% Text title            : Shri Ramanuja Stava Shlokah
% File name             : rAmAnujastavashlokAH.itx
% Category              : deities\_misc, stotra, gurudev
% Location              : doc\_deities\_misc
% Proofread by          : Aruna Narayanan
% Description/comments  : Ramanujastotraratnavali, Ramanuja Sampradaya. (Prayer to Shri Ramanujacharya)
% Latest update         : December 25, 2022
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Ramanuja Stava Shlokah ..}##
\itxtitle{.. shrIrAmAnujastavashlokAH ..}##\endtitles ##
anekAchAryairanugR^ihItAH
             || shrIH ||
    || shrImate rAmAnujAya namaH ||

kAShAyashobhikamanIyashikhAniveshaM
      daNDatrayojvalakaraM vimalopavItam |
udyaddineshanibhamullasadUrdhvapuNDraM
      rUpaM tavAstu yatirAja ! dR^ishormamAgre || 1||
namaH praNavashobhitaM navakaShAyakhaNDAmbaraM
      tridaNDaparimaNDitaM trividhatattvanirvAhakam |
dayA~nchitadR^iga~nchalaM dalitavAdivAgvaibhavaM
      shamAdiguNasAgaraM sharaNamemi rAmAnujam || 2||
etAni tAni bhuvanatrayapAvanAni
      saMsArarogashakatIkaraNauShadhAni |
jihvAtale mama likhAni yathA shilAyAM
      rAmAnujeti chaturANyamR^itAkSharANi || 3||
                   (keShA~nchit pUrvAchAryANAm)

sanAtanasarasvatIkumudasampadujjR^imbhakaiH
      apAkR^itatamobharaiH apahR^itAbhitApA~NkuraiH |
vachonichayachandrikAvilasitaissa viShNoH pade
      vishuddhimabhidarshayan vitanutAM yatInduH shriyam || 4||
mahIyAMsaM harShaM manasi vitarItuM tanubhR^itAM
      udItau dvau tArApriyatamayatikShmAparibR^iDhau |
kAlAdAnAdyo bhajati laghutAM pashyata janAH
      paro doShApetaH prathayati tato hanta gurutAm || 5||
                           (shrIkaushikakavitArkikasiMhamishrAH
                               AchAryachampUgranthe)

shrImAn rAmAnujAryo jagati vijayatAmagrayAyI yatInAM
      yannAmollApamAtrAt narapatitanayAM prAtyajat brahmarakShaH |
yasyAbhAti tridaNDI chidachidapi paraM cheti tattvatrayasya
      sthityAdisthApanArthaM pR^ithagabhikalitA ketudaNDatrayIva || 6||
yatkIrtiH svamatapraveshasuhR^idAma~NgeShu puNDrAyate
      svAnte sattvaguNAyate.atha bhagavad.hdhyAnAkhyaga~NgAyate |
santoShAdadhirohatAM haripadaM tatsUtrayantrAyate
      jIyAdeSha yatIshvaro bhuvi chiraM bhUyAchcha nassapade || 7||
valmIkaprabhavo muniH svayamiha prokto budhendraiH kaviH
      valmIkaprabhavendra eSha yaminAM shreShThaH shrutaH paNDitaH |
vyAsasso.api parAshareNa janitaH shrIkeshavAryaiH guruH
      sheShashcha svayamityabodhi dharaNau ko vA yatIndossamaH || 8||
        (shrISha~NgIsha shrInivAsAchAryAH \- shrIyatipativaibhavadIpikAyAm)

udayagirisamR^iddho yaH karAgreNa pR^ithvIM
      apahatatimiraughAmadbhutArthaprakAshAm |
akR^ita nigamamUrtiH gonidhirmuktinetA
      jayati sa yatirAjo bhAskaro lokabandhuH || 9||
        (shrImadbhinavadeshikavIrarAghavAchAryasvAminaH,
                       shrutaprakAshikAbhUmikAyAm)

iti anekAchAryairanugR^ihItAH shrIrAmAnujastavashlokAH sampUrNAH |

 || shrImate rAmAnujAya namaH ||
##
Proofread by Aruna Narayanan 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}