% Text title            : rAmAnujavaibhavastotram
% File name             : rAmAnujavaibhavastotram.itx
% Category              : deities\_misc, stotra, gurudev
% Location              : doc\_deities\_misc
% Author                : Rangarya
% Transliterated by     : Mohan Chettoor
% Proofread by          : Mohan Chettoor, NA
% Description-comments  : Ramanuja Sampradaya. (Prayer to Shri Ramanujacharya, advice)
% Latest update         : June 6, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ramanuja Vaibhava Stotram ..}##
\itxtitle{.. rAmAnujavaibhavastotram ..}##\endtitles ##
shrImannArAyaNasvAmin shaThakopaM pradehi me |
rAmAnujaM pradehi tvaM shaThakopaM munIshvara || 1||
pradehi me dAsharathiM rAmAnuja dayAnidhe |
bhavAbdhau majjamAnaM mAM karuNAbdhe samuddhara || 2||
tvameva me pitAH mAtA sharaNyashcha gururgatiH |
tvAM vinA.anyA gatiH svAminnahi kutrApi vidyate || 3||
ghore kaliyuge hyasminsarvadharmavivarjite |
saMsArataraNopAyo nAnyastvachcharaNAtprabho || 4||
tato.ananyagatiM dInaM dInabandho dayArNavaH |
pAhi mAM pApinaM ghoraM rAmAnujajagadguro || 5||
saMsAratApasandagdhashshItahetuvivarjitaH |
rAmAnujapadAmbhojachChAyAvishrAmamAshraye || 6||
sarvama~NgalamA~NgalyaM sarvopadravanAshanam |
vande rAmAnujAryasya nityaM pAdAmbujadvayam || 7||
kechitkarmAdiyogeShu vidvAMso.abhiratA janAH |
vayantu yatirAjasya pAdapadmaikasaMshrayAH || 8||
bhogaishvaryaparAH kechitkechitkaivalyamIpsavaH |
vayantushR^i~NkhalAlagnA rAmAnuja dayAnidhe || 9||
tvatpAdAmbhojamAshritya nikhilopAyavarjitaH |
tariShyAmo~njasA nUnaM mR^ityusaMsArasAgaram || 10||
namo.astu sarvArtivinAshahetave
      hyanantapApendhanadAvakIline |
nijAshritAnAM bhavasindhusetave
      yatIndrapAdAmbujakAmadhenave || 11||
akhiladuritapu~njadhvaMsana.ndehamAjAM\-
      bhavajalanidhipAte pAvanaM pAvanAnAm |
paramapuruShadhAmaprApakaM svAshritAnAM
      yatipati padapadmaM shreyase saMshrayAmi || 12||
namAmi rAmAnujapAdapa~NkajaM
      vadAmi rAmAnujanAma nirmalam |
smarAmi rAmAnujadivyavigrahaM
      karomi rAmAnujadAsadAsatAm || 13||
rAmAnujasya padapa~NkajamAshrayAmi
      rAmAnujasya karuNAmanusandadhAmi |
rAmAnujasya janapAdarajo vahAmi
      rAmAnujAya nama ityanishaM vadAmi || 14||
bauddhAndhakAraparihAradivAkarAya
      shrIvaiShNavAmbunidhipUrNanishAkarAya |
advaitavAdikariyUthamR^igAdhipAya
      tasmai namo.astu satataM yatipu~NgavAya || 15||
lokAnuddharttukAmo dhR^itamanujavapurbhUtale yo.avatIrNo
nirjityAsheShaduShTAn kumatimataparAnvaiShNava~Nkarmatene |
brahmeshAnAdyalabhyaM nikhilapatipadaM dattavAMshchAshritAnAM
shrImAn rAmAnujo no bhavabhujagamukhAtpAtu nityaM dayAluH || 16||
svapadAmbujasaMshritapApaharaM sakalashrutisArayathArthakaram |
jayanAdivinAshanadaNDadharaM praNamAmi yatIshvaramAdigurum || 17||
prakaTIkR^itamAdhavabhaktipathaM kalipAtakamochanapuNyakatham |
paribhUtanirIshvaravAdimataM yatirAjaguruM praNamAmi sadA || 18||
kR^imikaNThanareshaniShUdakaraM bhavarogavinAshanavaidyavaram |
sharaNAgatavatsalavArinidhimpraNamAmi sadAyatibhUmipatim || 19||
namo rAmAnujAryAya kalyANaguNasindhave |
kR^ipAmAtraprasannAya dInanirvyAjabandhave || 20||
prathamo.anantarUpashcha dvitIyo lakShmaNastathA |
tR^itIyo balarAmashcha kalau rAmAnujo muniH || 21||
dvAparAnte kalerAdau pAkhaNDaprachure jane |
rAmAnujeti bhavitA viShNudharmapravarttakaH || 22||
sarvalokasamuddhartre kR^imikaNThavinAshine |
nArAyaNapratiShThAtre prapannasurasAkShiNe || 23||
tridaNDahastaM sitayaj~nasUtraM kAShAyavastraM lasadUrdhvapuNDram |
rathA~Ngasha~NkhA~NkitabAhumUlaM rAmAnujAryaM sharaNaM prapadye || 24||

iti shrIbrahmasaMhitAyAM rAmAnujavaibhavastotraM sampUrNam ||

##

Encoded and proofread by Mohan Chettoor

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}