% Text title            : strIguru dhyAna stutiH kavachaM gItA vividha tantre
% File name             : strIgurustutikavachagItA.itx
% Category              : kavacha, deities\_misc, gurudev
% Location              : doc\_deities\_misc
% Transliterated by     : http://muktalib5.org
% Proofread by          : http://muktalib5.org, DPD
% Description-comments  : strIgurudhyAnaM guptasAdhanatantre dvitIyapaTale
% Latest update         : August 16, 2013
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Striguru Dhyanam Stuti Kavacha and Gita from various tantras ..}##
\itxtitle{.. strIguru dhyAnastutIkavachaM gItA vividha tantre ..}##\endtitles ##

|| atha strIgurudhyAnaM guptasAdhanatantre dvitIyapaTale || 

pArvatyuvAcha || 
gurudhyAnaM shrutaM nAtha \! sarvatantreShu gopitam | 
striyA dIkShA shubhA proktA sarvakAmaphalapradA || 1||
bahujanmArjitAt puNyAt bahubhagyavashAd yadi | 
strIgururlabhyate nAtha \! tasyA dhyAnantu kIdR^isham || 2|| 
kutra vA sA gururdhyeyA shrotumichChAmi sAmpratam | 
kathayasva mahAdeva \! yadyahaM tava vallabhA || 3||

shiva uvAcha || 
shR^iNu pArvati \! vakShyAmi tava snehapariplutaH | 
rahasyaM strIgurordhyAnaM yathA dhyeyA cha sA guruH || 4|| 
sahasrAre mahApadme ki~njalkagaNashobhite | 
praphullapadmapatrAkShI ghanapInapayodharA || 5|| 
prasannavadanA kShINamadhyA dhyAyechChivAM gurum | 
padmarAgasamAbhAsAM raktavastrasushobhanAm || 6|| 
raktaka~NkaNapANi~ncha raktanUpurashobhitAm | 
sharadindupratIkAshAM raktodbhAsitakuNDalAm || 7|| 
svanAthavAmabhAgasthAM varAbhayakarAmbujAm | 
iti te kathitaM devi \! strIgurordhyAnamuttamam | 
gopanIyaM prayatnena na prakAshyaM kadAchana || 8||

\medskip\hrule\medskip
atha stutiH || mAtR^ikAbhedatantre saptapaTale || 

devyuvAcha || 
stuti~ncha kavachaM nAtha \! shrotumichChAmi sAmpratam | 
shrIguroH kavachaM proktaM tvayA nAtha \! purA prabho \! || 1|| 
idAnIM strIguroH strotraM kavachaM mayi kathyatAm | 
yasya vij~nAnamAtreNa punarjanma na jAyate || 2||

shrIshiva uvAcha || 

shR^iNu devi \! pravakShyAmi stotraM paramagopanam | 
yasya shravaNamAtreNa saMsArAnmuchyate naraH || 1||
namaste devadeveshi \! namaste harapUjite \! | 
brahmavidyAsvarUpAyai tasyai nityaM namo namaH || 2|| 
aj~nAnatimirAndhasya j~nAnA~njanashalAkayA | 
yayA chakShurunmIlitaM tasyai nityaM namo namaH || 3|| 
bhavabandhanapArasya tAriNI jananI parA | 
j~nAnadA mokShadA nityaM tasyai nityaM namo namaH || 4|| 
shrInAthavAmabhAgasthA sadayA surapUjitA | 
sadA vij~nAnadAtrI cha tasyai nityaM namo namaH || 5|| 
sahasrAre mahApadme sadAnandasvarUpiNI | 
mahAmokShapradA devI tasyai nityaM namo namaH || 6|| 
brahmaviShNusvarUpA cha mahArudrasvarUpiNI | 
triguNAtmasvarUpA cha tasyai nityaM namo namaH || 7|| 
chandrasUryyAgnirUpA cha madAghUrNitalochanA | 
svanAtha~ncha samAli~Ngya tasyai nityaM namo namaH || 8|| 
brahmaviShNushivatvAdijIvanmuktipradAyinI | 
j~nAnavij~nAnayordAtrI tasyai shrIgurave namaH || 9|| 
idaM stotraM maheshAni \! yaH paThedbhaktisaMyutaH | 
sa siddhiM labhate nityaM satyaM satyaM na saMshayaH || 10||
prAtaHkAle paThed yastu gurupUjApuraHsaram | 
sa eva dhanyo lokesho devIputra iva kShitau | 
iti mAtR^ikAbhedatantre strIguroH stotraM sampUrNam || 11||
\medskip\hrule\medskip

stotraM samAptaM deveshi \! kavachaM shR^iNu sAdaram | 
yasya smaraNamAtreNa vAgIshasamatAM vrajet | 

