% Text title            : Sushloka Chaitanya Shatakam
% File name             : sushlokachaitanyashatakam.itx
% Category              : deities\_misc, gurudev, shataka
% Location              : doc\_deities\_misc
% Author                : sArvabhauma bhaTTAchArya
% Latest update         : November 17, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Sushloka Chaitanya Shatakam ..}##
\itxtitle{.. shrIsushloka chaitanyashatakam ..}##\endtitles ##
praNamya tvAM prabho gaura tava pAde shataM bruve |
sadAshayAnAM sAdhUnAM sukhArthaM me kR^ipAM kuru || 1||
shrIrAdhAkR^iShNayoH sevAM sthApayitvA gR^ihe gR^ihe |
shrImatsa~NkIrtane gauro nR^ityati prema vihvalaH || 2||
jihvAyAM harinAmasAdhanamaho dhArAshataM netrayoH
sarvA~Nge pulakodgamo niravadhi svedashcha vibhrAjate |
shrImadgaurahareH pragalbhamadhurA bhaktipradAturjanaiH
sevA shrIvraja yoShitAmanugatA nityA sadAshikShyate || 3||
kalimala patitAnAM shoka mohAvR^itAnAM
nijajana pati sevA vitta chintAkulAnAm |
iti samajani gaurastrANahetuM vichintya
prakaTa madhura deho nAma dAtA kR^ipAluH || 4||
shrIshrImatkR^iShNachaitanye jagattrANaika kartari |
yo mUDhe bhaktihIna syAtpachyate narake dhruvam || 5||
yaH kR^iShNo rAdhayA ku~nje vilAsa kR^itavAn purA |
gadAdhareNa saMyuktaH sa gauro vasate bhuvi || 6||
saMsArasarpa daShTAnAM mUrchChitAnAM kalauyuge |
auShadhaM bhagavannAma shrImadvaiShNava sevanam || 7||
viShayAviShTa mUrkhAnAM chitta saMskAramauShadham |
vishrambheNa guroH sevA vaiShNavochChiShTa bhojanam || 8||
vande shrIkaruNAsindhuM shrIchaitanyaM mahAprabhum |
kR^ipAM kuru jagannAtha! tava dAsyaM dadasva me || 9||
dAsyaM te kR^ipayA nAtha! dehi dehi mahAprabho! |
patitAnAM premadAtA.asyato yAche punaH punaH || 10||
saMsAra sAgare magnaM patitaM trAhi mAM prabho |
dInoddhAre samarthastvamataste sharaNaM gataH || 11||
jagatAM trANa kartAsi bhartA dAtAsi sampadAm |
trANaM kuruShva bho nAtha! dAsyaM dehi shachIsuta! || 12||
sarveShAmavatArANAM purANairyatshrutaM phalam |
tasmAnme niShkR^itirnAsti ataste sharaNaM gataH || 13||
vichitra madhurAkShara shrutimanoj~na gIto mudA
svabhaktagaNa maNDalI rachita madhyagAmI prabhuH |
manohara manoharo naTati gaurachandraH svayaM
jagattraya vibhUShaNo paramadhAma nIlAchale || 14||
vilokya puruShottamaM kanaka gaura deho harir
mudA hR^idaya pankaje jaladakAnti Ali~Ngitum |
papAta dharaNItale sakalabhAva sammUrchChitaH
kadAchidapi ne~Ngate paramadhAri saMspandanam || 15||
gaurasya nayane dhArA sagadgada vacho mukhe |
pulakA~Nkita sarvA~Ngo bhAve luThati bhUtale || 16||
chaitanya charaNAmbhoje yasyAsti prItirachyutA |
vR^indAtavIshayostasya bhaktisyAchChata janmani || 17||
yathA rAdhA padAmbhoje bhaktiH syAtpremalakShaNA |
tathaiva kR^iShNachaitanye vardhate madhurA ratiH || 18||
