% Text title            : shankarAchAryastotrakadambam
% File name             : shankarAchAryastotrakadambam.itx
% Category              : deities\_misc, sachchidAnanda-shivAbhinava-nRisiMhabhAratI, gurudeva
% Location              : doc\_deities\_misc
% Author                : Sachchidananda Shivabhinava Nrisimha Bharati Swamigal
% Proofread by          : PSA Easwaran psawaswaran at gmail.com
% Latest update         : November 9, 2018
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Shankaracharyastotrakadambam ..}##
\itxtitle{.. shrIsha~NkarAchAryastotrakadambam ..}##\endtitles ##
(kAlaTikShetre)
chinmudrAM dakShahaste praNatajanamahAbodhadAtrIM dadhAnaM
vAme namreShTadAnaprakaTanachaturaM chihnamapyAdadhAnam |
kAruNyApAravArdhiM yativaravapuShaM sha~NkaraM sha~NkarAMshaM
chandrAha~NkArahu~NkR^itsmitalasitamukhaM bhAvayAmyantara~Nge || 1||

bIjamidaM matpAdaprapatanamakhilepsitArthapUgasya |
iti bodhanAya dhatse chinmudrAM kiM yatIshAna || 2||

mAyAvashAjjagadidamanukShaNaM bhinnabhinnamAbhAti |
iti bodhanAya gururADarUpamapi raktamambaraM dhatse || 3||

yativeShadharaNakAle tyaktA nAgeshvarAH kiM tvAm |
adhunA mAlAvyAjAtsevante sha~Nkara brUhi || 4||

guruvara pAhi sadA mAM natavaravaradAnachaNDa dhR^itadaNDa |
akala~NkakShayahInasvayashashchandraprakAshitAshAnta || 5||

somasadR^ikShamukhAbjaM komalapadayugmavijitaka~njAtam |
sImavihInakR^ipAbdhiM shyAmagrIvAvatAragurumIDe || 6||

sha~NkaragururADgaganaM haMsAdyaiH pakShibhiH sadA sevyam |
karuNAmArutapUritamanishaM dhyAyAmi hR^itsaroje.aham || 7||

aj~nAnAbhidhavR^itragarvaharaNaM vij~nAnavajrollasa\-
tpANiM kAmamukhAsurakShayakaraM svAtmAbhidhasvargadaM
ki~ncha prauDhavivekanAmakajayantodyannijotsa~NgakaM
shrImachCha~NkaranAmakaM hR^idi sadA kurve yatIndraM mudA || 8||

sha~NkaragururATtArkShyaM pAporagadarpacharvaNadhurINam |
laghvA.a.akAshagatipradamanishaM praNamAmi nityaviyadAptyai || 9||

aj~no.apyashrutashAstrANyAshu kila vyAkaroti yatkR^ipayA |
nikhilakalAdhipamanishaM tamahaM praNamAmi sha~NkarAchAryam || 10||

vilokya tvAmabjaM shirasi nidadhAnaM hi satataM
payojaM chApyAgAdvahati kR^ipayA mAmapi guruH |
ahaM chApyabjaM khalvata iti tadAshAnusaraNA\-
tpayojaM dhatse kiM shirasi vada namrAya yatirAT || 11||

AdhArAdiShaDambujAni guruNA yogena bhittvA chirA\-
chChIrShasthaM cha sahasrapatrajalajaM samprApya saukhyaM param |
yatprApsyanti tadAshu matpraNamanAdbhUyAditi khyApanaM
kartuM phullasarojasaptakamaho dhatse gurUNAM guro || 12||

aShTA~NgayogamachirAllabhate matpAdanamralokA iti |
bodhayituM dhatse kiM kamalAnyaShTau guro brUhi || 13||

aNimAdisiddhilakShyo varayantyaShTApi satvaraM bhaktam |
iti bodhanAya jagatAM dhatse kamalAShTakaM guro brUhi || 14||

