% Text title            : Ruchikritam Pitri Stotram
% File name             : ruchikRRitaMpitRRistotram.itx
% Category              : deities\_misc, lakShmInArAyaNIyasaMhitA, stotra
% Location              : doc\_deities\_misc
% Proofread by          : PSA Easwaran
% Description/comments  : lakShmInArAyaNIyasaMhitA | khaNDa 3 | adhyAya 157/44-89||
% Latest update         : April 12, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ruchikritam Pitri Stotram ..}##
\itxtitle{.. ruchikR^itaM pitR^istotram ..}##\endtitles ##
brahmA tiro.abhavattatra nadItIre ruchistataH |
pitR^In santarpya tuShTAva praNato bhaktigauravaH || 44||
namasye shrIharikR^iShNaM shAshvataM vai pitAmaham |
anAdishrIkR^iShNanArAyaNaM shrIpuruShottamam || 45||
namasye shrIbrahmadhAmA.akSharaM muktAn maheshvarAn |
namasye sarvashaktyaishvaryANi guNAn pitAmahAn || 46||
hetIn samastabhUtIshcha vibhUtIrIshvarIMstathA |
muktAnikA avatArAn mAtR^I.Nshcha shrIramAdikAH || 47||
namasye vyUhasa.nj~nA.Nshcha namasye cha virAjakAn |
namasye satyalokasthAn sAdhUn brahmavidaH sataH || 48||
namasye tAn shrAddhapitR^In shrAddhe ye chAdhidevatAH |
devairapi cha tarpyante ye shrAddhe tAnnamAmyaham || 49||
namasye.ahaM cha tAn svarge tarpyante ye maharShibhiH |
tathA siddhajanaishchApi tarpyante tAnnamAmyaham || 50||
guhyakairapi ye.a.archyante R^id.hdhyarthaM tAnnamAmyaham |
namasye.ahaM cha tAn pitR^In ye.archyante mAnavairbhuvi || 51||
namasye.ahaM cha tAn pitR^In sveShTalokapradAyinaH |
ye.archyante shraddhayA vipraiH shrAddhakarmasu tarpitAH || 52||
prAjApatyapadadAtR^In namasye vanitarpitAH |
tAnnamasye naiShThikAnAM phaladAtR^In prapUjitAn || 53||
rAjanyatarpitAn pitR^Innamasye makhapUjitAn |
vaishyaprapUjitAn pitR^In namasye kavyabhojanAn || 54||
shUdrA.architAnnamasye tAn sukAlino.annapUjitAn |
AsurA.architapitR^I.Nshcha svadhAhArAnnamAmi cha || 55||
pAtAlavAsino yAn ye tarpyante shrAddhakarmasu |
svadhAhArAn namasye.ahaM rasAtalaiH prapUjitAn || 56||
bhogairasheShairnAgAdyaiH sarvaishchApi prapUjitAn |
pitR^Innamasye dyusthA.NshchA.antarikShAsthAn mahIsthitAn || 57||
vimAnasthAn mUrtarUpAn pitR^InnamAmi sarvadA |
yogijanaiH pUjitA.NstAn kleshamuktipradAn shubhAn || 58||
pitR^I.NstA.Nshcha namasye.ahaM mUrtAn svadhAbhujaH sadA |
kAmyaphalapradAn sarvAn svargasthAn mokShadAnapi || 59||
tR^ipyantvichChAvatAM kAmapradAH suratvaputradAH |
aindrasaurapadadAshcha pashusvagR^ihashaktidAH || 60||
chandre sUrye rashmivAsA vimAnasthA jalAnnakaiH |
gandharasAdibhiH sarve tR^ipyantAM chAmR^itapradAH || 61||
agnau hutAnnabhoktAro havirbhujo.api ye.apare |
vipradehanivAsAshcha sAdhudehanivAsinaH || 62||
piNDAdAstR^iptimAyAntu mayA.arpitA.apkalAdibhiH |
kR^iShNatilaiH shAkapatraiH prINitA yantu te mudam || 63||
kravyAdAshchAmarapUjyAH puShpagandhAnnabhojanaiH |
tR^iptimAyAntu te sarve pitaraH svargadAyinaH || 64||
pratyahaM pUjitA mAsapUjitA ye.aShTakAsu cha |
samAnte.abhyudaye pUjyAstR^ipyantu pitaro.api me || 65||