kanakamukurakAntiM chAru vaktrAravindaM
madhuramukura hAsyaM pakva bimbAdharoShTham |
suvalita lalitA~NgaM kambukaNThaM naTendraM
tribhuvana kamanIyaM gaurachandraM prapadye || 19||
sudIrghasumanoharaM madhurakAnti chandrAnanaM
praphullakamalekShaNaM dashanapa~Nkti muktAphalam |
supuShpa navama~njarI shravaNayugma sadbhUShaNaM
pradIptamaNi ka~NkaNaM kaShitahema gauraM bhaje || 20||
akhilabhuvanabandho premasindho jane.asmin
sakalakapaTapUrNe j~nAnahIne prapanne |
tava charaNasaroje dehi dAsyaM prabho tvaM
patita taraNa nAma prAdurAsIt yataste || 21||
UrdhvIkR^itya bhujadvayaM karuNayA sarvAnjanAnAdishet
re re bhAgavatA hariM vada vada shrIgaurachandraH svayam |
premNA nR^ityati hu~NkR^iti vikurate hA hA ravairvyAkulo
bhUmau luNThati mUrchChati svahR^idaye hastau vinikShipyati || 22||
harenAma kR^iShNanAma gAnadAna kArinIM
shokamoha lobhatApa sarvavighna nAshinIm |
pAdapadmalubdha bhaktavR^inda bhaktidAyinIM
gauramUrtimAshu naumi nAma sUtradhAriNIm || 23||
mAlatImallikAdAma baddha ku~nchita kuntalam |
bhAlodyattilakaM gaNDa ratnakuNDalamaNDitam || 24||
shrIkhaNDAguruliptA~NgaM ka~NkaNA~Ngada bhUShitam |
kvananma~NjIra charaNaM gaurachandramahaM bhaje || 25||
madhuraM madhuraM kanakAbha tanumaruNAmbara satparidheyamaho |
jagadeka shubhaM sakalaika paraM karuNapravaNaM bhaja taM paramam || 26||
kR^iShNarUpaM parityajya kalau gauro babhUva yaH |
taM vande paramAnandaM shrIchaitanya mahAprabhum || 27||
pItAMshukaM parityajya shoNAmbara dharoti yaH |
taM gauraM karuNA sindhumAshraye bhuvanAshrayam || 28||
avatIrNaH punaH kR^iShNo gaurachandra sanAtanaH |
magnAstribhAga pApesminteShAM trANasya hetave || 29||
avatIrNe kalau gaure chaNDAlAdyAH kujAtayaH |
yAvantaH pApinashchApi prAyaso vaiShNavA amI || 30||
patitaM durgataM dR^iShTvA vaiShNavA lokapAvanAH |
karau dhR^itvA harernAma yAchanti kR^ipayA kalau || 31||
sa~NkIrtanArambhakR^ite.api gaure dhAvanti jIvashravaNe guNAni |
ashuddhachittAH kimu shuddhachittAH shrutvA pramattAH khalu te nanartuH || 32||
kimAshcharyaM kimAshcharyaM kalau jAte shachIsute |
strIbAla jaDamUrkhAdyAH sarve nAmaparAyaNAH || 33||
chaNDAla yavanA mUrkhAH sarve kurvanti kIrtanam |
harernAmnAM guNAnAM cha gaure jAte kalau yuge || 34||
kimadbhutaM gaurahareshcharitraM tato.adhikaM tatpriya sevakAnAm |
sa~NkIrtanAmoda janAnurAga premapradAnaM vitanoti loke || 35||
suvalitamaNi mAlairbaddhachUDaM manoj~naH
sulalita mR^idubhAle chandanenANuchitram |
shravaNayugalarandhre kuNDalau yasya bhAtau
hR^idivinihitahAraM naumi taM gaurachandram || 36||
chaitanyarUpaguNakarma manoj~naveshaM yaH sarvadA smarati dehamanovachobhiH |
tasyaiva pAdatalapadmarajobhilAShI sevAM karomi shatajanmani bandhuputraiH || 37||
iyaM rasaj~nA tava nAmakIrtane shrotrau mano me shravaNe.anuchintane |
