% Text title            : Vedanta Deshika Ashtottarashatanama Stotram 1
% File name             : vedAntadeshikAShTottarashatanAmastotram1.itx
% Category              : deities\_misc, gurudev, aShTottarashatanAma, vedAnta-deshika
% Location              : doc\_deities\_misc
% Proofread by          : Aruna Narayanan
% Description/comments  : See corresponding nAmAvalI
% Latest update         : November 1, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shrimad VedAntadeshika Ashtottarashatanama Stotram ..}##
\itxtitle{.. shrImadvedAntadeshikAShTottarashatanAmastotram ..}##\endtitles ##
shrIH |
atha shrImadvedAntadeshikAShTottarashatanAmastotram |
nigamAntagurornAmnAM prabhAvo yena varNitaH |
taM ve~NkaTAryamanishaM tAtAryatanayaM bhaje ||
viduShA ve~NkaTAryeNa tAtAryatanujanmanA |
vedAntAryagurornAmnAM prabhAvo varNyatetarAm ||

sudarshanakR^ipAlabdha vedatattvArthasAgaram |
anuShThitaH kratushataM vande.asmatpitaraM gurum || 1||
kumAratAtayAchArya sadAchAraparaM sadA |
vedAntAchAryasiddhAntavijayadhvajamAshraye || 2||
sA~NkhyasaugatachArvAkashA~NkarAditamonudam |
trayyantadeshikaM vande ve~NkaTeshAhvayaM mahaH || 3||
shrImadve~NkaTanAthasya nAmnAmaShTottaraM shatam |
sa~NgR^ihya tatprasAdAya vakShye sarvArthasiddhidam || 4||

atha stotram |
OM ghaNTAvatAro.anantAryatanayo ve~NkaTAdhipaH |
shrImallakShmaNayogyaMsho varadAchAryavIkShitaH || 5||
rAmAnujAryasandR^iShTassauparNamanuchintakaH |
tArkShyadattavarashshuddhaH prasAditahayAnanaH || 6||
adhItasA~NgasakalashrutismR^itividagraNIH |
itihAsapurANaj~nassukavistarkatattvavit || 7||
bhAShyakAro bhayaharassudhAshIdugdharAshikR^it |
pradhAnapratitantraj~no devatApAramArthyavit || 8||
shrutavidyashshrAvayitA shrutapAlashshrutapradaH |
shritaH pANDityadAtA cha kR^itakR^ityaH kR^itI sudhIH || 9||
nirastasA~NkhyaH pratyuktayogaH kANAdabha~njanaH
achichchaitanyavAdaghnaH kShaNikANumatArdanaH || 10||
sAkAradhI nirAkartA shUnyavAdatamonudaH |
kudR^iShTyuragapakShIshaH saptabha~NgIvilopanaH || 11||
bhedAbhedamataChettA dhUtayAdavakalpanaH |
anIshavAdidambholiH pAShaNDamatakhaNDanaH || 12||
saMrakShitAgamashsha~NkhachakradhAraNarakShitA |
UrdhvapuNDrA~NkanatrAtA shuddhasattvamayAkR^itiH || 13||
yatyAchArapratiShThAtA sarvatantrasvatantradhIH |
avatAra rahasyaj~nastvarchAsaundaryasaktadhIH || 14||
arthapa~nchaka tattvaj~naH tattvatrayavisheShavit |
bhaktiyoga virodhighno bhaktimAn bhagavatpriyaH || 15||
j~nAnaikasAro dvayavidvibhaktAdhikR^ititrayaH |
chatushshlokyartha sAraj~naH samyagj~nAtA~Ngapa~nchakaH || 16||
ShaDa~Ngayoga nirNetA saptatantukR^iduttamaH |	
aShTAkSharaikanirato navamaikarasAshrayaH || 17||
dashatAtparyavij~nAtA shatakR^ichcha sahasravit
sthUlalakSho.anekanAnAkoTij~nAnanivartakaH || 18||
dharmasha~NkussAdhubR^indavanditA~NghrisaroruhaH |
padmAkShAnandajanakastathA.anantaguNAkaraH || 19||
tyAgashabdArthaviddharmavedI vidhivisheShavit |
uttamashlokabhAvaj~naH pa~nchakAlaparAyaNaH || 20||
surasevyaH pUrNamanAssUrIndrapratirUpakaH |
kavitArkikapa~nchAsyo nigamA~nchaladeshikaH || 21||
vaidyo munIndrassarvaj~naH upakartA tathaiva cha |
satsampradAyasthiradhIranaghassatyavAgapi || 22||
sAdhuvR^ittirmuktaDambho jitAkSho dIrghabandhumAn |
dayAlushshAsitA sarvahitAcharaNatatparaH || 23||
mahAgurussvarNavarNassubAhuH puNDarIkadR^ik |
pavitrapANirvyAkhyAnamudrA~NkitakarAmbujaH || 24||
savyapANitalanyastadivyapustakabhUShaNaH |
parashIrShanyastavAmapAdAbjakaTakojjvalaH || 25||

phalashrutiH \-
itIdaM deshikendrasya nAmnAmaShTottaraM shatam |
sa~NkIrtayedanudinaM sarvapApApanuttaye || 26||
paThannAmashataM bhaktyA shrutvA gurumukhAmbujAt |
prasAdAddeshikendrasya bhuktimukti samashnute || 27||
ekaikamapi tannAma kIrtayan sakR^iduttamam |
sarvAnkAmAnavApnoti kimutAShTottaraM shatam || 28||

iti shrImadvedAntadeshikAShTottarashatanAmastotraM sampUrNam |

##
Proofread by Aruna Narayanan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}