% Text title            : vidyAtIrthapadAravindastutiH
% File name             : vidyAtIrthapadAravindastutiH.itx
% Category              : deities\_misc, sachchidAnanda-shivAbhinava-nRisiMhabhAratI, gurudev
% Location              : doc\_deities\_misc
% Author                : Sachchidananda Shivabhinava Nrisimha Bharati Swamigal
% Proofread by          : PSA Easwaran psawaswaran at gmail.com
% Latest update         : November 9, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Vidyatirthapadaravindastutih ..}##
\itxtitle{.. shrIvidyAtIrthapadAravindastutiH ..}##\endtitles ##
saMsArAmbudhimagnalokavitateH potaM yadAhurvidaH
kaMsArAtipurAribhedamatihR^itsvArchAparANAM chiram |
vidyAraNyamukhairmahAmunivaraiH sampUjitaM tanmudA
vidyAtIrthapadAravindayugalaM vande jagatpAvanam || 1||

hR^idyA padyatatirmukhAbjakuharAdyatpUjakAnAM javA\-
nnirgachChatyamarApageva sarasA svachChApi tadbhaktitaH |
tu~NgAbhikhyanadItaTAntavilasarchChrImandire saMsthitaM
vidyAtIrthapadAravindayugalaM vande jagatpAvanam || 2||

shR^i~NgAbhikhyamahIdharendranivasallokAnvarAkAnapi
vyAjAtprAptanijekShaNAtkaruNayA puNyaughayuktAMstathA |
kurvadbhaktibhR^itAntara~NgakamalAnapyAshu yattanmudA
vidyAtIrthapadAravindayugalaM vande jagatpAvanam || 3||

yatprItipratipitsubhirhariharAbhikhyAdyabhUpAlakai\-
rviprebhyaH shrutivid.hbhya eva bahavo grAmA visR^iShTAH purA |
tadrAjavrajavandyamAnamanishaM rAjAdhirAjatvadaM
vidyAtIrthapadAravindayugalaM vande jagatpAvanam || 4||

yatprItyarthamatIva sundaratamaM shrIyantratulyaM gR^ihaM
bukkakShmApativaMshajena dharaNIshAnena nirmApitam |
tannamrAkhilabhAgyadAnachaturaM bhUdevabhAgyodayaM
vidyAtIrthapadAravindayugalaM vande jagatpAvanam || 5||

haMsAdyairyatibhiH svadharmanirataiH saMsevyamAnaM mudA
niHsAratvadhiyaM tanoti tarasA sarveShu bhogyeShu yat |
AmnAyAntarahasyabodhanachaNaM tatsarvasiddhipradaM
vidyAtIrthapadAravindayugalaM vande jagatpAvanam || 6||

shraddhA bhaktiviraktimukhyasuguNAndatvA chirAtsevakAn
samprAptAkhilayogajAlajanitAnandAnprakurvattathA |
brahmAhaM na cha dR^ishyavastviti mahAvAkyotthabodhAnvitAn
vidyAtIrthapadAravindayugalaM vande jagatpAvanam || 7||

yachchitte dadhato mudA paramayA lokAtsamastAnnR^ipAH
sevante bhayabhaktinamravapuShaH sarvasvamapyAdarAt |
dattvA yAnti cha dAsatAM chiratarAM tadbhuktimuktipradaM
vidyAtIrthapadAravindayugalaM vande jagatpAvanam || 8||

ghaNTAnAdapuraHsaraM pratidinaM rAtrau gaNAnAM gaNai\-
rbhaktyA pUritamAnasaiH sumavaraiH karpUranIrAjanaiH |
dhUpairdIpachayairmanoharataraiH sampUjyamAnaM muhu\-
rvidyAtIrthapadAravindayugalaM vande jagatpAvanam || 9||

tu~NgAtIravihArimAnasalasaddhaMsAyitaM santataM
tu~NgApattativAraNaikanipuNaM shR^i~NgArajanmAlayam |
ga~NgAvArivinirmalaM virachayachchittaM natAnAM javA\-
dvidyAtIrthapadAravindayugalaM vande jagatpAvanam || 10||

iti shR^i~Ngeri shrIjagadguru shrIsachchidAnandashivAbhinavanR^isiMha\-
bhAratIsvAmibhiH virachitA shrIvidyAtIrthapadAravindastutiH sampUrNA |


##
Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}