% Text title            : Shrimat Shankaracharya Sharanagatih
% File name             : shankarAchAryasharaNAgatiH.itx
% Category              : deities\_misc, gurudev, shrIdharasvAmI
% Location              : doc\_deities\_misc
% Author                : Shridharasvami
% Proofread by          : Manish Gavkar
% Description/comments  : shrIdharasvAmI stotraratnamAlikA
% Latest update         : February 11, 2023
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shrimat Shankaracharya Sharanagatih ..}##
\itxtitle{.. shrImachCha~NkarAchAryasharaNAgatiH ..}##\endtitles ##
               (shikhariNIvR^ittam)
na jAne.ahaM tattvaM na cha khalu tathA tachChrutishiro
      na yoge madbuddhirna cha khalu tathA shAstranipuNaH |
bhavAbdhiM santartuM bhavati na cha nauH kApi sudR^iDhA
      vinA tvatpAdAbjaM shritamiha dR^iDhaM sha~Nkaraguro || 1||
na karmAnuShThAnaM na cha tapasi lInaM mama mano
      na vairAgyaM tAvatkaThinataramA.ashritya jayati |
bhavAbdhiM santartuM bhavati na cha nauH kApi sudR^iDhA
      vinA tvatpAdAbjaM shritamiha dR^iDhaM sha~Nkaraguro || 2||
na bhaktyArchAM chakre yata iha vibhustArayati mAM
      na gItA vyAkhyAtA kimapi na cha shakyaM ja.DamateH |
bhavAbdhiM santartuM bhavati na cha nauH kApi sudR^iDhA
      vinA tvatpAdAbjaM shritamiha dR^iDhaM sha~Nkaraguro || 3||
prabho nopekShyo.ayaM sphurati hR^idaye kApi cha dayA |
      samuddhartuM dInaM tvamiha yata eko.asi bhagavan |
bhavAbdhiM santartuM bhavati na cha nauH kApi sudR^iDhA |
      vinAtvatpAdAbjaM shritamiha dR^iDhaM sha~Nkaraguro || 4||
matAnAM vaichitryaM kimapi na tathA prINayati mAM
      pravaktAraM taM vA matamapi yatastasya kalaye |
bhavAbdhiM santartuM bhavati na cha nauH kApi sudR^iDhA
      vinA tvatpAdAbjaM shritamiha dR^iDhaM sha~Nkaraguro || 5||
avidyAchChanno.api tvaduditamihAkarNayati yaH
      parityajyAj~nAnaM na cha kila yataH pUrvavadayam |
bhavAbdhiM santartuM bhavati na cha nauH kApi sudR^iDhA
      vinA tvatpAdAbjaM shritamiha dR^iDhaM sha~Nkaraguro || 6||
aho mAyA mohastamapi tava pAdAbjanirataH
      tR^iNIkurvanmAyAM bhavati cha yato brahma bhagavan |
bhavAbdhiM santartuM bhavati na cha nauH kApi sudR^iDhA
      vinA tvatpAdAbjaM shritamiha dR^iDhaM sha~Nkaraguro || 7||
samAyAtaM yAtu sphuratu mama chitte kimapi vA
      jagatpUjyo vA no tadapi na cha khinno na muditaH |
bhavAbdhiM santartuM bhavati na cha nauH kApi sudR^iDhA
      vinA tvatpAdAbjaM shritamiha dR^iDhaM sha~Nkaraguro || 8||
pR^ithivyAM dAtAraH prathitavibhavAH santi bahavaH
      na manye.ahaM tAnvai nijapadasudAne balabhR^itaH |
nijAtmaikyaM dAtuM prabhavasi yatastvaM budhataM
      kShitau tvachChreShThaH kathaya kamahaM yAmi sharaNam || 9||
ayachChanmAM ko.asau kimapi hi taredyo bhavanadIM
      jagatseto tvaM mAM vadasi yadi manye tvayi na tat |
svayaM pUrNastvaM bho niravadhinijAnandanirato
      na te prApyaM svAmin kimapi hi jagattAraNavidhau || 10||
ayaHpiNDaH sparshAt sapadi labhate hemapadavIM
      punarnaivAyastvaM vrajati cha tathApi sphuTamidam |
dadAti sparshoyaM kila na nijarUpaM kvachidapi
      dadAsi tvadrUpaM sapadi nijashiShyAya vimalam || 11||
yathA chaNDe sUrye tapati na cha kalpeta timiraM
      na mAyA dainyaM mAM yadi samuditA tvatpadakR^ipA |
aho mAyA vairaM tadapi tR^iNavadyasya kR^ipayA
      tvadaikyaM prApto.ahaM yata iha na bhIH sha~Nkaraguro || 12||
payaH piNDaH kShipto dravati cha yathA saptakiraNaiH
      samudresa~NgachChanna mama tathAha~NkR^itirapi |
patan binduH sindhau jhaTiti bhajate sindhupadavIM
      tathA jAtA bhUmau tvayi niravadhau matsthitirapi || 13||

iti shrImat paramahaMsaparivrAjakAchArya sadguru bhagavAn
shrIdharasvAmImahArAjavirachitA shrIsha~NkarAchAryasharaNAgatiH sampUrNA |
gurupUrNimA, rachanAsthAnaM \- kAphI udyAnaM, chikkamagaLUru saMvatsaraH 1943

##
Proofread by Manish Gavkar

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}