% Text title            : Arya Sahasri
% File name             : AryAsAhasrI.itx
% Category              : devii
% Location              : doc\_devii
% Author                : bi veNkaTarAmabhaTTaH
% Transliterated by     : Soorya Hebbar
% Proofread by          : Soorya Hebbar
% Description/comments  : communicated by Shubha Zero
% Acknowledge-Permission: B.V. Vasumathi Ramachandra, daughter of B. Venkatarama Bhatta. vasuhvr20 at gmail . com
% Latest update         : December 3, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Arya Sahasri ..}##
\itxtitle{.. AryAsAhasrI ..}##\endtitles ##
         | bi ve~NkaTarAmabhaTTaH virachitA |
atisukhini sundarA~Ngi shritajanamandAravallari shyAme |
bhArati kamalajajAye vidyAM buddhiM samujjvalAM disha me || 1||
      asadashasampadbharite shubhagururAjatvakIrtibodhamayi |
      shrImAtarakhilamAtaH stotAraM mAM punIhi he lalite || 2||
akhilajanamodahetordevIshvari he shive mahArAj~ni |
mAyAprakaTitarUpe rUpatrayabhAvite namo lalite || 3||
      atigurumahimApUrNe rAj~nAM sAmrAjyadAyinI tvamasi |
      gatimatidAtri namaste nAdashrIrnAdakovide pAhi || 4||
amR^itAMshumaulijAye ! hemAsanasusthitA mahAkalpA |
sukhini sukhAspadadhAmni praNamantaM tvAM sadaiva mAM pAhi || 5||
      amalakarachitkalA~nchajyotirmukhyA~NkurAt samudbhUte |
      bhUrimahimnA bharite devi surAnandadAtri mAM pAhi || 6||
asuragaNamakhilamanishaM hantuM jAtAsi devakAryArtham |
ahamiti dhIrUpAgneH kaNDAdbrahmANDajanani mAM pAhi || 7||
      ayutAdhikaravidIpte pUrvAmbudhishailatu~NgashikharAgre |
      udyadbhAnusahasraprabhayA vibhrAjite namo lalite || 8||
akhilAmarajanayitrI suguNaiH svaireva shobhitaM lalitam |
pAshaM dadhAsi yA tvaM sA tvaM mAmamba pAlayeranisham || 9||
      ayi paruShapAshahaste puNDrA~NkusharAjamAnakarakamale |
      puruShArthadAyipANe bhArati vAgdevate namo lalite || 10||
atisukhadarUpamanishaM dadhatI haste~NkushaM sadA mahasA |
vibhrAjamAnamUrte lalite mAmamba santataM pAhi || 11||
      amalaj~nAnAkAre mAnasarUpekShudaNDakodaNDe |
      granthiShu dhR^itaShaTchakre lalite mAmamba sAdaraM pAhi || 12||
abhinavachampakasumasamanAsAdaNDebhirAmamukhakamale |
shubhakari karuNAmUrte mAtarlalite namostu te satatam || 13||
      aruNaruchipUramajjadbrahmANDAkhaNDamaNDalollasite |
      karuNAmasR^iNApA~Nge mAtarmAM pAhi santataM lalite || 14||
ayi nIlakeshapAshe chAmpeyAshokalalitapunnAgaiH |
saugandhikena rachitaM mAlyaM dadhatIM namAmi devi tvAm || 15||
      atiruchirapadmarAgapratyuptasvarNarachitakeyUre |
      darahAsabhUShitAsye  mAtarmAM devi santataM pAhi || 16||
atisurabhimagamadA~nchatphAle koTIrama~njulAbharaNe |
duShTasurArivadhAya vyApatanAnAvidhAyudhe shive pAhi || 17||
      amalatarasundarAnanamandiramA~NgalyatoraNabhR^ikuTi |
      subhrUgaNaparivAre dhIre mAM pAhi santataM lalite || 18||
atidurbharatarajaghane  daralIlAsaktamInaruchirAkShi |
ayi sundarA~Ngi mAtarmAtastvAM chintaye sadA hadaye || 19||
      amalataratArakAlijyotirnyakkArinAsikAbharaNe |
      kumudavanabandhuvadane guNavati mAM pAhi te namo lalite || 20||
asurakambakadambaprasavasukarNAvataMsavatkarNe |
kamalApatisahajAte jAte prItA bhavAmba mayi lalite || 21||
      amalatararuchimahojvalatA~NkIbhUtaravishasha~Nkayute |
      amarakulasevitA~Nghre nityaM mAM pAhi vatsale lalite || 22||
amalasudhAkaralA~nChanasannibhamaganAbhipa~NkavatphAle |
kamalajavadananivAse tAvakama~NghridvayaM mudA vande || 23||
      amalatarapadmarAgAdarshatiraskArakArisukapole |
      atulAsyahAsyalAsye kamalAkShi trAhi janamimaM sarale || 24||
abhinavavidrumashobhAparibhavidantachChadena sa~Nkalite |
shubhaguNagaNasaMvalite  shrIpativandyemba pAhi mAM lalite || 25||
      ativimalasAdhuvidyAprA~NkurarUpadvijadvipa~Nkiyute |
      matimati vidhiharimAnye tvaM kuru kAruNyamayi mayIha bhR^isham || 26||
amalataranAgavallIkarpUrakramukasaurabhAdeva |
AhlAdayantyasheShAshAMstvaM jayasi shobhayA devi || 27||
      amatasyandivachobhistrapayantI kachChapIM nijAM vINAm |
      madhurAlApairapi pikamambujanayane tvameva mAM pAhi || 28||
analAkShamAtmaramaNaM  mandasmitapUralInahadayaM tam |
vidadhAsyajasramArAd dhIrA tvaM pAhi shailaje satatam || 29||
      asadR^ishanijachibukashrIshobhitakambudyutisphuratkaNThi |
      kusumAyudhamadahAriNi mAtarmAM pAhi vijitakalakaNThi || 30||
amalendudharanibaddhashrImanmA~NgalyasUtravatkaNThi |
kamalAkShAbjajavandye  pArvati mA~NgalyadAtri mAM pAhi || 31||
      anaghakanakA~NgadADhye  shrImadbhujadaNDamaNDite mahite |
      kanakagirichApadharturbhartarvAchi sthitemba mAM pAhi || 32||
anaghamaNighaTitahemagrIvAchintAkamauktikAbharaNe |
vinayanatamastakaM mAM pAlaya dInaM cha shamaya madamohau || 33||
      abhimatanijapatiharShasphuritAnarghAshmanistuyoroje |
      abhijanapUjitacharaNe  natiriyamayi testu charaNayordevi || 34||
avanamranAbhirUpAvAlajaromAliphalakakuchayugale |
avahitabhuvanatrANe  shambhoH prANAdhikemba mAM pAhi || 35||
      avahitaromAvalyA sUchitavalladvalagnashubhadeshe |
      avinayamamba madIyaM jahi surasantoShabhAgyamayakoshe || 36||
atighanavakShoruhayorvahanAyAbaddhavalimahAdashane |
gatirasi matirasi satataM mama mAtA tvameva mAM pAhi || 37||
      aruNAruNakausumbhashrImadvAsaHshriyADhyakaTibhAge |
      kuru mAM tava karuNAyAH  pAtraM gotraM manashcha pAvaya me || 38||
agaNitamaNiki~NkiNikArashanAdAmnA virAjatedrisute |
nagavarakulamaNidIpe  disha mama kAvyA~NganAkapAmamba || 39||
      analAkShapANipadmadvayavedyA paruShasurabhilalitA~NgI |
      janayitrI lokAnAM mayi kuru karuNAM svabhAvasurabhitano || 40||
anaghadyutimANikyasphuritakirITAbhajAnuyugmayute |
anunaya mayi kuru vANi tvayi tu mayi tvaM dayasva he lalite || 41||
      ahiripumaNikatamanmathatUNIrAkArajAnuyugalADhye |
      mahitaguNarAjamAne mama manasi tvaM vasAmba haravedye || 42||
atipInagUDhagulphe matimati matyAshraye satAM satatam |
katinAM samitiShu kuru mAM sumatiM sambhAvitaM cha he lalite || 43||
      ayi kamaThapaShThavijayiprapadadvayarAjamAnapadakamale |
      niyatiniyAmakajAye sapadi kapAM dhehi mayi nije lalite || 44||
aruNanakhadIptimajjajjanahadayadhvAntanAshasuprIte |
karuNAmasaNApA~Nge janani tvAmAshrayAmyahaM satatam || 45||
      ayi padayugalajyotirnyakkR^itapAthojavanaruche mahasA |
      niyamitadIptimade tvaM jayasi hi dIptyAsva mayi tathA mahasA || 46||
aviratamapi shi~njAne maNimayapAdA~Ngade dadhAnemba |
bhavabhayahAriNi tAriNi saMsArAmbhonidheH sadA pAhi || 47||
      anupamahaMsavadhUTIM jitvA gatyA virAjamAnemba |
      anucharacharacharamenaM tava shivajAye punIhi mAmamba || 48||
abhinavahemasavarNe devi mahArUpashevadhe savidhe |
jayati cha savarNasiMhI tvaM mAM pAyAshcha siMhasaMhananA || 49||
      AbharaNarAjikAntyA nijatanudIptyAvatAruNachChAyA |
      saubhagaparipUrNA tvaM subhagaM kuru mAM dayAsudhAvaShTyA || 50||
ApAdamaulideshAdanavadyA~NgA~Ngabandhure sukare |
shrIpAdashobhamAne janani tvAmeva yAmyahaM sharaNam || 51||
      ApAdamaulivilasannAnAbhUShAvalIprabhAchChanne |
      ApAdamaulisuShamApihite mAM pAhi santataM lalite || 52||
AshAmbaravAmA~Nke vAllabhyAdeva sAnurAgamapi |
AropitanijamUrte durge devi tvameva mAM pAhi || 53||
      Adadati ye pavitre hadaye teShAM sadA shivA bhAsi |
      modayasi santataM tvaM tAnevAnekabhAgyadA jayasi || 54||
AdhivyAdhivihIne svAdhInAtmapriye prabhAveNa |
adhigatabhuvanadhyAne sAdhIyo me hitaM tvayA lalite || 55||
      AdhinivAriNi namatAM sAdhunute merushR^i~Ngamadhyasthe |
      sAdhUpakArashIle sAdhaya matkAryamuttamaM lalite || 56||
AkAshAntaHkalayA nihitashrInagaranAyike gauri |
sAkArabhAgyarUpe  rUpaguNodyogabhedavati jayasi || 57||
      ApAditasakalAshe shrIsakhi chintAmaNipriye mahAdevi |
      vAsoruchisaMvalite dAse mayi te dayasva he lalite || 58||
Arye vidhiharirudreshvararUpabrahmapIThamArUDhe |
nAryavatAriNi bhadre mAravadhUTIpriye namo lalite || 59||
      ApATalasarasIruhakAntArAntaHsthite guNollasite |
      shrIpAdajitasaroje sharaNaM bhava me bhave bhave lalite || 60||
kAryAkAryAbhij~ne shauryashrImatkadambavanavAse |
AryAnandini mAyAkAryAnandAnvitemba mAM pAhi || 61||
      AshritapAlanachature pIyUShAmbhodhimadhyagehasthe |
      AshritasuraparivAre dashashatapatrAbjapIThage pAhi || 62||
AnatabhaktAbhIShTaM mAnayituM dAtumasi cha kAmAkShI |
dInAnAthasharaNye mAnaya mAmamba sAdaraM lalite || 63||
      ArAdhayanti ye tvAM teShAmAnandadAyinI nityam |
      nArIkirITashobhArAdhitacharaNemba pAhi mAM lalite || 64||
AnatasuramunibandairanavaratastUyamAnapadakamale |
dAnavanAshini tubhyaM natiriyamAstAM jayAmba he lalite || 65||
      Arye bhaNDavadhodyatashaktichamUbhissamAvate devi |
      kAryeShu me sahAyA kAryapraj~nApradAsva mayi lalite || 66||
AshritasampatkaraNIshaktyArUDhebhasevite samare |
AshritasuraparivAre dhIre mAmamba pAhi he lalite || 67||
      ArUDhavAjisenAvAritakoTyashvasenayA sahite |
      ApItAsavamatte chitte te me nutissadA bhavatu || 68||
Aruhya chakrarAjasyandanamakhilAyudhAni parigahya |
vIrAveshakarAle  vairiShu samareShu kopane jaya he || 69||
      Aruhya geyachakrasyandanamekaM cha sevyamAnemba |
      shyAmalayA mantriNyA samarasasamare namostu te lalite || 70||
Aruhya cha kirichakrasyandanamanaghaM dhuri pratiShThitayA |
daNDAdhipavArAhyA shaktyA sahite jayAmbike lalite || 71||
      Akramya divyashaktyA vahniprAkAramadhyamabhyetya |
      jvAlAmAlinyA tvaM jayasi ruchA samarabhUtale lalite || 72||
ArAkAchandrakalikAvaddhipradashaktivaddhisantuShTe |
utsAhavaddhihetoH shaktInAM tvaM jayAmbike lalite || 73||
      Akramya bhaNDaputrAnakhilAn hatvA jayena santuShTe |
      bAlAvikramamudite samare durgAmba te namo lalite || 74||
AsuraviSha~NgadaityaM mantriNyambAvadhIdraNe yena |
shyAmajyA~Nkitahaste tuShTe yuddhena te namo lalite || 75||
      Arye bhaNDabhrAtashyAmalayAsIddhatomba te samare |
      muditA tvamabhUrmAtaH suraripuhanatyamba te namo lalite || 76||
AsyAlokanamAtrAt patyurvighneshamasaja eva tvam |
mAyAmasurAnapi tAnavadhIrvighnesha eva kushalatayA || 77||
      AsuramAyAvighnAn vighneshonAshayattadA te hi |
      Anandayadapi bhavatIM yaste putro hi tena te lalite || 78||
Arye bhaNDavimuktAn bANAnakhilAnnijAshugenaiva |
satvaramakhaNDayastvaM tasmAttubhyaM namo namo lalite || 79||
      Ayodhane niyoddhuM siddhe bhaNDe karA~NgulIbhyastvam |
      nArAyaNAvatArAnasajat sahasaiva te namo lalite || 80||
AryA pAshupatAgnijvAlAbhasmIkatAsure samare |
mUlAdhArajvAlA seyaM nanu te namo namo lalite || 81||
      AnIlakomalA~Ngi shrIlalite shrIniketane savane |
      saujanyAdiguNAnAM tvaM me sadbuddhimanugahANAmba || 82||
AsurabalamavadhIstvaM kAmeshAstreNa bhaNDadaityaM tam |
phAlAnalena girisho madanamivAjeyamambike lalite || 83||
      AsurabhaNDavadhAt tvAmajaharishakrAdidevatA achalAH |
      bhaktyA shashaMsurambAM vande tvAmastu te namo lalite || 84||
adbhutakalAvatAre haranayanapluShTamadanajIvAto |
Ashritajanatatisugame shrIdevi tvaM dayasva mayi dIne || 85||
      ibhavadanajanani lalite shubhakari paripUrNachandranibhavadane |
      abhaya~Nkari jagatAM mAM devi trAyasva sAdaraM tamimam || 86||
inashashipAvakanayane kaNThAnnIchairnitambaparyantam |
AkaTitaTamapi kaNThAnmadhyamakUTAvate namo lalite || 87||
      ibharAjamandagamane daDhashaktyAdhArashobhite mahite |
      abhayapradakarapadme padmAsye pAhi mAM mudA lalite || 88||
ibharAjavAhanA tvaM shubhakaramantrAtmikA tvamevAsi |
abhayaM disha me mAtaH shubhamapi satataM namostu te lalite || 89||
      idamamba mantrarAjyaM vividhaM bhAgatrayeNa te bhAti |
      AkaTyAkandharamAmastakamityAshrayAmyahaM tu tvAm || 90||
idamajakatajagadAsIt kularUpeNAsthitA shriyA jayasi |
hadayanivAsini namatAM jalajAkShi tvAmahaM bhaje satatam || 91||
      ihakulapAlini jagatAM saShTivyApArapAlinI tvamasi |
      mahitAmnAyanutAM tvAM shirasA vande namostu te lalite || 92||
ihakulahadayanilInA vihitAsheShakriyAkalApAsi |
mahatAmAshrayadAtrI tvaM me sharaNaM bhavAnishaM lalite || 93||
      idamakhilameva vishvaM hadaye vahasIkShase sadA dayayA |
      mAyAtattvamidaM te gahanAdgahanaM namo namo lalite || 94||
idamamba vishvataste tvayi cha tvaM chAtra paramakularUpA |
iha kuNDalinIpIThA kaulinyAkhye namostu te lalite || 95||
      idamamba vishvamakhilaM saMyojyaivAtmanAhitA bhavasi |
      hadi karuNAmayi mayi te karuNApAtostu te namo lalite || 96||
iha jagati vartamAnA lIlAlIneva vartase satatam |
mahitAgamanutacharaNe dInamapAyAnnivArayerlalite || 97||
      iha nanu samatAyuktA jIvabrahmadvayena chAdvaitA |
      vihitAchAravidhAre bhAvaya mAmAtmanandanaM lalite || 98||
iha tu samanvayitAtmA yogakShemAya muktiyatnAya |
mahatAmAshrayarUpe bhogimahAveNi te namo lalite || 99||
      iha bhavasi devi mUlAdhAre hi shrIstvameva te prabhayA |
      vihitA chakrAvalirapi vilasati yogipriyAya jaya mAye || 100||

