabho || 49|| lakShmIvihInatvahetoH svakIyaiH sudUrIkR^ito.asmyadya vAchyo.asmi bho | shrIrAghavendrArya shrIrAghavendrArya shrIrAghavendrArya pAhi prabho || 50|| kShema~NkarastvaM bhavAmbhodimajjajjanAnAmiti tvAM prapanno.asmi bho | shrIrAghavendrArya shrIrAghavendrArya shrIrAghavendrArya pAhi prabho || 51|| kR^iShNAvadhUtena gItena mAtrakSharAdyena gAthAstaveneDya bho | shrIrAghavendrArya shrIrAghavendrArya shrIrAghavendrArya pAhi prabho || 52|| iti shrImatkR^iShNAvadhUtapaNDitakR^itau shrIrAghavendratantre ekAdashapaTale gAthAstutiH samAptA | \chapter{dvAdashapaTalaH || 12||} shrIrAghavendraR^iNamochanastotram | shritajanaduritaghnaM bhaktavargasya nighnaM suratarusamarUpaM sarvasAmrAjyabhUpam | bhajakajanasharaNyaM naumi kAruNyapUrNaM kuru R^iNaparihAraM tAta me rAghavendra || 1|| rachitabhayavinAsha shrIda sampatsamR^iddha | priyatamapara dInA.anAthabandho namaste | niTilagatakuvarNashreNivaiyyarthakArin kuru R^iNaparihAraM tAta me rAghavendra || 2|| ghanataraharisevotkarShalabdhAShTasiddhe vitaraNaguNalIlAdhikkR^ita svardrukIrte | nikhilaguNanidhAnashlAghyasaubhAgyamUrte kuru R^iNaparihAraM tAta me rAghavendra || 3|| viditavividhavedavyAsavAkyArthamadhva\- prakaTitamatabhAvavyAkR^itipropakartaH | kR^itakalikR^itadoShochchATana kShemakArin kuru R^iNaparihAraM tAta me rAghavendra || 4|| draviNarahitalokAstvAmupAshritya sarve kalitasakalakAmAH santi saukhyena bhUmau | idamahamapi matvA saMsR^itastvAmudAraM kuru R^iNaparihAraM tAta me rAghavendra || 5|| yativara bahubhaktatrANanAt pATavaM te kimu galitamutA.ahaM nAsmi kiM rakShaNArhaH | dvayamapi na hi yuktaM sarvatantrasvatantre kuru R^iNaparihAraM tAta me rAghavendra || 6|| naramitaramudArasevamAno.api bhUyaH sukhamahamiha nApaM pUrvakarmAnurodhAt | tadapi jhaTati dhUtvA rakShasItyAshraye tvAM kuru R^iNa parihAraM tAta me rAghavendra || 7|| mama tu bhavati mitre bAndhave mAtarIShTe pitari sadi vadAnye sadgurau vA samarthe | vyasanamanubhavAmi tvatsutaH sAmprataM kiM kuru R^iNaparihAraM tAta me rAghavendra || 8|| iti guruvara putro nAma kR^iShNAvadhUtaH chakara R^iNavinAshastrotrametadguNAnAm | paThati shatadinaM yo nityametattrivAraM kuru R^iNaparihAraM tAta me rAghavendra || 9|| R^iNamochanakaM nAma stotraM pratyakShasiddhidam | kuru R^iNaparihAraM tAta me rAghavendra || 10|| iti shrImatkR^iShNAvadhUtapaNDitakR^itau shrIrAghavendratantre dvAdashapaTale R^iNamochanastotraM sampUrNam | \chapter{trayodashapaTalaH || 13||} shrIpAdukApUjAvidhAnam | shrIguroH pAdukApUjAvidhAnaM gR^ihadharmiNAm | kR^iShNAvadhUto vakShye.ahaM gurorabhimataM yathA || 1|| dhyAnamAvAhanaM pashchAdAsanaM snAnamakShatAH | gandhapuShpANi naivedyaM dhUpo dIpo nirAjanam | puShpA~njalirdvAdashaiva pAdukApUjane krame || 2|| atha pAdukA pUjAvidhiH | sAya~NkAle gR^ihe snAtvA kR^itvA sandhyAjapAdikam | hariM vAyuM cha sampUjya pAduke pUjayedguroH || 3|| atha dhyAnam | pAduke