% Text title            : Shri Veda Vyasa Gadyam
% File name             : vedavyAsagadyam.itx
% Category              : deities\_misc, gurudev, gadyam
% Location              : doc\_deities\_misc
% Author                : Yadavarya
% Transliterated by     : Krishnananda Achar
% Proofread by          : Krishnananda Achar
% Latest update         : May 15, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Veda Vyasa Gadyam ..}##
\itxtitle{.. shrIvedavyAsagadyam ..}##\endtitles ##
shuddhAnandorusaMviddyutibalabahulaudAryavIryasaundarya prAgalbhya
svAtantrAdyanantapUrNaguNAtmaka vigrahAya | tAdR^ishAnanta rUpAya |
pAratantryAdyasheShadoShadUrAya | anantAnanta rUpeShu svagatAnantAnanta
guNakriyArUpa bhedavivarjitAya | svanirvAhaka svAbhinna visheShabalAt
tadvattva vyavahArabhAgine | achintyashaktisampannAya | ramAbrahma
rudrendrAdi sakala jIvajaDAtmaka prapa~nchadAtyanta bhinna svarUpAya |
pa~nchabhedabhinna shrIbrahmarudra prabhR^iti sakala surAsura
narAtmakasya prapa~nchasya yathAyogyaM sR^iShTi sthiti saMhAra niyamana
j~nAnAj~nAna bandha mokSha pradAtre | R^igAdi chaturveda mUla rAmAyaNa
brahmasUtra mahAbhArata pa~ncharAtrAdyasheSha sadAgama pratipAdita
svarUpAya | anAdyanantakAlepi svarUpadehAntarbAhya dehAntashcha
sthitvA satyApratIti pravR^ityAdipradAya | sarvasvAmine | guruShu
sthitvA taddvArA j~nAnopadeShTre | niravadhikAnantAnavadya kalyANa
guNatvaj~nAnapUrvaka svAtmAtmIya samasta vastubhyoneka guNAdhikAntarAya
sahasreNApyapratibaddha nirantara prema pravAharUpa bhakti viShayAya |
anantavedokta tadanukta bhAratokta prakAreNa brahmopAsitAnanta
guNAnanta kriyAnanta rUpAya | kriyA sAmAnyena sarasvatyupAsitAnanta
rUpAya | guNakriyA sAmAnyena rudropAsitAnanta rUpAya | guNakriyA rUpa
sAmAnyena indrAdyupAsita bahuguNAya | karmakShayotkrAntimArga bhogarUpa
chaturvidha muktiyogya manuShyottamopAsita sachchidAnandAtmAkhya
chaturguNAya | utkrAnti mArgarUpa muktidvaya shUnyAvashiShTa
dvividha muktiyogyAdhikAri visheShopAsita AtmatvarUpaika guNAya |
brahmAdi mAnuShottamAntAnAmupAsanAnusAreNa yathAyogyaM sa~njAta
vichitrAparokShaj~nAna viShayAya | atyartha prasAda karte |
aparokShaj~nAna mahimnAgninA tUlarAshivadbhasmIbhUta prArabdha
puNyapApAniShTakAmyakarmaNAM brahmopadeshAnAM vAtaputrIyatA
prasa~Nga parihArAya bhagavatAvasheShita bhogena niHsheShIkR^ita
pArabdha karmaNAM satyaloke chaturmukhAkhya kAryabrahmaprAptAnAM
pratIkAlambanAnAM vaikuNTha lokasthita bhagavadAkhyA kAryabrahma
prAptAnAM apratIkAlambanAnAM mahApralaye chaturmukhaM prAptAnAM
svottama praveshadvArA sheShamArga garuDamArgAbhyAM gatAnAM devAnAM
cha brahmaNAsaha virajAsnAnena li~Ngabha~Nga prApayitvA AvirbhUta
vichitra svarUpAnandAnubhavadAtre | brahmAdyekAnta bhaktAnAM
nirupAdhikeShTAya | taditarabhaktAnAM mokToddeshena bhajanIyAya |
sAkilyena ramAbrahmAdyachintya svarUpAya | vyAkhyAshrI sarvavij~nAna
kavitA vijayAdi sadguNa pradAtre | brahmasUtra mahAbhArata
shrImadbhAgavatAdyasheSha sachChAstrakartre | viShNunAmnisaMhitA
devatAtvena hrasvamANDUkeyopAsitAya | vAsudevAdi chatUrUpAya |
matsyakUrma varAha nArasiMha vAmanabhArgava rAghava kR^iShNa buddha
kalki svarUpAya | shrImaddhanumatsevya dAsharathi rAmAtmakAya
draupadIpriya bhImasenArAdhya shrIyAdavakR^iShNa svarUpiNe |
kradandashvAtmaka shrIhayagrIva svarUpAya | jAgradAdyavasthA
pravartaka vishvAditritaya rUpAya | ShaTshataikaviMshatsahasra
shvAsarUpa haMsamantra japa prerakAya | dvAsaptati sahasranADIShu
madhye dakShiNa bhAgasthita ShaTtriMshatR^ihasra puruSha rUpAtmakAya |
vAmabhAgasthita ShaTtriMshatsahasra strIrUpAtmakAya | paramahaMsopAsya
turIya rUpiNe | AtmAdi chaturUpiNe | kR^iddholkAdi pa~ncharUpiNe |
kapila dattAtreya R^iShabha nArAyaNa harikR^iShNa tApasa manu mahidAsa
yaj~na dhanvantarI nArAyaNI sanatkumAra dhavalapakSha virAjita haMsa
svarUpAya | keshavAdi chaturviMshativyUhAya | nArAyaNa narashauryAdi
shatarUpiNe | vishva viShNu vaShaTkArAdi sahasrarUpiNe | parAdi
bahurUpiNe | ajitAdyanantarUpiNe | kalikAla pravR^ittaye R^iShibhiH
sahAntardhAya gandhamAdanaparvatasthita badarikAshrama nivAsine |
bAdarAyaNAya | bAdari jaimini sumantu vaishampAyana kAshakR^itsnalomasha
kArShNAjinyauDulomyAtreyapUrvaka shiShyasa~Ngha parivR^itAya |
kIrapada muninutAya | svAj~nAnusAreNAvataritakR^ita samasta kArya
parityakta bhUmaNDala prApta badarikAshrama marudavatArAnandatIrtha
pUrNapraj~nApara paryAya shrImadhvAchArya saMsevita shrIcharaNAya |
sAtyavateyAya | pArAsharyAya | kR^iShNa dvaipAyanAya | jIvAntaH sthitvA
sarvakarmakArayitre | asheSha satkarma phaladAtre | tattvadevatA
prerakAya | asmatkuladevatAtmaka shrIve~NkaTeshAtmane | anantAya |
indirApataye | asmadguruvarAchArya karavara pUjita charaNanalinayugalAya |
asmadguruvaryAntargata shrImadAnandatIrthArya hR^itkamalamadhyanivAsine ||