iha mUlachakramadhye brahmagranthichChideva yA tvamasi |
mahitA sA mayi dayatAM brahmavadhUTIpriyA sadA lalitA || 101||
      iha maNipUrodayinI sA tvaM chAnAhatAshrayA bhavatI |
      sahitA praNavamahimnA sAttvikarUpe namostu te lalite || 102||
idamapyanAhatAbjaM shrayasi tvaM chonnataM cha harichakram |
bhitvAnAhatachakre chakreshvari te namo namo lalite || 103||
      iha ShaTchakrajagatyAmAj~nAchakrAbjavAsinI bhavasi |
      viditasamastavichAre dhIre mAtarnamostu te lalite || 104||
iha tAvadamba chakre tvaM bhAsyAj~nAbhide katAvAsA |
ayi jayasi lokamAtarjambhAriprArthite namo lalite || 105||
      iha dashashatadalakamale granthIn bhitvA sthitopariShTAt tvam |
      ahitAsuramadanAshini jaya jaya mAtarnamo namo lalite || 106||
ibhapatigatimatisamare devi sudhAsAravarShiNIndumukhi |
abhiyAtadaityantri shrImati mAtarnamostu te lalite || 107||
      idamiha sahasrapatraM tava pIThaM kalpitaM hi sarasiruham |
      idamAruhya manoj~naM tvaM pIyUShaM satobhivarShasi hi || 108||
ichChAnurUpakArye jIvabrahmaikatAvidhAnakari |
achChasmitamukhi sadaye hadaye bhava me namostu te lalite || 109||
      iha chakraShaTkamUlaM mUlAdhAraM cha tatra kuNDalinI |
      Aste kaNDalita~NgI sA tvaM bhavasIti te namo lalite || 110||
inakaravikasitasarasijalalitamaNAlIyasUtrasUkShmakaTi |
dinakarakoTisamAne jalajamukhi shrIrnamostu te lalite || 111||
      iha bhavasi shivavadhUstvaM madanavadhUTI tvameva jAtAsi |
      nAmnA prapa~nchamAtA mAtastvAmeva chintaye satatam || 112||
iha bhavasi bhAvanA tvaM hadaye hadayepi bhAvanAgamyA |
bhAvanayAnugatena dhyAnena tvaM satAM bhavessulabhA || 113||
      iha bhavasi bhavavane tvaM parashurdAvAnalothavA tvaM hi |
      mahitakalAvati girije bhUyo bhUyo namAMsi te lalite || 114||
iha sakalama~NgalAnAM vihitA kartrIti kAraNaM cha tathA |
mahitAmnAyastavane vihitA mA~Ngalyamandire tvamasi || 115||
      iha bhavasi bhadramUrtiH shivajAyAsi tvameva jagati shivA |
      ahibhUShaNatanuhAriNi bhava bhayahAriNyasi tvameva shive || 116||
iha bhaktabhAgyadhAtrI bhaktaprItA tvameva bhavasi nanu |
vahasi shivabhAramakhilaM bhaktanidhe te namo namo lalite || 117||
      iha bhaktireva shuddhA bhavati katA priyA hi sujanena |
      vihageshavAhaneDye mAtastubhyaM natirmayA vihitA || 118||
iShTAdikarmagamyA tuShTai te saiva yadi katA vimalA |
iShTArthadAtri bhajatAM tuShTA mayyasva santataM lalite || 119||
      iShTetarANi sakalAnyaShTabhujaistvaM nivArayernanu te |
      ahitabalAni sadA tvaM naijabalenaiva hantumuditAsi || 120||
iShTAM sarveShAM naH sR^iShTisthitinAshabhayatamoharaNam |
iShTAM pradAtumIshe muktiM me dehi tAM tvamevAmba || 121||
      iShTaM vitarasyarthaM navarAtrAnte tvameva devAnAm |
      nAdaj~nAnadavANyA sevitacharaNe namostu te lalite || 122||
iha dR^ishyamAnarUpo bhUmUrtiH sha~NkarastadardhA~NgI |
tvamasi hi mahimApUrNA haimavati trAhi mAM tvamevAmba || 123||
      iha chAmutra cha sukhade mahitaguNADhye murArisahajAte |
      sahajAruNamukhakamale jahi mama pApAnisa~nchitAnyamba || 124||
iShTArthadAnashIle tuShTA namatAM saparyayA satam |
iShTapriyAsi sA tvaM puShTiM tuShTiM cha vitara me lalite || 125||
      ichChArAgadveShAn abhihatyAtmanyasheShasujanechChAm |
      yachChasi tuShTyA tvaM mebhIShTAnarthAn pradehi he lalite || 126||
ibhavadanajanani sAdhvi shrImatsampUjite jitAmitre |
prabhavasi tvaM tApArtaM trAtuM janamamba nijakR^ipApA~NgaiH || 127||
      ibhavadanavandyamAne shAradapUrNendurAjamAnAsye |
      tribhuvanajanani dayAlo kAruNyaM te sadAstu mayi dAse || 128||
iShTapradAtri dhAtri trinayanahadayapriye sadA lalite |
tuShTasvAntasaroje guNamayi mAM pAhi kinnarodgIte || 129||
      iShTA hi temba shAntiH svAnte shAntipradAsi nanu namatAm |
      shAtodari darahAsasphuradAsyendo namostu te lalite || 130||
iha cha paratrAdhAraM kamapi vinAdhAramAtmanobhyetya |
tripuTIrahitAsi tvaM brahmaivAsIti bhAvayAmi tvAm || 131||
      iha cha paratra vishuddhe chitte vAchi kriyAkalApeShu |
      bhuvananira~njanachitte chittAgAre vasAmba me lalite || 132||
iha shatapatrasupatre patitaM vArIva vartamAnA tvam |
viharasi sattAsattAbhavaviShaye tvaM tathaiva mAM pAhi || 133||
      iha parishuddhAtmA tvaM satyaj~nAnAgnidagdhatimirAsi |
      aj~nAnamandhakAraM jAne tenAsi virahitA lalite || 134||
iha cha paratra cha nAsho na hi te nihitA pade sthire satatam |
vihitavidhAyakadhAtrA mitrAmitrAdibhedarahitAsi || 135||
      iShTAkAravihInA brahmasarUpAsi bhAvanAtItA |
      iShTajanatuShTidAtrI brahmANI tvaM ramApi bhavasIha || 136||
ichchArUpodvahane shaktApi tvaM bhavenuraktApi |
vyAkulatArahitAsi shreyaskari te namo namo lalite || 137||
      iShTaguNatrayarahite tuShTyA lakShmyA cha tejasA kalite |
      aShTavidhAyudhahaste duShTaghnI tvaM sadAmba mAM pAhi || 138||
iha jagati shAntarUpA kAtaratArahitamAnasA satatam |
vahasi vichitrAkArA nAkAreNApi virahitA bhavasi || 139||
      iha chAmutra cha nityA bha~NguratA te kadApi naivAsti |
      vidyA kAlAtItA bha~NgAsitachArukuntale pAhi || 140||
iha cha vikAravihInA nishchalachittAsi kAmarahitAsi |
vihasasi kAmavikArAnahitAnAM tvaM mamApi mAtAsi || 141||
      ihaparabhedavirahitA tvaM sudhayA si~nchasyasheShalokamapi |
      dehAnapi tanubhAjAM madhurAlApe tvameva mAM pAhi || 142||
ichChopAdhivihIne muktyA satyAtmanApi sa~Ngate mahite |
svachChAyA~nchadvasane bhaktyAshliShTaM kuruShva mAM lalite || 143||
      ichChAvikArahIne svachChAyAchChAdyamAnabhuvanatale |
      svachChAyayAbhirAme svachChAtmAnaM vidhehi mAmamba || 144||
iha cha paratra cha chintArahite dvaitAbhimAnahInemba |
ahitavinAshinikAntAkrAntasvAnte namostu te lalite || 145||
      iShTAdhAravihIne tuShTAtmAdhArasa~Ngate mahite |
      puShTiH katanatakaShTishreShThe nityaM namostu te lalite || 146||
ichChArjitapadakamale nityavishuddhe sadAhave siddhe |
shiShyAbhIShTadahaste nityaM vasa me hadambuje shuddhe || 147||
      ichChArUpiNi mAtarnityavibuddhe svabhAvaparishuddhe |
      ichChAmi vishvamAtastava karuNApA~NgapAtamiha devi || 148||
iShTiparituShTachitte duShTAvidyAtamovinirmukte |
tuShTA mayi bhava chittebhIShTaM me dehi karuNayA yukte || 149||
      ichChAnukUlaveShe satataM cho~NkArarUpiNI tvamasi |
      achChAmbaraparidhAne chintitaphaladAtri te namo lalite || 150||
idamiti nishchitarUpaM tubhyaM prAdAnna kopi nanu rUpam |
tattvamapAvatarUpA praNatistubhyaM nirantaraM bhavatu || 151||
      iha tu na bhavati kala~Nkastvayi tava vadanendumaNDale nApi |
      ahitA nAsi satAM tvaM tvaM tava rUpeNa nirjitevAsi || 152||
iha bhavati nAntarAyo nopAdhirnApi naijaveSho vA |
vihitAgamaparatantrA jagatI vihitA tvayA namo lalite || 153||
      iha bhavati tava niyantA naikopIshAnamekamapahAya |
      shreyasyathavA shreyAnamba shreyo na hi tvadatrApi || 154||
IshAnnAshAsehaM daivIM sampattimanvahaM dadhatIm |
aihikamathavAmuShmikasaukhyaM prAptuM manassatarkaM me || 155||
      IshAnAsi surANAM viShayAshAnAshakAriNI tvamasi |
      IshArdhA~NgaharA tvaM shrIshAdyamarAlisevitA jayasi || 156||
IshApi sarvajagatAM madarahitA mAninI tvamevAsi |
IshAnAj~nAdhInA hadayasarojAdhirUDhakaruNAsi || 157||
      Ishvari jagatAmAshAdhIshAbhIShTapradAyinI tvamasi |
      IshvarakAryakarI tvaM pAshAnmAmAshu mochayereva || 158||
IshvaraniyamitasaraNau chintArahitAbhivardhayasva shame |
AyushcheShTApUrtapraNayini kuru ma~NgalAni cha me || 159||
      IshvarasamamahimADhye nyUnAdhikasAmyabhedavadbhinnA |
      dhIshvari vAgIshvari me mAnasara~Nge ramasva dhInunnA || 160||
Ishvari dArasutAdiprApa~nchikaviShayamoharahitAsi |
shAshvatasukhadAtrI tvaM shAshvati jahi me shuchaM namo lalite || 161||
      Ishapriyakari lalite putrakalatrAdimohapAshakarI |
      shAshvatasukhadAtrI tvaM shAshvatasukhameva dehi me girije || 162||
IkShethA na mamatvaM tvaM mamatArahitamAnasA bhavasi |
abhimAnahInahR^idaye sadayA hR^idayena girisute jayasi || 163||
      IhAbhimAnamamatAbodhanavichChedakAriNI tvamasi |
      dehAbhimAnamuktA muktAtATa~NkamaNDitA jayasi || 164||
IkShaNarasanAshrotratva~NnisAgrAhyapApanirmuktA |
rAkShasabalamiva pApaM nAshayasIhAmba te namo lalite || 165||
      IshAnanayanadahanajvAlAdagdhasmarA sakaruNAsi |
      pApavinAshakarI tvaM puNyamayI chAsi te namo lalite || 166||
Ishvari kopavihIne shAshvatashAntiprasAdasa~Nkalite |
shashvannamatAmiShTaM shAshvatamasakR^it pradAtumarhA tvam || 167||
      Ishvari kopadavAgniprashamakarI tvaM samastajantUnAm |
      shAshvatashAntisukhe me vitara dayApA~Ngabha~Ngi he lalite || 168||
IshArdhA~NgasuyogAdanyAshApAshavirahitAbhihitA |
kleshApAyavihInA bhavasi bhavAmbhodhitAriNI tvamasi || 169||
      IhArahitA bhavatI lobhavatAM lobhanAshinI bhavasi |
      dehiShu dayase satataM tvamihAmutrApi bhAgyadA bhavasi || 170||
ItibhayanAshinI tvaM saMshayarahitAsi sAdhunivaheShu |
bhUteshahadayadayite saMshayabhUtaM jahi tvamakhileShu || 171||
      Isho na devanAmA kopi na satyaM na dharma iti naiva |
      doShaikadarshinAM tvaM prativadatAM chAshayaM nivArayasi || 172||
Isho brahma tathA tvaM kathitA janmAdibandharahitAsi |
kesarikishori samare himagirikAntArachAriNI tvamasi || 173||
      IshvaragahiNI bhUtvA jananaM maraNaM cha dehinAM kuruShe |
      shAshvatasukhechChukAnAM sharaNaM sA tvaM mahAtmanAM bhavasi || 174||
Ishvari jagatAM hR^idaye bhrAntivikalpAdibhAvanArahitA |
aishvaryadAnashIle namatAM prAleyashailaje bhavasi || 175||
      IshAnavallabhA tvaM doShavihInA cha bAdhayA rahitA |
      kleshAnupashamaya tvaM bhavabhItAnAM bhavAshrayaM dehi || 176||
IshArdhadehaghaTitA kleshakaradvaitabhAvanArahitA |
dveShAsUyArahitA kleshApAyaghni pAlaya tvaM mAm || 177||
      IshvaratattvAbhij~nA  j~nAtavyArthaprakAshikA sadayA |
      Ishvari vidhyaNDAnAM bhedamatighni priyaM satAM dehi || 178||
Isha iva nAsharahite shAshvatasukhadAtri dehinAM bhajatAm |
IshAnatoShaheto shashvachChashvannamostu te lalite || 179||
      IshAnavallabhAtvAnmR^ityuM sarvAsuhAriNaM jetum |
      IshA tvameva nUnaM mR^ityuM jayasi tvameva me sharaNam || 180||
IhAmohavihIne kriyayA rahitA cha karmaNA jagate |
dehAniva vahasi tvaM shaktitrayamapyavashyameva nanu || 181||
      Irayasi dAtumakhilaM sujanaM nAdAtumIhase dAnam |
      kasmAdapi bhuvi tasmAt parijanarahiteva bhAsase lalite || 182||
Ishvari nirupamarUpe nirupamashaury.amba nistulAbhikhyo |
IshvarakatachiratapasAmanupamaphalarUpiNI tvamasi || 183||
      IkShaNachikurasunIle nIlAkAshopame rame devi |
      rAkShasamardanadhIre bAle bAlendurAjite pAhi || 184||
Ishvari nirapAyA tvaM dArayasIhArthisambhavApAyam |
IshvarabhaktimatAM te charaNaM sharaNaM sadA sthiraM devi || 185||
      Ishvari rUpaguNeShu vyatyayarahite hite satAM satatam |
      kopi kadAchidapAyo na bhavati kasmAchcha tembike lalite || 186||
IshvararavigaNanAthashrInAthaistvaM hi sevitA sujanaiH |
dhIrArAdhanasulabhA bhavasi khalAnAM tu durlabhA tvamasi || 187||
      ItimayajaTilasaMsativihitavyavahArapAshamuchChidya |
      pashyati yassa tu bhavatIM taditarajanatAtidurlabhA tvamasi || 188||
IshvaraduritanihantrI tvamasi cha durgA cha durgamA bhavasi |
durgaikasevakAnAM sAttvikarUpA namostu te lalite || 189||
      Itaya iva hR^idi nAnAshokAvegA bhavanti katinAM cha |
      iha jagati dehabhAjAM lokAnAM tAnnivArayestvaM hi || 190||
Ipsitavaidikamapi tatsukhamiha yatpAramArthikaM satyam |
IpsitasevAkartre sA tvaM datse hi pAhi mAM lalite || 191||
      Ishvari duShTArINAM bhIShaNarUpA tvameva sambhavasi |
      durlabharUpe durge durgamadurgAdvimochayeramba || 192||
IshAnAsi hi jagatAM lokAyatikAdyadharmamArgasthAn |
nAshayitumamba durge sakaladurAchAranAshamapi kuruShe || 193||
      Ishvari doShavihIne shAshvatasaubhAgyadAtri sAvitri |
      shAshvatikasampadaM tvaM karuNArakShAM cha dehi me lalite || 194||
Ishvari karuNApUrNe sarvaj~nA tvaM cha chakrarAjasthA |
sR^iShTisthitilayamarmaj~nAtrI dhAtrI cha nassadA bhavasi || 195||
      IDye satAM guNADhye mAtaH kAruNyavAridhe bhajatAm |
      karuNApA~NgapayodaiH plAvaya dInAntara~NgavasudhAM cha || 196||
Ishvari sadashAdhikatArahitA sahitA cha karuNayA satatam |
jagati bhavatyA sadashI vyaktirnahi kApi dR^ishyate lalite || 197||
      IshvaryAdyA shaktirjagatAM tvaM tAvadakhilabhItiharA |
      yuktyA shaktisamaShTyA jayasi tvaM devi tejasA ruchirA || 198||
Ishvari ma~NgalamUrte kAtyAyani sarvama~Ngale lalite |
pAtraM kuru karuNAyAstava mAM mAtarnamAmi te charaNam || 199||
      uDurAjasundarAsye sanmatidAtrI praNAmaniratAnam |
      maDaramaNi hasitalAsyasphuradAnanachandrike namo lalite || 200||

uDurAjachUDadayite brahmANDagrAmashAsane rasike |
maDanATyamArdaveDye brahmAnandaprade namo lalite || 201||
      uragAdhipadhatavasudhAdyakhiladharAlokashAsane dakShe |
      sarasIruhadalanayane mAtastubhyaM namo namo lalite || 202||
urageshakeshapAshe sakalAla~NkArashobhite lalite |
dviradArivAhane te charaNaM sarvAtmanA bhaje satatam || 203||
      upari tathochchairjagatAM shAsakavarge tvayA samaM mahitA |
      shAsitumaparA nAsti tvayyayattAni sakalabhuvanAni || 204||
upanatasakalasutantre vistAriNi vishvamaNDalasyApi |
tapanIyabhUShaNADhye sA tvaM sarvatra pAhi mAM satatam || 205||
      unmagnamagnachitte saMsArAmbhonidhau manassu satAm |
      muktisthitimati satataM mAheshvari te namo namo lalite || 206||
upamAnavirahitA tvaM sakalabrahmANDanAyikA bhavasi |
      mAheshvari mayi karuNAM kuru he mAta~NgavaMshaje lalite || 207||
      maDavijayakAriNi tvaM nijavijayAdeva te namo lalite || 208||
ujjvalatejorAshe na bhavatyupamA jagattrayepi tava |
prajvalati kIrtilakShmIstava saundaryaM tathA mahAlakShmi || 209||
      upavINayitumalabhye mAyAvattaM cha durgamaM bhuvane |
      apahatasumanohadaye bhUyo bhUyo namostu te janani || 210||
ujvalarUpavatI tvaM brahmANDavyApinI mahArUpA |
prajvAlayasi cha dhAmnA brahmANDaM te namo namo lalite || 211||
      umayA ramayA vANyA sahitaiH sampUjite surAdhIshaiH |
      hariharaparameShThibhirapi nityArAdhyAsi te namo lalite || 212||
upanatapAtakanivahaM bhajamAnAnAM nivArayeramba |
upamAtItamapIdaM krUraM pApaM mamApi jahi janani || 213||
      upavarNayanti mAyAM j~nAnaM kavayopi satprashaMsanti |
      jagatIkAraNamAyAmAye chAnandade namo lalite || 214||
urvIdharavarajAtA tribhuvanasArA payodhigambhIrA |
garvitasuraripunAshini subhagA sA tvaM namostu te lalite || 215||
      uttamashaktigariShThe meroH pR^iShThe sadA kR^itAvAse |
      uttamaguNavati girishapreyasi mAM pAhi he mahAshakte || 216||
uttamacharitArAdhye tribhuvanasammohanAkate mahite |
chittajaramaNIkoTipratime mAM tvaM tu dArakaM pAhi || 217||
      uttamakamalabhavANDavyApini saubhAgyasa~Ngate satatam |
      nijavarabhuvanAgAre ramamANe te namo namo lalite || 218||
ujvalapi~NgamahobhI rAjitamUrte shriyA yute satatam |
prajvAlaya mayi devi j~nAnamahAdIpamamba he lalite || 219||
      uttamadehavibhAgajyotiH stomena dIpayasyakhilam |
      jagadidamambujanayane nayanenekShasva mAmimaM chapalam || 220||
unmAdyadindriyANAM jagatAM balamekamardayestvaM hi |
trAtuM jagatIM prabalA dharmeNehAsi kovidA lalite || 221||
      uddhatadaityaniShUdini nijabalaparivaddhikAriNI tvamasi |
      siddhasurastutapAde pAde praNataM punIhi mAM lalite || 222||
uttamabuddhimatI tvaM sarvaj~nAsi tvameva siddhirapi |
uttamaphaladAtrI tvaM nityaM namatAM namostu te lalite || 223||
      uttamabud.hdhyA sid.hdhyA sAdhitasaMsArarakShaNA tvamasi |
      kamalamukhi kAmadAtri tribhuvanajanani tvameva mAM pAhi || 224||
uttamayogijaneshvari sakalAmarabandashaktisaMsiddhe |
hariharaviri~nchirUpe shaktiniyantri tvameva mAM pAhi || 225||
      ujvalarUpiNi nAnAmudrAbhij~ne samastabalamUle |
      karmakriyAshrayatvaM vahasi tvaM devi te namo lalite || 226||
upadhInakhilAnasurairvihitAnunmUlya vijayinI tvamasi |
bIjAkSharavaramantraj~nAnAdhAre namo namo lalite || 227||
      uddhatasamastavishvaM yantragaNaM shaktidAnaparipuShTam |
      uddharasi yantradUre yantrAdhAremba te namo lalite || 228||
upagataShoDashavarNaiH svararUpaireva cha te kalAH sakalAH |
brahmANDapAlanAya khyAtA jAtA hi te namo lalite || 229||
      uttamatattvaj~nAnapradamanuvidyAsvarUpiNI tvamasi |
      vidyAkAre hadye jagatAmAdye namostu te lalite || 230||
uDupatimaNDalamamatApUramayaM tena si~nchasi kShoNim |
bhavasi hi chandrAbhikhyA vidyA tvaM te namo namo lalite || 231||
      urvyAdipa~nchabhUtakhyAtamahAratnapIThamadhyagate |
      brahmANDameva pIThaM praNavasahasrArapa~NkajaM nanu te || 232||
uttama o~NkArasthe pretAkhyAtAdhvarakramArAdhyA |
uttamaphaladAsi tvaM vaishvAnaravargasevitA shuddhA || 233||
      ujjvalamUrtiM sAkShAdamba tvAmeva pUjayet devIm |
      bhairava eva shivopi prathamo.abhUttena te namo lalite || 234||
UrIkR^itanijakAryArambhe nATyapriye mahAdeve |
naTati sati sAkShiNI tvaM karuNAmUrte namostu te lalite || 235||
      UhAtItAkAre kAmeshArdhA~NgayogavikhyAte |
      tribhuvanapAlini janani prItA tvaM dehi memba kalyANam || 236||
UrdhvaM nIchairmadhye lokAssanti trayopi te vapuShi |
bhavanAni vA purANi tvaM purasundaryasIha me jananI || 237||
      UheyasvaravarNaiH ShoDashapUjAshchaturbhiriha guNitA |
      upachArAshcha saparyAstA Adhatsemba ! mAtakArUpe || 238||
UhApoho nAyaM ShoDashavarNAH svarAH svatantrAshcha |
nijabhedasa~NgatAste ShaShTikalAste chatuShkalAsahitAH || 239||
      UrIkatAkSharANAM yogAdAsan hi shaktayaH sakalAH |
      yoginyomUrnityaM tvAmevArchanti te namo lalite || 240||
UnetaradathavA sampUrNaM chandrasya maNDalaM yattvam |
tanmadhyavAsinIti jyotsnA khyAtAsi te namo lalite || 241||
      UrIkatasurasundararUpAla~NkArashobhite lalite |
      dUrIkuru me duritaM sakalaM sakalAtmikA tvamevAsi || 242||
UrIkR^itanijakArye ! sAdhitakAryA cha sA tvamevAsi |
dUrIkR^itabhavabAdhA tribhuvanasAmrAj~nikAsi sA tvamevAmba || 243||
      UrIkR^itAmatAsye ! chArusmitachAruchandrikollAsye |
      dAraka iti mAM pAhi tvaM nanu vishvaprasUtikA jayasi || 244||
UrdhvamadhastAddehe santi hi chakrANi yatsahasrAram |
chakraM shirasi tadetadbhavanaM shrIdevi tvaM bhaverhi tatraiva || 245||
      UhAtItacharitre parvatarAjasya putri gAyatri |
      pratidehavAsinI tvaM chaitanyaM chAsi vishvarUpA cha || 246||
UrdhvamayUkhairbhAsvAn himavati kamalAni yAni bodhayati |
tairarchanti hi munayastvAmanishaM devi te namo lalite || 247||
      Urudvayena rambhAM jitvA tvaM vishvarAjyasargepi |
      sA rambhA nanu nArI tvaM tAvatpuruShakArasampannA || 248||
Urjasvipa~nchapIThAnyanavadyAnyamba te virAjante |
preyAMsi tAni taM cha tvatpAdAmbhojapAvitAnyamba || 249||
      Urjasvi pa~nchakaM te vidhiharirudraprabhedasa~njAtam |
      trayamidamapi tava pIThaM brahmatvaM tAvadekamevaM hi || 250||
R^itamamba te svarUpaM chidvA chaitanyamekamevaM hi |
chinmayyasi cha tathA tvaM tava bhAsA tvaM virAjase nitarAm || 251||
      R^itameva te priyaM tat padamAnandAya te tvameva tathA |
      brahmAnandAkAre sArasagamane tvameva mAM pAhi || 252||
R^iShimatameva j~nAnaM vij~nAnaM chAnubhUtisa~njAtam |
tadasi hi taddvayarUpA tvAmevaM tAvadAshraye lalite || 253||
      R^itamasi nityaM chintyA dhyAnaM dhyAtA cha nishchitaM dhyeyam |
      tripuTIti chAsi yA tvaM sA tvaM mAM pAhi te namo lalite || 254||
R^itarUpAsi R^itaM tat jIvayasi tvaM tadeva rakShasi cha |
dharmAdharmavidUre madagajagamanemba pAhi mAM lalite || 255||
      R^itamiha vishvaM jAgrat jAtaM tadrUpameva nanu devi |
      praNavasyAdirakArastvaM bhavasi tvaM bhavAni mAM pAhi || 256||
R^itamamba jAgraditi yaH kAlo jIvasya kAryakAlo hi |
kAlassopi tavAmba sphurati hi rUpaM namostu te lalite || 257||
      R^itavANi devi lalite taijasarUpe mudaikamarakande |
      R^itadhArivedamAtA mAtAsmAkaM tvameva nanu lalite || 258||
R^ikShAdhipasamavadane rUkShAsuranAshakAriNI tvamasi |
suptAvasthArUpe jAgR^ihi chAgaraya chetanAn sakalAn || 259||
      R^itavAdisevyamAne praNave tAvanmakAra evAsi |
      tanmukhyajIvarUpe shrIdevi tvAmahaM sadA vande || 260||
R^iShihR^idayamAtravedye muktAvasthAtraye trayIvedye |
magarAjavAhane tvAM jIvanmuktisvarUpiNIM vande || 261||
      R^iturAjArchitapAde vadanAmbujachArutAkatAmode |
      sarvAvasthArahite lalite mAM pAhi sAmabhirgIte || 262||
R^itamavalambya sadA tvaM jagatAM sR^iShTiM karoShi rajasaiva |
tvamapi chaturmukharUpA rakShasi bhuvanaM namostu te lalite || 263||
      R^iShibhirasheShairamarairArAdhitapAdapa~Nkaje lalite |
      nirmitajagatImekAM gopAyasi devi te namassatatam || 264||
R^itupatiriva sa cha naijaM jagadidamakhilaM cha rakShasi tvaM hi |
tena cha sAttvikarUpA govindAsIrnamo namo lalite || 265||
      R^itaparipanthitamo yat tena yutA tvaM jagadvinAshAya |
      prabhavasi hi rudrarUpA dInajane tvaM tu vatsalA bhavasi || 266||
R^itamapahAya samastaM bhUtagrAmaM tatastamorUpe |
sthApayasi rudrarUpA paruSheva tvaM tirohitaM kuruShe || 267||
      R^itagarbhalInametat bhuvanaM tAvat tirohitaM kuruShe |
      aNukaNakaNamadhye tvaM bhUtAnImAnipunarapi sraShTum || 268||
R^itamayavidhiharirudrA yAvanna bhavanti tAvadeva tvam |
bhavasi jagadIshvarI vA nityA sakalA shivAtmikA bhavasi || 269||
      R^itamasi harihararUpA shrIdevi tvaM kalAtmikA bhavasi |
      sA tvaM sadAshivA vA bhavasi bhavAnI namostu te lalite || 270||
R^itamavalambya jayestvaM jagadidamakhilaM tathAnugR^ihNAsi |
natajanamapi nijakaruNApAtraM kuruShe namostu te lalite || 271||
      R^itabalavati giritanaye sR^iShTivyApArayoshcha vishvalaye |
      upasaMhAre niratA tvamasi tathAnugrahepi niShNAtA || 272||
R^itamatameva hi satataM bhavati cha vishvaM tadeva pAlayasi |
upajIvasIva manye tvamasi sadA bhAnumAlino madhye || 273||
      R^itatapasi vartamAnA bhairavadayitAsi bhairavI tvaM hi |
      R^itamiha pAlaya sA tvaM shAshvati nityaM namostu te lalite || 274||
R^itashaktikAmasampatsahitA garbhe jagattrayAkalitA |
R^ikShashatamAlinI tvaM vividhAkArA bhavernamo lalite || 275||
      R^itajagadudayanidAnedAnenUnevaneShu niShNAte |
      sR^iShTilayabhUtagamanA vidyAvidyAvidamba mAM pAhi || 276||
R^itahemagarbhagarbhe chichChaktestvaM bhavermahApUrvA |
vANIti tAsu mUrtitrayajAyAstathaiva sa~njAtAH || 277||
      R^itashivasundararUpe shamitasurastomahadayasantApe |
      kamalodarasahajAte tribhuvanagItemba te namo lalite || 278||
R^itachichChaktirabhUnnanu tA eva shrIrumeti vANIti |
lakShmIrvidhiriti rudro vANI gaurI harito jAtAH || 279||
      R^itakAryANi vidhAtuM vANIM brahmA ramAM hariH prApa |
      tvAM lalitAmiha sharvaH sA mAM pAhi tvameva he lalite || 280||
R^itamapi bhuvanaM bhrAtA rakShati bhaginI tvamasya kiM kuruShe |
durgAsi durgatiM tvaM saMharasi tvameva harayoShA || 281||
      R^itamapi jagadudayati te nayanAmbhoje vikasvare jAte |
      mukulitavadane tasminmIlati chakShuShkriyA tvadAlambA || 282||
R^itamayadashashatavadanA dashashatanayanA cha sA tvamevAsi |
R^itamiha kiM na tu jAne jAnAmi tvAM hi kevalaM mAyAm || 283||
      R^itamathavAnatamAstAmagaNitanayanA tvameva nanu bhavasi |
      matamabhimatamitareShAM kiM vA syAdatra sA pramANaM tvam || 284||
R^itamamba saptamAdapi lokAnnIchaiH padaM tavollasati |
tvamasi cha varashatacharaNA karuNAbharaNe tvamamba mAM pAhi || 285||
      R^itavidhikITAvadhikabrahmANDaikaprasUstvamevAsi |
      atulitakaruNAbharaNe brahmamayi tvAM bhaje sadA manasA || 286||
R^itavarNAshramabhedAnakarostvaM devi lokakushalAya |
hitamavadhattAM lokaH soyaM naijaM tathA kuruShvAmba || 287||
      R^itavedavargavANI tA apyAj~nAstavaiva nanu devi |
      kA tava vAgitarA syAnmAnyA na syAdupekShaNIyA vA || 288||
R^itapuNyapApaphaladA dAkShAyaNi sA tvameva bhavasi nR^iNAm |
iti yadi kAraya puNyaM mA kAraya pApaleshamapyamba || 289||
      R^itamamba shrutireShA vanitA khyAteti tachChirodeshe |
      patati tava pAdapadmaM sAstyAj~nAkAriNI tavAdeshe || 290||
R^itavachChrutiramaNInAM sImanteShUllasanti lIlAste |
dhUlikaNAssindUraM dhR^itamiva tava pAdapadmarajasAM cha || 291||
      R^itasakalAgamasaMhatishuktisusampuTakarAjamAnA sA |
      muktArUpavatI tvaM ramayasi tAstvAM cha tAshcha ramayanti || 292||
R^itajIvajIvanArtho mokShassAyujyamamba ke te vA |
vitarasi tat tadvA tvaM priyashatajIveShu bhavasi yadi devi || 293||
      R^itadeshasamayasusthitibhedavashAsi devi paripUrNA |
      satatamapi jagati sakalA sarvatrApi tvamamba mAM pAhi || 294||
R^itamasti mahyametadvishvaM vishvambharAsi sukhabhoktrI |
iti nanu bhAvayasi tvaM bhu~NkShe saukhyaM jagachcha bhojayasi || 295||
      R^itamavati bhuvanamakhilaM bhuvanArtAnAmadhIshvarI tvamasi |
      patitoddhAriNi hariNIcha~nchalanetre sadAshive pAhi || 296||
R^italokalokajananI sakalabrahmANDashAsikA tvamasi |
gatimatirUpiNi jagatAM tvAM tAM vande tvameva me sharaNam || 297||
      R^itamiva chAdhivihInA yAsi tvaM saiva janmarahitA tvam |
      iti sati kA chyutirathavA bhavati tavApyamba pAhi mAM cha tvam || 298||
R^itamidamamba vidhAtA tajjanakastvAM sadA niShevete |
sakalashrutitativachanaM syAditi manyemba pAhi mAM lalite || 299||
      R^itaviShayabodhadAtrI dhAtrI jagatopi vallarIgAtrI |
      matishaktivardhinI tvaM pAtrIkuru mAM tavArchanApAtre || 300||