gururAjasyA.apAdike sarvasampadAm | bAdhike sarvabAdhAnAM sAdhike bhavatAM mude || 4|| \- iti dhyAnam | pAdau pAdukayoratrAvAhayAmi mahAguroH | atra sannihitau bhUtvA kAmadau bhavataM mama || 5|| \- ityAvAhanam | idamAsanamAstIrNaM tiShThatAmatra pAduke | kuru tvaM gururAjasya kR^ipA me syAdyathA tathA || 6|| \- ityAsanam | shuddhaiH sugandhibhiH shItaiH salilaiH snapayAmi vAm | rAghavendraguroH pAdau tApaM me haratAM sadA || 7|| \- iti snAnam | phalaiH kShIraiH sharkarAdyaiH snAnaM chet pUrvamAcharet | gururAjapadAmbhojanyAsaprayata pAduke || 8|| akShatAn vAM pradAsyAmi kurutaM mAmihAkShatam | \- iti akShatAn | gurupAdarajogandhaliptA~Nge pAduke yuvAm || 9|| gR^ihItvA surabhiM gandhaM varteyathAM suradrumau || 10|| \- iti gandham | mallikAdi supuShpANAM mAlA shrIgurupAduke | asitAni cha puShpANi gR^ihItvA.avatameva mAm || 11|| \- iti puShpam | yathAshakti yathAkAlaM bhaktyA.a.anItaM phalAdikam | svIkR^itya saphalaM mAM cha kurutaM gurupAduke || 12|| \- iti naivedyam | shrIrAghavendra rAjendramunIndrapadasa~Ngate | pAduke vAM pradAsyAmi dhUpaM sarvamanoharam || 13|| \- iti dhUpam | andhakAraharaM chakShuHsaphalIkaraNe paTum | darshanArthaM cha vAM dIpaM darshaye gurupAduke | shrIrAghavendrAya namaH dIpaM darshayAmi || 14|| \- iti dIpam | nIrAjanatrayaM kAryamadhikaM vibhavo yathA || 15|| jayatu jayatu pAdUH pAtakadhvaMsakartrI jayatu jayatu bandhurbandhanirnAshayitrI | jayatu jayatu mitraM mAtR^ivad rakShayitrI jayatu jayatu rAjadrAghavendrA~NghridhAtrI || 16|| shrImatsadgurupAdasa~Ngavibhave shrIpAduke pAduke pATIrAmalagandhabandhuratanU shrIpAduke pAduke | nAnAlokashirobhilAlitamahA shrIpAduke pAduke dehi tvaM mama ma~NgalaM tava bhaje shrIpAduke pAduke || 17|| guruvarapadapadmapUtadehe mama mukhamastviti pAduke shraye tvAm | mayi sadayamanAstvadekabhakte mR^idulatanUdari sundari prasIda || 18|| \- iti nIrAjanam | vande tvAM devi devavratiyatipatipaddhUlikAlipralipte bhUyo bhUyo dayA me bhavatu vR^itavare mAnayAnasya divye | mAnaM j~nAnaM dhanaM me disha disha dashadhA pAduke duShTaduHkhAt pAhIto hInahInAt sakhasakhi sukhinaM mAM tanUta prataptam || 19|| kAmadAtrI sakAmAnAmanyaikAmR^itadAyikA | kAle kAle.aghakArmAsaM dahyAt kApyAryapAdukA || 20|| sataralAM nalinena tavA~Ngake praNidadhAmi gurUttama pAduke || 21|| shrIrAghavendra gururAjapadAravinda saMsargalabdhasuguNaiH jagati prapUjya | shrIpAduke sumukhi sundari sUkShmamadhye puShpA~njaliM vR^iNu vidhehi suma~NgalaM me || 22|| pradakShiNanamaskArau kariShye pAduke tava | mAmuddhara kR^ipApUrNe bhavaduHkhAmbudherdrutam || 23|| anekadhA yathAyogyamupachArAn samarpayet | kR^itvA.a.abhIShTaprArthanAM cha sarvatantre samarpayet || 24|| shrIguroshcharaNapa~Nkajasa~NgAnmodamAnahR^idaye mR^idulA~Ngi | iShTapUrtiradhunA mama bhUyAH shiShTashIrShaparipAlitamUrte || 25|| pAhi mAM sumukha vatsalabhAvAdvAhikA tvamasi bhaktabharasya | yA hi me vipada uchChitasarpAH