% Text title            : Shachikritam Guru Stotram
% File name             : shachikRRitaMgurustotram.itx
% Category              : deities\_misc, lakShmInArAyaNIyasaMhitA, gurudev, stotra
% Location              : doc\_deities\_misc
% Proofread by          : PSA Easwaran
% Description/comments  : lakShmInArAyaNIyasaMhitA | khaNDa 1 | adhyAya 374/124-140||
% Latest update         : January 13, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shachikritam Guru Stotram ..}##
\itxtitle{.. shachikR^itaM gurustotram ..}##\endtitles ##
sarveShAM tu gurUNAM cha janmadAtA paro guruH |
pituH shataguNA mAtA pUjyA vandyA garIyasI || 124||
vidyAdAtA mantradAtA j~nAnado haribhaktidaH |
pUjyo vandyashcha sevyashcha mAtuH shataguNo guruH || 125||
aj~nAnatimirAndhasya j~nAnA~njanashalAkayA |
chakShurunmIlitaM yena tasmai shrIguruve namaH || 126||
janmadAtA.annadAtA cha tathA.anye guruvo matAH |
AropitAshcha guravaH prasahya guruvastathA || 127||
tathopaguravaH santi shikShakA guruvo.api cha |
pAraM kartuM na shaktAste ghorasaMsArasAgare || 128||
vidyAmantraj~nAtadAtA nipuNaH pArakarmaNi |
sa shaktaH shiShyamuddhartumIshvarashcheshvareshvaraH || 129||
gururviShNurgururbrahmA gururdevo maheshvaraH |
gururdharmo guruH sheShaH sarvAtmA keshavo guruH || 130||
sarvatIrthAdhivAsashcha sarvadevAdhivAsitaH |
sarvadevAtmako divyo gururUpI hariH svayam || 131||
abhIShTadeve vai ruShTe guruH shakto hi rakShitum |
gurau ruShTe.abhIShTadevo na vai shaktashcha rakShitum || 132||
gurau ruShTe grahA ruShTA ruShTA devAshcha sarvathA |
bhAgyAnyapi cha ruShTAni guruM ruShTaM na kArayet || 133||
na guroradhikashchAtmA priyaH putraH priyo.api na |
dhanaM patnI tapo dharmaH puNyaM satyaM na vai priyam || 134||
guroH paro na vai shAstA rAjA bandhurna vai paraH |
mantro vidyA gururdevaH pUrvalabdhaH patistathA || 135||
parAtparaH sa vij~neyaH sarveShAmupari sthitaH |
mAtA vandyA pitA vandyo vandyashcha tvAdR^isho guruH || 136||
viprANAM tvaM variShTho.asi gariShThashcha tapasvinAm |
brahmiShTho.asi brahmavitsu dharmiShThaH sarvadharmiNAm || 137||
devAnAM sarvathA pUjya iti jAnAmi sarvadA |
tataH kShamAM yayAche.ahaM shapAmi naiva madgurum || 138||
tuShTo bhava munishreShTha! shakramAnaya mA chiram |
nahuShaM tvindrabhavanAchChIghraM prakShipa bhUtale || 139||
ityuktvA tvAntare tR^iptA bahiH saumyA shachI tadA |
maunamAlambya dhairyeNa phalaM cheyeSha sattvaram || 140||

iti shrIlakShmInArAyaNIyasaMhitAyAM prathame kR^itayugasantAne 374\-adhyAyAntargataM
shachikR^itaM gurustotraM sampUrNam |

lakShmInArAyaNIyasaMhitA | khaNDa 1| adhyAya 374/124\-140||
##
lakShmInArAyaNIyasaMhitA . khaNDa 1. adhyAya 374/124-140..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}