R^itamUlarUpameva praNavaM shaMsanti paNDitAshchAnye |
api nAdavedarUpA tvAmevAhaM namAmi tAM lalitAm || 301||
      R^itamasti bhAti cheShTaM rUpaM nAmeti pa~nchake nAmnAm |
      rUpeNa virahitA tvaM brahmaNa evAsi rUpamayi dhAmnA || 302||
R^itahitakara evaiko hrI~NkAraste.amba bhavati bIjeShu |
bhavasi cha sA tvaM varNassa cha bIjaM vA tvameva bIjeShu || 303||
      R^ibhavaH stuvanti hi tvAM sati satprItyAtmikAM varAM devIm |
      hrI~NkArabIjarUpAM rUpeNAnandakAriNA sahitAm || 304||
R^ibhunutadivyacharitre mAtre tubhyaM namo namo jagatAm |
hrImbIjapUjyamAne mAnenAmbAstu te natissatatam || 305||
      R^ibhumanujadanujamUrtiShu mastakadesheShu rAjate yadvA |
      shubhakarasahasrapatraM tatra tvaM harShavarShiNI jayasi || 306||
R^ibhugaNakatanutimudite heyopAdeyavarjite.apyajite |
vibhuriti na hi te niyato narasuradaityeShu ko.api he lalite || 307||
      R^ibhupatinarapatidAnavapatigaNasampUjyamAnapadayugale |
      abhivAdanapaTuhR^idayapratiphalitAkArashobhite nama om || 308||
R^ibhugaNanaragaNadAnavagaNarAjyAnAM tvameva sAmrAj~nI |
abhihitacharitAsIti tribhuvanasaMsAradhUrvahe dhIrA || 309||
      R^ibhupatidayitArAdhye R^ibhuvanitAnAM cha devi te madhye |
      tAbhirapi viditahR^idayashshrIkAbhistvAM bhaje manomadhye || 310||
R^ibhunaradAnavaja~NgamahadayAnAM chAnyajIvihadayAnAm |
abhimatara~njanakAriNi shubhamayahadaye sadAmba mAM pAhi || 311||
      R^ibhuvanitAhitakAriNi shubhamayanarayoShidarchanaprIte |
      abhayAdIpsitadAtrI shrImati bhajatAM kapAlini trAhi || 312||
R^ibhupatinijapatikamalAnAthAmbhojAsanAdihR^idayAni |
mAnavahR^idayAnyArAt ra~njayasi tvaM tathA cha ramaNI tvam || 313||
      R^ikShapatipakShabhAjAM hR^idayAnandaM yathA kalA kurute |
      ikShukShIrasurAste tAH svArasyaM vitanvate manasi || 314||
R^iNabhayanAshini nR^iNAM raNaraNikAnAM cha mAnase virase |
aNimAdisiddhiheto raNadujvalachArumekhale pAhi || 315||
      R^ibhuvanitAbhirvalayitA shrIrUpeNa yA nandayati sarvAn |
      api mama gR^ihamAnandaya prahvIkatanamanamatra he lalite || 316||
R^iNabhArakatamatitApaM manasaH shamayasi tvaM devi |
yo dhyAyati tvAM nityaM taM sukhayasi pUrNenduvaktrabhAsurayA || 317||
      R^iShikulamodA bhavatI manasA mantraikadarshinI tvamasi |
      ratirUpAsi savitrI lokAnAM tvaM punIhi mAM lalite || 318||
R^iShayopi pAshabaddhA dayitAsahitA ratipriyA bhuvane |
viShayAkR^iShTamanaskAH teShAM boddhrI tvameva nanu bhavasi || 319||
      R^iShimAnasasarasIruhavanahaMsI tvaM tatassatAM mArge |
      rakShAkarIha bhUtvA gamayasi mAtarnamostu te lalite || 320||
R^iShijanamArakarAkShasanAshakarI tvaM babhUvithA j~nAnam |
shamayitumAyudhahastA durge devI tathA dayAdurgA || 321||
      R^iShijanamAnasamanishaM yasyAM ramate tathaiva dayase tvam |
      tanmAnasAni ramayasi paramabrahmarUpiNI tvamasi || 322||
R^itudharmashAlinInAM vanitAnAM tvaM karoShi sukhabodham |
dharmaM pAtivratyaM tvamasi sadA ramaNalampaTA devi || 323||
      R^iShihR^idayakAmitA tvaM kAmyA devaishcha sakalajantUnAm |
      viShayaparA~NmukhamanasAM sulabhAsulabhA saviShayiNAM tvamasi || 324||
R^iShabhAdisvarageyA kAmakalAbodhinI mahAdevi |
vR^iShavAhahR^idayavedye mAtarlalite namo.astu te devi || 325||
      R^ibhupatyupavanasambhavanIpadrumakusumasaurabhaprIte |
      abhimatamadhumaireye dhUtApAye namo.astu te lalite || 326||
R^itamayi mAyAtIte mAyAprachChannakAntimatkAye |
pratihataduritanikAye kalyANI tvaM namo.astu te lalite || 327||
      R^ibhavaH prabhavaH kechit jagatIkandaM na jAnate te.api |
      shubhamayi bhavatIM tasmAttvaM mAM praNataM punIhi jagadamba || 328||
R^itamUlavishvavallIkandastvaM bhavasi mUlarUpA vA |
kandasso.api sharIre vastivibhAge virAjase nR^iNAm || 329||
      R^itamavasi kuNDalinyAM kando dehe.asti yastvamevAsi |
      phaNinIhAsi cha sA tvaM kA me gatiratra vA vinA bhavatIm || 330||
R^itameva tAvadetat karuNArasasAgarA tvameveti |
ata eva devi bhuvanaM snehaM saukhyaM cha bhAvayestvaM hi || 331||
      R^ikShAdhIsha ihAste ShoDasha dhR^itvA kalAvikArI cha |
      ShoDashakalAshchaturbhirguNitA dhR^itvA nirAmayA tvamasi || 332||
R^itanunnasAdhuvidyAnandAnandapradA kalAlApA ||
shrutipeyagItirasikA tvaM tAvaddevi te namo lalite || 333||
      R^ikShapatikoTikAntA kAntArArAmachAriNI lalitA |
      rakShitasuranarabhuvanA tvaM tAvanmAtarAshritAn pAhi || 334||
R^ikShapatikoTinirmitikAraNakAntyA sphuranmahArUpe |
vakShojabhAranamre kamre kamratvabandhure pAhi || 335||
      R^itapathyakAriNI yA suravanakAdambasambhavA madirA |
      sA tava mAnasasukhadA prItA tvaM pAhi mAmimaM lalite || 336||
R^itamanatamubhayametaddinakararajanIshashAsanIyatayA |
vAruNye tvaM dvividhA premNA prathamAM niShevatAM bhavatI || 337||
      R^ibhavopi sindhulabdhAM kapayA te devi tAM niShevante |
      divyAmeva sudhAM tatpriyamamataM pAtumichChasi tvaM hi || 338||
R^ibhuShu cha varuNaH preyAnamarANAM manujadAnavAnAM cha |
varuNapriyamamataM tadvidyArUpaM tava svarUpamapi || 339||
      R^ibhuvaruNasevyamAnA nADI nADIshvarI bhavettasyAm |
      jIvanmuktAnandA bhavasi tvaM devi te namo lalite || 340||
R^ibhuShu nareShu cha dviShadvairiShu yA yA virAjamAnAstAH |
vidyA atItya vidyA tvaM jagadadhikAsi te namo lalite || 341||
      R^itabodhivedamArgaudvAvevAdyo bhavAya bhavamuktyai |
      mArgo dvitIya eva tvaM tadvedyAsi te namo lalite || 342||
R^ibhuripushumbhanishumbhau hatvA trAtuM tvameva vindhyagirau |
nivasasi navanavaveShA khyAtA sarvatra te namo lalite || 343||
      R^ibhunarasuraripulokAn abhayapradapANipallavaireva |
      tvamasi nanu pAlayitrI mAtevAmba stute namo lalite || 344||
R^itavedasodarINAM ichChAj~nAnakriyAkhyashaktInAm |
tvamasi hi mAtA khyAtA kamalodarabhaginI te namo lalite || 345||
      R^itapAlini harimAye vaiShNavashakte samastabharaNapaTushakte |
      mUlaprakate mAtaH tvaM me jagatAM cha te namo lalite || 346||
R^itamAtravedashakte svechChAmAtreNa sakalakAryarate |
atidaivatanijashakte kR^itinipuNe te  namo namo lalite || 347||
      R^itanigamavedyarUpe kShitijalapavanAgnigaganamayarUpe |
      dhUtAkhilavidhapApe mAtastubhyaM namo namo lalite || 348||
R^iShimanunutaguNaratne kShitijaladahanAdidehichararUpe |
matimanmAnasahaMsI pAhi tvaM mAM namo namo lalite || 349||
      R^itajAtabhUtajAtaj~nAtanAkAnAmIshvarAdhInam |
      mAteva jAtapotAn pAlayasi tvaM namo.astu te lalite || 350||
R^itamathavAnatamAstAM vaddhiM tanuShenataM kShayaM tanuShe |
iti jagati tvaM dvayamapi kuruShe mAtarnamostu te lalite || 351||
      R^itavairikAladaityaM kShatatanumuktAsupa~nchakaM kartum |
      kAlI tvamabhUrbAlaM kShetrapamavituM namo namo lalite || 352||
R^itameva vijayi vijayaM kShatirahitaM vidadhatI tvaM hi |
R^itavedyapAdapadme vijaye mAtarnamo namo lalite || 353||
      R^itadharmapAlinI tvaM mitalokAsi tvameva sarasAsi |
      R^itavatyasi hadi shuchitAM vimale mAtarnamo namo lalite || 354||
R^itameva vandyamakhilai rajaso dUraM cha yattamodUram |
ata eva durgamA tvaM vandye sevye namo namo lalite || 355||
      R^itajanmabhAgyadhAtrI shrutividvadvR^indavatsale sakale |
      nutiparajanatAhR^idayollAsini mAtarnamo namo lalite || 356||
R^itamayapadayugayugalAM vAchaM vAchaMyamatvamapi vetsi |
bodhaya bodhAd vimalAM R^itavAchaM mAM namo namo lalite || 357||
      R^itavAdini R^itashIle naranAthe vAmakeshi he subhru |
      menAhimagiribAle harivAhini te namo namo lalite || 358||
R^itasindhugarbhajAte R^itapAlinyamba he mahAmAye |
shrutigeyachArupAde R^itageye te namo namo lalite || 359||
      R^itapUrNadahanagarbhe satataM tvaM vasasi vishvamahigarbhe |
      R^itamaNishobhitakaNThI sutano nityaM namo namo lalite || 360||
R^itamayi sakalApekShAvratatessampUrNaphalarUpe |
R^itabhaktakalpalatike R^itagarbhe te namo namo lalite || 361||
      R^itamapi nayasi hi chittaM vrataratirathavA na vartate yasya |
      atikR^ipaNatvamavashyaM tanuShe tvaM pAsi te namo lalite || 362||
R^itavimalamAnasAnAM aj~nAnadhvAntavihitadR^iShTInAm |
pAshavimuktiM muktiM kuruShe tvaM devi te namo lalite || 363||
      R^itavedavimukhamArgAnatikaluShIbhUtamAnasAnadharmAn |
      pratipanthinassamastAn avadhIstvaM te namo namo lalite || 364||
R^itaviditamAtmatattvaM smR^itinihitaM dharmamokShayormArgam |
bhajatAM svarUpiNI tvaM dvijamunivandye namo.astu te lalite || 365||
      R^itamatabAdhAtrayamapi nitarAmabhyetya dagdhahR^idayAnAm |
      AnandakAriNI tvaM pratijahi pApAni te namo lalite || 366||
R^ibhubhavabAdhAH kAshchinnarakatijAtAshcha tAssamAsAdya |
taptAnAnandayasi tvaM tanmAM pAhi te namo lalite || 367||
      R^itamajaramamatamAha shrutiriti vaddhatvavirahitA taruNI |
      matimalahAriNi mAtastvaM me mAM pAhi te namo lalite || 368||
R^itavachanadAnapUjAniratArAdhye tapasvigurujAye |
natiratamanujaprIte mAtarmAM pAhi te namo lalite || 369||
      R^itamayasuShumnikAye madhyaM chAdhyAsya shobhitAkAre |
      tanumadhye.amba sudAyo nutireShA te namo namo lalite || 370||
R^italokapUjyamAne nijatanumahasA tamoguNaghne tvam |
lasadAbhA vyatikariNI j~nAnAndaprade namo lalite || 371||
      R^itashuddhabodharUpe svayamevAtmaprabhAsamullasite |
      niyamitaniyatikalApe dhR^itimati varade namo namo lalite || 372||
R^itamiti tachchetyanubhavavedyabrahmasvarUpiNI tvamasi |
atichaturamatisugamye gamye yaminAM namo namo lalite || 373||
      R^itasahajadIptirUpe shuddhaj~nAnasvarUpiNI tvamasi |
      matimapi disha me j~nAnaM j~nAnAnande namo namo lalite || 374||
R^itavimukhAnAM teShAM suranaragandharvamukhyabhedAnAm |
AnandAdhikamekaM vahasi hi harShaM namo namo lalite || 375||
      R^itamahitApAnandAdAkAshe.antargatA vishuddhasattvamayI |
      saiva parAparakalitA shivasopAnaM tvameva nanu lalite || 376||
R^itamatyagamyarUpA prakR^iteshchidrUpashobhitA mAtA |
iti bhavasi devi jagatAM pAhi tvaM mAM namo namo lalite || 377||
      R^itamayi pashyantI tvaM nAmnA shabdArthabhAvanArUpA |
      yogavishAradavedyA dhyeyA teShAM namo namo lalite || 378||
R^itaguNamayadR^igdR^ishyA sukR^itaphalite.atha sAdhakArAdhyA |
bhavasi paradevatA tvaM bhUyo bhUyo namo.astu te lalite || 379||
      R^itameva vaikharIti tvAM nAdaj~nAnino vadantyamba |
      nAdabrahma brahmaj~nAnAnande namo namo lalite || 380||
R^itavedagocharA tvaM tanmAtrAdgeyamadhyamArAvA |
sAkArAsi tathA tvaM madhyamarUpe namo.astu te lalite || 381||
      R^ita iva jagati cha bhaktasvAntasarovArimadhyacharahaMsi |
      R^itapathacharahR^idgamye devi tvaM pAhi te namo lalite || 382||
R^itashivaharividhipa~nchaprANAkhyanADikA tvamevAsi |
tena hi te balinaste kArye siddhA namo namo lalite || 383||
      R^itamarmavedinI tvaM katamihe kAryaM nabhistu jAnAsi |
      nutimapi namatAM vihitAM tAmekAnte namo namo lalite || 384||
R^itamiha bhajatAM mArge preyasi charatAM manoj~nakR^itapUjAm |
pUrNAmAdAya tvaM vitarasi phalamamba te namo lalite || 385||
      R^itapathagAmini satataM shR^i~NgArAmbhodhisArasampUrNe |
      cha~nchatkalAsvarUpe shR^i~NgArAkhye namo.astu te lalite || 386||
R^itamiva vijayini satataM natajanahR^idayAravindamadhyasthe |
prathitapraharaNahaste mAtastubhyaM namo namo lalite || 387||
      R^itajAlandharamudrAvartini sa~NghAtapIThamArUDhe |
      matimanmAnasahaMsI tvaM jaya mAtarnamo namo lalite || 388||
R^itamUlapraNava~NkitamoDyANAkhyaM virAjate pITham |
tava tAvadAsthitA tatpIThaM mahitaM namo.astu te lalite || 389||
      R^itamayi parAkhyashaktyA mUlAdhArasthakuNDalinyA cha |
      devi tvameva tejobindushrIpIThavartinI jayasi || 390||
R^itameva gArhapatyaM dakShiNanAmA kramAttrichakreShu |
AhavanIyo gUDho yAgastriyutena sevitA tvamasi || 391||
      R^itamiha chAntaryAgastriShu chakreShu tridhA sthiteShveva |
      AdAya gArhapatye pashchAttenAmba bhavati te dhyAnam || 392||
R^itamUlagArhapatye dakShiNanAmnIha pAvakeShveva |
AhavanIye nihitavyApArA devi tarpaNaM nanu te || 393||
      R^ibhugaNakAmitaphalade dhyAnAbhyAsapriyaprasAdakari |
      bandhatrayavida eva na bandhanabhItistava prasAdena || 394||
R^ibhvAdijIvagarbhaM brahmANDaM tasya sAkShiNI tvamasi |
tvayi sAkShiNyAM satyaM kA kShatirasyAsti devi te lalite || 395||
      R^ibhyvAdisAkShiNI tvaM devi paraM nAsti kopi tava sAkShI |
      vyApAramamba gUDhaM pashshyennaivAtra kopi bhuvaneShu || 396||
R^itadharmakIrtitejovairAgyaj~nAnaShaDguNaiH pUrNe |
vedA~NgadevatAbhiH sahite tubhyaM namo namo lalite || 397||
      R^itaShADguNyavatI tvaM puNyavatInAM jagatsu puNyavatI |
      tava sampado.apyagaNyAH kastvAM stotuM kShameta he lalite || 398||
R^itamayi karuNAbharite satatamapA~NgAbdhigalitasudhayA tvam |
jIvayasi jIvalokaM jIvAtuM tvAmahaM bhaje lalite || 399||
      R^itamapi bhavatI sA sA bhavatI nAstyeva no samA te.asti |
      ata eva nAyikA tvaM jagatAM jagatAM cha nAyakasyApi || 400||