tA hinasti namanaM tava pAdU || 26|| pAyAH mAM shrIgururAghavendracharaNApAyApahArodyate mAyApAshavinAshini prabhajatAM heyAkhilArojjhite | dAyAde.amarapAdapasya cha parIdhUyAkhilaM pAtakaM jAyAputragR^ihAdi saMsR^itiShu me bhUyAH mude pAduke || 27|| iti shrImatkR^iShNAvadhUtapaNDitakR^itau shrIrAghavendratantre trayodashapaTale pAdukApUjAvidhAnaM sampUrNam | \chapter{chaturdashapaTalaH || 14||} shrIkShamApaNastotram | shrIlakShmyopetaM dakShiNA~Nke vasantyA chaNDajyotirjyotiShaM tAmravarNam | shayyAkAro.anantabhogopaviShTaM viShNuM svapne.adarshayadyo garurme || 1|| mukhyaprANaM svarNaghaNToparisthaM sandarshyArAdAbhimukhyena pashchAt | svApatyaM mAM svAntike sUpaveshya svAtmAnaM me.adarshayadyaH pramodAt || 2|| sAkShAt putrApekShayA vatsalaM ma\- yyenaM nityaM mAnase me vasantam | smAraM smAraM sthAratApAvilo.api svachCho.ahaM shrIrAghavendraprasAdAt || 3|| yasmAdasmin rAghavendrAryatantre pUrNe jAte svapna evaM vidho.abhUt | tasmAdasya shrAvaNAt pAThato.api prANadvAreNAparokShyaM hareH syAt || 4|| lakShmIkAnte svAparokShIkR^ite.asmin kiM dussAdhyaM duHkhabandhaM kathaM syAt | granthaM chAmuM rAghavendrAryatAtaH svIchakre yattena chAsaM kR^itArthaH || 5|| tvaM me mAtA tvaM pitA tvaM sakhA cha tva me bandhuH tvaM cha dAtA dayAluH | tvaM me rAjA pAlakastvaM gurushcha putro.ahaM te pAhi mAM rAghavendra || 6|| sarvaj~na tvaM mAmakaM sarvavR^ittaM jAnasyeva pratyahaM kiM vadAmi | ye ye pApAH santi lokeShu teShAM agre gaNye nAsti me tadguNo.aNuH || 7|| etAdR^ikShaM choddharermAM vidheyaM satyaM khyAtaM te dayAlutvametat | sarvaM tvayyevArpitaM madgurutvAt kAryAkAryaM karma tattatphalaM cha || 8|| tatra svIkurvAtmano yadyadiShTaM putratvAnme.athetaratvaM sahasva | atra proktaM me R^itaM vA.anR^itaM vA tAta kShAntvA modamuchchairupAgAH || 9|| tAta shrIgururAghavendrayatirAT shrIrAghavendraprabho lokAgaNyaguNaughalAlita tava stotrAya nA.alaM vachaH | nA.alaM buddhirabhUttava stavavidhiprotsAhamAnasya me kintu shrutR^ipaThajjanAlasatayA te chAj~nayA pUryate || 10|| yasya yasyAsti durdaivamUlanirnAshanArhatA | tasya tasyaiva tantre.asmin AsthAstItyabravIdguruH || 11|| ahaM shrIgururAjena pitrA pratyakShachoditaH | rahasyaM saphalaM chaShTA na dUShye viduShAM dhuri || 12|| iti kR^iShNAvadhUtena vashyavANI vilAsinA | shrIgurupremaputreNa gururAjaprasAdataH || 13|| kR^itaM shrIrAghavendrAryatatraM sadyaH phalapradam | prIyatAM tena gururAT hR^idgatau madhvamAdhavau || 14|| gururAja pitA.asi me kR^ipAvAniti nishchitya mayoddhataM vyabhANi | tvadananyagatermamAnR^itoktiH sutavAtsalyatayA kuruShva satyAH || 15|| anR^iNamayAchanamashramamabhayaM nyAyyaM yatheShTamaprayatnam | ashanaM vasanaM sadanaM dAtuM bhoktuM dadAsi chet tadalam || 16|| iti shrImatkR^iShNAvadhUtapaNDitakR^itau shrIrAghavendratantre chaturdashapaTale kShamApaNastotraM sampUrNam | \chapter{pa~nchadashapaTalaH || 15||} shrIrAghavendragururAjastavarAjaH | atha kR^iShNAvadhUto.ahaM gururAjapriyaH sutaH | vakShye mayi pitustasya kR^ipAM sarvAtishAyinIm || 1|| yadyapyetanna prakAshyaM rahasyaM vismayapradam | tathApi vakShye grandhe.asmin pratyayArthaM tadAj~nayA || 2|| kadAchidbandhu\-dAridrya\-R^iNa\-rAjAdi pIDitaH | bhR^ishaM shochan guruM dhyAyan na svApsvaM kaluShAshayaH || 3|| tataH sUryodaye kAle svapne ko.api yatIshvaraH | AkaTIrjAnuparyantaM R^iddhakAShAyavastravAn || 4|| tulasI maNi mAlAbhyAM shobhitena vivAsasA | vishAlavakShasA tailasnigdhashyAmalavarchasA || 5|| aprAvR^itena shirasA pAdukAbhyAM cha rAjataH | shiShyeNAnugataH pashchAt jalapAtradhareNa cha || 6|| vegAdAgatya mAM haste gR^ihItvAntarupAgataH | shiShyastu dvAra evAsIdupAvishadasau guruH || 7|| atha mAM prANinaM santaM vatsetyAmantrya so.abravIt | pradarshayaMstAmrapatraM likhitaM nAgarAkSharaiH || 8|| Atmetyeva paraM devamupAsva harimavyayam | prANasyedaM vashe sarvaM prANaH paravashe sthitaH || 9|| viShvaksenaH vAyuputraH prahlAdaH prathamo mataH | vibhIShaNo.atha bAhlIko vyAso.ahaM satyasandhakaH || 10 || saMhataprahatau sandhiprasandhI somikormikau | appaNAchAryakR^iShNau cha sevakau me yugakramAt || 11|| mayyadhiShThAya te bhAraM samanmantrAdyupAsanam | granthaM kamapi kartuM tvaM prArabhasva bhayaM na te || 12|| yogyatAmanusR^ityAhamayogyechChAM nivArayan | vipattIH parihR^ityA te sukhaM dAsyAmi putraka || 13|| omityuktvA yatistachcha tAmrapatraM tathAkShatAn | datvA mahyamadR^ishyo.abhUt prabuddho.ahaM tataH kShaNAt || 14|| apashyaM shirasaH sthAne sAkShatAM tAmrapatrikAm | shAntaH shokastadA me.abhUdAsAraiH pAdapo yathA || 15|| chittaM prasannamabhavadyathAmbhaH kumbhajodayAt | tataH shrIrAghavendrAryaguruM modAdapUjayam || 16|| ArirambhayiShurgranthaM rAghavendrAryatantrakam | astauShaM stavarAjena bhaktyunmAdabhramanmanAH || 17|| shrIrAghavendrArya pitA tvameva tvameva me sadgatihetubhUtaH | imaM cha shokaM mama nAshayAshu kShamasva me sarvamahAparAdham || 18|| kalyAveshena kaluShaM viShayAsaktachetasam | snAnasandhyAdibhirhInaM bhaktihInaM harau gurau || 19|| sAdhUnAM sa~NgarahitaM duShTAnAM sa~Ngate sthitam | durmArge sarvadA santaM rAghavendrArya rakSha mAm || 20|| rakShaNIyamarakShantaM rakShaNAnarharakShakam | dAkShiNyAdarthalobhAdvA durvyApAraM suva~nchakam || 21|| yantrabaddhapashuprAyaM bhramamANaM kuyoniShu | anAlambanamatyArtaM rAghavendrArya rakSha mAm || 22|| janmamR^ityujarAvyAdhipIDitashcha svakarmabhuk | dAridryamatitIrShashcha saMsAravyasanAturaH || 23|| dAtuM bhoktuM mahAlubdhI vaibhave.api kadannabhuk | parAnnaparituShTo.ahaM rAghavendrArya rakSha mAm || 24|| kShaNashaH kaNasho.apyarthaM sa~NgR^ihya cha pishAchavat | rakShannadAtA chAbhoktA durmukho duraha~NkR^itiH|| 25|| putrapatnIgR^ihAdyeShu sakto.ahaM bhartsito.api taiH | karmaj~nAnendriyaiH pApI gururAjAnurakSha mAm || 26|| guruvArye purANAdAvanAdaraNashAlinaH | tvadbhaktAn