vij~nAnarochiH paripUritAntarbAhyANDakoshAya | akArAdi
pa~nchAshadvarNa devatAjAdibhiH svarNaghaTa paripUrNa pIyUSha siktAya |
shubhamarakata varNAya | raktapAdAbja netrAdharakaranakharasanAgrAya |
sha~Nkha chakra gadApadma dharAya | parama sundarAya | ruchiravaraiNa
charmaNA bhAsamAnAya | taTidamalajaTA sandIpta chUDaM dadhAnAya |
nIlAlaka sahasta shobhita mUrdhne | suvyaktashmashrumaNDalAya | lalATa
shobhita tilakAya | ambhojabhavabhavAdi bhuvanAnAM dabhravibhramAdeva
vibhavAbhivavodbhavAdi pArameShThyAdi padavimuktidAtR^ibhrU
vilAsAya | kamalAyatalochanAya | nikhilAghaugha vinAshaka parasaukhya
pradadR^iShTaye | tulasI bhAsita karNAya | samasta vedodgIraNa hetubhUta
shrImukhAya | avanatAkhilaloka shokasAgaravishoShakAtyudAramandahAsAya |
aruNoShTharochiShAruNIkR^ita sitadanta pa~Nktaye | kambuvadrekhAtrayopeta
brahmAdhiShThita kaustubharatnodbhAsita kaNThAya | shrIvatsA~Nkita
shrIdevyAspada vistIrNa vakShase | tanutvepyantargata jagadaNDamaNDala
valitrayA~NkitodarAya | harinmaNikAnti muDvishada hAramayUkha
gaurastanadvayopetAya | AtmayonidhiShaNa chaturdasha bhuvana
kAraNadalopeta padmajanaka tanunimnAvartanAbhisarase | trayImaya
yajyopavIta dhAriNe | divya mau~njIdhAraNe | achala paramAjina
yoga pIThopaviShTAya | paritaH sthitavara paTTikA rUpakakShAyutAya |
svabhaktAj~nAnanAshaka tarkAparaparyAya prabodhamudrAyuta pR^ithupIvara
vR^itta dakShiNahastAya | svabhakta bhayabha~njaka samasta
ma~NgalapradAbhaya mudrAyuta pR^ithupIvara vR^itta savyahastAya |
atasikA kusumAva bhAsorudvayAya | kramAlpavR^ittaja~NghAyugalAya |
nigUDha gulphAya | bAhyAntastamo vinAshaka parasaukhya pradanakhamaNaye |
vajrA~Nkushadhvaja padmarekhA chihnita pAdapadmAya | samasta
pIThadevatAvaraNa devatAse vyAya | anantachandrAdhikakAntimate |
samasta durita nivAraNAya | samasta kAmita phaladAtre madupAsyAya |
shrIvedavyAsAya namo namaH ||

iti shrImadvedeshatIrtha pUjyapAdArAdhaka yAdavAryakR^itaM
                    shrIvedavyAsagadyaM sampUrNam |

##
Encoded and proofread by Krishnananda Achar 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}