% Text title            : rAmAnujaprapattiH
% File name             : rAmAnujaprapattiH.itx
% Category              : deities\_misc, gurudev, rAmAnujasampradAya, prapatti
% Location              : doc\_deities\_misc
% Proofread by          : PSA Easwaran psawaswaran
% Acknowledge-Permission: Shri Tripursundari Ved Gurukulam, Sahibabad (Ghaziabad), UP
% Latest update         : March 24, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIrAmAnujaprapattiH ..}##
\itxtitle{.. shrIrAmAnujaprapattiH ..}##\endtitles ##

tattvAvabodhamihirAbhyudayasya pUrvaM
sandhyAyitaidaravinidrasarojaramyaiH |
ApATalAMshupaTalaiH parirabhyamANau
rAmAnujasya charaNau sharaNaM prapadye || 1||
bhogApavargarasikaiHpuruShaiHprayukta\-
nyAsA~Ngapa~nchakayugImatidAyinIbhiH |
dIrghA~NgulIbhiratulau dashabhiHsushobhau
rAmAnujasya charaNau sharaNaM prapadye || 2||
vedAntadeshikashikhAbharaNAyamAnau
tasyAchChamAnasasarovararAjahaMsau |
tatprauDhavAksuranadIkamaThAyamAnau
rAmAnujasya charaNau sharaNaM prapadye || 3||
nirvApitaprachuragarvavinamrasarva\-
durvAdishIrShapariShadbahumAnitAbhyAm |
vAdAhaveShu ghaTitau varapAdukAbhyAM
rAmAnujasya charaNau sharaNaM prapadye || 4||
utthAya yogasukhato mItaprabhAte
sahyAdrijAplavavidhau bhR^ishamutsukasya |
chittasya shIghragamanena vitIrNasAhyau
rAmAnujasya charaNau sharaNaM prapadye || 5||
rekhAdhvajA~Nkushasaroruhasha~Nkhamukhya
chihnairnijaistata ito mR^iducha~NkrameNa |
sahyAtmajApulinasImani bhUShayantau
rAmAnujasya charaNau sharaNaM prapadye || 6||
nirvarttane sati cha sAndhyavidheryathAva\-
dbhaktyA muhuHpraNamatAM mahatAM janAnAm |
drAgarchito suvihitA~njalipadmakoshaiH
rAmAnujasya charaNau sharaNaM prapadye || 7||
shrIra~NganAthacharaNAviva vedamauli\-
ShvAtmIyavaibhavavidAM mahatAM dvijAnAm |
dhanyottamA~NgavalabhIShu vihArabhAjau
rAmAnujasya charaNau sharaNaM prapadye || 8||
ra~NgAdhirAjasadanAbhimukhaM prayAntau
rathyAparAgapaTalIM nijasa~NgabhUmnA |
saMsArarogashamanauShadhachUrNayantau
rAmAnujasya charaNau sharaNaM prapadye || 9||
prAbodhikastutivareNa vidhUtanidraH
snehArdrayA nijadR^ishA puruShaH purANaH |
yau si~nchati sma sapadi kramasho mukhAdyaH
rAmAnujasya charaNau sharaNaM prapadye || 10||
vedAntagahvaranilInamanoharArtha\-
vyAkhyArasaikamanaso nijashiShyavarge |
niShpandatAmupagatau shravaNechChayaiva
rAmAnujasya charaNau sharaNaM prapadye || 11||
bhikShATanasya samaye dinayauvane.api
tejo.analendhanamahaM na bhaveyamasya |
itthaM dharA dhR^itavatI shishirAsatI yau
rAmAnujasya charaNau sharaNaM prapadye || 12||
shrIsheShashailakaribhUdharayAdavAdri\-
siMhAchalendrabadarIvananAyakAnAm |
nityaM gatAgatajuShau padasevanAya
rAmAnujasya charaNau sharaNaM prapadye || 13||
snAnena pAtakijanaiH parimuktasakta\-
doShApanodanakR^ite suranimnagAyAH |
tIre nakhadyutibhirAdadhatAvivAnyAM
rAmAnujasya charaNau sharaNaM prapadye || 14||
shrIrAmasetuparikarmavatAmahormi\-
jAlena sindhusavidhe kalahAyamAnau |
shrIpAdukAsvanamiShAdvR^ijinApanode
rAmAnujasya charaNau sharaNaM prapadye || 15||
rAmAnujaprapattiM ye tatpadAmbhojabhaktitaH |
paThantyanudinaM prAtarmuktisteShAM kare sthitA || 16||

iti shrIrAmAnujaprapattiH ||

##
Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}