netre cha te rUpanirIkShaNe sadA shiro.astu chaitanya pAdAbhivandane || 38||
sa~NkIrtanAnandarasa svarUpAH premapradAnaiH khalu shuddhachittAH |
sarve mahAntaH kila kR^iShNa tulyAH saMsAra lokAnparitArayanti || 39||
yasmindeshe kulAchAro dharmAchArashcha nAsti vai |
tathApi dhanyastaddesho nAma sa~NkIrtanAddhareH || 40||
yAvatAM cha kutantrANAM samuddhArasya hetave |
avatIrNaH kalau kR^iShNachaitanyo jagatAM patiH || 41||
sarvAvatArA bhajatAM janAnAM trAtuM samarthAH kila sAdhuvArtA |
bhaktAnabhaktAnapi gaurachandrastatAra kR^iShNAmR^itanAmadAnaiH || 42||
chaitanya premadAtAkhila bhuvana janAnbhAva hu~NkAr
nAdairgovindAkR^iShTa chittAnkuviShaya viratAnkArayAmAsa shIghram |
evaM shrIgaurachandre jagati cha janite va~nchito yahi mUrkhastApI
pApI surApI hariguruvimukhaH sarvadA va~nchitaH saH || 43||
tribhuvanakamaNIye gaurachandre.avatIrNe patitayavanamUrkhAH sarvathA sphoTayantaH |
iha jagati samastA nAma sa~NkIrtanArtA vayamapi cha kR^itArthAH kR^iShNanAmAshrayAt || 44||
madhuramadhurametad vaiShNavAnAM charitraM kalimalakR^ita hInAndoShabud.hdhyA na jagmuH |
sakala nigamasAraM nAmadAtuM cha tatra prabalakaruNayA shrIgaurachandro.avatIrNaH || 45||
lokAnsamastAnkalidurga vAridhernAmnA samuttArya svataH samarpitam |
shrIgaurachandrairhari vaiShNavAnAM nAmnashcha tattvaM kathitaM jane jane || 46||
yAvanto vaiShNavA loke paritrANasya hetave |
raTanti prabhunAdiShTA deshe deshe gR^ihe gR^ihe || 47||
jagadbandhorjagatkarturjagatAM trANahetave |
yatra tatra hareH sevA kIrtane sthApite sukhe || 48||
gaurA~NgaH premamUrtirjagati yadavadhi premadAnaM karoti
pApI tApI surApI nikhila janadhanasyApahArI kR^itaghnaH |
sarvAndharmAnsvakIyAnviShamiva viShayaM samparityajya kR^iShNaM
gAyantyuchchaiH pramattAstadavadhi vikalAH premasindhau vimagnAH || 49||
yeShAM kasminkali yuge noddhAro bahu janmasu |
kalau te te sukhe magnA nAmagAnaprasAdataH || 50||
harernAmnAM prasAdena nistaretpAtakI janaH |
upadeShTA svayaM kR^iShNachaitanyo jagadIshvaraH || 51||
akhilabhuvana bandhurnAma dAtA kR^ipAluH kaShitakanakavarNaH sarvamAdhuryapUrNaH |
atisumadhurahAsaH snigdhadR^ikpremabhAsaH sphuratu hR^idayamadhye gaurachandro naTendraH || 52||
atimadhuracharitraH kR^iShNanAmaikamantro bhuvanavidita sarvapremadAtA nitAntaH |
vipula pulaka dhArI chitta hArI janAnAM sphuratu hR^idaya madhye gaurachandro naTendraH || 53||
sakala nigama sAraH pUrNa pUrNAvatAraH kali kaluSha vinAshaH prema bhakti prakAshaH |
priya sahachara sa~Nge ra~Nga bha~NgyA vilAsI sphuratu hR^idaya madhye gaurachandro naTendraH || 54||
jagadatulamanoj~no nATya lIlAbhivij~naH kalitamadhuravesho mUrChitAsheShadeshaH |
prabalaguNagabhIraH shuddhasattvasvabhAvaH sphuratu hR^idaya madhye gaurachandro naTendraH || 55||
