% Text title            : ramaNalaharI
% File name             : ramaNalaharI.itx
% Category              : laharI, deities\_misc, gurudev, ramana
% Location              : doc\_deities\_misc
% Author                : Narendrakesarisharma
% Transliterated by     : Sunder Hattangadi sunderh at hotmail.com
% Proofread by          : Sunder Hattangadi sunderh at hotmail.com
% Latest update         : January 6, 2018
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIramaNalaharI ..}##
\itxtitle{.. shrIramaNalaharI ..}##\endtitles ##

|| namo bhagavate shrImate ramaNAya ||

yato janmAdyasya prabhavati cha yaH kUTanilayo
mudA yanmAhAtmyaM praNigadati nityaM shrutigaNaH |
shivaM shuddhaM shAntaM niravadhisukhaM satyamamalaM
paraM vande.ahaM tatkimapi ramaNAkhyaM chitimahaH || 1||

mato hR^itpadmosAvaruNagirirAjo.akhilabhuvo
yadantashchaitanyaM tadiha ramaNo dakShiNagataH |
satAM sarveShAM yo hR^idi hi ramate svAtmakalayA
namastasmai bhUmne hR^idayaramaNAyAnavaratam || 2||

jaDaM dehaM nashyadghaTapaTanibhaM chidvirahitaM
tato nAhaM tadyanna hi bhavati suptau pratidinam |
ataH ko.ahaM tattvaM tviti varadhiyAnveShitavataH
sataH so.ahaMsasphUrtirhR^idaruNagirau bhAti ramaNaH || 3||

manaHsa~Nkalpo.ayaM tribhuvanamayo dR^ishyanichayo
mamaite sa~NkalpA iti shitadhiyA.a.alokya satatam |
ahaM ko vetyantarhR^idi nijavimarshe pariNate
chidAnandaH so.ahaM sphurati bhagavAMstatra ramaNaH || 4||

jarAdyUrmivrAtA.a.akulaviShamasaMsArajaladhe\-
stridhAtaptA~njIvAnnaramR^igakhagAdyAnkaruNayA |
samuddhartuM shoNAchalataTanivAsI kaliyuge
sadAnandaH siddho jayati ramaNAkhyaH sa bhagavAn || 5||

ahiMsAsiddhAntapraNihitadayAdharmasayujAM
yatInAM bauddhAnAM jinadashavalAkhaNDamatinAm |
yishUpadbhaktAnAM tadanu ramaNeshAna bhagavan
jino.asi tvaM buddhaH kramasha iha hIshAmasirasi || 6||

kurAnadhyetrINAmiha jagati mohammadaguroH
samAgachChantInAM shamitamanaseslAmavidhitaH |
prajAnAM samprApyaM yaduta paramaM daivamuditaM
khudAchAlAhastvaM ramaNabhagavannyomatanuman || 7||

padArthAnUche gautamamunivaraH ShoDashatayA
kaNAdassaptaivetyavadadatha vaisheShika R^iShiH |
padArthAnAmeShAM triguNavikR^itAnAmaNubhuvAM
paraM pAraM brahmaMstvamasi ramaNAsheSharamaNa || 8||

anAdI proktau hi prakR^itipuruShau vishvajanakau
yayorbhedaj~nAnAdbhavati manujo muktapuruShaH |
idaM sA~NkhyaM j~nAnaM samakathayadAdau tu kapila\-
stvamevaitattattvaM paramamasi kaivalyaramaNa || 9||

ahibhrAntIrajjvAM rajatadhiShaNA shuktipuTake
tathaivaM chidrUpe niravadhisukhe vishvakalanA |
itIdaM yattattvaM paramasukhadaM shA~Nkaramate
tadadvaitaM dhAma tvamasi bhagavatpAda ramaNa || 10||

jagadra~Nge chitre lalitapaTamAlyAdilasite
naTAstvete sarve sthalajalakhagAH prANinivahAH |
mahAmAyA.ajA yA chapalachapalA saiva sunaTI |
mahAsUtrAchAryo ramaNa sakalaM tvaM bhramayasi || 11||

tvamagnistvaM somastvamasi pavanastvaM jalamasi
tvamarkastvaM pR^ithvI viyadapi mahattArakagaNaH |
tathA vishve devAstvamasi varuNastvaM surapati\-
ryamo rudro.asi tvaM ramaNa dhanado gIShpatirasi || 12||

