% Text title            : Sayi JanmarkSha Ghantadhvanayah
% File name             : sAyijanmarkShaghaNTAdhvanayaH.itx
% Category              : deities\_misc, vAsudevanElayath
% Location              : doc\_deities\_misc
% Description/comments  : From Bhaktitarangini by Prof. P.C. Vasudevan Elayath
% Latest update         : December 25, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Sayi JanmarkSha Ghantadhvanayah ..}##
\itxtitle{.. sAyijanmarkShaghaNTAdhvanayaH ..}##\endtitles ##
(shrImataH en\. kastUrimahAshayasya A~NglakavitAyAH vivartanam)
shR^iNu partipurIghaNTA nadanti madhurasvarAm |
pratidhvananti bhUpR^iShThe sAgare na nabhastale || 1||
        shilochchAyAt khamAroDhuM savitA tvaratetarAm |
        mA bhUdvilambo dIpasya bhagavatsannidhAviti || 2||
vilambamAnAstiShThanti tArakA vyomasImasu |
sthAtavyaM vIkShitavyaM chetyautsukyaviniyantritAH || 3||
        ApAtato.apyAsvadituM ra~NgametaM manoharam |
        AkekarAkShikalayA chadramA samudIkShate || 4||
meghAH prataptasauvarNakausheyakavibhUShitAH |
dyauH pi~NganIlavarNADhyachelA~nchitakalevarA || 5||
        parito.avasthitAH shailakUTAste shAntibandhurAH |
        santR^iptA bhAnti haritairvasanairgR^ihanirmitaiH || 6||
itastatashchotplavanakrIDAnirveshanivR^itAH |
AprabhAtAdyathAkAmaM vicharantyajapotakAH || 7||
        AhlAdabharitaH sarve dR^ishyante cha mahIruhAH |
        bhAnti sa~NgItamadhurAH shAkhAH patrAvalI bhR^itAH || 8||
patrikA cha tR^iNasyeyamavarA cha varAkikA |
dhatte vajramayaM karNabhUShaNaM dIptisundaram || 9||
        sa kapotaH pakShijAtAvamimAnaikabhAjanam |
        yaM vishuddhe vibhAte.asmin vimochayati sa prabhuH || 10||
kAkAshcharanto viprAdviTapaM plutishAlinaH |
nirbhayA nistrapAshchaiva dine.asmin viharanti hi || 11||
        udagre paramAnande nimagnA nirupadravAH |
        aho te vicharantyeva kAkAgatimayantritam || 12||
asmin puNyadine sarve vishrAmaM madhupAH gatAH |
prabhorvaibhAtikasumAnIti nochumbitAni taiH || 13||
        iyaM kR^itaj~natApUrNA sAyigItA manasvinI |
        AraNyake kuTagarte svajanatyAgadukhade || 14||
tayA labdhaM mahAbhAgyaM tatprasAdidaM kila |
shrotuM ghaNTAsvanaM chaivaM praNantuM padayoH prabhoH || 15||
        tIrthake pAdAghAtasamutsukahR^idantarAH |
        prakAshante cha sikatA dIptisusmitasundarAH || 16||
paripAvanamanyonyalayamIshvaramatryayoH |
anubhUya jagatprANamaNDalaM spandatetarAm || 17||

iti shrIvAsudevan elayathena virachitaH sAyijanmarkShaghaNTAdhvanayaH sampUrNaH |
##

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}