% Text title            : ShoDashIshatanAmastotram
% File name             : ShoDashIshatanAmastotram.itx
% Category              : aShTottarashatanAma, devii
% Location              : doc\_devii
% Transliterated by     : Shree Devi Kumar
% Proofread by          : PSA Easwaran psaeaswaran at gmail.com
% Description/comments  : brahmayAmale pUrvakhaNDe
% Acknowledge-Permission: Mahaperiaval Trust
% Latest update         : July 2, 2017
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIShoDashIshatanAmastotram ..}##
\itxtitle{.. shrIShoDashIshatanAmastotram ..}##\endtitles ##

bhR^iguruvAcha \-
chaturvaktra jagannAtha stotraM vada mayi prabho |
yasyAnuShThAnamAtreNa naro bhaktimavApnuyAt || 1||
brahmovAcha \-
sahasranAmnAmAkR^iShya nAmnAmaShTottaraM shatam |
guhyAdguhyataraM guhyaM sundaryAH parikIrtitam || 2||
asya shrIShoDashyaShTottarashatanAmastotrasya shambhurR^iShiH
anuShTup ChandaH shrIShoDashI devatA dharmArthakAmamokShasiddhaye
viniyogaH ||
OM tripurA ShoDashI mAtA tryakSharA tritayA trayI |
sundarI sumukhI sevyA sAmavedaparAyaNA || 3||
shAradA shabdanilayA sAgarA saridambarA |
shuddhA shuddhatanussAdhvI shivadhyAnaparAyaNA || 4||
svAminI shambhuvanitA shAmbhavI cha sarasvatI |
samudramathinI shIghragAminI shIghrasiddhidA || 5||
sAdhusevyA sAdhugamyA sAdhusantuShTamAnasA |
khaTvA~NgadhAriNI kharvA khaDgakharparadhAriNI || 6||
ShaDvargabhAvarahitA ShaDvargaparichArikA |
ShaDvargA cha ShaDa~NgA cha ShoDhA ShoDashavArShikI || 7||
kraturUpA kratumayI R^ibhukShakratumaNDitA |
kavargAdi pavargAntA antasthAnantarUpiNI || 8||
akArAkArarahitA kAlamR^ityujarApahA |
tanvI tattveshvarI tArA trivarShA j~nAnarUpiNI || 9||
kAlI karAlI kAmeshI ChAyA saMj~nApyarundhatI |
nirvikalpA mahAvegA mahotsAhA mahodarI || 10||
meghA balAkA vimalA vimalaj~nAnadAyinI |
gaurI vasundharA goptrI gavAmpatiniShevitA || 11||
bhagA~NgA bhagarUpA cha bhaktibhAvaparAyaNA |
ChinnamastA mahAdhUmA tathA dhUmravibhUShaNA || 12||
dharmakarmAdi rahitA dharmakarmaparAyaNA |
sItA mAta~NginI medhA madhudaityavinAshinI || 13||
bhairavI bhuvanA mAtA.abhayadA bhavasundarI |
bhAvukA bagalA kR^ityA bAlA tripurasundarI || 14||
rohiNI revatI ramyA rambhA rAvaNavanditA |
shatayaj~namayI sattvA shatakratuvarapradA || 15||
shatachandrAnanA devI sahasrAdityasannibhA |
somasUryAgninayanA vyAghracharmAmbarAvR^itA || 16||
ardhendudhAriNI mattA madirA madirekShaNA |
iti te kathitaM gopyaM nAmnAmaShTottaraM shatam || 17||
sundaryAH sarvadaM sevyaM mahApAtakanAshanam |
gopanIyaM gopanIyaM gopanIyaM kalau yuge || 18||
sahasranAmapAThasya phalaM yadvai prakIrtitam |
tasmAtkoTiguNaM puNyaM stavasyAsya prakIrtanAt || 19||
paThetsadA bhaktiyuto naro yo nishIthakAle.apyaruNodaye vA |
pradoShakAle navamIdine.athavA labheta bhogAnparamAdbhutAnpriyAn || 20||

iti brahmayAmale pUrvakhaNDe ShoDashyaShTottarashatanAmastotraM samAptam ||

##
Proofread by PSA Easwaran psaeaswaran at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}