jagatsraShTA brahmA bhavasi bhagavan sR^iShTisamaye
jagattrAtA viShNustvamasi kila vishvambharavapuH |
mahAdevo.asi tvaM nikhilabhavasaMhAravibhava\-
strayo.apyete devAstava ramaNa lIlAvilasitAH || 13||

shivastvaM shaivAnAM harirasi mukundA~NghisuhR^idAM
bhavAnI shAktAnAM gaNapabhajakAnAM gaNapatiH |
ravistvaM saurANAmasi hutavahastvaM hi yajatAM
dvijAnAM sAvitrI vada ramaNa kiM kiM na bhavasi || 14||

maNidvIpe nIpopavanagatachintAmaNigR^ihe
samAsInA pAshA~Nkusha varabhayApohanabhujA |
triNetrA raktAbhA shashadharakirITA.atulakR^ipA
smitAsyA kiM na tvaM ramaNa bhuvanAdhIshvaravadhUH || 15||

pitA pAtA netA tvamasi viShame sAdhanapathe
prabho mAtA.asi tvaM hyanupamadayAmUrtiramalA |
gurustvaM choddhartA sukharahita saMsArajaladhe\-
strirUpo bhAsi tvaM ramaNabhagavaMste padajuShAm || 16||

mumukShUNAM mAnyA tvamasi bhagavanmuktilatikA
sukhechChUnAM nRRINAM tvamasi sukhasopAnapadavI |
makhAsaktAnAM tvaM hyasi vivR^itavaitAnakavidhi\-
staponiShThAnAM tvaM ramaNa mahitaH siddhimahimA || 17||

nirAkAro.api tvaM bhavasi vividhAkAravibhava\-
stvamadvaitI dvaitI nanu lasasi vishvAtmakatanuH |
tvameko.anekAtmA sphurasi nikhilAkAraruchiraH
prakAsho.adR^ishyashcha tvamasi ramaNAchArya bhagavan || 18||

virADagnirvishvastvamasi mahasA jAgrati tathA
hiraNyAntaH svapne bhavasi pavanastaijasa iti |
suShuptAvIshastvaM dinakaratanuH prAj~na udita\-
sturIye dhAmni tvaM ramaNa hR^idaye hyomiti padam || 19||

mano na tvaM buddhirna bhavasi tayA nendriyagaNa\-
stvaha~NkAro na tvaM prakR^itirasi na tvaM na vikR^itiH |
avidyA.anAdistvaM na bhavasi na dR^igdR^ishyanichaya\-
shchidAnandaH satyaM tvamasi paramaM brahmaramaNa || 20||

vasiShTho naiva tvaM bhavasi na tathA gautamamuni\-
rbharadvAjo.atristvaM na hi bahumataH kaushika uta |
na vA mArIchastvaM subhaga jamadagnistvamapi no
mahaH saptarShINAmayi ramaNa lokottaramasi || 21||

kalerdoShAnnAnAkaluShamatipAShaNDakalite
vidharme.asminvishve pibati tava vAkyAmR^itakaNAn |
janaughaH sarvo.api shravaNabalatastR^iptimayate
prabhAvaH sampUrNastava ramaNa jAgarti jagati || 22||

aho dhanyeyaM te jananavashato bhAratamahI
hyavAchI digdhanyA tava padasarojA~NkanavashAt |
shivAkAro dhanyastvaruNagiriruttu~Nga shikharo
maharShe yatra tvaM viharasi satAmApta ramaNa || 23||

surAH siddhAH sAdhyA yamaniyamayuktAH sutapasaH
surarShibrahmarShiprabhR^itaya utAnye cha yaminaH |
muhUrte brAhme tu shrutimadhuranAnAstutiparAH
namanti tvAM brahman ramaNa karuNApUrNajaladhe || 24||

sphurachChAntijyotsnAtulitashivakailAsamahimA
lasatkaivalyashrIhasitaharivaikuNThagarimA |
virAgaishcharyAbhAsuvijitasudhAsAgarayashAH
kR^ipAbdheH shoNAdrau jayati ramaNasyAshramavaraH || 25||

