% Text title            : ShoDashIkavacham
% File name             : ShoDashIkavacham.itx
% Category              : devii, kavacha, dashamahAvidyA, devI
% Location              : doc\_devii
% Transliterated by     : Sivakumar Thyagarajan shivakumar24 at gmail.com
% Proofread by          : Sivakumar Thyagarajan, PSA Easwaran
% Source                : Rudrayamala Tantra
% Latest update         : March 6, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri ShoDashi Kavacham ..}##
\itxtitle{.. shrIShoDashIkavacham ..}##\endtitles ##
OM shrIgaNeshAya namaH |
shrIgurubhyo namaH |
shrIdevyuvAcha \-
bhagavandevadevesha bhaktAnugrahakAraka |
shrImahAShoDashIdevyAH kavachaM vada me prabho || 1||
shrIbhairava uvAcha
adhunA devi vakShyAmi mahAshrIShoDashImayam |
paramArthAbhidhaM varma shrIvidyAsAramuttamam || 2||
asya shrImahAShoDashIkavachasya shivaR^iShiH, pa~NktiChandaH, shrImahAShoDashIdevatA |
kaeIla hrIM bIjaM,  hasakahala hrIM shaktiH, sakala hrIM kIlakaM,
dharmArthakAmamokShArthe viniyogaH prakIrtitAH |
atha dhyAnam \-
sUryakoTisahasrAbhAM sarvAbharaNabhUShitAm |
pa~nchavaktrAM chaturbAhuM shivashaktyAtmakAM bhaje || 3||

shiro.avyAnme ramAbIjaM vAgbIjaM lochane.avatAt |
parAbIjaM shrutI pAyAt kAmabIjaM cha nAsikAm || 4||
kAmarAjastathoShThau me shaktiH pAyAnmukhaM mama |
vAsavyAradanAnpAtu tAraM jihvAM mamAvatu || 5||
shaktiH kaNThaM tathA pAtu ramA skandhau mamAvatu |
tryakShaM bhruvau sadA patu dhR^itiH patu karau mama || 6||
parAbIjaM pAtu vakSho lakShmI kukShiM mamAvatu |
shivakUTo.avatAtpR^iShThaM brahmakUTaM tu pArshvayoH || 7||
shaktikUTo.avatAnnAbhiM kAntikUTo gudaM tathA |
vAyukUTo.avatAddhastau shaktikUTastu jAnutaH || 8||
tAraM ja~Nghe sadA pAtu pAdau shaktirmamAvatu |
parA prabhAtakAle.avyAt vA~NmadhyAhne.avatAchcha mAm || 9||
sA sAyaM pAtu sarvatra mohA.avyAnmAM nishIthake |

pUrvAdidikShu tAro.avyAt vahnivAyoH parAvatu || 10||
jaladurbhikShadAridryAt shaktiH pAtu mamAnisham |
dArAputradhanADhyebhyo gajAshvagR^ihamaNDalAt || 11||
pAtu me kamalAbIjaM kAmaH shrIyoginIgaNAt |
vAgbhavaM sarvadA pAtu shrIvidyA sarvato.avatu || 12||
itIdaM kavachaM divyaM mahAshrIShoDashImayam |
mUlamantramayaM gopyaM sarvAshAparipUrakam || 13||
sarvashreyaskaraM nityaM stutaM siddhipradaM kalau |
yaH paThetsAdhako nityaM dhatte maunavrataM shive || 14||
sa eva shoDashIputraH kAmeshvarasamaprabhuH |
shyAmAtmako mahAkAlarUpo vairivimardanaH || 15||
bahuputro ramAnAtho mAntrikottamashekharaH |
ityetatkathitaM varma mahAshrIshoDashImayam || 16||
vinAnena na siddhiH syAnmamApi parameshvari |
gopyaM guhyatamaM varma mUlamantramayaM param || 17||
paramArthAbhidhaM vastu gopayetsa sadAshivaH ||

iti shrIrudrayamale tantre mahAShoDashI kavachaM sampUrNam |
shrIrastu ||

##
Encoded by Sivakumar Thyagarajan
Proofread by Sivakumar Thyagarajan, PSA Easwaran



\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}