viShNubhaktAMshchApyavaj~nAtushcha sajjanAn || 27|| svamAhAtmyaprakAshArthamatyantAnR^itabhAShiNaH | gurubrAhmaNadevAnAM pUjAM dambhena kurvataH || 28|| aparAdhAnanekAn me kShamasva mayi vatsalaH pa~nchayaj~nAdyakaraNAdatithInAmupekShaNAt || 29|| shrautasmArtAgnirAhityAd amAshrAddhAdvabhAvataH | havyakavyAdi lopAchcha pa~NktibhedAchcha pAtakAt || 30|| abhakShyabhakShaNAchChAdi pAtrApAtrAvivechanAt | varNoktAchArarAhityAdrAghavendrArya rakSha mAm || 31|| nIchasevAlekhyavR^itti mADhApatyAdi jIvanAt | asatsu pakShapAtAchcha paurohityAt durannataH || 32|| divA\-sandhyArajaH shrAddha\-parvAdiShu vadhUrateHl R^itau patnyanugamanAt pAtakAdrakSha mAM guro || 33|| kanyAgo.ajAdimahiShIghR^itatailAdi vikrayAt | ekAdashyannanighasAddvAdashyulla~NghanAdapi || 34|| divAsvApAtparastrINAM vidhavAnAM cha sa~NgataH | patnIsutAdinirvyajatyAgAt tAtAva mAM guro || 35|| parastrIgaNikAdInAM puruShasyAnukUlanAt | hiMsanAdgodvijastrINAM jAragarbhanipAtanAt || 36|| narastutirdyUtachauryAdbhAryApaNyena jIvanAt | jArajAnAM svaputrANAM lAlanAchchAva mAM guro || 37|| viShAgnishastrapAShANagalabandhAbhichArakaiH | hiMsanochchATanAdbandhumAtApitrAdivarjanAt || 38|| svasrAdidUShaNAt patnIpatividveShavashyataH | mitrabhit kUTasAkShitvAdrAghavendrArya rakSha mAm || 39|| j~nAtvApi jAriNIM patnIM tayA sa~Ngamya lobhataH | vaMshAdhaHpAtanAt tasyAmapatyotpAdanAdapi || 40|| parasva\-parapatnInAM balAdanubhavAdapi | R^iNApaharaNAchchApi mAmuddhara kR^ipAnidhe || 41|| ityAdi bahupApaughAt j~nAtvA.aj~nAtvA kR^itAdapi | tAta shrIrAghavendrArya paripAlaya mAM sutam || 42|| pApinAmagragaNyo.ahaM dayAlUnAM tvamagraNIH | tvAM vinA na hi jAne.anyaM mamAdyoddhArakAraNam || 43|| shrIrAghavendra gururAja kR^ipAsamudra kAruNyapUrNakaruNAjaladhe kR^ipAbdhe | bhaktAnukampitamano dayApayodhe\- .anukroshasAndra karuNAlaya mAM prapAhi || 44|| iti kR^iShNAvadhUtena gurupAdAnujIvinA | stavarAjamimaM proktaM rahasyaM pApanAshakam || 45|| paThatAM sarvapApAni nashyantyeva na saMshayaH | idaM dattavarastotraM gururAjena sAdR^itam || 46|| pragoptavyaM prayatnena dadyAchChraddhAlave gurau | abhaktAya na dAtavyaM kalidoShanivArakam || 47|| dinaM vA sakR^idapyetat paThatAM yogyatAmanu anAchAraratAnAM vA vartate pitR^ivadguruH || 48|| bAlo.asatyaM vadati pitaraM svAparAdhe.api dhArShTyA tAta tvaM me.avada idamato.akArShametattatheti || 49|| shrutvA tAtastanayavachanaM premato modate hi | tvaM modethAH shishuvachasi me rAghavendrArya tAta || 50|| gururAja pitA me kR^ipAvAniti nishchitya mayoddhataM vyachAri | tvadananyagatIrmamAparAdhAn sutavAtsalyamupAgataH kShamasva || 51|| iti shrIkR^iShNAvadhUtavirachite shrIrAghavendratantre pratyakShasiddhiprade rahasyopAkhyAne gururAjastavarAjo nAma pa~nchadashapaTalaH | || iti shrIrAghavendratantram || || shrIkR^iShNArpaNamastu || ## Proofread by Gopalakrishnan, PSA Easwaran \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}