% Text title            : Ramadevikritam Kamadeva Stotram
% File name             : ramAdevIkRRitaMkAmadevastotram.itx
% Category              : deities\_misc, bhAgavatapurANa, stotra
% Location              : doc\_deities\_misc
% Proofread by          : PSA Easwaran
% Description/comments  : bhAgavatapurANa | adhyAya 5/18/18-23||
% Latest update         : September 23, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ramadevikritam Kamadeva Stotram ..}##
\itxtitle{.. ramAdevIkR^itaM kAmadevastotram ..}##\endtitles ##
OM hrAM hrIM hrUM OM namo bhagavate hR^iShIkeshAya
sarvaguNavisheShairvilakShitAtmane AkUtInAM chittInAM
chetasAM visheShANAM chAdhipataye ShoDashakalAya
chChandomayAyAnnamayAyAmR^itamayAya sarvamayAya
sahase ojase balAya kAntAya kAmAya namaste
ubhayatra bhUyAt || 18||
striyo vrataistvA hR^iShIkeshvaraM svato
hyArAdhya loke patimAshAsate.anyam |
tAsAM na te vai paripAntyapatyaM
priyaM dhanAyUMShi yato.asvatantrAH || 19||
sa vai patiH syAdakutobhayaH svayaM
samantataH pAti bhayAturaM janam |
sa eka evetarathA mitho bhayaM
naivAtmalAbhAdadhi manyate param || 20||
yA tasya te pAdasaroruhArhaNaM
nikAmayetsAkhilakAmalampaTA |
tadeva rAsIpsitamIpsito.archito
yadbhagnayAch~nA bhagavan pratapyate || 21||
matprAptaye.ajeshasurAsurAdaya\-
stapyanta ugraM tapa aindriye dhiyaH |
R^ite bhavatpAdaparAyaNAnna mAM
vindantyahaM tvaddhR^idayA yato.ajita || 22||
sa tvaM mamApyachyuta shIrShNi vanditaM
karAmbujaM yattvadadhAyi sAtvatAm |
bibharShi mAM lakShma vareNya mAyayA
ka IshvarasyehitamUhituM vibhuriti || 23||

iti shrImadbhAgavatamahApurANe pa~nchamaskandhe aShTAdashAdhyAyAntargataM
         ramAdevIkR^itaM kAmadevastotraM samAptam |

bhAgavatapurANa | adhyAya 5/18/18\-23||
##
bhAgavatapurANa . adhyAya 5/18/18-23..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}