% Text title            : Shabarisha Gitanjali
% File name             : shabarIshagItAnjaliH.itx
% Category              : deities\_misc, vAsudevanElayath, ayyappa
% Location              : doc\_deities\_misc
% Description/comments  : From Bhaktitarangini by Prof. P.C. Vasudevan Elayath
% Latest update         : December 25, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shabarisha Gitanjali ..}##
\itxtitle{.. shabarIshagItA~njaliH ..}##\endtitles ##
\section{khaNDaH 1 prArthanA |}
ayi shabarIshvara vishvamanohara, vishvajanAbhayadAnarate
tvayi gatamastu nirastasamAdhi samAdhi samAdhi mano mahite |
dayitatamaM tava mAnasapUjamAnatamaulirasau tanute
mayikaruNAM kuru pa~Nkajalochana, pa~NkavinAshana, puNyagate! ||

\section{khaNDaH 2 padyagItam 1 | dhyAnapratiShThA |}
shabarikeshvaraM shAntasundaraM patitapAvanaM pApanAshanam |
bhavanabhAvakaM bhUtidAyakaM sharaNamAshraye bhUtanAyakam || 1||
ayi vibho mudA kalpitaM hR^idA bhavadupAsanaM bhAvashodhanam |
varada, gR^ihratAM; nAtha, dAsatAmanugR^ihaNa me; shAntirastu me || 2||
aruNasuprabhAmaNDalAvR^itiM kanakachampakApATaladyutim |
manuchintaye satyasadgatiM bhuvananAtha, te ma~NgalAkR^itim || 3||
jaladakomalaM nIlakuntalaM, vimalaphAlakaM vIralAsakam |
lalitacha~njalaM bhrUlatA~nchalaM, nalinashobhanaM dhIralochanam || 4||
tilasumopamA nAlikA,.adharasphuritasusmitaM shUrasundaram |
kanakakuNDalaM gaNDamaNDanaM, mukhamidaM vibho, tApakhaNDanam || 5||
maNivarojvalatkaNThabhUShaNaM, vipulavakShasA vairibhIShaNam |
karatalollasadvANakArmukaM, sajalanIradAnIlachelakam || 6||
sudR^iDhaja~NghayA sAdhushobhitaM charaNapa~Nkaje sajjanArchitam |
arivimardane nityadIkShitaM tridashapUjitaM vyAghrasaMsthitam || 7||
vapuridaM manaHkAnanAntare lasatu mAmake bhaktimandire |
mahitasannidhiprAbhavoditA manasi bhAsatAM deva, shAntatA || 8||

\section{khaNDaH 3 padyagItam 2 | sannidhiprAptiH |}
mama tu chetanA vepitA paraM bhR^igumaye pathi kleshitA chiram |
drutahR^idantarA te kR^ipAmR^itaM sharaNamAshritA devasevitam || 1||
bhavadupAyanaM jivitAtmakaM madhuratiktakAkIrNabhANDakam |
shirasi gR^ihNatI bhaktipAvitA hariharAtmaja, tvAmupAgatA || 2||
tava cha sannidhau harShasa~NkulA navanavonmiShanmUchrChanAkulA |
sharaNakIrtanonmAditAshayA pulakapUritA nR^ityatIha yA || 3||
nihitamagrato nAlikerakaM mama manomayaM bhidyate svayam |
madhuranirmalaM tadrasaM sR^itaM parigR^ihANa te pAdyamarpitam || 4||
duritasa~nchayaM bhaktidIpitaM jvalati hanta karpUramarpitam |
prasaratAM tataH saurabhaM tathA jvalitapUtanAvarShmaNo yathA || 5||

\section{khaNDaH 4 padyagItam 3 | mAnasapUjA |}
ahamabAtmanA kalpayAmi te jalasamarchanaM bhUtasatpate |
taralavIchikairmantrasusvarairnadanadIshatairnaikasAgaraiH || 1||
punaridaM pR^ithivyAtmanA vibho virachayAmyahaM gandhakalpanam |
kalitaku~NkumaishvandanairmahIkanakabhAjane gandhayuktibhiH || 2||
vitanute cha te puShpapUjanaM gaganatanmayIbhAvabhAvanA |
maratakasphuradbhAjane chitaiH shabalakAntibhiH sUnasa~nchayaiH || 3||
pavanarUpavAn bhAvanAbalAd bhuvananAtha, te kalpayAmyaham |
lalitavIjanairbhaktipAvanaiH priyatamaM prabho, dhUpatarpaNam || 4||
paramupAsmahe taijasAtmanA sharaNadAyakaM tvAmihAtmanA |
divi cha bhUtale dIptivarShibhirdiviShadAM pate, dIpakoTibhiH || 5||
amR^itamasmi yad bhUtanihyutaM virachayAmi naivedyamatra tat |
amR^itarUpa, te sachchidAtmani tvayi nilIyate bhedabhAvanA || 6||

