% Text title            : Shri Veda Vyasa Stotram 3
% File name             : vedavyAsastotram3.itx
% Category              : deities\_misc, gurudev
% Location              : doc\_deities\_misc
% Author                : nArAyaNapaNDitAchArya
% Transliterated by     : Krishnananda Achar
% Proofread by          : Krishnananda Achar
% Latest update         : August 28, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Veda Vyasa Stotram 3 ..}##
\itxtitle{.. shrIvedavyAsastotram 3 ..}##\endtitles ##
   (shrIsumadhvavijaya \- saptama sargaH)
agaNeya guNArNavomalaH
     sa hi nArAyaNa eSha kevalam |
vidhinAnusR^itaM parAsharAt
     suShuve satyavatI kilAshrayam || 1||
dhavalesya manaH payonidhau
     sadanukrosha girIndralolite |
prakaTIbhavati sma sundarI
     dayitA daityaripostrayI mayI || 2||
ita eva purANa gauragau
     samahAbhArata pArijAtake |
sati jAtavati vyajAyata
     pravaraM sUtragaNAmR^itaM svayam || 3||
niravagrahamurvanugraha
     vidadhatpANDu sutAdi sajjane ||
avanAvavanAya saMvidAM
     suchirAyaiSha chachAra chArugI || 4||
adhunA kalikAlavR^ittaye
     saviteva kShaNadAnuvR^ittaye |
janadR^igviShayatvamatyaja
     dbhagavAnAshramamAvasannimam || 5||
tadidaM vapurasya dR^ishyate
     dalitendIvara sundarammati |
paramAjina yoga pIThagaM
     mama cheto nayanAbhinandanam || 6||
agaNeya guNaiH supUritaM
     paripUrNAgaNitAtma sadguNaiH |
idamasta samasta dUShaNaM
     sachidAnandamayaM hi kevalam || 7||
kamalA kamalAsanAnilai
     rvihagAhIndra shivendrapUrvakaiH |
padapadmarajosya dhAritaM
     shirasA hanta vahAmyahaM muhuH || 8||
praNamAmi padadvayaM vibho
     rdhvajavajrA~Nkusha padmachihnavat |
nijamAnasarAga pIDanA\-
     daruNIbhUtamivAruNaM svayam || 9||
nanu kevalameva vaiShNavaM
     shrItavantaH paramAtmarochiShA |
tamasopyubhayasya nAshakA
     vijayante nakharA navaM ravim || 10||
sukumAra talA~NgulImatoH
     padayorasya nigUDha gulphayoH |
upamAnamaho nalabhyate
     kavivaryairitaretaraM vinA || 11||
uchitAM gurutAM dadhat kramA
     chChuchi tejasvi suvrattamuttamam |
bhajatotra cha bhAjayatyado
     vibhuja~NghAyugalaM sarUpatAm || 12||
achalAsanayogapaTTikA
     varakakShyA sakR^idAptamiShTadam |
parito.api hariM sphurantyaho
     anishaM dhanyatameti me matiH || 13||
ruchireNa varaiNa charmaNA
     ruchirAjayyuti chArurochiShA |
paramoru nitamba sa~NginA
     paramAshcharyatayA virAjate || 14||
tanunimnasunAbhi shobhite
     valibhe vArijanAbha Adade |
pratanAvati sundare mR^idA
     vudaresmin jagadaNDamaNDalam || 15||
hR^idaye kR^ita sajjanodaye
     suvishAle vimale manohare |
ubhayaM vahati tayi mayaM
     bhagavAn brahmasusUtramuttamam || 16||
asamenadhike susAdhite
     nijatAte ravirAshidIdhiti |
pradadau trijagajjayadhvajaM
     vidhiretadgalasa~NgibhUShaNam || 17||
arivArijalakShaNollasa
     tsukumArAruNa pANipadmayoH |
pR^ithupIvara vR^itta hastayo
     rupamAM naiva labhAmahenayoH || 18||
bhajatAM varatarkamudrayA
     vyati hastAgramabodhamIshituH |
adhijAnusamarpita paraM
     kR^itabhUyo bhayabha~Nga ma~Ngalam || 19||
satataM galatA svataH shruti\-
     tritayenaiva nikAmama~NkitaH |
suviDambita kamburIkShyate
     vararekhAtrayavAn gurorgalaH || 20||
sakalAsta kala~Nka kAlima
     spuradindu prakaroru vibhramam |
adharI kurute svashobhayA
     vadanaM deva shikhAmaNeridam || 21||
aruNAshmadalAntarollasa
     nnava muktAvalimasya lajjayet |
hasataH sitadanta santatiH
     paramashrIraruNoShTharochiShaH || 22||
dvijavR^indakR^itaM kutUhalA
     danu yogAndhu sahastamuttamam |
iyamekapade sarasvatI
     shrutibhartuH paripUrayatyaho || 23||
jalajAyatalochanasya mA
     mavalokoyamupetyalAlayan |
kurute parirabhya pUritaM
     bhuvanAnanda karasmitAnvitaH || 24||
upakarNamamuShya bhAsitA
     tulasI mantrayatIva lAlitA |
mamanAtha padaM na matsarA
     jjalajAdyAni hareyurityalam || 25||
vibhavAbibhavodbhavAdikaM
     bhuvanAnAM bhuvana prabhorbhuvoH |
anayorapi dabhravibhramAt
     sabhavAmbhoja bhavAtmanAM bhavet || 26||
trijagattilakAlikAntare
     tilakoyaM parabhAgamAptavAn |
hari nIlagirIndra mastaka
     sphuTa shoNopalapa~Nkti sannibhaH || 27||
navamambudharaM viDambaya
     dvara vidyudvalayaM jagadguroH |
avalokya kR^itArthatAmagAM
     sajaTAmaNDala maNDanaM vapuH || 28||
na ramApi padA~NgulIlasa
     nnakhadhUrAjadananta sadguNAn |
gaNayedgaNayantyanArataM
     paramAn kosya paro guNAn vadet || 29||
saj~nAnAyAnandavij~nAnamUrtI
     prAptau pR^ithvImAshrame tatra tAvat |
jAjvalyete viShNuvAyUsma devau
     vedavyAsAnandatIrthAbhidhAnau || 30||

iti shrImannArAyaNapaNDitAchAryavirachitaM shrIvedavyAsastotraM sampUrNam |

##
Encoded and proofread by Krishnananda Achar 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}