% Text title : Venkatanatha Guru Stotram % File name : venkaTanAthagurustotram.itx % Category : deities\_misc, gurudev % Location : doc\_deities\_misc % Proofread by : Aruna Narayanan % Latest update : April 3, 2022 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shrimad Venkatanatha Gurustotram ..}## \itxtitle{.. shrImadve~NkaTanAthagurustotram ..}##\endtitles ## || shrIrastu || shrImate hayagrIvAya namaH | asmadguruparamparAbhyo namaH | shrIkA~nchI prativAdibhaya~NkaraM jagadAchAryasiMhAsanAdhIsha shrImadaNNa~NgarAchAryakR^itiShu shrImadve~NkaTanAthagurustotram | shrImAnve~NkaTanAthArya iti padyAkSharakramAt | shrImadve~NkaTanAthAryastotraM vachmi satAM mude || shrImadve~NkaTanAthadeshikamaNishsheShAdribhUShAmaNe\- rghaNTAMshaH kushikAtmajAnvayasudhAsindhossudhAdIdhitiH | shrIrAmAnujasUrivaryakaruNAsamprAptavidyotkaro\- .anantAryAhvayasomasutsutamaNirme sannidhattAM hR^idi || 1|| mAnAtItamahAguNaughajaladhiH mAyIbhakaNThIravaH mAta~NgAchalamaulimaNDanamaNeH mAnyo mahAdeshikaH | magnAn saMsR^itisAgare mitamatIn mAdR^igjanAn rakShituM martyAkAramupeyivAn guruvaro me sannidhattAM hR^idi || 2|| vetaNDAchalamaNDanasya varadasyA~NghrI sadA saMshrayan tasyaivAdbhutamAbhirUpyamanishaM chitte.anubhUya svayam | vaikuNThe.api na me.abhilASha iti yaH proche mahAdeshikaH so.ayaM paNDitamaNDalIparibR^iDho me sannidhattAM hR^idi || 3|| kalpante kila yasya deshikamaNeH shrIsUktiratnotkarAH sarveShAmapi dehinAM bhavabhayodvignAtmanAM muktaye | so.ayaM vedashirogururyatipatessiddhAntamatyadbhutaM bhUyobhiH kR^itisa~nchayairvishadayan me sannidhattAM hR^idi || 4|| Ta~NkAdyairbahubhiH purANagurubhiH prAgeva dR^iShTaM tataH pashchAt shrIyutanAthayAmunayatikShmAbhR^inmukhairvardhitam | siddhAntaM gururADasau bahutamaissadgranthavR^indairnijaiH saMvR^iddhaM kalayan kalipramathano me sannidhattAM hR^idi || 5|| nAhaM boddhumalaM bhavAmi nigamAntAryasya divyoktiShu prAj~naikAnubhavArhamadbhutatamaM divyArthasAraM svayam | kAruNyena sudurvachena bharitasso.ayaM mahAdeshikaH sarvArthAn svayameva sAdhu gamayan me sannidhattAM hR^idi || 6|| \ldq{}thAsasse\rdq{}\-\ldq{}Dhaki lopa\rdq{}\-\ldq{}R^ityaka\rdq{}\-\ldq{}iko yaN\rdq{}\-\ldq{}kutsite\rdq{}\-\ldq{}DassidhuT\rdq{} \ldq{}jherjhas\rdq{}\-\ldq{}jho.anta\rdq{} itIdR^ishAni satataM sUtrANi sa~NkrandatAm | shreyaH ki~nchana nodiyAditi dhiyA sUktIssuhR^idyA adAt yo vedAntamahAgurussa kR^ipayA me sannidhattAM hR^idi || 7|| yaH kAruNyanidhiryamAha bhagavAn vedAntasaddeshikaM yenedaM bhuvanaM sanAthamabhavat yasmai natiH shreyasI | yasmAddivyasudhodayassamabhavat yasya prabhAvo.adbhutaH, yasmin sarvaguNA babhuH sa gururANme sannidhattAM hR^idi || 8|| kanyAmAsi phaNIndrashailashikharAla~NkAratIrthoDuni prAdurbhUya bhavAbdhimagnajanatAsaMrakShaNaikavratI | yaH provAcha shatAdhikAn sumadhurAn sArArtharatnAkarAn sadgranthAn sa gururguNAmR^itanidhirme