niravadhi galadashruH sveda yuktaH sakampaH pulakavalitadehaH sarvalAvaNyagehaH |
manasijashatachittakShobhakArI yashasvI sphuratu hR^idaya madhye gaurachandro naTendraH || 56||
shamanadamananAma kR^iShNanAmapradAnaH paramapatitadInatrANa kAruNyasImaH |
vrajavipinarahasya prollasachchArugAtraH sphuratu hR^idaya madhye gaurachandro naTendraH || 57||
sakalarasavidagdhaH kR^iShNanAmapramodaH prabalaguNagabhIraH prANinistAradhIraH |
nirupamatanurUpaH dyotitAna~NgabhUpaH sphuratu hR^idaya madhye gaurachandro naTendraH || 58||
vimalakamalavaktraH pakvabimbAdharoShThas tilakusumasunAsaH kambukaNThaH sudIrgha |
suvalitabhujadaNDo nAbhigambhIrarUpaH sphuratu hR^idaya madhye gaurachandro naTendraH || 59||
kaShitakanakakAnteH sAralAvaNyamUrtiH kalikaluShavihantA yasyakIrtivariShThAH |
akhilabhuvanaloke premabhaktiH pradAtA sphuratu hR^idaya madhye gaurachandro naTendraH || 60||
bahuvidhamaNimAlA baddhakesho vichitro malayaja tilakodyad bhAladesho.alakAliH |
shravaNayugala lolatkuntalo hAravakShAH sphuratu hR^idaya madhye gaurachandro naTendraH || 61||
yadavadhi harinAma prAdurAsItpR^ithivyAM tadavadhi khalu lokA vaiShNavAH sarvataste |
tilakavimalamAlA nAmayuktAH pavitrAH hari hari kalimadhye evamevaM babhUva || 62||
jIve pUrNodayA yataH karuNayA hA hA ravairprArthanAM
he he kR^iShNa kR^ipAnidhe! bhava mahAdAvAgnidagdhAn janAn |
trAhi trAhi mahAprabho! svakR^ipayA bhaktiM nijAM dehyalaM
maiva~NgaurahareH sadA prakurute dInaikanAthaH prabhuH || 63||
viShaNNa chittAnkali pApa bhItAnsaMvIkShya gauro harinAma mantram |
svayaM dadau bhaktajanAnsamAdishetkuruShva sa~NkIrtananR^ityavAdyAn || 64||
harermUrtiM surUpA~NgIM tribha~NgamadhurAkR^itim |
iti gauro vadedbhaktAnsthApayadhvaM gR^ihe gR^ihe || 65||
sushoNapadma patrAkSha! subimbAdharapallava! |
sunAsApuTalAlitya! gaurachandra namo.astu te || 66||
kandarpakoTi lAvaNya! koTichandrAnana tviShe |
koTikA~nchana puShpAbha! gaurachandra! namo.astu te || 67||
samuktAdanta pa~NktyAbha! hAsyashobhA shubhAkara! |
siMhagrIva! lasatkaNTha! gaurachandra! namo.astu te || 68||
mallimAlollasadvakShaH karNAlambita mauktika! |
ka~NkaNA~NgadasaMyukta! mahAbhuja! namo.astu te || 69||
mR^igendramadhyaka~NkAla! jAnurambhAtisundara! |
kUrmapR^iShThapadadvandva! gaurachandra! namo.astu te || 70||
71
Ashraye tava pAdAbjaM kalikAchampakA~Ngulam |
kR^ipAM kuru dayAnAtha! gaurachandra! namo.astu te ||||
nakhapa~NktijitAneka mANikyamukuradyute |
charaNe sharaNaM yAche gaurachandra namo.astu te || 72||
dhvajavajrA~Nkite pAdapadme.ahaM sharaNaM gataH |
kariShyati yamaH kiM me gaurachandra! namo.astu te || 73||
shatashata patitAnAM trANakartA prabhustvaM
kathamapi kimudoShe va~nchito.ahaM prapannaH |
kalibhayakR^itabhItaM trAhi mAM dInabandho!