kapole vAme svaM karakamalamAdhAya vimale
shayAnashchottAnaM kShitijagatanetrAbjayugalaH |
R^iShiH shAntaH so.ahaMsphuraNaparamAnandamuditaH
shivaH pUrNaH sAkShI jayati ramaNaH shoNakaTake || 26||

smitaM vaktre shubhraM karakamalamudrA sukhakarI
svabhAvasthau pAdau nijasahajabhAvasthitamanAH |
vasAnaH kaupInaM dhavalamavadhUtAkhilatamAH
parAtmA shoNAdrau ramaNabhagavAnbhAti bhayahR^it || 27||

kaTAkShakShepaste harati hR^idayadhvAntamakhilaM
dayAdR^iShTiH pUrNA prakaTayati vij~nAnamihiram |
dadAtIShaddhAsyaM praNatamanujAyAtmapadavI\-
mameyaste dhanyo ramaNamahimA vAgaviShayaH || 28||

rakAro.agnirbrahman dahati sahasA sa~nchitamalaM
makArashchandro.ayaM harati tapanaM si~nchati sudhAm |
NakArashchArko hantyalaghu nibiDAj~nAnatimiraM
vibhUtistvannAmno jayati ramaNeshAna jagati || 29||

samuddhartuM lokAnkalimalahatAMstaptahR^idayAn
surANAM senAnIH sadayamavatIrNastvamadhunA |
avekShya pratyakShaM ramaNabhagavaMstvAmanujagau
kaviH kaNThekAvyo gaNapatimunissUritilakaH || 30||

prasAdAtsamprArthyAdapi suravarebhyastava kR^ipAM
paraM mattvA ChittvA tR^iNamiva nijAj~nAnanigaDam |
vinidrashchidrUpe niravadhisukhe majjati sudhIH
sa puNyAnAM manye ramaNa pariNAmaH paraguro || 31||

asAre saMsAre viShayamR^igatR^iShNAbhramitadhI\-
shcharannAnAyonau prabalatarasatkarmavashataH |
idAnIM samprAptashcharaNakamalaM te bhayaharaM
maharShe brahmarShe ramaNabhagavastvaM hi sharaNam || 32||

phalAsaktaH kurvanvividhamanishaM karma bahudhA
bhramannAnAtIrthaM bhuvi bata paTha~nChAstranikaram |
ashAntaH sarvatrAviditanijarUpo.ahamadhunA
sharaNyaM prAptastvAM ramaNabhagavaMstvaM hi sharaNam || 33||

japannAnAmantrAntstavamapi surANAM virachayan
likhanyantrAMstAntraM matamapi vishanvaidikamuta |
svarUpAj~nAnena prabalatamasAchChAditamati\-
stvayAbhAsAM dhAmnA sadayamavalokyo.ahamadhunA || 34||

mahAmohenAho viShamaviShayAneva bhajataH
svatattvAvasthAnaM tyajata udaye durlabhatamam |
vihAyAntardR^iShTiM bahiravirataM dhAvata iha
prabho kShantavyaM me ramaNa chapalasyApacharitam || 35||

trayI j~nAnaM yogastviti viditamArgatrayaparA
yathechChaM gachChantu svaruchimanusR^ityAtra manujAH |
ahaM tu tvatpAdAmbujasharaNadIkShAvimaladhI\-
rjagatsarvaM loke ramaNabhagavansvapnasadR^isham || 36||

pathaH sarvAnhitvA bhramaNaparitaptaH shramayutaH
prapanno.ahaM bhaktaH padasarasijaM te hyabhayadam |
sharaNyaH shakto mAM ramaNabhagavannoddharasi che\-
ttvadanyaM kaM loke sharaNamadhunA yAmi kathaya || 37||

nibaddhaM hR^idgranthiM mama sapadi sambhedaya vibho
samastaM sa~nChindhi tvamatha bhagavan saMshayamapi |
kShayaM drAksarvANi praNaya mama karmANi dayayA
paraM tvaM svAtmAnaM prathaya ramaNeshAna hR^idaye || 38||

tvamAtmA vishveShAM hR^idayakuhare bhAsi vimalaH
parAtmaMste divyaM padasarasijadvandvamadhunA |
prapanno.asmi brahman gururamaNa mAM shAdhi kR^ipayA
yathAhaM gachCheyaM bhavajaladhipAraM tava padam || 39||