R^itametadeva me syAt vapuranapAyIti bhAvamapanIya |
vitaratu videhamuktiM muktApAyaM vidhAya me bhavatI || 401||
      R^itamiva nAshavirahitasvaraShoDashikAkate tathA teShAm |
      sa~NkhyAnurUpapu~njA tuShTAbhIShTArthadAyinI tvamasi || 402||
R^ikShapatimaNDalasthAH pa~nchadashatvaM cha ShoDashAhatya |
avinAshinyo jAtA jAtAnetAnanArataM trAtum || 403||
      R^itamiva cha jagadasheShaM trAtuM hAlAhalaM shriyaM kaNThe |
      dadhatastapasArdhAM hatvA dhatse.amba te namo lalite || 404||
R^ikShamaNihArabhUte shrayadaNimAdya~Ngasiddhisa~Nkalite |
yakShapatimitradayite mAtastubhyaM namo namo lalite || 405||
      R^ikSheshadahanadinakaratejorAshiM vidhAtumiva dhatse |
      dyutimayarUpamarUpA satyapi tubhyaM namo namo lalite || 406||
R^itamiva chAhaM hadi hadi siddhA tiShThAmi bhAvanA cheti |
shrIdevI tvaM viditA jIvibhirakhilairnamo.astu te lalite || 407||
      R^ikSheshamukhi sakhI tvaM lakShmIvANIpulomajAdInAm |
      yakSheshayoShidIDye mAtastubhyaM namo namo lalite || 408||
R^itasatyAdiguNAnAM sR^iShTeH kAryaM yadA na ki~nchidapi |
shaktistadAvirAsIH tvaM prakR^itirnamo.astu te lalite || 409||
      R^itavatyagocharA tvaM mUlaprakR^itiriti bhavasi yatsA tvam |
      R^itamava jagati samaste mAtastubhyaM namo namo lalite || 410||
R^itamakhiladarshi nityaM tvamapi tathA tadvivardhayasyeva |
kR^itavasatirasi hi mAtaH pAyAstvaM nassadA namo lalite || 411||
      eNAkShi vividharUpe rUpe rUpe sthitAvahitthA tvam |
      bhUruhavahnirivAsi hi jAgratyava mAM namo.astu te lalite || 412||
ekaM j~nAnamataM tadbhinnaM tvaj~nAnameva chaivaM tvam |
dvedhA parApareti prakaTitabhAvAsi te namo lalite || 413||
      eNA~NkamihirapAvakanayano yashsha~NkarassadA tasya |
      nayanAnandakarendujyotsnArUpAsi te namo lalite || 414||
ekAtmatAtmabhaktasvAntalasaddhvAntabhAskarAkAre |
tejasvini te karuNA pAyAdasmAn namo.astu te dhIre || 415||
      ekAkinI yadA tvaM himavatyAsIrnishumbhashumbhakate |
      shivameva dUtamakarostvaM shivadUtI namo.astu te lalite || 416||
edhita eva hi mahimA tAvaka IshAna indulochanaste svAmI |
brahmAtmanAtmani tvaM sthitvArAdhyAsi tasya jagatAM cha || 417||
      ekaM brahma tathaikaH paramAtmAyaM hitena sA tvamasi |
      shivamUrtireva ramaNI saubhAgyaM dehi me namo lalite || 418||
edheta te kapA cheda~Nko.apyAyuktasampadeveha |
kIrtyArogyabalashrIjIvitakAlaishcha te namo lalite || 419||
      ekaishvaryavatI tvaM lokeshashrIshasha~NkarAbhyadhikA |
      shA~Nkaryasi bhavabhIrorbhayanAshinyamba te namo lalite || 420||
ekIbhUtasharIrA vapuShA nAthasya sha~NkarasyAsi |
prINayasi taM tvamevaM prINayati tvAM sa te namo lalite || 421||
      ekamatetra rasAnAmAchAraj~nAnasampadAM mahatAm |
      nityaM priyAsi sA tvaM pAlaya mAmamba te namo lalite || 422||
ekAsanayamaniyamaj~nAnAlambaishcha pUjite vidhinA |
sAttvikakarmaThahadaye niyatAvAse namo.astu te lalite || 423||
      ekAntavAsashIle svAnte svAnte sthitAprameyA tvam |
      lokAnatisheShe.amba tvAmahamIDe namo.astu te lalite || 424||
ekatvadIptikoshAn ekebhyo dIptidAyinI tvamasi |
lokAntara~Nganilaye mAtastubhyaM namo namo lalite || 425||
      edhassu dahana iva te kAye chaitanyadIptadIptirasi |
      nityaM samedhamAnA dIpayatIdaM jagattrayaM lalite || 426||
eNA~NkachAruvadane sadane mA~NgalyadevatAnAM cha |
bhUyAnnatiriha tubhyaM vAchAM manasAmagochare lalite || 427||
      ekaM brahma cha nityaM jagaditi sA tvaM cha chetanArUpA |
      lokaM ramayasi loko ramayatu charitena santataM bhavatIm || 428||
ekaM tamo guhADhyaM chaitanyavirahitaM satatam |
shaktisvarUpiNI tvaM tamaso mahato.api te namo lalite || 429||
      ekAkR^itirasi na tvaM jaDachetanayostadubhayarUpasya |
      rUpatrayaM dadhAsi hi jaDarUpAyai namo.astu te lalite || 430||
ekaikavarNayogAdviMshatisahitAni santi chatvAri |
bIjAkSharANi mantre gAyatrIti pratItarUpAsi || 431||
      ekaikavarNayogAd vyAhatayassapta lokasAmaiva |
      shaktyavatArAstava tAH pa~nchAshadrUpiNI tvamevAsi || 432||
ekA hi rAjashaktiH phaNinIshaktiH trikAlajA shuddhA |
shaktiriti sAndhyashaktiH tAsu tvaM bhAsase namo lalite || 433||
      eti yamihopanayanaM dvijapadamabhyetyathAtmasaMskR^ityA |
      taireva pUjanIyA vipraissaMskAravadbhirasyamba || 434||
ekIbhUtairakhilaistattvaistattvaM mahadbhavedekam |
pIThamatha tava syAdbodhakamiShTasya tejaso devi || 435||
      ekaM tadeva sattvaM brahma cha gAyatryapIti laliteti |
      shrIkaNThakaNThahArAdhAritakaNThI tvamamba mAM pAhi || 436||
ekAsanAsi patyA shrIkaNThenApi nijavihAreShu |
lokAvaneShu samare nAnApIThAyudhAkR^itirbhavasi || 437||
      ekabrahmavyAhR^itiviShayIbhUtA tvameva bhavasIti |
      lokatrayaM namet tvAmAryAmAryAbhimAninIM devIm || 438||
ekaikasyAM tanvAM koshAH pa~nchApi devi rAjante |
brahmAvAsagR^ihANi hi bhavadAvAsAshcha te namo lalite || 439||
      ekenaiva na shakyaM varNayituM tvAmahIshvareNApi |
      lokAtItamahimnA jayasi hi satataM tvamiShTakAdambA || 440||
ekAvasthA sulabhA bhavati narasyApi yauvanAvasthA |
nityA hi tava tu sA tvaM jayasi tayA devi nishchitAvasthA || 441||
      ekaishvairyavatastvaM lokAdhIshasya mAninI bhUtvA |
      madamAnashAlinI syAH kAmaM tubhyaM namo namo lalite || 442||
eNIvilolanayane madaghUrNitapATalAkShi daityavadham |
kR^itvA.asavamapi pItvA pronmatte te namo namo lalite || 443||
      edhitamadhupAnamadA pATalagaNDasthalI tvamevAmba |
      sAdhayasi sakalakAryaM sAdhaya mama kAryamIpsitaM lalite || 444||
eti hi chandanagandhadravamukhyAnekacharchitAM devI |
bhautikamUrtistava tadbhavati hi bhUtA~NgasurabhichArchikyam || 445||
      eti priyatA hR^idayaM tava navachAmpeyakusumavahanAchcha |
      vANIpriyaM hi sA gIrbhavati tvaddhAmavAsinI lalite || 446||
etAvAnmahimA te niyato naiveti bhAsi kushalAni |
saShTisthitilayakatiShu tvaM yatkAryeShu dakShiNA bhavasi || 447||
      enAMsi hantumarhA sA tvaM shrIdevi komalAkArA |
      nAnAvidhajanahadaye madva~NgI tvaM virAjase nitarAm || 448||
ekAtimahadaha~NkatisudR^iDhaprAkAracheShTite jagatIm |
ekAtmanAtmajaThare vahasi tvaM devi te namo lalite || 449||
      eko hi te prapa~nchastasya tvaM nAyikAsi mAtApi |
      mAturiva mAstvanAsthA garbhasthesminnitIrayetko vA || 450||
ekAtmanAtmabhUmiM dhatse tvaM devi bhoginI bhUtvA |
dehAnapi shatarUpAn bhuvanAdhAre namo.astu te lalite || 451||
      aihikasukhamichChantaH sevante tvAM tathaiva kaivalyam |
      ichChanto.api cha mArgo bhinnasteShAM phalaM tathA dishasi || 452||
aihikabAdhAharturgaNanAthasyApi kArtikeyasya |
mAtAsi devatAstvAM sevante cheti te namo lalite || 453||
      aishvarabhAgyamavApya shreyo dAtuM jagattrayasyApi |
      siddhAsi sAdhakAnAM martyA rochanta eva te teShu || 454||
aihikamarthaM mahatAM sAdhayituM pAramArthikaM cha tathA |
yatamAnAnAM satataM phalamiha dhatse samAnamevAmba || 455||
      aindriyapuShTimatI tvaM jantUnAM puShTidAyinI bhavasi |
      IshvaraharividhikAryANyAdAya tvaM tu jAgarUkAsi || 456||
aindriyamadasaMhAriNi matirUpe sanmatipradAtrI tvam |
adhigatashuddhavivekA tvamasi hi dadyA vivekamekaM me || 457||
      aishvaryamiva dadAsi tvaM shAntiM shAntikAntarUpAsi |
      shAntiM svAnte mahyaM dadyyAstvaM me namo namo lalite || 458||
aishvaryamatulamAstAM tava kR^ipayA tvaM janeShu sakaleShu |
svastimati dehi mahyaM svasti svastipradA tvamevAsi || 459||
      aishvaratejodhAriNi tejorUpe jagattrayAdhAre |
      dAraya bhavabhayamakhilaM tAraya jaladhiM namo.astu te lalite || 460||
aihikakaShTanivAriNi pAratrikasaukhyadAtri sAvitrI |
daihikahArdikasaukhyaM janaya cha sakhyaM jane jane janani || 461||
      aishvaramaulivibhUShA nandAgArodbhavA cha sA durgA |
      AnandarUpiNI tvaM kalyANI kAmadhenurapi bhavasi || 462||
aihikapAratrikayoH sukhayorvighnAnnivArayasyeva |
dehAtmAtmatvadhiyAM devi tvaM dehi dehi suvivekam || 463||
      aishvaryavatyasi tvaM ravishashipavamAnamitranetrAsi |
      nADItrayatrimArgA devi tvaM pAhi te namo lalite || 464||
aindriyanivahe nayanaM prathamaM nArI smarAbhadehAnAm |
taddvayajayinI sA tvaM lolAkShI kAmarUpiNI jayasi || 465||
      aishamahimnA tuShTe shiShTAbhIShTArthadAnasantuShTe |
      akSharamAlAshakte mAlinimAtarnamostu te lalite || 466||
aitihyAdhikasattvaM pa~nchAshadvarNamAlikAratnam |
varNahaMsI so.ahaM sA tvaM dvayIha namo.astu te lalite || 467||
      o~NkAramUlapIThe vyAhR^itisamasaptamAtR^ikArUpe |
      svaravarNamAtR^ikA tvaM mAtastubhyaM namo namo lalite || 468||
oghasamAkulasaMsatisAgaragarbhe nimajjatAM dehAn |
dhArayasi jIvayasi sA tvaM malayAdristhAsi te namo lalite || 469||
      oghAvarte sA tvaM bhrAmayasi svArthamapyanAlochya |
      kuNDalinI tvaM tu tathA baddhAsIhAmba te namo lalite || 470||
oShadhinidhimattanaye sumukhI gAmbhIryashAlinI tvamasi |
dhIshAlinI chakampe samare suravairibalamavekShya tvAm || 471||
      ojasvinI cha phaNinI mUlAdhArasthitA sahasrAre |
      kurute kapATabandhaM tvamapi tathaivAmba bhavasi gaNanIyA || 472||
oDhumasheShaM bhuvanaM subhru tvaM bhavasi jagati kuNDalinI |
mUDhAnoDhrI sA tvaM prAj~nAnetAn kuruShva he janani || 473||
      audAryadhairyasubhage mAturvishvambhare sthire ruchire |
      tvaM shobhanAsi nityaM mAtastubhyaM namo namo lalite || 474||
aupayikakAryakariNI kariNIgambhIragAminI tvamasi |
suranAyikAsi sA tvaM dInAnasmAn sadA mudA pAhi || 475||
      audAryapUrNachitte chitte chitte sadA nR^INAM vasasi |
      kalakaNThamadhurakaNThI kaNThIravavAhanA tvamevAsi || 476||
audAryamAtmanIva tvayi kAntiH kAmamasti durvArA |
vArayasi tena cha tayA bAhyAntardhvAntasantatiM hi nR^INAm || 477||
      audAryaM kiyaditi te ko vA shaMset pravishya tava hR^idayam |
      yattvaM sR^iShTividhAne prerayasIshaM tameva nijaramaNam || 478||
audAryavatyapi tvaM dashyA naivAsyaNoraNutvena |
mUlAdhAragaphaNinI yashasi tvaM devi te namo lalite || 479||
      auShadhasa~njIvanamiva vajramaNiM dIptishaktisaMyuktam |
      bhAsayasi sakalavastu dyotayasi tvaM tadeva nanu lalite || 480||
auShadhipanADikAyAM tvaM dehe bhavasi vAmabhAgasthA |
dinakaranADyAM dayitastava bhavatItIshvarI tvamevAsi || 481||
      auShadhamiva tava karuNA surabhirivAkAshachAriNI bhavati |
      tamasi vayovihitAM tAM trividhAvasthAM vinA sthitA bhavasi || 482||
audAryahArdakaruNApAlitabhuvane samastaguNasahite |
siddheshvari parishuddhe chitte kAye vachassu mAM pAhi || 483||
      aupAdhikopadhInAM nAthA nAthAshritA hi kuNDalinI |
      jIvanmuktAvasthAM dAtuM yaminAM sadA sthitA bhavasi || 484||
audAryashIladeyA aNimAdyA siddhayo mahAdevi |
vidyAsiddhisurUpe tvAmupajIvanti santataM lalite || 485||
      audAryashAlinI tvaM sA kuNDalinI dvayIti yuvayostu |
      devIha muktimArge jIvanmuktAddhvadIpike syAtAm || 486||
auShadhipatidharadayite mAtarlalite yashassudhAvichale |
ojo dhehi mayi tvaM matimati shuddhAM cha te namo lalite || 487||
      audAryadAtri namatAM nR^iNAM chakre vishuddhanAmni tvam |
      nivasasi katanijanilayA chakrArAdhye nidhehi mayi sattvam || 488||
aurasaputrA nanu te sarve sarveshvarI tvamevAsi |
AraktavarNayuktA kAle kAle sthite namo lalite || 489||
      auDupadinakaratArArUpAkShitrayasamanvitA gagane |
      tejomayi mayi karuNAM kurvIthAstvaM namo.astu te lalite || 490||
aupAdhikabhayanAshinikhaDvA~NgAdyAyudhojvalAkAre |
nihatasuravairivarge trAhi trAhi tvameva mAM lalite || 491||
      auDukapatha iha gagane jagatIdaM syAtkR^itaM dharAvaraNam |
      tasmAttadekamAste vadanAmbhojaM namo.astu te lalite || 492||
auShadhamiva madhurasavanmadhuraM paramAnnamamba te prItyai |
bhavati hi vihitaM satataM prItA tenArjitena manasA syAH || 493||
      aMhastamasAM hantrI tvaM tAvaddevi dehinAM bhavasi |
      bhavasindhutArayitrI gAtre gAtre tvamindriyAdhIshA || 494||
aMhomayapashupAlananiratA tadbhItihAriNI tvamasi |
raMhastavAmba gatyAH samare samare saheta ko vAmba || 495||
      ambujamekaM dashashatapatraM varNAH svarA iha svairAH |
      santi hi santatamasmin kR^itavasatistvaM virAjase lalite || 496||
ambujamanAhatAkhyaM pIThaM tava chakranAmakaM vihitam |
svaramadhruvaM dadhAnA tattvaM tvaM vaiShNavI cha jaya lalite || 497||
      ambaramiva ghanasahitaM shyAmA tvaM chAsi vaiShNavInAmnI |
      ambujanAbhasakhI tvaM bhavasi hi satataM namo.astu te lalite || 498||
ambhogatirapi kuTilA gamanaM te tena DAkinI tvamasi |
siMhAsanamadhirUDhA jIvanadAtrIha dehinAM lalite || 499||
      ambujamadhivasasi tvaM tannAmnAnAhataM nabhastattvam |
      vadanadvayasampannA tena tvaM rAjase namo lalite || 500||

