% Text title            : Ardranandalakshmivratanirupanam
% File name             : ArdrAnandalakShmIvratanirUpaNam.itx
% Category              : devii, devI, lakShmInArAyaNIyasaMhitA, lakShmI
% Location              : doc\_devii
% Proofread by          : PSA Easwaran
% Description/comments  : lakShmInArAyaNIyasaMhitA | khaNDa 3 | adhyAya 138/22-53||
% Latest update         : April 12, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ardranandalakshmivratanirupanam ..}##
\itxtitle{.. ArdrAnandalakShmIvratanirUpaNam ..}##\endtitles ##
shR^iNu lakShmi vrataM chAnyattavaiva dashamIdine |
AShADhe shuklapakShe vai chAturmAsyA.agrage dine || 22||
prAtareva samutthAya snAtvA dhyAyeddhariM prabhum |
tatashchArdrAnandalakShmIM sauvarNIM pUjayedvratI || 23||
a~NguShThamAtrAM sadvastrAM bhUShAshR^i~NgArashobhitAm |
nArAyaNIshriyaM darbhagandhodakaiH suchandanaiH || 24||
snApayechChuklapuShpaishcha ku~NkumAkShatabhojanaiH |
naivedyairbhojayechchApi nIrAjayet kShamApayet || 25||
anAdishrIkR^iShNanArAyaNena sahitAM shriyam |
prArthayedbhAvahR^idayaiH sveShTadaM sveShTadAM tadA || 26||
mahAlakShmyai namaH pAdau mahAviShNo namo.astu te |
shokahantryai namo ja~Nghe sukhadAya namo.astu te || 27||
kamalAyai namashchorU AnandAya namo hare |
IshvariNyai namaH kaTiM sampatpradAya te namaH || 28||
mAdhavyai cha namo nAbhau svarNavarNAya te namaH |
stanau poShaNakAriNyai namo vishvambharAya te || 29||
kaNThe namaH sarasvatyai nIlakaNThAya te namaH |
karau kamaladhAriNyai nArAyaNAya te namaH || 30||
bAhU namo rakShayitryai sudarshanadharAya cha |
chAndryai chandrAnane naumi hariM vahnimukhAya cha || 31||
netre kR^ipApravarShiNyai karuNAnilayAya cha |
bhruvau namaH kShemadAyai kushalakAriNe namaH || 32||
lalATe dhanarUpAyai svarNavarNAya te namaH |
mukuTe sarvaratnAyai sakaustubhAya te namaH || 33||
sarvakAyau sarvavAsau sarvaishvaryasamanvitau |
sarvakAmapradau vande ArdrAshryAnandamAdhavau || 34||
sampadA chopakaraNairdhanairdhAnyai rasAdibhiH |
bhUShAmbarAdibhishchApi gR^ihamArdraM prapUritam || 35||
kurutaM strIdAsadAsIbhR^ityApatyasushobhitam |
divyasAdhanashobhaM cha dhenuvAjigajAnvitam || 36||
udyAnavATIkShetrADhyaM yashomAnapravardhitam |
yAnavimAnavAhADhyaM shiShyaprashiShyasatprajam || 37||
modapramodasaukhyADhyaM samutsAhotsavAnvitam |
vAdyagItimahAsatradAnapAnasamanvitam || 38||
dharmakarmA.adhvarayuktaM nityaM cha bahudakShiNam |
vighnashUnyaM pa~nchayaj~naparaM kurutaM madgR^iham || 39||
snuShAbhiH parito ramyAM sAdhusAdhvIvirAjitam |
parameshamahAbhaktipravAhitaM nirantaram || 40||
ante divyarasADhye vAmakShare vasatiM cha me |
evamabhyarthya cha puShpA~njaliM datvA visarjayet || 41||
lakShmIM nArAyaNaM chArdrAnandau shrIgurave dishet |
ratnahIrakadhAnyAni dvijAtibhyo dishettathA || 42||
bhojayedbAlabAlAdyA dishechcha dakShiNAH shubhAH |
sha~Nkhachakre sakaTake svastikA~NkushachAmarAn || 43||
dadyAt satpuruShAyA.api miShTAnnAmbarakANi cha |
ghR^itapAtrANi pAtrANi sahiraNyakAni sandishet || 44||
sharkarAsaktupAtrANi chaturmAsaM dishettathA |
tilapAtrANi pUrNAni rasapAtrANi yAni cha || 45||
gandhodakaM puShpavAri chandanaM ku~Nkumodakam |
apakvaM dadhi dugdhaM cha goshR^i~Ngodakamityapi || 46||
tulasIM kamalaM dadyAchchAturmAsye sadArchane |
dAne sarvaM pradadyAchcha vadechchApi shriyAH puraH || 47||
lakShmI me prIyatAM nityaM pApanAshAya mAdhavI |
saubhAgyAya prasannA.astu lalitA me sukhAya cha || 48||
evamuktvA dishetsarvaM kArtike dashamIdine |
hiraNyakamalaM datvA chaikAdashyAM prage punaH || 49||
pUjayitvA vrataM pUrNaM kuryAddisheddvijAtaye |
satUlAvaraNAM shayyAM lakShmIrme prIyatAmiti || 50||
ArdrAnanaramAnArAyaNavrataM tvidaM mahat |
tenehA.amutra cha sadAnandamApnoti sampadaH || 51||
bhuktvA svargAn chirasthA.Nshcha paraM padamavApnuyAt |
shroturvaktushcha saMsmartushchApyAnando bhaveddhruvaH || 52||
gR^ihe sve mahadAnandashatAni chAnubhUya cha |
bhUyo lakShmIpadaM yAti shrIpuraM dhAma chaishvaram || 53||

iti shrIlakShmInArAyaNIyasaMhitAyAH dvAparayugasantAnAtmakasya tR^itIyakhaNDe
138\-adhyAyAntargataM ArdrAnandalakShmIvratanirUpaNaM sampUrNam |

lakShmInArAyaNIyasaMhitA | khaNDa 3| adhyAya 138/22\-53||
##
lakShmInArAyaNIyasaMhitA . khaNDa 3. adhyAya 138/22-53..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}