sannidhatAM hR^idi || 9|| vishvatrANavichakShaNassa bhagavAn ghaNTAM svakIyAM shubhAM totAdryAhvayadivyayoShidudare nyasyan samA dvAdasha | prAdurbhAvya yadAtmanA vibhavanAmnyabde nabhasye nije nakShatre jagatIM rarakSha sa gururme sannidhattAM hR^idi || 10|| tAto me bhuvanaprasiddhamahimA vidyAniShadyAtmakaH yasya shrInigamAntadeshikamaNeH shrIsUktiratnAvalIH | AbAlyAnmama kaNThabhUShaNatayA vinyAsthat anyAdR^ishaH so.ayaM deshika AtmanaH karuNayA me sannidhattAM hR^idi || 11|| ki~nchijj~nAnamupeyuShAmapi satAM yasya trayIshekharA\- chAryasyAdbhutasUktivR^indamanaghaM hR^idyaM hi vidyotate | bhaktiM bhUritamAM viraktimanaghAM vij~nAnamuchchAvachaM bibhrANassa mahAgururguNanidhirme sannidhattAM hR^idi || 12|| kallolA iva sAgare guruvare yasmin sadA sUktayaH prAdurbhAvamanargalaM janijuShAM saubhAgyabhUmnA dadhuH | so.ayaM sarvakalAvihAranilayaH sarvaj~nachUDAmaNiH sarvAnandanasadguNaughajaladhirme sannidhattAM hR^idi || 13|| ke vA santi mahItale.atra vipule vedAntasUrergira\- ssarvAssAdhu vimR^ishya tasya hR^idayaM gADhaM grahItuM kShamAH | so.ayaM deshikasArvabhauma iha mAmekaM kR^ipAvaibhavAt svIyAntaHkaraNaj~namAshu kalayan me sannidhattAM hR^idi || 14|| satyaM satyamahaM bravImi bhuvane nAnyo.avatIrNo guruH chAritraM paramaM pavitramatulAssUktIshcha sandarshayan | eko.ayaM shrutimaulideshikamaNiH sarvAtmanA shobhanaH so.ayaM sImadaridrayA karuNayA me sannidhattAM hR^idi || 15|| rI~NkAraM kalayanti shIdhukaNikAM pItvA dvirephA vane so.ahaM vedashirogurorhi phaNitIH pIyUShakalpA muhuH | pAyampAyamanargalaM virachaye tauryatrikaM chatvare so.ayaM sarvakalAnidhirguruvaro me sannidhattAM hR^idi || 16|| vedAnAM paThanaM purANakathanaM smR^ityAdisaMshIlanaM sarvaM yasya gurorgirAM parichayaiH puShNAti shobhAM parAm | so.ayaM sarvapathInadhIvilasito vairAgyavArAnnidhiH shrImAn vedashiroguruH pratikalaM me sannidhattAM hR^idi || 17|| dAntishshAntiriti dvayaM hi sakalaissampAdanIyo nidhiH so.ayaM yasya babhau svabhAvaniyato lakShmIshasa~NkalpataH | vAjigrIvakR^ipAkaTAkShavibhavoda~nchatprabhAvojjvalaH so.ayaM deshikatallajaH svakR^ipayA me sannidhattAM hR^idi || 18|| tAto.ayaM tanayo.ayameSha sahajassaiShA prasUH patnyasau kShetraM mAmakametadityanavadhi projjR^imbhamANA tR^iShA | sarvA me samabhUdyadIyaphaNitiShveva prasiddhapratha\- sso.ayaM nistulavaibhavo guruvaro me sannidhattAM hR^idi || 19|| chArvAkAdimadurmatAndhatamasadhvaMsArthamudyan raviH shrImadvaiShNavamaNDalIkuvalayollAsAya bhAsvAn vidhuH | so.ayaM vedashirogurussa bhagavAnityevamatyAdarAt sarvaissAdhugaNaiH prashasyamahimA me sannidhattAM hR^idi || 20|| yaj~ne dhAturuditvarassa varadaH shrIhastishaileshvaraH svIye vAhanamaNDape paramayA prItyA yamAsthApayan | vAraMvAramanugrahaM prakaTayan vidyotate tAdR^isha\- prakhyAtAmitavaibhavo guruvaro me sannidhattAM hR^idi || 21|| varge vaiShNavashuddhasantatijuShAM shlAghyAn