aMshuchChuritadviradabhrAjitavadanAbhravR^indanIlA~NgI |
shiMshupasumalalitoShThe nityaM daMShTrojvale lalite || 501||
      aMhaHstomakShayakarajapamaNimAlAbhirAmashubhakaNThI |
      so.ahaM nAha~NkArI tvachcharaNAmbhojabhambharo lalite || 502||
a~NgeShu rudhirapUre svAminirudhirAsavena sonmatte |
aMshava iva te dinakachChashitArAkAriNo hi te lalite || 503||
      a~NkushamukhyapraharaNabhIkararUpAbhirAvatAsi tvam |
      shaktibhirullasitAsi dvAdashabhiste namo namo lalite || 504||
aMshumati mAtaragaje kiMshukaraktAmbare shubhAkAre |
tvaM shubhamiha kuru mayi he sha~Nkari tubhyaM namo namo lalite || 505||
      aMhAMsi me kShamasva tvaM tAvallokalochanA bhavasi |
      snigdhAnnamodamAnA mAtarmAM pAhi te namo lalite || 506||
aMshAvatArabhAjAM  vIrANAM shauryasAha santubhyam |
rocheta rochamAne  dhAmnA nityaM namo.astu te lalite || 507||
      aMshumadanAhatAbje kAkinIkhyAsi sA tvamevaikA |
      pAlanamokShasukhasya tvaM dAtrI te namo namo lalite || 508||
a~Nge.asti nAbhideshe maNipUrakachakramambujAkAram |
bhavati tadeva hi nilayaM tava tattubhyaM namo namo lalite || 509||
      ambujamiva maNipUraM vyomAnalavAyutattvavallalitam |
      tadguNavattrividhAsyaM bhavati cha tatra sthitAsi he lalite || 510||
a~NkushavajrAdyAyudhadhAriNi saMsArajalanidhestaraNe |
raNamedinIShu dhIre dhIrAkAre namo.astu te lalite || 511||
      ambuja iva maNipUre dashadaladashavarNashobhite lalite |
      dashabhirDAmaryAdibhirullasite te namo namo lalite || 512||
aMshukabhUShaNabhIShaNanAnAyudhayogachitritAkAre |
ApATalA~Ngavalli tribhuvanajanani tvameva me sharaNam || 513||
      a~NgAmiShAbhimAne ma~NgaLamUrte jitArikulakIrte |
      mA~NgalyadAnashIle bhagavati mAtarnamo.astu te lalite || 514||
kalyANi kalpavalli praNatAnAM karmasAkShiNI tvamasi |
guDamadhurAnnaprIte namadiShTArthaprade namo lalite || 515||
      kamale maNipUre cha sthitimati chAsheShabhaktasukhadAtrI |
      jAThara iva dahano.a~Nge tvamasi hi nityaM namo.astu te lalite || 516||
kanakAchalataTavAse sakalasukhAnAM cha dAtri mR^idugAtri |
lAkinyambArUpe sarvAvidyAvinAshini trAhi || 517||
      kaTitaTavartini dehe svAdhiShThAne.ambubhUmitattvamaye |
      nivasasi sakalasukhAya shrIlalite te namo.astu tattvamayi || 518||
kalyANi chakramadhye svAdhiShThAne nabho.ambuvAyudahanAshcha |
tattvAtmanA syurasmin sA tvaM vasasIti te namo lalite || 519||
      karavAlashUlachakrAdyAyudhavibhrAjamAnakarajAle |
      sharabhinnadaityanivahe mAtastubhyaM namo namo lalite || 520||
kamaladalakesarAbhe hemAbhe sUkShmamadhyame rAme |
vimalatarahasitavadane mAtastubhyaM namo namo lalite || 521||
      kaluShavirahitaM chakraM svAdhiShThAnaM samastanADInAm |
      sthAnaM phaNinIshaktyA darpAya syAnnamo namo lalite || 522||
kAyagaramedasi tvaM devI tatra sthitAsi sA nityam |
bhAyayasi dhUrtanivahaM sujanAnuddharasi te namo lalite || 523||
      kAdambarIpriyA tvaM madhupAnAsaktamAnasA bhavasi |
      kAdambamandagamane mAtastubhyaM namo namo lalite || 524||
kAmacharavaravimAne dadhyannAsaktamAnase satatam |
sImAtishAyikaruNe mAtastubhyaM namo namo lalite || 525||
      kAkinyambArUpe shokavyAmohasAdhvasai rahite |
      lokavinodanashIle mAtastubhyaM namo lalite || 526||
kAntAravindamUlAdhArArUDhe.a hichakramArUDhe |
shAntAtikomalA~NgI mAtastubhyaM namo namo lalite || 527||
      kAnte svAdhiShThAne ShaDdalavatpadmamaNDite mahati |
      bandhinyAdisamaShTyA shaktyA yukte namo.astu te lalite || 528||
kAntasuShaDdalapadmaM babhamayaralavarNasaMyutaM lalitam |
kAntakShititattvArthaM tatte sthAnaM bhaveddhi te lalite || 529||
      kAnte mUlAdhAre gaganamarudvahnijaladharaiH tattvaiH |
      pa~nchAnanAsi shaktiH kuNDalinI tvaM namo.astu te lalite || 530||
kIkasasa~NghasvAminyasi bhUtatvena susa~NgatA tvaM hi |
lokAbhyudayavidhAtrI mAtastubhyaM namo namo lalite || 531||
      komalagAtryapi hastaira~NkushapAshAdhidhAriNI bhavasi |
      kAmacharAsuradamanI tvamasi hi mAtarnamo.astu te lalite || 532||
kAmachari kamalanayane chatasR^ibhirabhimAnadevatAbhishcha |
varadAdibhirAkalite mAtastubhyaM namo namo lalite || 533||
      kAmitamudgadalAnne kAmitaphalade samastabhaktAnAm |
      somasudhAmaduhAse mAtastubhyaM namo namo lalite || 534||
kAlI kuNDalinI yA shAkinyAbhyAM samanvitaiva tayA |
niyateva bhAsi sA tvaM bhAsi tayA devi te namo lalite || 535||
      komalamAj~nAchakraM bhrUmadhye baindavAgnisAnnidhye |
      asti nanu mAtakAyA R^iShabhAkhyaM dhAma te.api sallalite || 536||
kAntiShviva ravikAntirvarNe shuklaH pradhAna iti sA tvam |
shuklAsi dehakAntyA jyotsnIvendornamo.astu te lalite || 537||
      kIrtita Aj~nAvidbhiH lalitAj~nAchakra eva sA tvamasi |
      tAvachChaDAnanA tvaM tasyai tubhyaM namo namo lalite || 538||
komalamajjAsaMsthe dhAtrabhimAninyapIha sA tvamasi |
karuNAruNitApA~Nge jaya jaya mAtarnamo.astu te lalite || 539||
      kAntimati haMsavatyA shaktyAsi tvaM kShamAvatInAmnA |
      dakShadvyakSharayukte mAtastubhyaM  namo namo lalite || 540||
kAmitashAlyannAde kAmitaphaladAnashIlatAmAnye |
sAmajavadanasarojAlokanamudite namo.astu te lalite || 541||
      komalahAkinyAkhyA kAchana shaktirvirAjate chakre |
      chakreshapUjitA~Nghre vij~nAnasthe namo.astu te lalite || 542||
komalasahasrapatre kamale kamalodbhavArchite lalite |
nivasasi sA tvamajasraM mAtastubhyaM namo namo devi || 543||
      kAntAsi sarvavarNaistachChaktyAla~NkatAsi mAta~Ngi |
      kAntArpitArdhadehe dehe dehesi shaktirevAmba || 544||
kAmAyudhAni dhR^itvA kAmitarUpAkhilAni nishitAni |
rAmAsenAsahitA jayasi hi mAtarnamo.astu te lalite || 545||
      kAryeShu vIryarUpA brahmapadevAsi bIjarUpA vA |
      mAyAdhAravatI tvaM jayasi hi mAtarnamostu te lalite || 546||
kamalAramaNa iva tvaM bhavasi hi viShvagvilAsimukhapadmA |
sumukhi prasIda mAtardInedhIne tvayIha mayi devI || 547||
      kAmayase tvamasheShANyannAni shreShThabhaktadattAni |
      AsvAdaya tadabrahma hi sarvaM chAnnaM tvameva nanu lalite || 548||
kalyANaguNavatI tvaM yAkinyambAsvarUpiNI bhavasi |
paryAyeNa cha ShaTsu tvaM chakrAbjeShu sa~ncharasyeva || 549||
      kalyANatArakeShu jvalato vaishvAnarasya dayitAsu |
      svAhAnAmnI brahmajyotishchAsi tvameva nanu lalite || 550||
kAmitaphalAdA loke pitadevAnAM svadhAbhidhAnA tvam |
dhUmashikhasya cha vahnerjAyArUpAsi te namo lalite || 551||
      kAmAntakA~Ngatara~Nge ramamANA tvaM jaDAnabhij~nA cha |
      bhavasi kadAchidiva tvaM bhavasi cha muktisthitA namo lalite || 552||
kAruNyAmatavaShTiM kurutepA~NgadvayaM nijeShu sadA |
medhA nR^iNAM manassu tvaM nanu loke namo.astu te lalite || 553||
      karNAkarNikayA te shrutiriva vadanAMshunissR^itA vANI |
      Aj~nAkarI varAj~nA bhavati hi sA tvaM namo.astu te lalite || 554||
kIrtitavedAdeshaM smarati chayArthaM cha saMhitArUpA |
dharmasya sA smR^itistvaM shabdArthaj~nAnabodhinI lalite || 555||
      kA vAstyajANDagarbhe tvatsadashI ko nu kiM tulAM yAti |
      tava devi sakalahatsu tvamasi hi tadbhadramAsuva tvaM me || 556||
kAsAdisarvarogAn kAye shleShmAdidoShasambhAvyAn |
nAshayasi vaidyarAj~nI tvamasi hi mAtarnamo.astu te lalite || 557||
      kIrtirasi puNyarUpA labhyA puNyena kIrtanashravaNaiH |
      puNyairnandasi cha tvaM mAtastubhyaM namo namo lalite || 558||
kAmArihArdamUrte suravanitAbhiH pulomasutayApi |
devyArchitAsi bandhAnmochayasi tvaM namo.astu te lalite || 559||
      kAdambinIva bha~NgI nIleva cha nIlakAntikAntaste |
      chikuro vibhAti dhAmnA mAtarnIrAjitAsi te lalite || 560||
kAryAkAryavichAre nityA nityAdivastutattve vA |
vidadhAti yA vichAraM sA vidyA tvaM namo.astu te lalite || 561||
      khamapi cha nAdaM binduM vyApya cha yA bhAti tAM kalAM lalitAm |
      Akramya vishvasR^iShTiM kurvANA tvaM virAjase lalite || 562||
khAniladahanAmbudharAH pa~ncha hi bhUtAni daivakarmANi |
janimatihetava ete sarvApattIrnivArayermR^ityoH || 563||
      gaNanIyAgre mahatAmamarANAM tvaM shivekhilAnAM cha |
      bhavasi hi nityamachintyA kalikalmaShanAshini tvamevAsi || 564||
gaNyAkhilAmarANAM tejastomastava svarUpaM hi |
puNyAni tava kR^ipAyAH phalarUpANyamba te namo lalite || 565||
      gAyanti gAnarasikAssevantenye hitArthino bhavatIm |
      nAshayasi kAlabhItiM bhItAnAM te namo namo lalite || 566||
gAruDamaNinIlA~NgIM gururapi viShNurniShevate bhagavAn |
nijakAryasAdhiketi tvAM tenAsIt sa viShNurevAmba || 567||
      girirAjaputri lalite tAmbUlAdAnasevanollasite |
      yaddvAdashaguNayuktaM tAmbUlaM te priyaM hi te lalite || 568||
girivanacharamaganayane nayanAnandaprade satAM surANAM cha |
hariharakAryakarI tvaM rakShAM kuru me namo.astu te lalite || 569||
      girishamanohari dADimakusumaruche devi devatAjanani |
      chArutaravasanashobhAbharite lalite namo.astu te lalite || 570||
girimahibaddhaM katvA kShIrapayodhiM cha mathitamatha kR^itvA |
amatamavApurarmartyAH tvamabhUstebhyo hi mohinI lalite || 571||
      gItAkhilaguNabhUShe sakalairvishvAtishAyinI tvamasi |
      gItAgurusahajAte mAtarmAM pAhi sarvathA satatam || 572||
gurutarasukhamAnandaM dadyAstvaM devi yoginAM samatAm |
gurutaramapahara mAmakapApaM pApaghni te namo lalite || 573
      gururamba te.asti jagataH tava bhartA sha~Nkaro hi saukhyamiha |
      sa dadAti cha sA tvaM cha shreyaskari te namo namo lalite || 574||
gUDArthabodhinI tvaM sahadayarUpAsi ravirapIhAsi |
sA tvamasi nityataptA mAtassarvatra pAhi mAM pUrNam || 575||
      gUDho bhaktanidhirvA mayi naivAsti prakAshyamAno vA |
      nAhaM bhakta iha syAM bhaktanidhiM te kuruShva mAmamba || 576||
gUhitabhuvananiyantrI svasminnasminnigUDhamaj~nAnam |
mohayati yattu chittaM tadapi tvaM prAgvinAshayeramba || 577||
      gR^ihamiva nijamatiramyaM svAmI tvaM vishvamandiraM cha nijam |
      rakShasi hi tena sA tvaM brahmANDasyAsi nAyikA lalite || 578||
gehiShu maitrIkaruNAsantoShAdyAstu sadguNA yatra |
teShu prasIdasi tvaM karaNavishuddhaH priyAya te lalite || 579||
      geyacharitre pAtre karuNAvaShTiprade sudhAmode |
      ante trimUrtikArye shAnte tvaM vishvasAkShiNI bhavasi || 580||
gairikarAgavadadhare vachasA madhure galatkapAsAre |
shaktiShu chAdyA tvamasi brAhmIshaktishcha te namo lalite || 581||
      gotroditaprabhAve brahmAsakte nira~njane satatam |
      pAtrIkuru karuNAyA mAmapi tava devi me natirlalite || 582||
gauravakArakamadirAmApIyApIya chAlasevAsi |
brahmAnandapayodhau magnonmagne namo.astu te lalite || 583||
      gandhAdiguNavidUre shuddhaj~nAnAtmike cha te lalite |
      shrutyAdhAravachobhirgamye ramye namo.astu te lalite || 584||
ga~NgAgraje dvijeDye brAhmI mAheshvarIti kaumArI |
vaiShNavyatha vArAhIndrANI chAmuNDikA tvamevAsi || 585||
      gambhIre shrIlalite varNAvalivarNamAtakArUpe |
      varNeShu dhavalavarNe brahmAnandaprade namo lalite || 586||
ga~Ngeva mUrdhni shambhostava gR^ihamudyotate mahAkUTe |
brahmaNi lInaM cha kalAtItaM dehe sahasrapatragatam || 587||
      ghanakarajaghanastanayorbhArAdAnamrakAyakalpalate |
      bisamaduladossushAkhAruchire tubhyaM namo namo lalite || 588||
ghanapathacharasuravandaiH sevitacharaNAmbujemba mahanIye |
nAthAdadhikodAre pAtrI dhAtrI bhava tvameva mayi || 589||
      ghAtukadAnavanivahaM sakalaM saMhatya sajjaneShu dayAm |
      dadhatI dayArdramUrtistvamasi hi mAtarnamo namo lalite || 590||
ghI~NkR^itimadgajarAjaM samare samare.adhiruhya vairibalam |
nAshayasi nAsharahite nAshaya matpApamamba he lalite || 591||
      ghuShTaM samastamunibhirbrahmaikaM satyashuddhameveti |
      tvamasi hi tathAtmavidyAhR^idyAnAdyA namo.astu te lalite || 592||
ghoShayasi tAM hi vidyAM brahmAnandapradAyinI tvamasi |
mahatI vidyA sA tvaM sArasvatasArarUpiNI bhavatI || 593||
      ghaNTAninAdamukhyairdashabhirnAdairvirAjate lalite |
      sakalamahimAbhirAme shrIvidye te namo namo devi || 594||
chapalAkShi chArushIle vidyAvidyAsu sa~NgatA bhavasi |
koTyadhikashaktiyuktA nAnArUpA virAjase lalite || 595||
      chaya eva hi varNAnAM padamapi kamalaM tavApi ma~njutamam |
      shaktaya eva padAnAM dAsIbhUtA bhavanti te lalite || 596||
chaturAmnAyArAdhye svaravargIyAshcha yogavAhAshcha |
nADItrayamapi koTitrayamiti lalite tavaiva rUpANi || 597||
      chature tava manugramadhye ShoDashavarNA bhavanti bIjAni |
      pa~nchadashAkSharavatyapi mantre shrIbIjasa~NgatA bhavatI || 598||
chaturAsi devavR^inde kAmo bhavasi svarairasheShaistu |
tatkoTisevitA tvaM tatsadashI chAsi te namo lalite || 599||
      chArutaravarNayogAtpavanAdyAH sambhavanti vedAshcha |
      padavarNakoTishaktiprakaTitarUpA tvameva nanu lalitA || 600||