saraNagatagatistvaM kiM bruve gaurachandra! || 74||
kimadbhutaM gaurahareshcharitraM nAmopadeshAddharimAshrayanti |
nR^ityanti gAyanti rudanti lokA raTanti svArthAnharibhaktiyuktAH || 75||
nirantara kR^iShNakathA parasparaM subhaktidaM nAma harervadanti vai |
jalpanti lokA bhuvi bhAvavihvalA gaure.avatIrNe kalipApanAshake || 76||
satyatretAdvApareShu yaj~nadhyAnatapavrataiH |
keShAM keShAM phalaM jAtaM shubhakarmavidhAnataH || 77||
kalau shrIgaurakR^ipayA nAma mAtraika jalpakAH |
kR^iShNasAnnidhyasamprAptAH premabhaktiparAyaNAH || 78||
aNubrahmANDayormadhye chaitanyena samAhR^itAm |
harekR^iShNarAmanAmamAlAM bhaktipradAyinIm || 79||
jalpanti harinAmAni chaitanyaj~nAnarUpataH |
bhajanti vaiShNavAnye tu te gachChanti hareH padam || 80||
shR^iNvanti ye vai gurutattvagAthAM gAyanti yatnairharinAma mantram |
archanti sAdhuM gurudevatAM cha chaitanyabhaktAH kalikAlamadhye || 81||
kR^iShNachaitanya devena harinAma prakAshitam |
yena kenApi tatprAptaM dhanyo.asau lokapAvanaH || 82||
yadi syAtvaiShNave prItiH sadA kIrtanalampaTaH |
gaurA~NgachandravimukhaH na vai bhAgavato.api saH || 83||
ananyachetA harimUrtisevAM karoti nityaM yadi dharmaniShThaH |
tathApi dhanyo na hi tattvavettA gaurA~Ngachandre vimukho yadisyAt || 84||
kimu sukhamupabhoktuM vA~nChayedva~nchito.asau sakalanigamasiddhaM gaurachandraM na vetti |
hari hari kathametatkutra yAtaM charitraMsa bhavajaladhimadhye kumbhIpAke prapAta || 85||
shachIsutapadAmbuje sharaNamAtramanveShaNaM karomi kuladaivate prabalakAtare vaiShNavAH |
kR^ipAM kuruta sarvadA mayi vichitravA~nChAspadaM mamapraNatachetaso bhavatu siddhiravyAhatA || 86||
na dhanaM na yasho na kulaM na tapo na janaM na shubhaM na sutaM na sukham |
charaNe sharaNaM tava gaurahare! mama janmani janmani dehi varam || 87||
nAnAkleshAmayairyuktaM smR^itihInaM cha mAM prabho |
bhavabhItergaurachandra! trAhi trAhi kR^ipAnidhe! || 88||
anekajanmabhramaNe manuShyo.ahaM bhavankalau |
vyAkulAtmA padAbje te sharaNaM rakSha mAM prabho || 89||
kAtaraM patitaM shochyaM trAhi mAM shrIshachIsuta! |
sarve prema sukhe magnA va~nchitaM mA kuru prabho || 90||
sarveShAM pApayuktAnAM trAtuM shakto.anyadaivataH |
mamoddhAre prabhurgauro yataH patitapAvanaH || 91||
shrIgauracharaNedvandve yAche yAche punaH punaH |
jIvane maraNe vApi tava rUpaM vichintaye || 92||
kR^iShNa tvaM dvApare shyAmaM kalau gaurA~Ngavigraham |
dhR^itvA.asheSha janAnpremabhaktiM yachChasi lIlayA || 93||
yathepsitaM gaurapadAravinde niveditaM dehamanovachobhiH |
sarvArthasiddhiM kuru me kR^ipAlo nirantaraM te smR^itirastu nityA || 94||
svatantrastu prabhureva lIlAmanujavigraham |
dhR^itvA lokaparitrANaM kR^itavAnharinAmabhiH || 95||
anAthabandho karuNaikasindho! saMsArabandhAtkuru mAM vimuktam |
bhramAmi tIrthAntava nAma gAnairdR^iShTvA susAdhUnharidevarUpAn || 96||
yaduktaM yatkR^itaM pUrvaM yachChrutaM yanmanogatam |
sarvaM kShamasva he gaura tvatsmR^itiH syAtsadA mama || 97||
lajjAM tyaktvA pade yAche bhaktiM mAM premalakShaNAm |
dehi gaura kR^ipAsindho! tvadvinA nAsti duHkhahA || 98||
anekajanmakR^itamajjato.abdhau siddhiM kuruShva prabhugaurachandra! |
samujjvalAM te pAdapadmasevAM karomi nityaM harikIrtanaM cha || 99||
vrajendranandanAbhinnaM gaurA~Nga! tvAM nivedaye |
kR^ipAM kuru dayAnAtha! sarvasevAM karomyaham || 100||
gIyate yai ratitvena chaitanyashatakaM mudA |
paThyate shrUyate taistu prAptaH syAtshrIshachIsutaH || 101||

iti sArvabhaumabhaTTAchAryavirachitaM
shrIsushloka (chaitanya)shatakaM sampUrNam |
##

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}