% Text title            : Taravali Stuti
% File name             : tArAvalistutiH.itx
% Category              : deities\_misc, gurudev, stuti, ramaNa-maharShi
% Location              : doc\_deities\_misc
% Proofread by          : Aruna Narayanan
% Latest update         : December 25, 2023
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Taravali Stuti ..}##
\itxtitle{.. tArAvalistutiH ..}##\endtitles ##
aj~nAnAndhatamo vimohitadhiyAM durvAdakolAhalai\-
rAlIne sakale sanAtanapathe kAleyalIlAyitaiH |
kShemAya kShitimaNDale karuNayA kR^itvA.a.akR^itiM prAkR^itIM
nirdhUtAkhiladurmato vijayate shrIsha~Nkarashsha~NkaraH || 1||
puNyairbhUtalasambhramairupaniShadbhAShyAdivAggumbhanaiH
shiShyaishchApyaphalIkR^ite svarachitatryailokyarakShAkrame |
jIyAchCha~NkarasadguroH priyakR^ite jAtAvatAraH punaH
so.ayaM shrIramaNo gururguNagaNairadhyAtmaniShTho muniH || 2||
ramaNeshapadAmbhoja rajaHkaNamupAsmahe |
yadvAsanApariShva~NgAdvigalanti kuvAsanAH || 3||
AhlAdA.a.avahama~njanaM nayanayora~Nge sudhAlepanaM
dhairyaM chetasi khedanAmakagadaprotsArakaM bheShajam |
madhyAhnArka iva prasUtijaladhau lokaprakAshodayaM
puNyaiH shrIramaNeshvaraM pariNatairdhanyA labhante narAH || 4||
shoNAdrIshakuTIvihArasarase dagdhA~NgajAtaidhase
kAruNyAdiguNaikadhAmamanase.anvarthIkR^itachChandase |
sarvApadduritAndhase bhavabhayaproddhArakAtyaujase
bhaktashreNishikhAdR^itA~Nghrirajase seyannatistejase || 5||
mohAtItastvamasi bhagavan ! mugdhamUrtiM dadhAno
velAla~NghivyavahR^itirato vaddhavannAnaTIShi |
bhaktatrANaM bhavajalanidherAtmanaiva praNetuM
parya~Nke.asmin vasasi yadiyaM bhAti te kApi lIlA || 6||
dUrIkartuM prabhavati tavopAsanaiva prajAnA\-
menorAshIniti gurumaNe! tvatsamIpAshritAnAm |
tvadbhaktAnAmapi bahuvidhAbhIShTakAmArditAnAM
bhItiM kiM vA sR^ijasi bhagavan ! vyarthachintAnidAnam || 7||
nAnAshAkhAvivR^itamahimA nAshitAsheShamohaH
maunAlambI pramuShitajaTassAdhusa~NghairupetaH |
ma~nchastho.ayaM ramaNabhagavAndakShiNAmUrtirAste
pratyAsatteraruNamahasaH prApya sArUpyalakShmIm || 8||
shAnterekaM sadanamamR^itAsArashItaM prakR^ityA
saumyaM rUpaM ramaNabhagavan ! darshanIyaM tvadIyam |
vairAgyAtte tR^iNavadakhilatyAgakAle karAle
draShTuM dR^iShTyA ka iva chaturastvAM tvameva kShamo.asi || 9||
sAkShAtkR^ityA.aruNadharaNibhR^idvAsinaM sadguruM tvAM
drakShyantyanyatkimiva yaminastAvakInopadeshaiH |
aidamparyaM nigamashirasAM yatra sachchitsvarUpe
brahmaiva tvaM tadasi bhagavannityamuktasvarUpam || 10||
dArAn bandhUnapi cha tanayAn kShetravittAni gehaM
santastyaktvA sakalamapi te pAdapadmaM bhajante |
kintvetAMstvaM kapaTavachanairbhIShayannAtha ! naivaM
tatvaM brUyA na khalu bhavato va~nchanAM te labhantAm || 11||
shabdAdyAkhyairviShayanichayairvya~nchitaM dR^iShTanaShTaM
saukhyaM duHkhottaramapi mayA bud.hdhyate mokShatulyam |
bhogA ete ramaNa ! virasA yasya te leshaleshAH
sAndrAnandasphuritajaladhiM tvAM tamevAshrayAmaH || 12||
nAhaM yAche ramaNabhagavan ! laukikaM bhogajAtaM
nApi svargaM suraparibR^iDhAdhiShThitaM brahmalokam |
yAche.ahaM tvAM charaNapatitastvatpadAbjaikasevA.a.a\-
dhInAmAtmapravaNanipuNAM dR^iShTimAntarmukhIM tAm || 13||
urvyAM svairaM katichana janA devatAnAM nR^ipANA\-
mibhyAnAM vA stavanarachanaiH kAlajAlaM kShipantu |