phAle netraM garalagalatAM chedahaM dhArayAmi
syurbhItA me natajanavarA naiva sAmIpyamIyuH |
ityeteShAM bhayahR^itikR^ite netrayugmaM sitAM kiM
grIvAM dhatse yativara shiva brUhi namrAya mahyam || 15||

bhAsate hR^idi sadA paramAtmA
saMvasanti nigamAshcha mukhAbje |
yatpadapraNamanAjjanatAyA\-
staM namAmi satataM yativIram || 16||

vA~nChitaM mama javAdvitarArya
prANadAnachaturo.asi mR^itasya |
apyasAdhyamiha te.asti jagatyAM
kiM vadAshu gurusha~Nkara mahyam || 17||

janmamR^ityuharaNIM tava vaktrA\-
mbhojaniHsR^itasudhAM na pibAmi |
bhAShyasa.nj~nalasitAM vitarAraM
deshikendra mama pANyavalambam || 18||

mAyAmayAsheShavisheShashUnya mAnAtigasvaprabha chitsvarUpa |
dehendriyaprANamanovidUra shrIsha~Nkara tvatpadayoH patAmi || 19||

AsetushItAchalamadhyavartijanAnnijAchAraparAnvirachya |
saukhyaM prayachChAshu cha sarvakAryeShveShAM kR^ipAsAgara sha~NkarArya || 20||

karomi kAyena tavA~NghrisevAM bravImi vAchA tava puNyanAma |
dhyAyAmi mUrtiM tava hR^itsaroje prasIda shIghraM yatirAja mahyam || 21||

ekAntavAsAdaramAtmaniShTAmananyadevatvamajAmitAM cha |
tvatkAkhilagranthavilokane tvaM dattvA yatInAM vara pAhi namram || 22||

kadApi kutrApi kimapyakAryaM nAhaM prakuryAM bahu hiMsito.api |
yathA tathA mAnasadArDhyamAshu dattvA gurUNAM vara pAhyamuShmai || 23||

ghorApasmR^itimukhyaroganichayAha~NkAramArAjjavA\-
tkurvANaM natalokarakShaNachaNaM yogapradaM satvaram |
devaprArthanayA.a.attabhUtalagatiM dharmaikasaMsthApana\-
vyagraM sha~NkaradeshikaM hR^idi sadA kurve manaHshuddhaye || 24||

udyadbhAnusahasragarvaharaNaprAshastyayugvastradhR^i\-
ksa~NkhyAhInashamAdisadguNagaNairatyAdarAtsevita |
shrImatpadmapadAmareshakaradhAtryAdyairvineyairyuta
shrImachCha~Nkaradeshikendra charaNAlambaM prayachChAshu me || 25||

mayyaprArthitameva te prasaratu vyAjAnapekShA kR^ipA
pApAnAM shvapachairbhiyApi parayA tadvajjugupsAvashAt |
tyaktAnAM sadane.api tena mahatI syAtte samaj~nA prabho
kiM rAtrindivapuNyakartR^iShu kR^ipAdhAnena bhUyAdguro || 26||

shuddhAdvaitapathasya pAlanakR^ite pUrvaM tvayA sthApita\-
sthAneShvanyatamasthashiShyatatigastatkAryakR^ityakShamaH |
aj~nAnAM dhuri kIrtanIyacharito nAdyApi vidyAlaya\-
stasmAtsthAnamidaM gurUttama kR^ipAvArdhe tvamevAshraya ||

yadvA durmatabhedapATavavatIM medhAM navonmeShiNIM
vidyAmashrutashAstrapAThanachaNAM dadyA drutaM chedguro |
sAhAyyaM cha sudhanvapArthivasadR^igrAjAvalestarhyahaM
tvadvIkShAbalato yate yatipate tattvAdhvasaMvR^iddhaye || 28||

iti shR^i~Ngeri shrIjagadguru shrIsachchidAnandashivAbhinavanR^isiMha\-
bhAratIsvAmibhiH virachitaM shrIsha~NkarAchAryastotrakadambaM sampUrNam |

##
Proofread by PSA Easwaran psaeaswaran at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}