chArusmitasitavadane dashashatadalasahitakamalamullasati |
naravapuShi shirasi jalaje tvaM tasmin vasasi sAdaraM lalite || 601||
      chArutarachandravarNe ratnashrImadvibhUShaNaiH karNe |
      bhUShitavatyasi lalite sA tvaM mAM pAhi te namo devi || 602||
chitrataratilakasundaraphAle rAkenduchArutaravadane |
bhrUmadhyavartichakraM vapuShi narasyApi bhavati tava pITham || 603||
      chitrataramambarasthaM shakratanurbhAti tatsamAnaM te |
      chitrataramambaraM yaddhArayasi tvaM namostu te lalite || 604||
chInAmbaraparidhAne hR^idaye chakreShvanAhate vasasi |
tachChAsanamiha nUnaM shAshvatamevAstyanAhataM lalite || 605||
      chetanabodhAttAvakabhAsvAnullasati khe yathA kiraNaiH |
      katvochchaistAnvilasasi devi tvaM chApyanAhate chakre || 606||
chaitanyashAli chakraM mUlAdhAraM trikoNavallalitam |
dhyAne balavati chitte mAtargagane raviryathollasasi || 607||
      choranishAcharavIrAnnAshayasi tvaM hi yA sharIre sA |
      aj~nAnarUpabhAjasteShAM shaktiM vinAshayerlalite || 608||
cha~nchadbrahmANDamiva pratipadamabhimAna eka evAste |
mokShavirodhe dakShaM tadyaj~nadhvaMsinI tvamevAsi || 609||
      cha~nchalamanasAM bhItiM nAshayituM tvaM pariplavApA~NgI |
      vikasitanayanA bhavasi cha kuNDalinI tvaM namo.astu te lalite || 610||
ChavipUrapUritA~NgI darahAsodbhAsitAnane lalite |
      bhavatu tavAnanakAntiH svAnte shAntipradeva me satatam || 611||
      unnAmaya hR^itkamalaM bodhaya bodhaM tvameva me lalite || 612||
ChAyeva chaNDabhAnormokShaprAptyai sthitA hi kuNDalinI |
mUlAdhAre khaniriva mahasAM sA tvaM namo.astu te lalite || 613||
      ChinnAsurashatadehe mAtA tvaM lokanAdadehAnAm |
      amatasya cha kuNDalinI nAmnAM nityaM namo.astu te lalite || 614||
janamanasi daityarUpaM siddhamashuddhaM nikAmamaj~nAnam |
tArakabalamiva hantuM svAnte guhajanmabhUrabhUrlalite || 615||
      jAgrachchittasaroje mudrAyogena yoginAmeva |
      Aj~nAchakragatAssadhyAnaM devA.astu pAhi mAM lalite || 616||
jitadaityarAjachakre mArge siddhAsi nigrahasya tvam |
nigrahamArgassoyaM dhyAnAbhyAso hi yoginAM lalite || 617||
      jIvisukhapradashIle shuddhakalArUpadhAriNIndumukhi |
      daharAkAshAdhAre mAtastubhyaM namo namo lalite || 618||
jetrI jagatAM cha tvaM pratipadamArabhya paurNamAsyantam |
pa~nchadashAhobhistvaM pUjArhA bhavasi te namo lalite || 619||
      jaitrasharachApahaste shuddhaj~nAnAtmike kalArUpe |
      ahamiti matirapi vimalA mUrdhani bhAtyamba te namo lalite || 620||
jaitrasamAdhiratAnAmahamiti vimalA matiryadA sakalA |
devi kalAkArA tvaM kArAkAre bhave.api mAM pAhi || 621||
      joShamidamamba hR^idayaM tiShThati naiva kvachit paribhramiti |
      kAvyakalAdivinodaiH sthApaya tadrUpiNI mamApi tallalite || 622||
ja~Ngamabodhini kamalAvANI sevye prakIrNakairamba |
      ma~NgalamAtanu hi tvaM namate bhajate cha me sadA lalite || 623||
      jAtAnurAgahR^idayA hR^idaye hR^idaye ramasva dehavatI || 624||
jhaShashishutimimayajaladhiH saMsAroyaM hi pAlinI tvamasi |
draShTumameyA dashyAdashyA me syAH kadA shubhamyorme || 625||
      jharakoTikoTisindhorantaH syAdeva saMsaternaiva |
      jIvAtmikAsti bhavatI chaitanyaM dhanyamubhayasAmyena || 626||
jhaTiti cha jaTile cha ghaTayasi jananI tvaM jIvarAshimiha lalite |
paramAsi pAvanAtmA sampadidaM temba vishvagArhastham || 627||
      Ta~NkatijIvamaye tvaM koshe sa~ncharasi pAlayantIva |
      prANAnamba sharIre jIvAnAM sadmarUpiNI tvamasi || 628||
TIkAtItAM bhavatIM shaMsedvaktApi kassamagratayA |
pAvanarUpe lalite pAvaya saparigrahaM cha mAmamba || 629||
      DayanATakaratamanasi sthairyaM tvaM dhehi me badhAna tvam |
      audumbaraphalasadashabrahmANDAnyamba santi te vapuShi || 630||
DAkinyAdichamUste savidhe jAgartyanArataM bhavati |
      jagatAM kAraNamamba tvachChaktissAhi kevalA bhavati || 631||
      bhAnushatakoTidhAmni dyotayasi dyotase tviShA lalite || 632||
DimbADambaramudite DambaramamarArijaM na marShayasi |
guhyAsyavedyarUpA manasA tubhyaM namo namo lalite || 633||
      DimbAnasurANAM tvaM mAtatvAdamba pAlayasyeva |
      kaivalyadAnaviShaye pashyasi pAtraM namostu te lalite || 634||
DolArohaNashIle samaye sa~nchAramakhilamAshrayasi |
tripurA tretA chAsi tritvavisheShAbhimAninI lalite || 635||
      DhakkAdyAyudhahaste divyasharIre smitaikashakte tvam |
      janayasi jagati hi jantUnantakavairipriye namo lalite || 636||
Dhaukante ye ye te tvayi vR^iddhiM yAnti bhaktiyogena |
pAtAlabhUmilokasvargajanArAdhyamAnapadapadme || 637||
      tanugAtri devi sR^iShTisthitilayakAryArthameva jAtAsi |
      vANI brahmA lakShmIrviShNurgaurI shivashcha shivarUpe || 638||
tanuShu dashAstisraH syuH martyAnAM pUrvadevAnAm |
tridashAdhIshAsi tvaM tridashArahitApi te namo lalite || 639||
      tanimAnamupanaya tvaM duritaM me trividhavarNamayi |
      bIjAkShareShu vAse praNavatvenAstu te namo lalite || 640||
tanumanmAnasagehe nivasantI tvaM surapriyairgandhaiH |
nAmAkSharatrayekShe ShaDapi bhavantyamba bIjavarNAste || 641||
      tava lalitatilakadeshe sImante chAsi ma~NgalAyatane |
      sindUramamba tena tvaM mA~NgalyapradAyinI bhavasi || 642||
tava nAmeti varNadvaya evAste harI ramA cheti |
taddvayarUpAsi tvaM praNavAkArApi te namo lalite || 643||
      taraNisamadhAmapUrNe pUrNendUdyotamAnamukhachandre |
      chandrArdhachUDajAye jAyetAtrApi kiM kapAmayi te || 644||
tanvA shyAmalavarNe viShNorbhaginI yadA tvameva bhaveH |
prAleyashailajAtA jAtA gaurI namo.astu te lalite || 645||
      tava gururAsIddakSho nyakkArAtpatyurIshvarasyApi |
      tena kR^itAdgiriputrI patye sharvAya sA tvamevAsIH || 646||
tapasi cha chaturAsi tvaM gAne gandharvasevitA bhavasi |
devAdivishvagarbhA devi tvaM sthUlasUkShmarUpApi || 647||
      tapanIyachArugarbhA savitustejaHsvarUpiNI lalitA |
      IshvarahiraNyagarbhAkArA kAruNyavAridhe pAhi || 648||
karuNAbharaNAsi tvaM taruNI daityAdhamAnnihantumiha |
tripurAnasurAn hantuM dAnavanivahaM tadanyadapi bhavasi || 649||
      tanumadvachanachatuShkaM bhedAnnAdasya parimitaM bhavati |
      vAgvAdinAM cha nAthaM tvaM teShAM te namo namo lalite || 650||
tapasi ratAnAM dhyAnairgamyA tvaM dhyAnayoginAmeva |
mAnavamAnasasugamA bhava bhavajAye namo.astu te lalite || 651||
      tanudharagaNanAtIte deshakalAkAlamAnadurbodhAm |
      jAnAtu kathamayaM tvAM lokashshokaghni te namo lalite || 652||
tanuShe brahmaj~nAnaM bodhayasi tvaM bhavAmayaM hantum |
mAtA kevalamasi na hi gururapi mAtarnamo.astu te lalite || 653||
      tanudhAri saukhyakAri j~nAnaM prApa~nchikaM bhavennaiva |
      brahmaj~nAnaM kintu j~nAnaM nechChanti taskarA lalitA || 654||
tathyaM brahmaj~nAnaM janmajarAmaraNarogabhaiShajyam |
vedAntashAntigItaM vedyA tenAsi te namo lalite || 655||
      tvad.hdhyAnaM hAvarNe ShaTpadagaNanIlachikuremba |
      kAlatrayaparibAdhArahite tubhyaM namo namo lalite || 656||
taruNI cha rAjaputrI napabhogAnandavardhitA lalitA |
lopAmudrAnarcha tvAmambAgastyavallabhA subhagA || 657||
      tanuShe vichitrametadvishvaM vishvambharAnuje lalite |
      lIlAkatamidamakhilaM mAyArachitaM vibhAti tava lalite || 658||
tanugatacharmadashA tvaM draShTumashakyAsi dashyarahiteti |
tvAM kIrtayantyasheShAH sheShAbharaNapriyA~Ngane pAhi || 659||
      tava nAstyadashyavastu kvApi tvaM sarvamIkShase kopi |
      pashyennamenna cha tvAM ravyAkAre namo.astu te lalite || 660||
tattvamidaM tava kiM vA bodhaH syAdindriyairyadetaditi |
vij~nAnamAhureke sAkShAt trividhAsi tatra he lalite || 661||
      tava nAstyavedyaviShayo yadakhilaviShayaM tvameva jAnAsi |
      jIvo brahmaviloke brahmaiva syAdavashyamayi lalite || 662||
tattvavidAM matamevaM yogo jIvAtmanordvayormilanam |
etatkAryAkArA tvamasi hi mAtarnamo.astu te lalite || 663||
      tapasi ratAnAmadhvA dhyAnAbhyAsAtmako bhavedeva |
      sopyaShTA~NgasametastadgururUpA tvameva nanu lalite || 664||
tapayiti sAdhanamekaM yogo mUlaM hi tasya yogasya |
arhasi taddvayamamba tvaM yogyA tasya bhavasi he lalite || 665||
      tattvAtmikemba lalite yogAjjIvAtmanorjitArAte |
      AnandadAtri jagato mAtastubhyaM namo namo lalite || 666||
tattvamayadehavartini jIve lIne mudeva sambhavasi |
jIvaprANadhuraM tvaM vahasi tretAdiyugayugaM lalite || 667||
      tattvaj~nAnamadIDye kA~NkShAj~nAnakriyAtmike sattve |
      devi tvameva yAsi tvaM tachChaktitrayaM bhaverlalite || 668||
tattvapradhAnamevaM brahmANDaM tvaM shive tadAdhArA |
tava charaNasharaNametadvishvaM shashvannamostu te lalite || 669||
      tanuShe hi kAryamakhilaM prApa~nchikamamba na pratiShThA tvam |
      tanayeShu suprasannA bodhaya bodhaM namo.astu te lalite || 670||
tama iva shAsat tamasA rajasA sR^iShTerbhaveH svayaM tachcha |
bhedavirahitApi tvaM dhatse kAryAya te namo lalite || 671||
      tathyAdanyadvishvaM malinaprakatestathA tvamevAsi |
      bhUtAnyaShTA~NgayutA mAtastvaM chAShTamUrtirevAsi || 672||
tava guNavarge rajasastamasA prakR^itistadeva militAsi |
malinA hi sA tu shuddhA sAttvikamAyA tvameva bhavasIha || 673||
      tapasApyagamyarUpe tApasasevye tirohitAkAre |
      kArayasi lokayAtrAM sAShTA~NgI tvaM dvitIyayA lalite || 674||
tamaso mahasopyaparA bhavasi tvaM tAvadekikA lalitA |
sR^iShTiM mAnayasi tvaM layakAriNyA tvayA jagatsukhitam || 675||
      tattvAdikAdhikAre tattvAdevAsthitottamA nijayA |
      AkR^ityaiva hi kAryaM kuruShe mAlinyapUrNayA lalite || 676||
tava bhavati rUpamekaM brahmAnandapradA cha bhavati tathA |
kavijananutacharaNe tvaM nirliptAsIha te namo lalite || 677||
      tanulIlAtmAnAtmaj~nAnaM jagatIha koTibhedhena |
      jIvastvabedha AtmA dvaitAtItAni te namo lalite || 678||
tanumannamavati chAnnAtpuruShaH shrutirapyevaM hi sA samAchaShTe |
na bhavati yadannadAnAdanyatvaM dhatsa eva na hi tasmai || 679||
      tanuShe tvamAlayAn sA pashchAjjIvAn praveshayestatra |
      tanuShe rakShaNamambA bhUtvA teShAM namo.astu te lalite || 680||
tava jIvitasya chAdirnAntastenAsi kevalaM nityA |
tvamanAdirakhilasampadbharitAnandAtmikAsi he lalite || 681||
      tanuShu prANA abhavan bhUtAnAM jIvitaM tadAshA cha |
      brahma cha sAkShI jIvaH brahmaikyaM tvaM karoShi he lalite || 682||
tava bhavati rUpamekaM bR^ihadasmAnnAdhikaM bhavedeva |
bR^ihatI tvameva mAdyArAdhyAsyekAsi te namo lalite || 683||
      tapasi ratAnapi yamino yojayasi brahmaNi svayaM jIvAn |
      brahmaNa iti sa hi bhavati brahmANaM bhAsi te namo lalite || 684||
tathyapriyA tvameva brAhmI mAtA namo.astu te lalite || 685||
      tathyaM tapa iti yugalaM pAlayasIti tvameva vandyAsi |
      brahmAnandA bhUtvA dadyAstvaM me namo.astu te lalite || 686||
tava bhavati satyashuddho balirupahAro yathA satAmevam |
sAttvikabalamuditA tvaM tAttvikadR^iShTiM jane jane dhehi || 687||
      tava bhavati bhAShitAnAM rUpaM tAvachchaturvidhaM bhuvane |
      bhAShAsu nAdasAro nihito bhAShAtmike namo lalite || 688||
tava devi kAryajAtaM brahmANDasaiva rakShaNaM bhavati |
agaNitasenAsahitA bhavasi tvaM namo namo lalite || 689||
      tava bhavati nApi bhAvo nAbhAvo dvandvavarjitA tvamasi |
      bhAvayati ye yathA tvAM bhavasi tathA tasya bhAvanAkAye || 690||
tava karaNIyA pUjA sulabhA sumukhI tayA bhavasyeva |
j~nAnaM vitarasi sA tvaM sAttvikapUjAprasAditA lalite || 691||
      tava charaNasevakAnAM bhavati na kvApi durgatirdurge |
      shubhakari shobhanarUpe mAtarmAM pAhi pAhi mAM lalite || 692||
taruNatamAlashyAme shyAme mokShaprade tamohantri |
sulabhe bhajatAM satataM ma~NgalamArgAvalambane pAhi || 693||
      taruNenduchArumaulerIshiturAsyAmatAtmikA bhavasi |
      sharaNArthitApahantrI tvaM tAvaddevi te namo lalite || 694||
tava devi bhUmirAjyaM surarAjyaM cha trimUrtivararAjm |
rAjyaM brahmapadAkhyaM vitarasi namatAM chaturvidhaM lalite || 695||
      tava nIchairapi rAjyaM saptavidhaM bhavati chopariShTAshcha |
      evaM chaturdashAnAM rAj~nI tvaM bhavasi sarvarAjyAnAm || 696||
tava mana eva hi karuNAparivatamambAsti santataM tena |
satataM prakAshase tvaM mAtastubhyaM namo namo lalite || 697||
      tava charaNaki~NkarANAM hetordhatsemba pArameShThitvam |
      bhavati na tava karuNAyAH sImA tubhyaM namo namo lalite || 698||
tathyaM dhanamatha dhAnyaM vidyAnItirvidheyatA khyAtA |
AvashyakA hi taistvaM bhavasi hi lakShmIShu rAjyalakShmIstvam || 699||
      taruNimakaruNApUrNe lalite mAtarmanoj~nachApadhare |
      sakalashrIparipUrNaH koshastava vardhate shriyA sAkam || 700||

taruNataraturaganAgA pAdAtaM cheti te rathAshcheti |
chatura~NgabalamajasraM siddhaM tannAyikA tvamekAsi || 701||
      tava pAdasevakAnAM sAmrAjyaM dAsyasi prasannA tvam |
      ko vA tvayA samAno dAtA jAto prasUrapArado lalite || 702||
tathyAtathyavichitro lokastathye sadA karoShi ratim |
tvaM bhavasi tathyaniShThA satye sarvaM pratiShThitaM bhavati || 703||
      tava bhavati sindhuvelAkA~nchIdhAmnA kShitistavaivAmba |
      bhUmAtApyasi tena tvaM te charaNaM sadA.astu me sharaNam || 704||
tava devi yogadIkShApekShA tvadhikAsi dIkShitA tena |
jalanidhimadhivasasi tvaM tubhyaM nityaM namo namo lalite || 705||
      tava rUpameva gUDhaM tvaM guhamAtAsi tattamohantrI |
      gUDhAtmarUpiNI tvaM tasmAdevAsi te namo lalite || 706||
tava rUpamAshritAnAM brAhmIrUpA tvameva vA guhyA |
brahmatayAsyatiguhyA praNavAkArA namo.astu te lalite || 707||
      tava varNamantramadhye brAhmI khyAtA.asi sA vinirmuktA |
      nAnopAdhimukhebhyaH sA brahmANI tvameva nanu lalite || 708||
tathyAtmikA cha vidyA brAhmI tAvat satI shivA jAtA |
brahmAtmikA.api tasmAt tAvadrUpe mahaHpraroha iti || 709||
      tathyAnvitAsi sarve svAchAre santi sajjanA nityam |
      satsampradAyarUpe mAtA tvaM jayasi te namo lalite || 710||
tathyAtmikAsi vidyA vinayastuShTishcha jagati saujanyam |
vidyAlakShaNametaddadyAdvidyA tadamba te karuNA || 711||
      tava nAmni ye tu varNAH shuddhAssanti svarAshchaturthastu |
      bodhayati muktimArgaM taddrUpA tvaM namo.astu te lalite || 712||
tava rUpameva bodho nArAyaNa eva bodhako bhavati |
gurumaNDalamadhyasthA tvaM hi gurUNAM shivAsi gururUpA || 713||
      tattvAtmakaM hi rUpaM tava sA tvaM chAsi pAlayitrIha |
      saMsAramArgiNastAn gururUpA tatpadena muditAsi || 714||
tapasA raviNA shaktyA sevyA.asi tvaM tribhistadanyaishcha |
bIjAkShareNa cha tvAM vande so.ahaM punaH punashchaivam || 715||
      taraNiriva timiramambA syAdaj~nAnaM parasya harasi tvam |
      taddrUpA tvaM raviNA lakShmyA laliterchitA.asi nanu shaktyA || 716||
tathyA vishuddharUpA mAyA j~nAnapradA kalA vA yA |
sA tvaM madhumatyasi te brahmAnandaprade namo lalite || 717||
      tanuvaravilagnalagnadyutimatkA~nchInibaddhakausheyA |
      bhUmyAkAre mAtarmAmava tubhyaM namo namo lalite || 718||
tanureva jIvagehaM tava guNagaNanA tvayApi no shakyA |
teShAM mAtA tvekA sA bhavasi tvaM namo.astu te lalite || 719||
      tanuShu matihR^idayabhAvA nidhayassyurbhuvi cha vasatAM hi |
      nihitAstathaiva rahasi tvaM nityaM bhavasi guhyarUpAdyA || 720||
tanurasi shirIShamR^idulA bhUrUpAyAstavAmba kAruNyam |
tena tvayi jAgarti hi mAtastubhyaM namo namo lalite || 721||
      tattvAbhimAninI tvaM bhUrUpA te gurutvamapi bhavati |
      tattvaM priyaM gurutvaM mAtastubhyaM namo namo lalite || 722||
tava devi vijayate hi svAtantryaM brahmarUpiNI yadasi |
tanuShe tvaM nijaraktAM lalite tubhyaM namassvatantrAyai || 723||
      tanukari bhUmAtA tvaM lokAnvahasi tvameva tAn pAhi |
      tvayi satyAmiti lalite nityaM vandemba sarvatantrAM cha || 724||
tApasanivahe mahitAstathyaM boddhuM yayAchire hi haram |
gururabhavadatha sa munayaH shiShyAste bhavati dakShiNAmUrtiH || 725||
      tApasapUjitapAde sanakAdyArAdhyamAnapadakamale |
      shrIpatisAyujyamapi tvaM datse devi te namo lalite || 726||
tApatrayaparichAriNi shaivaj~nAnaprade shubhAkAre |
brahmaj~nAnAnandaM sA tvaM datse namo.astu te lalite || 727||
      tArayasi sAgarAttvaM naukAsyekA tvameva nanu lalite |
      j~nAnakale asi sA tvaM tApatrayamamba jahi madIyamidam || 728||
tApaghnAnandakalA bhavasi tvaM kAmitArthadAtrI cha |
brahmAnandasamAno nAnandastaM tvameva me dehi || 729||
      tApasavIrassa shivo gururapi jagatAM vaTadrumAlambI |
      vapuShA sa dakShiNAshAvadanastadrUpiNI tvamevAmba || 730||
tApaprashamakarI sA mUrtiste saiva dakShiNA bhavati |
hitayoryuvayorekA sApi premAtmikAmba pAyAnmAm || 731||
      tApasadAkShiNamUrtistava bhavati premarUpiNI lalite |
      bhavasi priyakaraNI tvaM namatAM bhajatAmanArataM manasA || 732||
tApasahR^idayanivAsini lalite lalitekShaNe sadA nAmnA |
paThanashravaNadhyAnairAnandasi bhaktabhaktivashyA tvam || 733||
      tAnayutagAnavidyAmAnini sA tvaM sadasi te nandI |
      gAyati nR^ityati chArAchchArAnandini sadA tava prItyai || 734||
tAnairgAnairnaTati hi naTarAjastvaM shivArdhadehagatA |
naTarAjarAjaramaNI tvaM me sharaNaM namo.astu te lalite || 735||
      tAmyadvishvakShema~Nkari kariNImanthare dharAdhAre |
      mithyAjagadAdhAre mithyAmithyAdvayapriyA tvamasi || 736||
tAvakabhuvane tAvanmithyAtathye sadA bhavetAM hi |
mAyeti kAryatulyaM mithyAjagadasthiraM hi te lalite || 737||
      tAvakakaruNAmuktiM vitarasi bhajate janAya sA tvamasi |
      sAkShAddhi muktirUpA sA tvaM mAM pAhi te namo lalite || 738||
tAvakalAsyAdvishvaM ramate priyA hi te lAsyam |
lIlAtANDavapaNDitadayite mAM pAhi te namo lalite || 739||
      tAvakamekaM sR^ijati hi rakShati rUpaM tathaivamaparaM tu |
      nAshayati jagadidaM sA layakariNI tvaM punIhi mAM lalite || 740||
tiShThasi cha tvaM kupitA spaShTavatI suptamIshvaraM hi padA |
tvamabhUrapatrapiShNurlajjArUpe namo.astu te lalite || 741||
      tiShThanti devaloke rambhAdyA gAnanATyaniShNAtAH |
      tvAmAnamanti lAsyairgItairAnandayanti nanu lalite || 742||
tIvrabhavadAvarAshAvamalasudhAvaShTikAriNI tvamasi ||
aihikapAratrikayoH sukhayordAtrI tvameva nanu lalite || 743||
      tIvrataraduritapAdapamedurasaMsAravipinadAvAgne |
      pAlitasamastaloke lokeshvari te namo namo lalite || 744||
tIvrataradainyatUle vAtUlAtvaM bhavatyavashyamiha |
lalite lalitApA~Nge tvaM geyA me gatirbhavatI || 745||
      tIvrajvarAdhvAntarave jyotiShmati chArulochanAmbhoje |
      pAyaya sukatasudhAM mAM mAtastubhyaM namo namo lalite || 746||
tIvratarAmatAmshurbhAgyAmbhodhe tvameva bhavasi nanu |
praNatAnAM cha shive tvaM bhAgyaM sakalaM pravardhayeranisham || 747||
      tulayitumalamiha na hi te karuNAM yadbhaktachittakekighanA |
      lalitAsi pAlayitrI tvaM mAtaste namo namo lalite || 748||
tUlAyitaM sharIraM ye ye tanvanti ghAtukArohAH |
dambholiriva nagAnAM bhavasi hi teShAM namo.astu te lalite || 749||
      tR^iNachaya iva davadAvo mR^ityudrumavR^indaparashurasyamba |
      rogabhavarogavaidyA hR^idyAnAdyAsi te namo lalite || 750||
tejasvini dayamAne dIne dIne jane jane lalite |
mAtarmAheshvari mayi kuru karuNAM te namo namo lalite || 751||
      tejovashIyamAyuH shrutyAshiShamamba me shrutAmekAm |
      bhaktapriyakarI tvaM dadyA hR^idyAM namo namo lalite || 752||
tejassarvAdhikyAjjaDarUpAgne kShudhA mahAgrAsA |
jagadetadevamante grAsIkatvAtsi te namo lalite || 753||
      tailamiva dIpamenaM jATharadahanaM kShudheva vardhayasi |
      tattvamasi rudrashaktyA kalpe kalpe mahAshanA lalite || 754||
toSho na te kShudhaH syAdante mu~ncherna devi parNAni |
tenAparNA khyAtA pAyAstvaM mAM budhArchite lalite || 755||
      tauryatrikamarinivahe samare samare tvameva kArayasi |
      yudbhavasi chaNDikA tvaM chaNDA mA bhUrmayi tvamayi lalite || 756||
tvaM chaNDamamba muNDaM nyavadhIstvaM devi tAmasI vR^ittim |
rAjasatAmasarUpe nAmnA khyAte namo.astu te lalite || 757||
      tandrAlasyavihIne tvamasi kSharavishvarUpiNI kvachana |
      akSharamasi cha brAhmashrIlalite te namo namo lalite || 758||
dayamAnAkShisaroje niyamitabhuvane tvashAsanA devi |
prabhutAyAM tava lokAH shokavihInA hi te namo lalite || 759||
      darahAsashobhamAnA bhavasi tvaM vishvadhAriNI lalitA |
      surasundarIsaparyAparyAyAdAnamodamAnAmba || 760||
damayasyamba samastaM samadaM daityAnvayaM svayaM samare |
dharmArthakAmasaukhyaM vitarasi jagate namo namo lalite || 761||
      divi bhuvi balisadane tvaM bhavasi hi sattvarajastamo dadhatI |
      sAttvikarAjasatAmasaguNavR^ityambAstu te namo lalite || 762||
dinakara iva bhavasi tvaM lalite triguNAtmikA cha sattvamayI |
anunayakatanutireShA toShAyAmbAstu te katha~nchidapi || 763||
      dishasi dayAmayi nAkaM sukR^itena tvaM cha yajvanA niyatam |
      vishadadhiyAmapavargaM sukR^itaM j~nAnodayojvalAnAM hi || 764||
dInadayAlutayA te manasi saroShApi bhavasi ripuvarge |
nAnopAdhivimuktasvAnte shAnte namo.astu te lalite || 765||
      dIpayasi lokamAtmajyotirdIpena chAndrapuShpAbhA |
      rUpatrayamapi dhatvA lokatrayamamba rakShasi tvaM hi || 766||
dIpayasi dhAmanivahaM dehe dehe pravishya chetayasi |
ojovatyasi yattvaM tejorUpe namo.astu te lalite || 767||
      dIptidharAsi dharAshrIdIptikarI tvaM shriyA samujvalasi |
      Aptavyamasti na hi te ki~nchana kAmapradAmba sA tvamasi || 768||
dInasharaNye homo japa iti pUjeti kAryamakhilaM cha |
dhyAnaM chAgnau vihitaM yaj~no yaj~nasvarUpiNI tvamasi || 769||
      dIkShitakarma hi yajanaM yajanaM viShNusvarUpamevAsti |
      tvaM bhavasi tasya bhaginI mAtarlalite priyavratA tvamasi || 770||
durgA.asi durgatighnI karmAlabhyAsi taddurArAdhyA |
svarge.api bhogadUrA j~nAtArAdhyA.asi te namo lalite || 771||
      durvArendriyapa~nchakavijitAnAM tvaM sadA durAdharShA |
      sarveShAmapi garvaM charvasi hi tvaM namo.astu te lalite || 772||
dUrIkR^itabhavatApe pATalikAkusumapATale chaTule |
bilvamiva pashupateste pATalikaivAmba rochate devi || 773||
      dUrIkuru mama duritaM dAraya dAridryadAru me daha vA |
      mahatI tvamasi hi nAmnA vapuShA mAtarnamo lalite || 774||
dUraM nIchairupari cha bhavasi hi nIchairahIsharUpeNa |
dhArayasi merunilayA jagatImapyamba te namo lalite || 775||
      dUre merAvachale puramamarANAM virAjate tatra |
      mandArabhUruhAttatpuShpaM priyamamba te namo lalite || 776||
devairmAnavadevaiH pa~nchaprANaissamarpite shaktyA |
AtmasvarUpiNI tvaM vIrArAdhyetigIyase lalite || 777||
      devArivairiNI tvaM  brahmANDavyAptamUrtirevAsi |
      bhAvayati kotra rUpaM tvaM bhAvAtItamamba tadbhavati || 778||
devAbhimAninI tvaM lalite sambhavasi devakAryeShu |
devAnvitaiva samaye virajA vibhrAjase sadA vimalA || 779||
      dehena vishvavadanA sarvadigAlokilochanA bhavasi |
      mohayasi vishvametanmuhyasi na tvaM namo.astu te lalite || 780||
daityavinAshini devi tvaM chAntaryAminIha bhUteShu |
prerayasi viShayajAle chittaM chittaM hi dehinAM lalite || 781||
      daivikamArgaM gaganaM bhavatI chApUrya tejasA mahatA |
      devi tvameva jayinI bhavasi shrIdevi te namo lalite || 782||
daivikasampadupete shrutyA gIte surA~NganAgIte |
prANAnvitarasi sA tvaM dehikR^ite devi te namo lalite || 783||
      daihikashaktiShu pa~ncha prANAH prabalA hi te tvamevAsi |
      sAhasikasattvarUpe rUpe rUpe tvameva nanu lalite || 784||
doratirAjitakarabhe karabhorUNAM karArchite mahite |
dUrIkuru hR^idayAntastimiraM timiraghni te namo lalite || 785||
      dordaNDakhaNDitAsurachaNDabale vahnimaNDale bhuvanam |
      pAlayasi bAlakAnAM sharaNaM mAtA.asi te namo lalite || 786||
daurgatyatUlavAtyA satyAyaivAvatAriNI tvamasi |
svargApavargadAtrI tvaM tAvaddevike namo lalite || 787||
      daNDadharajayini rAjyaM nihitaM tvayA hi sachivAsu |
      shyAmalakAdiShu tasmAjjayasi jagadrAjyamamba te lalite || 788||
dharaNirmAnavadhAtrI nIchaiH pAtAlasaptakaM lalite |
upari vyAhatimahitA lokAstAvattavAshraye santi || 789||
      dhatse trInapi lokAn devAnAM martyapannagAnAM cha |
      utsedhabhAja etAnAtanuShe tvaM namo.astu te lalite || 790||
dhArayasi vishvabhAraM chemaM jaitraM tavAsti nanu dainyam |
rAjasatAmasarUpA samarerAtIn nivArayestvaM hi || 791||
      dhikkatadAnavasene dhuri chAnyatrApi vartase tvaM hi |
      nyakkR^itavairIbhaghaTI triguNAtIte namo namo lalite || 792||
dhImati dhuri sA nR^ityaM mahyaM bhavasi bodhadaShTyaiva |
tena parApararUpA khyAtAsi tvaM namo.astu te lalite || 793||
      dhIshaktyagamyarUpe j~nAnAnandAmatAtmarUpadhare |
      lokabrahmAkAre j~nAnasuvedye namo.astu te lalite || 794||
dhurite sukhino jagati sukhajIvabrahmaNossamaM cha satAm |
bhUteShu chAtmanostvaM niyatistubhyaM namo namo lalite || 795||
      dhUrjaTipatni namaste dhAtri stavanapriye sadAnande |
      ArjavamAtanuShe tvaM bhaktajane te namo namo lalite || 796||
dhatidhAtri jIvajagatAM ShoDashasa~NkhyAguNAnvitA bhavatI |
varNAnAM cha kalAnAM R^itavatyAste gaNo namo lalite || 797||
      dhenurasi sumAnasAnAM sA sAdhvAnandapradAyinI mahitA |
      AnatasajjanasukhadA sAdhvI tvaM devi te namo lalite || 798||
dhairyasthairyayutaM me kuru hR^idayaM kAmarUpiNI satatam |
pItAsave savelAmetAM pAyAH kShitiM namo lalite || 799||
      dhautAmbaraparidhAne jAtAnande kalAnidhe satatam |
      kAryAkAryavidaM mAM kuryAstubhyaM namo namo lalite || 800||