||strIgurukavacham ||

viniyogaH \-

strIguroH kavachasyAsya sadAshiva R^iShiH smR^itaH | 
tArAkhyA devatA khyAtA chaturvargaphalapradA || 1||
klIM bIjaM chakShuShormadhye sarvA~NgaM me sadAvatu | 
aiM bIjaM me mukhaM pAtu hrIM jihvAM parirakShatu || 2|| 
shrIM bIjaM skandhadeshaM me hasakhaphreM bhujadvayam | 
hakAraH kaNThadeshaM me sakAraH ShoDashaM dalam || 3|| 
kShavarNastadadhaH pAtu lakAro hR^idayaM mama | 
vakAraH pR^iShThadesha~ncha rakAro dakShapArshvakam || 4|| 
yU~NkAro vAmapArshva~ncha sakAro merumeva cha | 
hakAro me dakShabhujaM kShakAro vAmahastakam || 5||
makArashchA~NgulIM pAtu lakAro me nakhaM vatu | 
vakAro me nitamba~ncha rakAro jaTharaM vatu || 6||
ShI~NkAraH pAdayugalaM hesauH sarvA~NgaM me.avatu | 
hesaurli~Nga~ncha lomAni kesha~ncha parirakShatu || 7|| 
aiM bIjaM pAtu pUrve me hrIM bIjaM dakShiNe.avatu | 
shrIM bIjaM pashchime pAtu uttare bhUtasambhavam || 8|| 
shrIM pAtu chAgnikoNe cha vedAkhyA nairR^ite.avatu | 
devAmbA pAtu vAyavyAM shambhau shrIpAdukAM tathA || 9|| 
pUjayAmi tathA chorddhvaM namashchAdhaH sadA.avatu | 
iti te kathitaM kAnte \! kavachaM paramAdbhutam || 10|| 
gurumantraM japitvA tu kavachaM praphaThedyadi | 
sasiddhaH sagaNaH so.api shiva eva na saMshayaH || 11|| 
pUjAkAle paThed yastu kavachaM mantravigraham | 
pUjAphalaM bhavettasya satyaM satyaM sureshvari \! || 12|| 
trisandhyaM yaH paTheddevi \! sa siddho nAtra saMshayaH | 
bhUrje vilikhya gulikAM svarNasthAM dhArayed yadi || 13|| 
tasya darshanamAtreNa vAdino niShprabhAM gatAH | 
vivAde jayamApnoti raNe cha nirR^iteH samaH || 14|| 
sabhAyAM jayamApnoti mama tulyo na saMshayaH | 
sahasrAre bhAvayan yastrisandhyaM prapaThed yadi || 15|| 
sa eva siddho lokesho nirvANapadamIyate | 
samastama~NgalaM nAma kavachaM paramAdbhutam || 16|| 
yasmai kasmai na dAtavyaM na prakAshyaM kadAchana | 
deyaM shiShyAya shAntAya chAnyathA patanaM bhavet || 17|| 
abhaktebhyashcha deveshi \! putrebhyo.api na darshayet | 
idaM kavachamaj~nAtvA dashavidyAshcha yo japet || 18|| 
sa nApnoti phalaM tasya chAnte cha narakaM vrajet | 
samAptaM kavachaM devi \! kimanyat shrotumichChasi | 
tava snehAnubandhena kiM mayA na prakAshitam || 19||

|| iti mAtR^ikAbhedatantre strIgurukavachaM samAptam ||

\medskip\hrule\medskip

|| atha strIgurugItA | ka~NkAlamAlinItantre dvitIyapaTale || 

pArvatyuvAcha || 
lokesha \! kathyatAM deva \! gurugItA mayi prabho \! | 

shrIbhagavAnuvAcha || 
shR^iNu tAriNi \! vakShyAmi gItAM brahmamayIM parAm | 
gurustvaM sarvashAstrANAmahameva prakAshakaH || 1||  
tvameva gururUpeNa lokAnAM trANakAriNI | 
gayA ga~NgA kAshikA cha tvameva sakalaM jagat || 2|| 
kAverI yamunA revA karatoyA sarasvatI | 
gomatI chandrabhAgA cha tvameva kulapAlike \! || 3|| 
brahmANDaM sakalaM devi \! koTibrahmANDameva cha | 
na hi te vaktumarhAmi kriyAjAlaM maheshvari \! || 4|| 
uktvA choktvA bhAvayitvA bhikShuko.ahaM nagAtmaje \! |
kathaM tvaM jananI bhUtvA badhUstvaM mama dehinAm || 5|| 
tava chakraM maheshAni \! atItaM paramAtmani | 
iti te kathitA gItA gurudevasya brahmaNaH || 6|| 
sa~NkShepeNa maheshAni \! prabhureva guruH svayam | 
jagat samastamAsthAya gurustveko hi kevalam || 7|| 
iti taM toShayitvA cha nutibhiH stutibhistathA | 
nAnAvidhadravyadAnaiH siddhaH syAt sAdhakottamaH || 8|| 

|| iti strIgurugItA samAptA ||

##

http://muktalib5.org 

Proofread byDPD


\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}