ahaM dainyAgArastvamasi vibhavAnAM jananabhU\-
rmahAmUDho.ahaM tvaM hyasi nikhilavij~nAnanilayaH |
pipAsAshrAnto.ahaM tvamasi shivapIyUShalaharI
gurustvaM shiShyo.ahaM ramaNabhagavanpAhi dayayA || 40||

karAle siMhAsye yadi patati hA prANinikaraH
praNaShTo nirjIvo bhavati vikalashcha prakR^ititaH |
tavAchAryasyaivaM hyamalakaruNAdR^iShTikalayA
bhavennaShTo jIvo bhuvi ramaNa manye.adbhutamidam || 41||

mumukShurjij~nAsurya iha manujaH pUrvasukR^itaiH
shvapAko goruNDo yavanakulajo vA bhavatu kim |
sa yAti tvadvaktraprasaradupadeshAtmasudhayA
paraM mR^ityoH pAraM ramaNa tava sAmyaM cha bhajati || 42||

sabhAShyaM siddhAntaM tava mahitasaddarshanagataM
hR^idA pAyaM pAyaM ramaNabhagavan paNDitagaNaH |
prahR^iShTastR^iptAtmA bhavati gatasandehatimiro
na kasmai tvadvANI dishati shivakaivalyapadavIm || 43||

kuto.ayaM saMsAraH prabhavati kuto.aj~nAnatimiraM
kuto jIveshAnau bhavati kathamadvaitadhiShaNA |
svatattvasya j~nAne kimiha gurushiShyatvakathanaM
chidAnandAkAre jayati ramaNe shrIbhagavati || 44||

anitye loke.asminnasukhabharite.avApya jananaM
paraM nityaM satyaM hR^idayaramaNaM shAshvatasukham |
bhavantaM prAptA ye ramaNabhagavan puNyapuruShAH
kR^itArthatvaM teShAM kathamiva kavIndraH kathayatu || 45||

viditvA yaM devaM tarati bhuvi mR^ityuM tanudharo
yato nAnyaH panthA iti bhaNati muktyai shrutirapi |
tvamevAyaM devo hR^idayaramaNaH sarvajagatAM
mahAtmantsampUjye jagati mahimA te vijayate || 46||

vinA svAtmaj~nAnaM kvachana manujaH ko.api vimalAM
kadAchidyAtyurvyAM kathamapi na nirvANapadavIm |
iti j~nAnajyotiH prakaTitavato bhAratabhuvi
prabhA te brahmANDe ramaNa lasatIshAnayashasA || 47||

ahaM brahmAsmIti shrutihR^idi vachastattvamasi che\-
tyayaM hyAtmA brahmetyapi gaditamitthaM yadamalam |
chidAnandaH satyaM tadasi ramaNa brahma paramaM
hyahaM tvaM tvaM chAhaM nanu ramaNa nAnAsti kimiha || 48||

paraM brahmAnandaM vimalamanaghaM shAshvatamajaM
shivaM pUrNaM shAntaM paramashubharUpaM hyabhinavam |
prapa~nchAtItaM shaM triguNarahitaM nityamuditaM
maharShiM vande shrIramaNabhagavantaM hR^idi mudA || 49||

namaste pUrNAya tribhuvanamayAyAkhilavide
namaste nityAya prakR^itirahitAyAtmamahase |
namaste shuddhAya praNatajananAthAya vibhave
namaste bhUmne shrIramaNagurave shrIbhagavate || 50||

namo mahyaM kartre nikhilabhuvanAdhAravapuShe
namo mahyaM j~nAtre vayunamayarUpAya kavaye |
numo mahyaM dhAtre nagavaranivAsAya munaye
namo mahyaM bhartre hR^idayaramaNAyeha satatam || 51||

visheShArthA laghvI \ldq{}narapatimR^igendreNa\rdq{} bhaNitA
punAnA svAtmAnaM ramaNalaharIyaM vijayate |
anena stotreNa smarati ramaNaM yaH shubhamatiH
prasAdastasyAsya pravahati parasyAkhilaguroH || 52||

iti shrInarendrakesarisharmapraNItA shrIramaNalaharI ||

shrIramaNArpaNamastu ||
##
Encoded and proofread by Sunder Hattangadi sunderh hotmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}