naLinAkShi vedamAtaH tvattaH kAvyapriyA cha vAguditA |
kAvyakalAnAM j~nAnaM janaya mayi tvaM namo.astu te lalite || 801||
      navarasamayamadhurAkSharapadarachanAshAvatI prasannA cha |
      bhavasi hi rasarUpA tvaM rasanAra~Nge ramasva mama lalite || 802||
navarasanidhirasi nAdAnandini sarvatra vartamAnemba |
bhavabhavajanimajjananA tvaM me sharaNaM namo.astu te lalite || 803||
      natagAtri gotrakIrtiM vardhayasi tvaM nijAshritAnAM cha |
      shrutivachanagIyamAne puShpA~NgI tvaM namo.astu te lalite || 804||
narasurakulaparipAlini chArucharitre purAtanI devi |
suranarakinnaradAnavadhIrAdhAre namo.astu te lalite || 805||
      naraharisarasijasambhavaniTilAkShAnapyasUta yA devI |
      sarasijavadanA pUjyA sA tvaM jagatAM namo.astu te lalite || 806||
narahR^idayabhAvavIchIravakArayasi tvameva sa~Nkalpam |
paramiha sAphalyaM te karuNAmAlambatemba he lalite || 807||
      nalinadalAyatanayane sulabhadayApA~Ngabandhure lalite |
      jalaruhanayanArAdhye mAtarmAM pArite namo devi || 808||
na hi ravishashitArAbhA vidyuddIptishcha sAmyatAmeti |
yasmAdadhikastejorAshistvaM devi te namo lalite || 809||
      nAyAsyati tulanAM te jyotishchAtyeti yattviShassarvAH |
      yat sphurati dahanarAsherdhAmAdhikamasti tattvamasi devi || 810||
nArAyaNi narakArNavakAriNi paramANurUpiNi shrIshe |
tAraya mAM bhavajaladherlalite mAtarnamostu te satatam || 811||
      nArAyaNamadanAntakasarasijabhavadhAma tejasAtIte |
      svIyena sarvamAnye brahmAnande namo.astu te lalite || 812||
nAnAyudhahastApi tvaM bhavapAshachChidaM kare pAsham |
mAnini dhArayasIdaM yuktaM te bhAti te namo lalite || 813||
      nAnApApavidhAyakamaj~nAnaM pAshamIsharipudhAryam |
      dvayamapi nAshayasi tvaM sakR^idapi namatAM namo.astu te lalite || 814||
nAshayasi mantrashaktIrakhilAstvaM chAbhichArakairvihitAH |
kitavAnapi tAn sujane kaitavakatyaM vitanvatAM lalite || 815||
      nAnAvatArarUpA rUpAtItApi tAn guNAneva |
      trInAdAya jagatyai jayasi hi mAtarnamostu te lalite || 816||
niravadyahR^idyacharite nirguNarUpembike nirAdhAre |
sharaNAgataparipAlini dInaM mAM pAhi te namo lalite || 817||
      nityA tvamasi na bhuvanaM tadbhuktvA vAvinAshipuShpaphalA |
      tapyasi devAnande brahmaNi haMsena sArase ramase || 818||
nIrajagandhini nityaM munimAnasahaMsi haMsakulamudite |
vAridabandasavarNe hemachChAye sitA~Ngi mAM pAhi || 819||
      nItipathasatyamArge brahmapadaM chAnuvartamAnA tvam |
      mAtarasi satyarUpA gamayasi sAdhUn nijAdhvanA sA tvam || 820||
nItimanusarati loko nItiM satyaM cha pAlayanneva |
yAti sukhamiha paratra cha no chenmAtastvameva daNDayase || 821||
      nIlApA~Ngatara~Ngai rakShitabhuvane jagattrayIjanani |
      bAlAruNavaravasane rakSha tvaM mAM namo.astu te lalite || 822||
nutayo bhavanti vAcho mAtaste tena kenachidvidhinA |
iti matamanuchintyAmUrlalite vAchastava priyAssantu || 823||
      nutimevArhasi nityaM satyaM sAdhvItvapAlanaM strINAm |
      iti nanu satyasi nAmnA satyadhanA mAtarAtmacharitena || 824||
nutiparavachanAnandini shatadhatishaktyaikashaktirevAsi |
nutashaktashaktirUpe sati satyabrahmarUpiNI tvamasi || 825||
      nUtanajaladharakeshe nAshitabhuvanArtisambhavakleshe |
      mAtarudAramanaske pAtaya mayi dR^iShTimAtatAM kalaye || 826||
nakulaM devakulaM te santatirevAmba daityakulamevam |
sakalakulAnAM jananI tvamasi hi tubhyaM namo namo lalite || 827||
      neha tavaikaM kAryaM gurutaramastyamba tena bahurUpA |
      bhavasi jagattrayajananI padavI gurvI hi te namo lalite || 828||
naitikapadaniratA ye te tvAmarchanti vidhivadevAmba |
j~nAnadhanA anyeShAM hitamiha kurvanti te prabhAveNa || 829||
      nodayasi bIjasAraM tenaivodeti pAdapastu phale |
      vedamayi pravishasi tvaM bhUtAni tvaM chaturvidhAni chAtanuShe || 830||
naurasi bhajatAM satataM tArayituM jananamaraNavArAshim |
satataM ramayasi tAniha chature chaNDi tvameva mAM pAhi || 831||
      nandIshavanditA~Nghre niyamAyattAM karoShi jagatIM tu |
      Aj~nAsi tena sarve nijanijakArye ratAssadA lalite || 832||
nandayasi nandanAnAM hR^idayAni tvaM tvayA niyuktA ye |
kurvanti naijakAryaM pavanaH pavategnirujvalatyanisham || 833||
      nandayatInduH pavanaH pavate bhAnuH prabodhayatyakhilAn |
      Aj~nAnuvartinaste shrutirevAtra pramANamamba nanu || 834||
paramAdhAre jagatAM jagadIshvari jananamaraNabhItihare |
prakaTitavishvAkAre mAtastubhyaM namo namo lalite || 835||
      paravati jagati dayA te duritahare krauryamiva tu te chitram |
      jagadIshvari te charitaM sAdhuM kuru mAM punIhi te tanayam || 836||
pavanAn pa~nchAsUnapi pa~nchApyavasi tvamindriyANyamba |
viniyojaya tAnyuchite kArye tvaM naijachetanAnamba || 837||
      pavanAnukUlajIvAH kA~NkShApekShoditAkSharANyeva |
      pIThAni temba tasmAt pa~nchAshatpITharUpiNI tvamasi || 838||
pavanAdishaktayo vA haripuraharapadmajAdishaktirvA |
tvAM tu niyantumashaktA nirlepA tvaM virAjase lalite || 839||
      parvatarAjakumArI tvamasi hi jagadIshvarI viviktasthA |
      charvitarAjasatAmasagarve sharve bhaveha mayi sadayA || 840||
pAvanagAtri mumukShormuktiM datsesi vIramAtA tvam |
aj~nAnanAshinI tvaM rakShasi vIrAn mahItale lalite || 841||
      pAvaya mAmayi lalite pAvakajalavAyubhUmayaM bhuvanam |
      pAvanamArge niyataM viyatastvameva bhavasi nanu || 842||
pAvitanatajanahR^idaye DAmbhikajanagarvacharviNI tvamasi |
muktipradA mukundA yojaya janahR^idayapa~NkajAnyamba || 843||
      pAvanatarapadarUpe nirvANAnandarUpiNI brAhmi |
      devi dayamayi girije kAtaratAM me nivArayerlalite || 844||
pitapitapitajanamUle mUlaprakR^iteshcha mUlarUpA tvam |
AkArANAM maulikavigraharUpAsi tattvato lalite || 845||
      pitavanacharashivadayite bhAvAnAmapyanekarUpANAm |
      bodhavati bhAvagamye bahubhAvasthe namo.astu te lalite || 846||
pInanitambini pInastanabhArAnamrachapalatanuvallI |
pItAsavAruNAkShi kSharamapi jagadavasi karuNayA lalite || 847||
      puNyavati puNyadAtrI tvamasi hi bhavaroganAshinI jananI |
      bhavachakrachAlayitrI chakreshvari chakradhAriNI tvamasi || 848||
puNyavivardhakavedachChandassArAnvite kavIndranute |
puNyavivardhini namatAM mAtastubhyaM namo namo lalite || 849||
      pUtAmnAyamatAnAM vividhavichArAn vivichya bodhayatAm |
      shAstrANAmapi sArastvaM tAvadbhavasi devi kalyANi || 850||
pR^ithagavanasAradAnAd mantrAH pAtraistu gopanIyAsi |
tadvasturUpiNI tvaM gItAchAryAdibhishcha gItAsi || 851||
      pelavatA~Nge kArshyaM tava tu valagne stanadvaye jaghane |
      vipulatvamatimanoj~naM pariNAhaste manoharA tvamasi || 852||
paitakasampadivAnte sukatavatAM kalpavallarI tvamasi |
paramodArA bhavasi hi vR^iddhimatIhAmba devi he lalite || 853||
      poteShu potavAhAnamitashrIkIrtisaukhyasampannA |
      anyAnapi tanvAnA lalite choddAmavaibhavA jayasi || 854||
paurNimashashadharavadane nAnAvarNasvarUpiNI tvamasi |
aruNashyAmaladhavalaprItimatI tvaM virAjase lalite || 855||
      pa~NkajaShaTkavihAriNi janmajarAmaraNataptalokAnAm |
      vishrAntidAyinI tvaM shAshvatasukhadAsi vandinAM lalite || 856||
pANDityavedyarUpe shrutyantodghuShTatApasA bhogye |
pANDityadAtri bhajatAM mAtastubhyaM namo namo lalite || 857||
      piNDIkR^itachChaTAnvitabhuvane pR^ithagAtmatAtanudapte |
      shAntimatI cha kalA tvaM khapraNavAdhaHsthitAsi guhajananI || 858||
phalabhAranatalatA~NgI mAta~NgI tvaM madAlasA nityam |
phaladalacharusumapUjA sAttvikarUpA tu rochate tubhyam || 859||
      phalinIlatAphalAnvitatarurullasati yathAmba tvaM lasasi |
      alaghukapAmayi mayi te karuNAstAM devi te namo lalite || 860||
phAle chandrakalApe shobhAvR^iddhiM karoti gambhIre |
maulIndurindushobhAM vardhayati tvaM prasIda mayi lalite || 861||
      bata bata gaganAntaHsthA gambhIrA garvitAsi sA nityam |
      ahamiti sakalaM vetsi tvaM nanu sarvatra pUrNarUpatayA || 862||
balavatyeva kalA te nAdo bindustatodhikastena |
gAnapriyAsi sA tvaM praNavAkArA hi santataM lalite || 863||
      bAlAdishaktisenApAlitabhuvane manoharadhyAne |
      lIlAmayi mayi karuNAM satataM kuru devi cha~nchalApA~NgI || 864||
bADhaM prakAshamAne kaitavarahitemba kalpanArahite |
gUDhArthamayi mayi tvaM devi dayethAH sadaiva dayanIye || 865||
      bAleva bhAsamAnA tvaM kAntA pApahAriNI bhavasi |
      lIlAkalpitabhuvaneshvari bhuvanama~Ngale lalite || 866||
bAlArAdhye tapasA yukte bAlendubhAsite lalite |
lIlAtANDavapaNDitadehArdhaM prAptavatyapi tvamasi || 867||
      bAdhA atItya sakalA bAdhAkrAntAn vilokya yajamAnAn |
      AdhivimuktAn kuruShe tvamidaM bhuvanaM cha pAlayereva || 868||
bAdhAvAriNi jagatAM kShema~Nkari kAraNebhya unmukte |
sAdhujanagIyamAne satataM mAmamba pAlayereva || 869||
      budhavibudhavandyamAne kAmaratiprItamAnase sadaye |
      kanakA~nchitatATa~Nke mAtarnatirastu te surairgite || 870||
bodhayasi lokayAtrAM dAkShiNyaM tyAgashIlatAM sahajAm |
bhItimiha kati vidurvA jAne nAhaM prabodha mayi lalite || 871||
      bodhavihInA bAlA vayamiha bodhapradIpadAnena |
      asmAnuddhara lIlAvigrahadhAriNi mayi prasIda shive || 872||
bodhakarUpiNi jagatAM jananamatidvandvashR^i~NkhalArahite |
nAshAtIte mAtaH tvaM naH kAmaM pradehi he lalite || 873||
      bandhUkakusumashobhe shobhethAssvA~Ngasampadassatatam |
      saundaryasampadekA ramayati jagatIM tavAmba he lalite || 874||
bandhanashatamiha bhuvane taistvamakhilAnihaiva bandhayasi |
sindhau saMsArAkhye ghAtayasi tvaM kuto na jAnemba || 875||
      bhajatAmanantasukhadA vAjivarUthAdisampadA kalitA |
      bhujanihitalokabhArA rAjIvAkShi tvameva nanu lalite || 876||
bhajatAmapi sukhadA tvaM sujanAnAM cha prasIdasIhaiva |
vijayata eva samAdhiH samatArUpastvayIha he devi || 877||
      bhaktipriyAsi sA tvaM prItiste devi devatAkhyAtA |
      yuktikatapUjanAnAM pUjA te rochate sadA lalite || 878||
bhayasAdhvasarahitAnAM svAchAreNa nijechChayA charatAm |
jayadA sukhadA na bhavasi nIchAnAM duShTanAshinI tvamasi || 879||
      bhavamuktimichChatAM tu shreyoheturhi karmavedamatam |
      devarShIpitagaNAnAM karuNAmAdAya bhavati manujo hi || 880||
bhavati jagattrayamevaM vedatrayamiShTakAryasiddhikR^ite |
sandhyAtrayamanalAnAM trayamiti devi prasiddhamiha lalite || 881||
      bhavasAgarapatitAnAM trayamuddharaNIyamApadAM bhavati |
      bhavasi trayI trivargA sarvAdhArA tvameva nanu lalite || 882||
bhavasi tristhAnasthA devi tvaM tripurapAlinI chAsi |
bhavati brahma tu mUlaM tattvaM tattvaM tavedameva nanu || 883||
      bhavasi hi nirAmayA tvaM bhuvanaM kuruShe nirAmayaM satatam |
      bhavati na kopyAdhAro bhavabhavane te tvadarthamapi lalite || 884||
bhavasi bhuvanAvalambo lambodarakArtikeyajanayitrI |
bhuvanatrayaparipAlini kambugrIvA tvameva me jananI || 885||
      bhavasi hi ramamANA tvaM j~nAnAnandasvarUpiNI j~nAne |
      svIye svasminnevaM svayamiva vibhrAjase shriyA lalite || 886||
bhavashokanAshinI tvaM sajasi sudhAsAramAdareNAmba |
pAlayasi tena bhuvanaM bhuvanambhari me bhaveH kapAlambA || 887||
      bhayamayajanimatijaladhau magnAnAmavanapaNDitA tvamasi |
      bhavadAvakavalitAnAmArtAnAM pAlinI tvamevAmba || 888||
bhavapa~NkarAshimagnAnuddhartuM tvaM hi paNDitA bhavasi |
bhavapathagatyA lagnAnudhR^itya tvaM nivArayerArtIH || 889||
      bhavapAshayantritAnAM bhuvi bahavassanti hitakarAshcha makhAH |
      bhavabhayanAshini lalite bhavasi hi yAgapriyA tvameveha || 890||
bhavasi tvamamba lalite daivIsampatpradA cha yAgakarI |
bhavasi cha rudrANI tvaM bhaktAnAM sakalasaukhyadAnakarI || 891||
      bhavasi cha yajamAnA tvaM bhuvanAnAmekanAyikA cha tvam |
      yajamAnajIvashaktistvamasi hi lokapAlinI cha tvam || 892||
bhavasi jagattrayamUDhvA dharmAdharmau tvameva dhArayasi |
dharmA bhavantyaneke dharmAdhAre dharAdharodbhUte || 893||
      bhavasukharUpiNi lalite dahanaH pavanopi vidhiharipramukhAH |
      amarA dhanamichChanti tvaM dhanarAsheradhIshvarI bhavasi || 894||
bhavasi dhanadhAnyasampadvR^iddhikarI tvaM samastasukhadAtrI |
bhuvanaprANaprANe prANAdhArA shivasya bharturapi || 895||
      bhavati hi jAtiH prathamaM pashchAdvarNA bhavanti teShu cha te |
      viprAH prathame lalite sA tvaM viprapriyA.asi guhajanani || 896||
bhavasi nanu viprarUpA vipraiH saMsevitA cha niyamena |
viprapriyamAtiShThestvaM tAvaddevi dharmamarmaj~ne || 897||
      bhavabhavasambhavajantubhramaNaM kArayasi mAyayA badhvA |
      sR^iShTisthitilayayAtAyAtAnAM tvaM tu heturevAsi || 898||
bhagavati vishvagrAse grAse grAse pramodavikachAkShI |
jagadIshvari shivamAye kajjalavarNe tvamamba mAM pAhi || 899||
      bhagavati vidrumavarNe jagadAnandaprademba shubhavarNe |
      agaNitamahimApUrNe nAnAbhUShApriyemba mAM pAhi || 900||

