% Text title            : AmnAyastotram
% File name             : AmnAyastotram.itx
% Category              : devii, dashamahAvidyA, devI
% Location              : doc\_devii
% Transliterated by     : Sunder Hattangadi
% Proofread by          : Sunder Hattangadi
% Description-comments  : rudrayAmalataH shivavirachitaM
% Latest update         : October 5, 2015, May 11, 2020
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. AmnAyastotram ..}##
\itxtitle{.. AmnAyastotram ..}##\endtitles ##
atha rudrayAmalataH shivavirachitaM AmnAyastotram |

shrInAthAdigurutrayaM gaNapatiM pIThatrayaM bhairavam |
siddhaughaM vaTukatrayaM padayugaM dUtIkramaM maNDalam ||
vIrAndvyaShTachatuShkaShaShTinavakaM vIrAvalIpa~nchakam |
shrImanmAlinimantrarAjasahitaM vande gurormaNDalam ||
(gurupAdukAmanumuchchArya sumukhAdibhiH
pa~nchamudrAbhiH shrIguruM praNamya)

pUrvAmnAyaH \-
shuddhavidyA cha bAlA cha dvAdashArdhA mata~NginI |
dvijatvasAdhinI vidyA gAyatrI vedamAtR^ikA || 1||
gANapatyaM kArtikeyaM mR^ityu~njayaM nIlakaNTham |
tryambakaM jAtavedAshcha tathA pratya~NgirAdayaH || 2||
mukhAttatpuruShAjjAtA dvikoTImantranAyikAH |
etAH kAmagirIndrAshcha pUrvAmnAyasya devatAH || 3||
gurutrayAdipIThAntaM chaturviMshatsahasrakam |
etadAvaraNopetaM pUrvAmnAyaM bhajAmyaham ||  4||
vishuddhau chintayeddhImAn pUrvAmnAyasya devatAH |

dakShiNAmnAyaH \-
saubhAgyavidyA bagaLA vArAhI vaTukastathA || 5||
shrItiraskariNI proktA mahAmAyA prakIrtitA |
aghoraM sharabhaM khaDgarAvaNaM vIrabhadrakam || 6||
raudraM shAstA pAshupatAdyastrashastrAdibhairavAH |
dakShiNAmUrtimantrAdyAH shaivAgamasamudbhavAH || 7||
aghoramukhasambhUtaM madaMshaM koTisa~Nkhyakam |
pUrvapIThasthitA devi dakShiNAmnAyadevatAH ||  8||
dvisahasraM tu devyastAH parivArasamanvitAH |
bhairavAdipadadvandvaM bhaje dakShiNamuttamam || 9||
anAhate chintayechcha dakShiNAmnAyadevatAH |

pashchimnAyAyaH \-
lopAmudrA mahAdevI ambA cha bhuvaneshvarI || 10||
annapUrNA kAmakalA sarvasiddhipradAyinI|
sudarshanaM vainateyaM kArtavIryaM nR^isiMhakam || 11||
nAmatrayaM rAmamantraM gopAlaM saurameva cha |
dhanvantarIndvajAlaM cha indrAdisuramantrakam ||  12||
dattAtreyaM dvAdashAShTau vaiShNavAgamachoditAH |
sadyojAtamukhodbhUtA mantrAH syuH koTisa~NkhyakAH || 13||
etA jAlandhrapIThasthAH pashchimAmnAyadevatAH |
dUtyAdi cha chatuShShaShTi siddhAntaM trisahasrakam || 14||
AmnAya pashchimaM vande sarvadA sarvakAmadam |
maNipUre chintanIyAH pashchimAmnAyadevatAH || 15||

uttarAmnAyaH \-
turIyAmbA mahArdhA cha ashvArUDhA tathaiva cha |
mishrAmbA cha mahAlakShmIH shrImadvAgvAdinI api ||  16||
durgA kALI tatashchaNDI nakulI cha puLindinI |
reNukA lakShmivAgIshamAtR^ikAdyAH svayaMvarA ||  17||
pa~nchAmnAyasamopetaM shrIvidyAkhyaM madaMshakam |
vAmadevamukhodbhUtA dvikoTimantranAyikAH ||  18||
etA oDyANapIThasthAH shAktAgamasamudbhavAH |
dvisahasraM tu devyastAH parivArasamanvitAH ||  19||
mudrAdinavakaM chaiva siddhAnAM mithunaM tathA |
vIrAvaLIpa~nchakaM cha bhajedAmnAyamuttaram ||  20||
svAdhiShThAne chintanIyA uttarAmnAyadevatAH |

UrdhvAmnAyaH \-
parAparA cha sA devI parAshAmbhavameva cha ||  21||
prAsAdaM daharaM haMsaM mahAvAkyAdikaM param |
pa~nchAkSharaM mahAmantraM tArakaM janmatArakam ||  22||
IshAnamukhasambhUtaM svAtmAnandaprakAshakam |
koTisa~NkhyA mahAdevi madrUpAH sarvasiddhidAH || 23||
etAH shAmbhavapIThasthAH sahasraparivAritAH |
ArAdhya mAlinIpUrvaM maNDalAntaM tathaiva cha || 24||
sAyujyahetukaM nityaM vande chordhvamakalmaSham |
UrdhvAmnAyamanUnnityaM mUlAdhAre vibhAvayet || 25||

anuttarAmnAyaH \-
smartavyA pAdukA pUrvaM charaNaM tadanantaram |
pa~nchAmbA navanAthAshcha mUlavidyAstataH param |
AdhAravidyAShaTkaM cha punara~NghridvayaM kramAt ||  26||
shAmbhavI chAtha hR^illekhA samayA parabodhinI |
kaulapa~nchAkSharI pa~nchadashArNA.anuttarAtmikA || 27||
ShoDashI pUrtividyA cha mahAtripurasundarI |
UrdhvashrIpAdukApUrvaM charaNAntaM gurukramAt || 28||
pashchAdanutaraM vande parabrahmasvarUpiNIm |
anuttarAmnAyamanUnAj~nAnAchakre vibhAvayet || 29||
shrInAthagurumantrAdIn maNDalAntaM yathAkramam |
saptakoTimahAmantraM dvAdashAnte sadA smaret || 30||
shuchirvApyashuchirvApi gachChaMstiShThan svapannapi |
mantraikasharaNo vidvAn manasApi sadA smaran || 31||
tattatsiddhiM cha sAhasraM japetsAdhakapu~NgavaH |
japAnte shuddhamAlA cha AmnAyastotramuttamam || 32||
lalitAnAmasAhasraM sarvapUrtikaraM stavam |
stavarAjaM cha pa~nchaite bhaktaH pratidinaM paThet || 33||
bhuktvA bhogAn yathAkAmaM sarvabhUtahite rataH |
sabhAryAputrasaubhAgyaH sabhUtiH pashumAn bhavet || 34||
ekavAraM japedetat koTiyaj~naphalaM labhet |
etadvij~nAnamAtreNa sarveShAM deshikottamaH ||
shivasAyujyamApnoti shivayorevashAsanAt || 35||

|| iti rudrayAmalatantre umamAheshvarasaMvAde
       shivenarachitamAmnAyastotraM sampUrNam ||
##

Encoded and proofread by Sunder Hattangadi

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}