shvetA viprArchitAsvArkavarNAH kShatriyapUjitAH |
svarNavarNA vaishyapUjyA nIlAH shUdraprapUjitAH || 66||
puShpagandharasairdhUpaistoyAnnaphalapatrakaiH |
agnihutena chAjyena tR^iptiM yAntu nato.asmi tAn || 67||
devapUrvAH kavyabhujo bhUtisrajo bhavanti ye |
bhUtapretA.asurarakSha_ugrapitR^In namAmyapi || 68||
agniShvAttA barhiShada AjyapAH somapAstathA |
te.api tR^iptiM prapadyantAM tarpitAH shraddhayA mayA || 69||
prAchIM rakShantvagniShvAttA yAmyAM barhiShadastathA |
pratIchImAjyapA rakShantvudIchIM somapA mama || 70||
rakShobhUtapishAchebhyo duShTAbhichAramantrataH |
Asurapretadehibhyo yamo rakShatu mAM sadA || 71||
ekatriMshatpitR^igaNAstuShTA yachChantu me hitam |
vishvA vishvabhujo dharmA dhanyAH shubhAnanAstathA || 72||
ArAdhyA bhUtidA bhUtikR^itashcha bhUtayo nava |
kalyANAH kalyatAH kartArashcha kalpatvahetavaH || 73||
kalyatarAshrayAshcheti ShaTTepitR^igaNAstathA |
varA vareNyA varadAH puShTidAstuShTidAstathA || 74||
dhAtAro vishvapAtAraH sapta pitR^igaNAshcha te |
mahAntashcha mahAtmAno mahitAshcha mahAbalAH || 75||
mahimAvanta ityete pa~ncha pitR^igaNAstathA |
sukhadA dhanadAshchApi dharmadA bhUtidAstathA || 76||
gaNAshchatvAra evApi sarve tuShyantu me.architAH** |
evaM vai stuvatastasya ruchestu tejasAM chayaH || 77||
samutthitaH puratashcha taM tuShTAva ruchistadA |
amUrtAnarchitAnatra tejomayAnupasthitAn || 78||
namasyAmi dhyAnagamyAn pitR^I.NstAn divyavigrahAn |
indrAdIshAn dakShamArIcharShinetR^In namAmi cha || 79||
manumunIndrachandrA.arkeshvarAn pitR^InnamAmi cha |
jalevAsAn grahanakShatreshAn vAyvagnipUjitAn || 80||
nabhaHsthAn bhUsvargavAsAn namasyAmi kR^itA~njaliH |
devarShijanakA.NshchApyakShayyadAtR^In namAmi cha || 81||
prajeshAya kashyapAya somAya varuNAya cha |
yogeshvarebhyaH siddhebhyaH sadbhyo namAmi sA~njaliH || 82||
saptalokagaNebhyashcha svayambhUparameShThine |
somadhrebhyashcha namaH somAya cha namo namaH || 83||
agnirUpAn yoginashcha namasyAmyadhvarasthitAn |
tejaHsthAn somasUryAgnimUrtInnamAmi vai pitR^In || 84||
vrahmasvarUpiNaH siddhAn brahmacharyaparAyaNAn |
namAmi satyalokasthAnIshvarAnAvR^itisthitAn || 85||
vairAjAn vaiShNavAn bhaumAn shrIpurasthAH shrIyoShitaH |
avyAkR^itA.amR^itasthA.Nshcha golokasthAn namAni cha || 86||
vaikuNThasthAnakSharasthAnavatArAn namAmi cha |
avatAriNIshcha sarvA muktAnikA namAmi cha || 87||
muktA.Nshcha pArShadAn sarvAnaishvaryANi namAmi cha |
anAdishrIkR^iShNanArAyaNaM shrIvallabhaM prabhum || 88||
brahmapriyAH samastAshcha mAtR^IrharipriyAstathA |
hetIn guNAn vibhUtIMshcha namAmi prasIdantu me || 89||
itistutAste pitarastejaso niryayuH shubhAH |

iti shrIlakShmInArAyaNIyasaMhitAyAH dvAparayugasantAnAtmakasya tR^itIyakhaNDe
157\-adhyAyAntargataM ruchikR^itaM pitR^istotraM sampUrNam |

lakShmInArAyaNIyasaMhitA | khaNDa 3| adhyAya 157/44\-89||
##
lakShmInArAyaNIyasaMhitA . khaNDa 3. adhyAya 157/44-89..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}