% Text title            : vaishvAnarAShTakam
% File name             : vaishvAnarAShTakam.itx
% Category              : deities\_misc, puShTimArgIya, aShTaka
% Location              : doc\_deities\_misc
% Author                : harirAyajI
% Proofread by          : PSA Easwaran psawaswaran at gmail.com
% Description/comments  : puShTimArgIya stotraratnAkara
% Latest update         : February 28, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIvaishvAnarAShTakam ..}##
\itxtitle{.. shrIvaishvAnarAShTakam ..}##\endtitles ##

samudbhUto bhUmau bhagavadabhidhAnena sadayaH
samuddhAraM kartuM kR^ipaNamanujAnAM kaliyuge |
chakAra svaM mArgaM prakaTamatulAnandajananaM
sa me mUrdhanyAstAM harivadanavaishvAnaravibhuH || 1||
nijAnande magnaH satatamatha lagnashcha manasA
harau bhagnAsaktirjagati jagaduddhArakaraNaH |
kR^ipApArAvAraH parahR^idayashokApaharaNaH
sa me mUrdhanyAstAM harivadanavaishvAnaravibhuH || 2||
mahAmAyAmohaprashamanamanA doShanichayA\-
pratItaH shrIkR^iShNaH prakaTapadavidveShasayujAm |
mukhadhvaMsaM chakre nigamavachanairmAyikanR^iNAM
sa me mUrdhanyAstAM harivadanavaishvAnaravibhuH || 3||
prasiddhaistairdoShaiH sahajakalidoShAdijanito\-
yataH svIyairdharmairapi cha rahitaH sarvamanujaH |
kR^itaH sambandhena prabhucharaNasevAdisahitaH
sa me mUrdhanyAstAM harivadanavaishvAnaravibhuH || 4||
vibhedaM yashchakre haribhajanapUjAdividhiShu
svamArgIyaprApyaM phalamapi phalebhyaH samadhikam |
vinA vairAgyAderapi paramamokShaikaphaladaH
sa me mUrdhanyAstAM harivadanavaishvAnaravibhuH || 5||
parikrAntA pR^ithvIcharaNakamalaistIrthamahima\-
prasiddhyarthaM svIyasmaraNasamavAptyai nijanR^iNAm |
tathA daivA~njIvA~njagati cha pR^ithakkartumakhilAn
sa me mUrdhanyastAM harivadanavaishvAnaravibhuH || 6||
hariM bhAvAtmAnaM tadakhilavihArAnapi tathA
samastAM sAmagrIM manujapashupakShyAdisahitAn |
kR^ipAmAtreNAtra prakaTayati dR^ik pArakaruNaH
sa me mUrdhanyAstAM harivadanavaishvAnaravibhuH || 7||
pareShAmAsaktiM sutadhanasharIrAdiShu dR^iDhAM
drutaM bhasmIchakre bahulamapi tUlaM jvalana iva |
svasAnnidhyAdeva vyasanamapi kR^iShNo.api vidadhat
sa me mUrdhanyAstAM harivadanavaishvAnaravibhuH || 8||
 iti shrImatproktaM haricharaNadAsena hariNA\-
.aShTakaM svAchAryaNAM paThati paramapremasahitaH |
janastasya syAdvai harivadanavaishvAnarapade
paro bhAvastUrNaM sakalaphalarUpastadadhikaH || 9||

iti shrIharirAyajIvirachitaM shrIvaishvAnarAShTakaM sampUrNam |

##
Proofread by PSA Easwaran psaeaswaran at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}