athAnyairapi prAj~nairbhUritamaiH prashasya vibhavAn granthAn gariShThAn bahUn | shrImadvAjimukhasya divyakR^ipayA nityaM sR^ijan nirmala\- praj~no deshika eSha doShavidhuro me sannidhattAM hR^idi || 22|| yogyAnAmayamagragaNya iti bhuvyAkhyAmihepsurjanaH yasyAchAryamaNervishuddhaphaNitiShvatyAdaraM prApnuyAt | so.ayaM shrIshatadUShaNImukhamahAgranthAvalIkhyApita\- praj~nAshevadhirAdareNa mahatA me sannidhattAM hR^idi || 23|| medinyAmiha sarvataH prasR^imarA vikhyAtiranyAdR^ishI yasya shrInigamAntadeshikamaNernityaM samujjR^imbhate | yasyAhussakale.api tantranichaye svAtantryamatya~NkushaM shrImAneSha guNAlayo guruvaro me sannidhattAM hR^idi || 24|| sandehAn sakalAn hatAn vidadhataH pIyUShasandehadAn ga~NgApUrasadharmaNashshubhatamAn divyAnnibandhAn bahUn | udghATaya kShitimaNDalaM nirupamaM niShkalmaShaM chAdadhat vedAntAryagurUttamaH karuNayA se sannidhattAM hR^idi || 25|| nityArAdhanapeTikAM mama gR^ihe dhanyAM vitanvaMshchirAt sarvAsAmapi sampadAM mama kule bIjAyamAno mahAn | j~nAnAnuShThitisampadA sumahitaH kaNThIravo vAdinAM trayyantAryamahAgurushshubhamatirme sannidhattAM hR^idi || 26|| dhanyo nAnya ihAsti kevalamahaM dhanyAgraNIrityamuM garvaM nirvahati prasiddhamahimA yo deshiko mAmakam | so.ayaM dhanyatamAM dharAM vidadhatIssUktIrameyAssR^ijan shrImAn vedashirogururmadajuSho me sannidhattAM hR^idi || 27|| tAmyadbhirbahudhA janaiH parivR^ite bhUmaNDale.asminnahaM yasyAnugrahapAtratAmanitaraprApyAmiha prApnuvan | santuShTassatataM praphullahR^idayo duHkhoktivaideshiko varteH so.ayamameyadhIrguruvaro me sannidhattAM hR^idi || 28|| sadvR^indaissaha nityavAsarasikaM sa~NkhyAtigairbhAvukaiH saMshrAvyoktiparamparaM cha kR^ipayA yo mAM vyadhAddeshikaH | so.ayaM drAviDasaMskR^itAdisakalabrAhmIShu kUla~NkaSha\- praj~no vedashirogururmadhuravAk me sannidhattAM hR^idi || 29|| dAridryaM kShapayan yasho vishadayan vij~nAnamujjR^imbhayan AchAraM paripoShayan shubhamatiM sarvatra saMvardhayan | bhaktiM medurayan harau kimadhikaiH sarvAn guNAn jR^imbhayan shrImadvedashirogururmahitavAk me sannidhattAM hR^idi || 30|| hR^idyairnityamavadyagandhavidhurairuchchAvachairmAmaka\- granthairbhUmimimAM sadA surabhayan vedAntasUrirguruH | pUrvAchAryasaduktiratnasatatAsvAdaikasaktAshayaM kurvanmAM kamanIyadivyavapuShA me sannidhattAM hR^idi || 31|| divyAkArajitasmaraH sukavitAchAturyalIlAgR^ihaM shuddhAnuShThitikelisadma bhagavadbhaktyAkaro.atyadbhutaH | sandigdhArthavinirNayeShu chaturassarvArthasid.hdhyAdikA\- nekagranthakR^ideSha deshikamaNirme sannidhattAM hR^idi || 32|| itthaM vAdibhaya~NkaravaMshIyANNa~NgarAryasa~Nkalitam | shrImadve~NkaTanAthastotraM paThatAM samR^iddhirakhilA syAt || iti shrIkA~nchI prativAdibhaya~NkaraM shrImadaNNa~NgarAchAryakR^itiShu shrImadve~NkaTanAthagurustotraM samAptam || ## Proofread by Aruna Narayanan \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}