% Text title            : Shri Veda Vyasa Stotram 1 Pashandakhandana
% File name             : vedavyAsastotram1pAShaNDakhaNDana.itx
% Category              : deities\_misc, gurudev, vAdirAja
% Location              : doc\_deities\_misc
% Author                : Vadiraja
% Transliterated by     : Krishnananda Achar
% Proofread by          : Krishnananda Achar
% Latest update         : May 15, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Veda Vyasa Stotram 1 Pashandakhandana ..}##
\itxtitle{.. pAShaNDakhaNDana shrIvedavyAsastotram 1 ..}##\endtitles ##
bhIShmeNa kAmyakavane dharmarAjaM nR^ipaM prati |
satyaM satyamiti shloko bhujAvuddhR^itya pIvarau || 1||
uktaH kila sabhAmadhye katheyamakhilA sphuTam |
sheShadharmAshcharyaparva dvitIyAdhyAya madhyagA || 2||
atastasya bhujAveva Chedyau yadyasti pauruSham |
vyAsastu tAM kathAM granthe nibabandha paraM sudhIH || 3||
kiM yamaH pApinaM hanyAtkiM vA pApasya sAkShiNaH |
hR^itA sItA rAvaNenetyukte na hi jaTAyuShaH || 4||
shirashchichCheda bhagavAn rAmo rAjIvalochanaH |
kintu bhAryApahartAraM jaghAna yudhi rAvaNam || 5||
idaM nidarshanaM pashya mAviveke manaH kR^ithAH |
uddhR^itya sheShadharmastha vAkyAnyapi cha kAnichit ||
mandAnAmupakArAya darshayiShyAmi tattvataH || 6||
yudhiShThira uvAcha\-
pitAmaha mahAprAj~na sarvashAstra vishArada |
kR^iShNe dharme cha me bhaktiH yathAsyAddhi tathA vada || 7||
bhIShma uvAcha\-
shR^iNu pANDava vakShyAmi haribhaktiM sudurlabhAm |
shrotrUNAM sarvapApaghnIM vadatAM cha yudhiShThira || 8||
satyaM satyaM punaH satyamuddhR^itya bhujamuchyate || 9||
vedashAstrAtparaM nAsti na daivaM keshavAtparam |
satyaM vachmi hitaM vachmi sAraM vachmi punaH punaH || 10||
asAre dagdhasaMsAre sAraM yadviShNu pUjanam |
uddhR^itya svabhujau bhIShnaH shashaMsa kila saMsadi || 11||
evaM cha vyAsadevasya koparAdho vichAraya |
ato madhvamunervAkye bhArataj~na shiromaNe || 12||
uddhR^itaM bAhuyugalaM yathA bhavati vaitathA |
bhIShmAchArya kR^itasyogra shapathasya samIritam || 13||
yatra tadvai vyAsavachaH shR^iNutetyeva yojanA |
tattatkrattyAnuvaktA cha shAstrAchAryo.ahilasya cha || 14||
asheSha nigamoddhartA hartA dussamayasya cha |
manassa~Nkalpa mAtreNa kurupANDavasenayoH || 15||
kartA satyavatI putro vihartA munimaNDale |
rAjasUyasya chAchAryaH sarpayAgasya cha prabhuH || 16||
kastasya bhujayoshChettA kiM vA tachCheda kAraNam |
bhramamUlA tatassarvA kathAsId vyAsavairiNAm || 17||
rajaka drohato bhikShoH shUlAropaNa vAkyavat |
bhrAmakaM tasya shAstraM cha yatretthaM samudIritam || 18||
nArIsa~Ngama mattosau yasmAnmAmavamanyate |
yonili~Nga svarUpaM hi tasmAdasya bhaviShyati || 19||
iti pAdmapurANokta bhragushApasya sAhasam |
pashyantu pa~nchashIrShANi bhujAnAM tu chatuShTayam || 20||
dvaupAdAvudaraMvakShaH kaTI chorU cha dhUrjaTeH |
vichChidya tatkShaNAdeva petuH kila mahItale || 21||
shishnamAtraM tUrvaritaM tachcha yonyAM viveshitam |
atra pramANaM shaivAnAM kaNThe kaNThevalambinI || 22||
li~NgamAlaiva yA nityaM kare vAme prapUjyate |
ataH pAdmoditakathA shaivAnAmapi sammatA || 23||
hastavvayavatI ramya jaTAmaNDala maNDitA |
padmapAdA shyAmavarNA lasatkR^iShNAjinojjvalA || 24||
mandasmitA chandramukhI bimboShThI pa~NkajekShaNA |
kunda kuDmaladantAbhA sAndra kuntala sa~NkulA || 25||
kandarpakoTi sadR^ishI saundaryAmbudhi mandirA |
vandArUNAmabhayadA vandyamAnA surairnaraiH || 26||
adyApi pUjyate vyAsapratimA j~nAnadAyinI |
chitrakairlikhyate bhittau mantrashAstreShu varNyate || 27||
aho vyAsa bhujachChedamAshAsAnasya durmateH |
svadaiva sarvagAtrANAM chChedaH khedakarobhavat || 28||
tadvR^iddhi michchato mUlachChedobhUttava durjana |
yadvyAsAya druhyataste shivadrohobhavad dhruvaH || 29||
vivAda parihArAya katheyaM grathitAkhilA |
yatinA vAdirAjena vyAsakai~NkaryakAminA || 30||

iti shrIvAdirAjapUjyacharaNavirachitaM pAShaNDakhaNDana
                 shrIvyAsastotraM sampUrNam ||

##
Encoded and proofread by Krishnananda Achar 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}