tvatpAdAbjA.a.akalanajanitAnandaniShyandasindho\-
rantashchArairvayamiha sadA kAlamete nayAmaH || 14||
gantavyA sA prabhunivasatI ra~njanIyAstadIyA
bhR^ityAssevyaH prabhurapi dhanaissadma me pUraNIyam |
itthaM chintAM chiraparichitAM nAtha ! santyajya so.ahaM
tvannidhyAnAt saphalajananassyAM kadA vA vada tvam || 15||
ADhyA dadyurvasu vasumatIM hATakaM vA paTaM ve\-
tyevaM bhrAntyA dhanikasadanaM tvAmupekShyA.a.ashrayAmaH |
labdhaM kinno ramaNa ! bhavatopekShayA jAyamAnai\-
renaHkUTaiH khalu kR^ipaNatA kevalaM varddhate naH || 16||
saMviddhInassuratarugaNaH kAmadhenuH pashussA
grAvA chintAmaNirapi kavau pakShapAtI cha bhojaH |
karNo duShTAshrayaNakaluShaH kAlakA~NkShI payoda\-
stvaudArye te ramaNa ! tulanAM yAti nAnyo vadAnyaH || 17||
geho nAkaH praNamati khalaH pAtakaM puNyati drA\-
gdveShI mitraM viShayajasukhaM mokShati kShmAdhipashcha |
dAso mR^ityurbhiShajati mahAdUShaNaM bhUShaNaM syA\-
dyatpAdAbjaprapatanavashAttaM namAmo bhavantam || 18||
sarvaj~nastvaM jaDamatirahaM tvaM prabhustveSha dInaH
duHkhAgAraH pratipadamahaM saukhyapAthonidhistvam |
sarvaM kartuM prabhavati bhavAnalpashaktiH kilA.ahaM
bhinnAvasthA kimiti janitA mayyabhinne tvayaiva || 19||
samIhAsantAnairhR^idayamidamAkR^iShTamadayaM
tato.anyaddainyaM me kimiva vipadassanti shatashaH |
anAkhyeyA anyA alamalamaye ! ghUrNanamidaM
bhavormiShvetAsu pravitara guro ! chetasi shamam || 20||
tvanmUrtau me ramaNabhagavan ! majjatAnnetrayugmaM
tvad.hdhyAnAdhvanyapi paravashaM svAntamabhyetu shAntam |
tvatpUjArthaM vapurapi sadA tvatstutau vAk cha bhUyAt
itthaM nochedahaha ! bhuvane svairachArI hatassyAm || 21||
vedAntAste kati kati lasantyeShu shAkhAstvanantAH
tAsAmarthapravachanaparaM shAstrajAlaM tvanantam |
teShAM varNagrahaNa api vA nAlamekaM pumAyuH
trAtA nastvaM yadi na gururAT kiM bhavAbdhiM tarema || 22||
nAmaM nAmaM ramaNacharaNadvandvamadvandvahetuM
shrAvaM shrAvaM hR^idayahitadAssUktidhArAstadIyAH |
dhyAyaM dhyAyaM ramaNa bhagavan mUrtimavyAjabhaktyA
bodhaM bodhaM bhavajalanidhiM dustaraM santarAmaH || 23||
prasIda ramaNaprabho ! mama hR^idi prabhUtaM bhayaM
nivAraya daridratAM dalaya dehi bodhaM svakam |
vidhehi karuNAnidhe ! shirasi me tavA~NghridvayaM
vidAraya jarAmR^itiM vitara vA~nChitaM shrIguro ! || 24||
dIrghAyuShyaM kathamiva jayantIdine prArthayAmaH
karmAyattaM bhuvi janimatA mAyurAhurmahAntaH |
tAn mohotthAn vashayati bhavAn kAlakarmAdibhAvAM\-
statvaj~nAnAdgalitatamasaH kAlachintA kathaM te || 25||
bhAnvabde.asmin supadayuji te janmavAre shubhaMyau
ADhyA bhaktA vilasitakarAssUpahArairmahArghaiH |
sevante tvAM ramaNa ! kR^itinaH pUjyapAdaM kR^itaj~nAH
kShudrasstotraM tvadupahR^itaye kalpayaMstAta ! lajje || 26||
jaya jaya ramaNesha ! dInabandho !
jaya jaya janatArtinAshaheto ! |
jaya jaya bhagavan ! prabodhamUrte !
jaya jaya dahanAchalaikalola ! || 27||
jaya jaya karuNAmayapuNyamUrte !
jaya jaya vishrutalokagItakIrte ! |
jaya jaya bhaktajanArpitaikabhukte !
jaya jaya sundaradampatIprasUte ! || 28||
tArAvalistutimimAM ramaNeshvarIyAM
shruNvanti ye bhuvi paThanti cha bhaktibhAjaH |
vittAdi vaiShayikasukheShu viraktireShAM
saMsaktirAtmani bhavedramaNaprasAdAt || 29||

iti tArAvalIstotraM samAptam ||
##
Proofread by Aruna Narayanan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}