% Text title : Shri Veda Vyasa Karavalambana Stotram % File name : vedavyAsakarAvalambanastotram.itx % Category : deities\_misc, gurudev % Location : doc\_deities\_misc % Author : Yadavarya % Transliterated by : Krishnananda Achar % Proofread by : Krishnananda Achar % Latest update : August 28, 2021 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Veda Vyasa Karavalambana Stotram ..}## \itxtitle{.. shrIvedavyAsakarAvalambanastotram ..}##\endtitles ## trayyA vikAsakamajaM muhurantadeva sa~nchintya madhvagurupAdayugaM gurUMshcha | vedesha pAdajalajaM hR^idi sAdhukR^itvA sa.nprArthaye shrutivikAsaka hastadAnam || 1|| padmAsanAdi surasattamabhUsurAdi salloka bodhadahare badarI nivAsin | sachChAstrashastra hR^itasatkumate sadiShTa vAsiShThakR^iShNa mamadehi karAvalambam || 2|| AmnAya vistara vishArada shAradesha bhUtAdipAdisurasaMstuta pAdapadma | yogIsha yogi hR^idayAmalaka~njavAsa vAsiShThakR^iShNa mamadehi karAvalambam || 3|| sadbrahmasUtra varabhArata tantrapUrva nirmANa nirmalamatekhiladoShadUra | AnandapUrNa karuNAkara vevadeva vAsiShThakR^iShNa mamadehi karAvalambam || 4|| arkAtmajA jalatara~NgavichArichAru vAyUpanIta shubhagandha tarUpavAsin | arkaprabhaiNavaracharmadharoru dhAman vAsiShThakR^iShNa mamadehi karAvalambam || 5|| tarkAbhayetakaratAta shukasya kITa rAjya pradAghaTita sa~NghaTakAtma shakte | bhR^ityArtihan praNata pUrusuvaMshakArin vAsiShThakR^iShNa mamadehi karAvalambam || 6|| kAle jale jalada nIla kR^itoruvarman AmnAyahArisuravairi harAvatAra | matsyasvarUpa kR^ita ka~njaja vedadAna vAsiShThakR^iShNa mamadehi karAvalambam || 7|| gIrvANadaitya balalolita sindhu magna manthAchaloddharaNa devasudhAptihetoH | kUrmasvarUpa dhR^itabhUdhara nIrachArin vAsiShThakR^iShNa mamadehi karAvalambam || 8|| kShoNIharorubaladaitya hiraNyanetra pradhvaMsa daMShTrayugalAgra surapramoda | pR^ithvI dharAdhvaravarA~Nga varAharUpa vAsiShThakR^iShNa mamadehi karAvalambam || 9|| prahlAda shokavinimochana devajAta santoShadorubaladaitya hiraNyadArin | siMhAsyamAnuShasharIrayutAvatAra vAsiShThakR^iShNa mamadehi karAvalambam || 10|| devendrarAjyaharadAna varAjayaj~na shAlArthi rUpadhara vajra dharArtihArin | yA~nchAmiShAdasurava~nchaka vAmanesha vAsiShThakR^iShNa mamadehi karAvalambam || 11|| tAtApakArinR^ipavaMshavanapradAha vahne bhragupravararAma ramAnivAsa | sUryA0shushubhra parashupravarAyudhADya vAsiShThakR^iShNa mamadehi karAvalambam || 12|| rakShodhirAja dashakandhara kumbhakarNa pUrvAri kAlanamaruvvarasUnumitra | sItAmanohara varA~Nga raghUttharAma vAsiShThakR^iShNa mamadehi karAvalambam || 13|| kR^iShNApriyApriyakarAvanibhArabhUta rAjanyasUdana suradvijamodadAyin | bhaiShmIpuraHsaravadhUvara kelikR^iShNa vAsiShThakR^iShNa mamadehi karAvalambam || 14|| saddharmachArijinamukhya surArivR^inda sammohana tridashabodhana budda rUpa | ugrAdiheti nichayagra sanAmitAtman vAsiShThakR^iShNa mamadehi karAvalambam || 15|| j~nAnAdisadguNavihIna jana prakIrNa kAle kale sturagavAhana duShTapArin || kalkisvarUpa kR^itapUrvayuga pravR^itte | vAsiShThakR^iShNa mamadehi karAvalambam || 16|| yaj~naitareya kapilarShabhadattadhanvaM taryashva sanmukha kumAra suyoShidAtman | saddharma sUnuvara tApasa haMsarUpa vAsiShThakR^iShNa mamadehi karAvalambam || 17|| satkeshavAdi dviShaDAtmaka vAsudevA dyAtmAdinA suchaturUpa sushiMshumAra | kR^iddholkapUrvaka supa~nchaka devarUpa vAsiShThakR^iShNa mamadehi karAvalambam || 18|| nArAyaNAdi shatarUpa sahasvarUpa vishvAdinA subahurUpa parAdinA cha | divyAjitAdyamitarUpa suvishvarUpa vAsiShThakR^iShNa mamadehi karAvalambam || 19|| shrIviShNunAmaga suvarNa sandhitAtman maNDUkasattanuja hrasvasunAmakena | dhyAtarShiNA susukhatIrtha karAbja sevya vAsiShThakR^iShNa mamadehi karAvalambam || 20|| vaikuNThapUrvaka tridhAmagatatrirUpa svakShyAdidhAmagata vishvapuraH sarAtman | satkeshavAdi chaturuttaraviMsharUpa vAsiShThakR^iShNa mamadehi karAvalambam || 21|| satva~ncharAtra pratipAdyaramAdirUpa vyUhAt purAsuparipUjya navasvarUpa | vimalAdi