% Text title            : Shri Ramakrishna prashastih
% File name             : rAmakRRiShNaprashastiH2.itx
% Category              : deities\_misc, gurudev, rAmakRiShNa
% Location              : doc\_deities\_misc
% Proofread by          : Aruna Narayanan
% Description-comments  : rAmakRiShNastotramAlA, stavanAnjali
% Acknowledge-Permission: Ramakrishna Shivananda Mission, Varasat
% Latest update         : June 12, 2023
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Ramakrishna prashastih ..}##
\itxtitle{.. shrIrAmakR^iShNaprashastiH ..}##\endtitles ##
abhUt tretAyuge rAmaH kR^iShNo yo dvApare tathA |
rAmakR^iShNatayA kAle kalAvatra babhUva ha || 1||
yugapravartakatvena yugAchAryAkhyayA punaH |
svAmIvivekAnando.ataH praNamannAha sAdaram || 2||
\ldq{}sthApakAya cha dharmasya sarvadharma svarUpiNe |
avatAravariShThAya rAmakR^iShNAya te namaH\rdq{} || 3||
matabhedena mArgANAM bhedo nAstyatra saMshayaH |
vibhinnasAdhanAsyUtAnubhUtiH kalpanA na hi || 4||
vishvadharmapratIko.abhUd rAmakR^iShNo na saMshayaH |
sarveShAmeva dharmANAM sAdhanA yat samAdR^itAH || 5||
tadrahasyamidaM j~neyaM sarva eva hi mAnavAH |
santAnavaddhi vishvasya sraShTurhi paramAtmanaH || 6||
iti nirNIya vishva.asmin bhrAtR^itve supratiShThite |
vishvabandhutvasaMsiddhirmaitryUtkarShAdbhavediti || 7||
atyantabAlyakAle ShaDvarShAvasthasya yoginaH |
bhAvAvasthA svato jAtA rAmakR^iShNasya bhUmnyaho || 8||
kasya sAdhAraNasyaivaM dR^iShTaM kenApi karhichit |
tataHparaM samagre hi jIvane parameshituH || 9||
saguNatvAguNatvAbhyAM dhyAnaniShTho babhUva saH |
satyaM bhagavato rUpamasatyaM yattataH param || 10||
iti nUtanayA bha~NgyA sArayAmAsa dustare |
sandehAn sa kutarkotthanAstikatvAkule yuge || 11||
ka evamanya Aste yo labhyaH sAdhAraNe jane |
rAmakR^iShNasamo yaH syAt prathito.asa~NkhyamAnave || 12||
bhagavallAbhasamparke dR^i.DhaechChA jAgaraM gatA |
iShTadarshanakAmasya rAmakR^iShNasya shAshvatI || 13||
tadIyaM janma sAdhIyo mAturAshvAsitasya cha |
jAtidharma visheShArthamAgatistasya naiva hi || 14||
samagravishvakalyANaprasavArthaM tadAgamaH |
iyaM vichitratA tasya sparshamAtreNa kevalam || 15||
samAdhistara unnItaM bahu sAdhAraNaM manaH |
svIyAdhyAtmikashakterhi kR^itvA sa~NkramaNaM pare || 16||
chaitanyodbodhanenAsau taM muktidvAramAnayat |
ahaitukyAM tatkR^ipAyAM sImA bhaugolikI na hi || 17||
tatastasya kR^ipAlAbhe sarva evAdhikAriNaH |
janmApi nAbhavattatra bAdhakaM kutrachittataH || 18||
antyajAdyA api kR^ipAlAbhAttasya na va~nchitAH |
nAtIta\-bhUpatermudrA vartamAne.arthasAdhanI || 19||
upAdAnaikyasatve.api chihnavaichitrya yogataH |
sarvaprasiddhamevaitat tadvadetat prabuddhatAm || 20||
yugadharmashchihnito.adya rAmakR^iShNacharitrataH |
rAmakR^iShNAvatArasya vailakShaNyamidaM mahat || 21||
santyajya sakalaishvaryaM dInaveshe samAgamaH |
tyAgastapashcha vairAgyamIshvarAshrayatA parA || 22||
rAmakR^iShNAvatAre.atra bhAvaishvaryamudAhR^itam |
gArhyasthyamapi sa.nnyAso dvayaM hi samapekShitam || 23||
ityapyadarshayadrAmakR^iShNastaddvayamAshrayan |
jIvanAdrAmakR^iShNasya tattadAshramajIvane || 24||
prapatannUtanAlokasa~NketaM prApa nishchitam |
satyayordevadevyostu mUrtipUjApi nAnR^itA || 25||
dvaitaM vishiShTAdvaitaM chAdvaitaM sarvaM hi shobhanam |
shaivAH shAktA gANapatyA bauddhAH khR^iShTAnuyAyinaH || 26||
yavanAshcha same dharmAH shAkhAbhUtAH starAtmakAH |
kiMvA vedAntadharmasya vitatAmitashAkhinaH || 27||
tAsAM tAsAM sAdhanAnAM vidhAnenopadeshataH |
ityeva khyApayAmAsa rAmakR^iShNaH prabhuH paraH || 28||
patnIM devIsvarUpeNa sampUjyAdAd bR^ihattarAm |
maryAdAM mAtR^ijAtyai hi taddevatvaM sthirIkR^itam || 29||
gachChAmi sharaNaM shrImadrAmakR^iShNapadAmbujam |
tasmAt sadaiva hR^idaye samudetu sa eva hi || 30||

iti nyAyAchArya paNDita Ananda jhA ityetena virachitA 
            \ldq{}shrIrAmakR^iShNa\-prashastiH\rdq{} samAptA |
##
Proofread by Aruna Narayanan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}