bhagavati vaiShNavi kamale karadhatakamalemba sAttvikI mAye |
jagadavanakovide tvAM vande mAM pAhi hemasamakAye || 901||
      bhagavati vishvavyApini nagadharaviShNusvarUpiNI tvamasi |
      jagadAgamalIlAnugatAkAre namomba te lalite || 902||
bhAsAruNasitakAlAkAre mUrtitrayAnvite varade |
hAsadyutivikachAsye shrIle mAM pAhi kundadati lalite || 903||
      bhAnusudhAkaranayane jananavihIne janArdanAdhIne |
      mAnavatIDitarUpe janani rame pAhi mAM dayAdhIne || 904||
bhAgyAnvitemba sR^iShTermUlasthAnAyite shrIyA kalite |
buddhibrahmAkAre kUTasthe te namo namo lalite || 905||
      bhAgyaprademba mAyAyogyaguNAkAravarNavR^ittidhare |
      vishvAkAre dhIre vishveshvari te namo.astu te lalite || 906||
bhAratabhAgyavidhAtrI vIraparItA tvachalapatiputrI |
vIrasabhA te satataM mAtA rocheta ruchirataragAtri || 907||
      bhAgyAyattArchA te bhaktAyattA tvamamba bhavasi nanu |
      bhAgyaM bhaktiM cha vinA kathamarcheyaM prasIda mayi janani || 908||
bhAgyapradApi sA tvaM niShkAmA sukR^itaduShkR^itai rahitA |
jagatIti te jaganno bhavati bhavAyaiva te namo lalite || 909||
      bhAve sthitAsi yA tvaM jantUnAM bhavasi bhAvabhedaj~nA |
      sA vedashAstragamyA gAnaj~ne devi nATyatattvaj~ne || 910||
bhArati gAnarasaj~ne nAdAkAre dvidhAsi nR^ityavidhau |
varatatamukhyairvAdyairullasite devagAyakaiH kalite || 911||
      bhArati nAdamayI tvaM hR^idaye nAdopyanAhato bhavati |
      bahirAhatanAdastvaM lalite nAdasvarUpiNI tvamasi || 912||
bhAratyanAhatAkhyo nAdo hR^idaye tvameva nAdamayI |
chArutaranAdarUpA dR^ishyashravyAtmanA tvamevAsi || 913||
      bhAvo dehe so.ahaM matirityaj~nAnasambhavA tvaM tu |
      bhautikamasthiramiti sadbhAvaM bodhayasi te namo lalite || 914||
bhiduraM vipadachalAnAM tvamasi cha vipado jahi tvamasya mama |
shaktA draShTumasi tvaM praj~nAdR^iShTyA tvamamba mAM pAhi || 915||
      bhidyadaravindagarbhe ramye yA bhAti karNikA seva |
      mUle sahasrapatre bindussohaM tvameva nanu lasasi || 916||
bhIShaNabhavadAvaghane sUkShmasthUlAkhyatattvanirmukte |
bhUShaNabhUShiNi kokilavANi shrIvANi te namo lalite || 917||
      bhuvanamavatIrya jetrI bhAvAdhInA svakIyamUlamapi |
      vismR^itya pAtukAH syustattvamayi tvaM samuddharerasmAn || 918||
bhuvanAdhIshvari tattvaM paphabhAvArthaprabodhinI tvamasi |
j~neyaM brahma cha sA tvaM vipraj~neyA tvameva nanu lalite || 919||
      bhuvane vedAH stavanaM karmaj~nAnaM cha gAnavidyAM cha |
      prAhustrividhAH sAmnAM gAnaM priyamamba te satAM bhavati || 920||
bhuvanatrayaparipAlini mAtA pIyUSharUpiNI bhavasi |
brahmasvarUpiNI tvaM ramaya mano me namo.astu te lalite || 921||
      bhUteshavallabhA tvaM bhUtAnAM pAlane ratA satatam |
      bhautikakaShTamasheShaM shamaya tvaM me kulokasa~njAtam || 922||
bhUtAnAmasi mAtA vishveshapreyasI tvamevAsi |
bhUtAnuSha~NgiNI tvaM tvAmahamIDe namo.astu te lalite || 923||
      bheShajamasi hi bhavAmayabhAjAM saMsArataraNanaukA tvam |
      doShaM marShaya mAtarmAmakamambhojalochane lalite || 924||
bhairavi dakShiNamArge vAmapathe vA tvameva bhavasi nanu |
savyApasavyamArgadvayamapyAshritya rAjase satatam || 925||
      bhogIshabhUShajAye sarvApannAshakAriNI tvamasi |
      yogIshayogagamye svasthA nityaM tvameva nanu bhavasi || 926||
bhogIshakeshapAshe premamayI tvaM sadAshrayA bhavasi |
premAmba te.astu nityaM mayi te nityaM tvameva mAM pAhi || 927||
      bhautikabhogavirakte brahmaNi parame mudA sadAsakte |
      nijabhuvanAvanAsakte mAtarmAM pAhi devi shivashakte || 928||
bhambharaveNi shubhA~Ngi tvaM bhavatApaM nivArayeH kR^ipayA |
ambhoruhadalanayane shumbhamadaghni tvamamba mAM pAhi || 929||
      bha~njaya mama hR^idayArIn ra~njaya hR^idayaM pradehi mama shAntim |
      a~njalirAbaddhaste mAtarmAM pAhi te namo lalite || 930||
manasA smarAmi devIM janaya j~nAnaM mayi tvameva varam |
so.ahaM bhAvenAryaiH sevitacharaNe namo.astu te lalite || 931||
      mahitaM chaitanyaM te divyArghyaM bhavati divyakusumaM cha |
      nityodayAnvitA tvaM bhavasi hi janani tvameva me sharaNam || 932||
mArtANDAruNamUrte mUrtIbhUtAshritAmitaprIte |
jAtAnetAnavatAdasmAn bhavAni haradayite || 933||
      mAtastvamuttarAshAsevyA sAdhyAsi bodhamArgeNa |
      khyAtAmnAyavidhAnairArAdhyA cha tvameva bhavasi nanu || 934||
mAnasamalamochayitA lalitApA~NgastavAmba manujAnAm |
sA tvaM jagadAkArA bhavasi brahmAsi pAhi mAmenam || 935||
      mitabhuvanemba bhavAbdhestaraNaM kaivalyameva nanu dhatse |
      yadi dayase tvamanarghAM kuru karuNAM te shivemba mayi vatse || 936||
mInAkShi nAdarUpe shrutivachanaireva modamAnAmbA |
kleshabhayanAshinI tvaM nutilakShyA bhavasi jagadamba || 937||
      muktiprademba lalite nutisaritastvAM prayAnti sindhumiva |
      nutiparavachasArAdhye mayyastAM te kR^ipA sadA devi || 938||
mukharIkR^itakalavINe shrutitatisaMstUyamAnanijavibhave |
akhilAmnAyavidarchAmAdadatI tvaM virAjase lalite || 939||
      mUrkhaM nipuNaM kurute karuNApA~NgastavAmba he lalite |
      mAmapi karuNApA~NgairnipuNaM kuru me tvameva nanu sharaNam || 940||
mR^iduhR^idayAsi sadA tvaM mAtarudArAsi nAyikA jagatAm |
vidurakhilA vibudhAstvAM sadayaM mAmamba pAlayessatatam || 941||
      medhAvinI tvamevaM medhAvinamamba kuru dayAdR^iShTyA |
      bodhaya bodhamamoghaM pAlaya lalite kR^ipAsudhAvR^iShTyA || 942||
maitrAdivAsanAnAM satyaM sulabhaM bhavatyasheShANAm |
ma~NgalamUrte lalite shR^iNu kR^ipayA me stavAtmikAM vANIm || 943||
      modayatu mAnasaM te mAtarjagatAM cha mAmakIrvANIH |
      sAdaramAkarNaya te nutimetAM me tvamamba kalyANI || 944||
mauDhyaM vAraya dArDhyaM vardhaya vachaneShu mama dayAbharite |
ADhyaM surasampatyA kuru mAmambeShTasampadA kalitA || 945||
      ma~njulagAtri savitrI vishveshA tvaM cha sakalajagatosya |
      dhAtrI bhavasi hi tanmAM pAlaya doShAn mamApi nirvAsya || 946||
a~njalirayi te rachito mAM pAyAH sAdhuhatsarohaMsi || 947||
      ma~njulavadanasaroje brahmAnandAtmikemba suramAnye |
      sa~NkalparUpiNI tvaM jayasi sadA haMsagAminI lalite || 948||
ma~njulamambaramambaravyoma bhavatkeIshapAsha evAste |
ma~njuvimAnasthA tvaM jayasi surastomavanditA jagati || 949||
      yakSheshamitrajAye mAdhuryaM nAsti me gale gAtum |
      dakSho nAhaM stotuM kathamahamArAdhayAmi vA bhavatIm || 950||
yamajayini yAminIshaprollasadAsye dayAsudhAjaladhe |
marShaya mama yadi doShA mAtaH pAyAH sadA tvamevemam || 951||
      yAmavatIshasamAnaM bhavadAnanamamba haratu mama pApam |
      vyomacharavaravimAne sa~ncharasi tvaM hitaM vidhAtumiha || 952||
yAthArthyamamba vishvaM rakShasi yA tvaM tadenamapi sA tvam |
mAmavasi cheti manye nama ityamba bravImi te manasA || 953||
      yAche tathApi so.ahaM vAchA manasA sadAmbikAM bhavatIm |
      vAchAmagocharA tvaM yadbhadraM me tadeva vitareti || 954||
yAgAH pa~ncha cha pa~ncha tyAgAyattA hi pa~ncha vedoktAH |
pa~nchAgnihotramukhyAH pArAdhyAshchApi santi nanu sukhadAH || 955||
      yAgeShu chAgnihotrapramukhAH santyeva bahuvidhA yaj~nAH |
      iShTavisheShatayA te rocheteyaM stutistu makha eva || 956||
yogAdhIshvari sha~Nkari rAgadveShAdibhAvanArahite |
bho gaganAmbusamIrAnalapa~nchakama~nchakashAyinI tvamasi || 957||
      yoge yAge dhyeyA brahmAnandAtmikA tvamevaikA |
      pa~nchAnAmasi nAthA bhUtAnAM bhUtadhAtri he lalite || 958||
yaugikavaidikapUjAvividhAssanti prakAmamupachArAH |
bhautikatanmAtrakatApUjA prItyai bhavettavaikAmba || 959||
      yantrAdhArA bhavasi tvamapi suvarNAkSharA~Nkamayameva |
      yantramanekavidhaM te mantrA~NkaM devi bhavati nanu lalite || 960||
rachayasi chitramayaM tvaM bhuvanaM mAyAkhyaku~nchamAdAya |
shAshvati shAshvatasukhade mAyAsAmrAj~ni te namo lalite || 961||
      ramayasi shambhumadabhraM kamanIyAkAravibhramairamba |
      kShamayArchitAsi mAtaH shAmbhavi tubhyaM namaH kShamAdhAre || 962||
rajasA sajasi hi bhuvanaM rakShasi bhUtAni devi sattvena |
ajaharirUpadharA tvaM bhavasi dharAkAradhAriNI lalite || 963||
      rathamakarot tripurebhyaH pR^ithivIM yaste patiH shivo lalitAm |
      kathamavasi tvamasUstvaM shivamAvoDhuM kimamba na trAtum || 964||
rAjA bhUmidharANAM tejorAshiH sutAsi nanu tasya |
rAjIvAkShi dayAmayi mAtarmAM pAhi santataM lalite || 965||
      rAkShasakoTivimardini sakalaishvaryapradAyinI tvamasi |
      sAkShiNyapi nanu jagatAM shrIkari mAtarnamo.astu te lalite || 966||
ripudamanamAtmashaktyA nipuNA samare vidhAya kR^itakR^ityA |
sA tvamasi devakArye dharmiNyArye tvameva nanu lalite || 967||
      rItiravedyA nanu te nipuNairapi dharmavardhinI tvamasi |
      mAtarlokAtIte vipadaH sarvA nivAraya tvaM me || 968||
rudrapriyakari rudre bhadramukhi tvaM mayi prasIda shive |
bhadraM kuru kalyANi tvaM vinayo me kR^ito.ayameva nanu || 969||
      rUkShAsi ripuShu nityaM vR^iddhishchAsIndumaNDale sujane |
      pakShIva hR^idayabhAve sAkShiNyasi me nidhehi mAM sujane || 970||
rekhAbhira~nchitA~Nghre shrIkari bhadrAbhirAgarAloke |
lekhAligIyamAne kAkalikADhye namo.astu te lalite || 971||
      rUpayasi ripuShu pUrvaM bhrUchApaM tadanu karadhataM chApam |
      rUpavati khalavidUre sarvAtIte shamAtmike pAhi || 972||
raudraM raudre vadanaM bhadraM bhadreShu tAvakaM ruchiram |
bhadramiha bhadrarUpe mayi kuru nityaM tvameva dhIratvam || 973||
      ra~njaya sujanamanAMsi tu bha~njaya danujAdhamAnudAremba |
      ra~njakasujanakadambe bha~njaya pApAni me sakAdambe || 974||
rambhoru ma~NgaLA~Ngi praNatAbhIShTaprademba munigIte |
sukhakari sadaye hR^idaye mAtarmAta~Ngi te namo lalite || 975||
      lalitAravindahaste sumukhI tvaM bhavasi pUjayA prItA |
      lalite suvAsinInAM sAdhvI tvaM bhavasi bhavamayi prItA || 976||
lAsyapriyAsi lIlAlAsyapriyahR^idayavallabhA tvamasi |
AshobhamAnamUrtistarpaNajalabindumAtratuShTAsi || 977||
      lAsyaM tanoti vadane hAsyaM te lAsayati cha budhahR^idayam |
      bhavasi cha vishuddhahR^idayA jaya lalite shakrapUjitA sadayA || 978||
lipishatabhAShArUpe rUpAtIte bahuvidhAkAre |
madhurAmatarasavarShiNi mAtarmAM pAhi sajjanAdhAre || 979||
      lInAsi jagati jagatIM kukShau nikShipya rakShasi prItA |
      lIlAravindabha~NgI nAdAnumudite.astu vandanaM lalite || 980||
lubhyati jagatI tubhyaM sabhyAnibhyAn karoShi yadi dayase |
abhyudayamichChatemba tvaM me yachChAyatiM shubhaM sadaye || 981||
      lekhArAdhitapAde lAvaNyamayI cha pUrvaje jagatAm |
      jananAdAshritasukhadA tripurAmbA tvaM punIhi mAM lalite || 982||
lokAlokanashIle dashamudrArAdhite namo lalite |
shokavinAshini namatAM vande tvAmamba kinnarairgIte || 983||
      laulyamatila~NghanIyaM bhavati yadA pAsi nastadA sadayA |
      mAnasalaulyavihIno vAchAM nichayena toShayAmyamba || 984||
lambodaraphaNichakre dvAdashashatapatravAsinI tvamasi |
dashavidhamudrArUpA yamijanavashyA cha te namo lalite || 985||
      shatapatrapatranetre karuNApUreNa bandhurApA~Ngi |
      dashamudrArchitapAde dhyAnAdhIne tvameva mAM pAhi || 986||
shashidharakamalajamuraharavashagA mudrArchitA bhavedeva |
kimuta tathArchanaviduShAM viShaye mAmamba pAlayereva || 987||
      shashimukhi sambhavasi tvaM mudrAsuj~nAnamudrikArUpA |
      j~nAnenaiva cha gamyA j~nAnaj~neyAtmikA tvamevAsi || 988||
shAradashashisitahAse dashashatadalakamalagAmipathabodhrI |
bhavasi nanu mUlamudrA mudrAkhaNDatrayeshvarI lalite || 989||
      shitikaNThashaktirUpe mR^ityordarpo.api nAshitaH shaktyA |
      tava devi guNavatI tvaM lalite yAsi trikoNaguNasAmyam || 990||
shItApA~Ngi vishuddhe pUrNacharitre shivapriye lalite |
vA~nChitaphaladAtrI tvaM kuNDalinI tvaM punIhi mAM satatam || 991||
      shuddhAbhyAsastutibhirvedye dhyAnena sevayA bhajatAm |
      ShaDvidhatattvAd.hdhyAnaM tIrtvA bindusthitAsi sA tvaM hi || 992||
shUlini karuNAmUrte ShaTchakrANi tvadIyapIThAni |
sheShe sahasrapatre sAdhakasukhadAtrI te namo lalite || 993||
      shokAmayaharakaruNApUrNApA~Nge shuchismite lalite |
      shokamasheShaM mAmakamapahara mAM pAhi te namo vihitam || 994||
ShaNmukhagaNapatijananI tvaM sarvAnavasi karuNayA satatam |
sharavaNabhavanutasuguNe sharvANI tvaM sadaiva mAM pAhi || 995||
      ShaDjAdinAdamodini ShaDguNasampattisaMyute lalite |
      aj~nAnatimiradIpA tvamasi hi jagatAM nassukhaM dehi || 996||
ShaTchakrachAriNI tvaM j~nAnAnandapradAyinI namatAm |
kuNDalinIti tvamasi hi nityArAdhyA cha tanmukhAdbhavasi || 997||
      ShADguNyapUrNachitte chakrAntarvAsinI tadAdhArA |
      jagatAmasi sukhadAtrI jagadIshvari pAhi mAM kapApA~NgaiH || 998||
|
|| 999||
      sAttvikarAjasatAmasapUjA AdAya tatsamAnaphalam |
      dattvA rakShasi bAlAn sAttvikapUjA tava priyaiva nanu || 1000||

sAdhayasi kAryajAtaM svanideshAdeva shAsanaM ko.api |
nolla~Nghayet tvamamba shrIchakrAgAravAsinI bhavasi || 1001||
      sArasvatasAmrAjye nAdavichArAdeva modamAnAsi |
      sArasvatavidhisulabhAM nutishaktiM me pradehi he lalite || 1002||
sArasagAmini lalite lIlAkShaNamAtrapAlanakhyAte |
vAhaya karuNAsrotaH shvAsochChvAseShu dehinAM lalite || 1003||
      siddhiprademba sImAkAriNi jagatAM cha sumukhi sUkShmatano |
      sR^iShTikari devatAnAM somasametA saukhyadAsva  mayi nityam || 1004||
harahAraveNi lalite hitakari sarvottameShu sutabhAve |
hutavahasambhavamAtA tvamasi hi tubhyaM namo.astu   he lalite || 1005||
      hemA~NgadA~NgashobhAtoShitabhuvanatraye mahAdevi |
      shivashaktyabhedarUpe vishvAdhAremba pAhi mAM lalite || 1006||
kShatiriha yadi nutikusumasraji soDhvA dhAraya tvamevAmba |
kaNThe shrIkaNThena tvamapi ramasvAmba ramaya mAM cha haram || 1007||
      j~nAnadhanapUjyamAne j~nAnAnande sadA shivAnande |
      matikusumapAlake te prItiM tanutAmiyaM kR^itirlalite || 1008||

iti shrI bi ve~NkaTarAmabhaTTaH virachitA AryAsAhasrI samAptA |

##

The Devi stotra with thousand verses is composed in AryA vRitta.
Each verse of the stotra starts in sequence from letters
a through j~n, Devanagari alphabets.
(999 is missing)

The author B.Venkatarama Bhatta has also composed many
long texts. One book on him called 'Saaraswata' (in kannada)
is published by his family members which gives a long list of
his compositions. The editor of this book is B.V. Vasumathi
Ramachandra, daughter of B. Venkatarama Bhatta. vasuhvr20 at
gmail . com


Encoded and proofread by Soorya Hebbar

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}