shaktinavakAtmaka divyarUpa vAsiShThakR^iShNa mamadehi karAvalambam || 22|| svAyambhuvAdimanusaMsthita divyarAja rAjeshvarAtmaka tathA sadupendranAman | sarveShu rAjasu niviShTa vibhUti rUpa vAsiShThakR^iShNa mamadehi karAvalambam || 23|| pradyumna pArthanaravainya balAniruddha pUrveShu saMsthita visheSha vibhUti rUpa | brahmAdi jIva nivahAkhya (hastha) vibhinnakAMsha vAsiShThakR^iShNa mamadehi karAvalambam || 24|| satpR^ishnigarbha pitR^ihR^idyagayA prayAga vArANasIsthita gadAdhara mAdhavAtman | shrIve~NkaTesha suvimAnaga ra~NganAtha vAsiShThakR^iShNa mamadehi karAvalambam || 25|| sadvArakArajatapITha suvarNapUrva brahmaNya madhyamaTha pAjaka saMsthitAtman | rUpairguNairavayavaistatitaH svananta vAsiShThakR^iShNa mamadehi karAvalambam || 26|| vedesha madgurukarArchita pAdapadya shrIkeshava dhruvavinirmita divyamUrte | shrIbhImarathya malatIra maNUra vAsin vAsiShThakR^iShNa mamadehi karAvalambam || 27|| shrIpANDura~Nga susyamantaka gaNDikAshrI muShNAdikShetravarasaMsthita naikarUpa (mUrte) kA~nchIsthasadvaradarAja(su) trivikramAtman vAsiShThakR^iShNa mamadehi karAvalambam || 28|| AdikShAntatatavarNasuvAchyabhUta (taiH) nirbheda mUrtikamahAsadajAdirUpaiH | shaktyAdibhirvigata bheda dashaika rUpa vAsiShThakR^iShNa mamadehi karAvalambam || 29|| sUryAnalaprabhR^iti hR^idduritaughatUla rAshi pradAhaka sudarshana rUpakesha | nArAyaNa prabhR^itirUpa supa~nchakAtman vAsiShThakR^iShNa mamadehi karAvalambam || 30|| ichChAdi shakti tritayena tathANimAdi shaktyaShTakenavigatAkhila bhedamUrte | sanmochakAdi navashakti vibhinna deha (kAMsha) vAsiShThakR^iShNa mamadehi karAvalambam || 31|| jIvasvarUpa viniyAmaka bimbarUpa mUleshanAmaka susArabhugindu (bhugindha) rUpa | prAdesharUpaka virADatha padmanAbha vAsiShThakR^iShNa mamadehi karAvalambam || 32|| kShI (kShA)rAbdhisa~Ngata mahAjalavADavAgni stharUpa paramANugatANu rUpa (mUrte) | avyAkR^itAmbaragatAparimeyarUpa vAsiShThakR^iShNa mamadehi karAvalambam || 33|| brahmAdi sarvajagataH suvisheShatopi sarvatra saMsthiti nimittata eva chAsa | vyAsaH sa vIti hi shruteriti vyAsanAman vAsiShThakR^iShNa mamadehi karAvalambam || 34|| nirdoSha pUrNaguNachijjaDabhinnarUpa shrutyAyatastva dhigato.asi tatastvanAman | sat shrIkarAkhya harinAmaka vyUharUpa vAsiShThakR^iShNa mamadehi karAvalambam || 35|| pailauDulomi varajaiminikAshakR^itsna kArShNAjiniprabhR^itishiShya susevitA~Nghre | kAnIna madguru susevya padAbjayugma vAsiShThakR^iShNa mamadehi karAvalambam || 36|| nAnAvikarmajanitAshubhasAgarAntaH sambhrAmyataH pratihatasya ShaDUrmijAlaiH | putrAdinakra nigR^ihIta sharIrakasya vAsiShThakR^iShNa mamadehi karAvalambam || 37|| AshAmada prabhR^iti siMhavR^ikAdisatva kIrNeTato bhavabhaya~Nkara kAnanesmin | pa~ncheShuchorahR^itabodha suvittakasya vAsiShThakR^iShNa mamadehi karAvalambam || 38|| lakShmInivAsa bhavanIravihInakUpa madhyasthitasya madabhAra vibhinnabuddheH || tR^iShNAkhyavAraNa bhayena digantabhAjo vAsiShThakR^iShNa mamadehi karAvalambam || 39|| aj~nAnamohapaTalAdgata chakShuSholaM mArgAnnijAt skhalata Isha dayAmburAshe | ki~NgamyamityavirataM raTato ramesha vAsiShThakR^iShNa mamadehi karAvalambam || 40|| Ajanma jIrNabahudoShiNa IshajAtu tvatpAda nIrajayugaM hR^idikurvatome | devAparAdhamanavekShyacha vIkShya bhaktaM vAsiShThakR^iShNa mamadehi karAvalambam || 41|| AmnAya bhArata purANa saraH prabhUta vAsiShTha kR^iShNa nu(stu)ti pa~NkajamAlikeyam | devatvadarthamamalAM rachitochitAM tAM kR^itvAdhriyasva hR^idaye bhavabhUtido me || 42|| vAsiShThakR^iShNa padapadma madhuvratena vedeshatIrtha gurusevaka yAdavena | hastAvalambanamidaM rachitaM paThedya stasya pradAsyati karaM badarI nivAsI || 43|| vedeshatIrthagurumAnasa nIrajastha shrImadhvahR^itkamalavAsi ramA nivAsaH | prItostvanena shubhado mamadeva pUjA vyAkhyA (stutyA)di satkR^iti kR^ito badarI nivAsI || 44|| iti shrIyAdavAryavirachitaM shrIvedavyAsakarAvalambanastotraM sampUrNam || ## Encoded and proofread by Krishnananda Achar \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}