% Text title            : AryAdurgAShTakam
% File name             : AryAdurgAShTakam.itx
% Category              : devii, aShTaka, durgA
% Location              : doc\_devii
% Author                : Anantakavi
% Proofread by          : PSA Easwaran psaeaswaran at gmail.com
% Description-comments  : Brihatstotraratnakara 2, Narayana Ram Acharya, Nirnayasagar, stotrasankhyA 225-425
% Latest update         : February 10, 2017
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. AryAdurgAShTakam ..}##
\itxtitle{.. AryAdurgAShTakam ..}##\endtitles ##

shrIgaNeshAya namaH ||
AryAdurgA.abhidhAnA himanagaduhitA sha~NkarArdhAsanasthA
     mAtA ShANmAturasyAkhilajanavinutA saMsthitA svAsane.agrye |
gItA gandharvasiddhairvirachitabirudairyA.akhilA~NgeShu pItA
     saMvItA bhaktavR^indairatishubhacharitA devatA naH punAtu || 1||
mAtastvAM sAmbapatnIM vidurakhilajanA vedashAstrAshrayeNa
     nAhaM manye tathA tvAM mayi haridayitAmambujaikAsanasthAm |
nityaM pitrA sa deshe nijatanujanitA sthApyate premabhAvAt
     etAdR^ishyAnubhUtyo dadhitaTasavidhe saMsthitAM tarkayAmi || 2||
nAsIdAlokitA tvattanuratiruchirA.adyAvadhItyAtmadR^iShTyA
     lokoktyA me bhramo.abhUtsarasijanilaye nAmayugmAkSharArthAt |
so.ayaM sarvo nirastastava kanakamayIM mUrtimAlokya sadyaH
     sA.aparNA svarNavarNArNavatanujanite na shrutA nApi dR^iShTA || 3||
shrIsUktoktAdyamantrAtkanakamayatanuH svarNaka~njochchahArA
     sArA lokatrayAntarbhagavatibhavatItyevamevAgamoktam |
tannAmoktAkSharArthAtkathamayi vitathaM syAtsarinnAthakanye
     dR^iShTArthe vyarthatarko hyanayapathagatiM sUchayatyarthadR^iShTyA || 4||
tanvaste mAtarasmi~njagati guNavashAdvishrutAstisra eva
     kAlI shrIrgIshcha tAsAM prathamamabhihitA kR^iShNavarNA hmaparNA |
lakShmIstu svarNavarNA vishadatanuratho bhAratI chedamUShu
     svachChA nonApi kR^iShNA bhagavati bhavatI shrIrasItyeva siddham || 5||
nAmAdyAyAH svarUpaM kanakamayamidaM madhyamAyAshcha yAna\-
     mantyAyAH siMharUpaM tritayamapi tanau dhArayantyAstavedR^ik |
dR^iShTvA nUtnaiva sarvA  vyavahR^itisaraNIrindire chedatarkyA
     tvAmAdyAM vishvavandyAM triguNamayatanuM chetasA chintayAmi || 6||
tvadrUpaj~nAnakAmA vividhavidhasamAkLLiptatarkairanekai\-
     rno shaktA nirjarAste vidhi\-hari\-harasaMj~nA jagadvandyapAdAH |
kA shaktirme bhavitrI jalanidhitanaye j~nAtumugraM tavedaM
     rUpaM nAmnA prabhAvAdapi vitathaphalo me babhUva prayatnaH || 7||
astvamba tvayyanekairashubhashubhataraiH kalpitairamba tarkai\-
     radyAhaM mandabuddhiH sarasijanilaye sAparAdho.asmi jAtaH |
tasmAttvatpAdapadmadvayanamitashirA prArthayAmyetadeva
     kShantavyo me.aparAdho hariharadayite bhedabuddhirna me.asti || 8||
AryAdurgAShTakamidamanantakavinA kR^itam |
tava prItikaraM bhUyAdityabhyarthanamambike || 9||

iti shrImadanantakavivirachitamAryAdurgAShTakaM sampUrNam |

##
Proofread by PSA Easwaran psaeaswaran at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}