\section{khaNDaH 5 padyagItam 4 | sharaNakIrtanam |}
devadeva, te sharaNakIrtanaM bhAvabandhuraM shravaNasundaram |
vArirAshibhistalavIchibhistAranisvanaM varada, gIyate || 1||
mandramarmarairmalayamArutAstvAmupAsate sharaNagItakaiH |
gAnamAdhurItaralatArakaM nAtha, nishchalaM gaganamaNDalam || 2||
pAvanopayA vihaganisvanaiH stUyase vibho, sharaNakIrtanaiH |
achryase tayA kanakapa~NkajairuchchitairnabhomahitamAnasAt || 3||
gAnavaikharItumulasa~NkarastAlara~njito hR^idayaDhakkayA |
nandanA mayA samanugIyate prIyatAM bhavAn sumanasAM pate! || 4||

\section{khaNDaH 6 padyagItam 5 | sharaNakIrtanam |}
kAntavigrahaM shAntamAnasaM pantalAdhipopAntasevitam |
dAntasadgatiM vintitapradaM bhUtanAyakaM devamAshraye || 1||
dharmabodhakaM karmasAkShiNaM sharmasAdhakaM durmadAntakam |
nirmamArchitaM nirmalAtmakaM bhUtapAlakaM devamAshraye || 2||
indravApikAtIravAsinaM sAndrachandrikAhAsasundaram |
mandrachApanirghoShabhIShaNaM bhUtabhAvanaM devamAshraye || 3||
vedabodhitaM bhedavarjitaM khedanAshanaM modadAyinam |
shrIdasevitaM nAdarUpiNaM bhUtibhUShaNaM devamAshraye || 4||
saktinAshakaM raktidArakaM bhaktivardhakaM bhuktisAdhakam |
muktidAyakaM vyaktavaibhavaM bhUtipuShkalaM devamAshraye || 5||

\section{khaNDaH 7 padyagItam 6 | sharaNakIrtanam |}
aruNakomalaM taruNasundaraM karaNayAkulaM varuNapUjitam |
taraNitejasaM maraNaprochakaM sharaNamAshraye shavarikeshvaram || 1||
madanamohanaM madavinAshanaM kadanabhodinaM gadavimochanam |
radanashobhinaM hR^idadhivAsinaM sharaNamAshraye shabarikeshvaram || 2||
sujanapAlakaM kujanabhIShakaM patanavArakaM mananasAdhakam |
janananAshakaM bhuvananAyakaM sharaNamAshraye shabarikeshvaram || 3||
hariharAtmajaM harivarAsanaM kalidurAsadaM kalitarAjasam |
paraparAkramaM paratarAshrayaM sharaNamAshraye shabarikeshvaram || 4||
shakalitadviShaM shashadharatviShaM shamalanAshanaM shamavibhUShaNam |
shatamakhArchitaM shaninivArakaM sharaNamAshraye shabarikeshvaram || 5||

\section{khaNDaH 8 padyagItam 6 | brahmArpaNam |}
sakaladevatAgItakIrtaye shaivavaiShNavAdvaitamUrtaye |
vihitasajjanAbhIShTapUrtaye hA! namo.astu te nAshitArtaye || 1||
sarvama~NgalaM divyakomalaM sharvanandanaM bhuvananandanam |
garvanAshakaM bhavyadAyakaM sarvathA vibhuM samanuchintaye || 2||
bhaktapAlanAsaktamAnasaM dinakarAyutodvAmatejasam |
mohanAkR^itiM mohinIsutaM vimalachetasA naumi santatam || 3||
sukhachidAtmake bhuvanabhAsake nityabhAsure satyasundare |
parisamarpitaM bhavati matkR^itaM dharmashAstari brahmahR^inmaye || 4||
taralamudbaNaM karaNajAlakaM paramatejasi brahmasa.nj~nake |
parisamapryate tvayi jagatprabho, niraghanirbhame paryupAsite || 5||
divyashAbarAkAradhAriNe sharaNakIrtanashravaNatoShiNe |
arpayAmi te dharmarakShiNe hR^idayamAtmanA kamanarUpiNe || 6||
devadeva, te vapuridaM jagat satatavismayotpulakadarshanam |
archayAbhyatho vigalitavyatho vinihitAshayastvayi chidAtmake || 7||

iti shrIvAsudevan elayathena virachitA  shabarIshagItA~njaliH samAptA |
##

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}