% Text title : akulviiratantra % File name : akulviiratantra.itx % Category : tantra, devii, devI % Location : doc\_devii % Transliterated by : Michael Magee 1997 - http://www.shivashakti.com/ % Proofread by : Mike Magee % Latest update : January 5,2005 % Send corrections to : Mike Magee % Description-comments : akulviiratantra % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. akulavIra tantram ..}## \itxtitle{.. akulavIra tantram ..}##\endtitles ## shrImachChandapAdakebhyo namaH | shrImInasahajanandaM svakIyA~Ngasamudbhavam . sarvamAdhAragambhIramachalaM vyapakaM param . athAtaH sampravayAmi akulavIraM mahadbhUtam . guhyAd guhyataraM guhyaM siddhasadbhAvasantatiH .. 1.. anagrahAya lokAnAM siddhanAthena bhAShitam . gopanIyaM prayatnena yadIchChan shAshvataM padam .. 2.. saMsArArNavamagnAtAM bhUtAnAM mahadAshrayam . yathA nadInadAH sarve sAgare samupAgatAH .. 3.. tathA akulavIreShu sarvadharmA laya~NgatAH . sarvAdhAramasheShasya jagataH sarvadA prabhuH .. 4.. sahajAnandaM na vindanti sarvadharmasamAsR^itAH . anAnantamalairgrastA mahAmAyAndhachChaditAH .. 5.. shAstrajAlena santuShTA mohitAstyajayantitAH ##(?)## . na vindanti padaM shAntaM kaulAnAM niShkalaM gurum .. 6.. saMvAdayanti ye kechin nyAyavaisheShikAstathA . baudhAstu arihantA ye somasiddhAntavAdinaH .. 7.. mImAMsa pa~nchastrotAshcha vAmasiddhAntadakShiNAH . itihAsapurANa~ncha bhUtatattvantu gAruDam .. 8.. ebhiH shaivAgamaiH sarvaiH parokSha~ncha kriyAnvitAiH . savikalpasiddhirsa~nchArantat sarvaM pApabandhavit .. 9.. vikalpabahulAH sarvairmithyAvAdA nirarthakAH . na te mu~nchanti saMsAre akulavIravivarjitAH .. 10.. sarvaj~naM sarvamAsR^itya sarvato hitalakShaNam . sarveShAM siddhistatrasthA sarvasiddhi~ncha tatra vai .. 11.. yatnAsau akulavIro dR^ishyate sarvatomukham . taM viditvA paraM rUpaM mano nishchalatAM vrajet .. 12.. shabdarUparasasparshagandha~nchaivAtra pa~nchamam . sarvabhAvAshcha tatraiva pralINAH pralayaM gatAH .. 13.. bhAvAbhAvavinirmukta udayAstamanavarjitaH . svabhAvamatimataM shAntaM mano yasya manomayam .. 14.. akulavIramiti khyAtaM sarvAdhArapAparam . nAdhAralakShabhedantu na nAdagochare paThet .. 15.. hR^idi sthAne na vaktre cha ghaNTikA tAlarandhrake . na iDA pi~NgalA shAntA na chAstIti gamAgame .. 16.. na nAbhichakrakaNThe cha na shire naiva mastake . tathA chakShurunmIlane cha na nAsAgranirIkShaNe .. 17.. na pUrakakumbhake tatra rechake ##[##cha##]## tathA punaH . na bindubhedake granthau lalATe na tu vahnike .. 18.. praveshanirgame naiva nAvAhanavisarjanam . na karaNairnAsanaM mudrairnamAse bhinnatAluke .. 19.. na nirodho na choddhAro nAtItAM chAlanaM na hi . na preryapreraka~nchaiva na sthAnannaiva chashrayam .. 20.. na chAtmanaiva tad grAhyaM grAhyAtItapadaM bhavet . etat pakShavirnirmuktaM hetudR^iShTAntavarjitam .. 21.. na dUre na cha vai nikaTe na bharito na cha riktakaH . na unnona so.adhika ebhiH pakShairvivarjitam .. 22.. yashcha viMshAtmako hyeSha pudgala nAsti yatra vai . yatra lakShaM na vidyeta akulavIra sa ucchyate .. 23.. yasyaivaM saMshitaM ka~shchit samarasa saMshitaH . sa brahmA so harishcaishaH sa rudro sa cha IshvaraH .. 24.. sa shivaH paramadevaH sa somArkAgnikastathA . sa cha sA~NkhyaH purANAshcha arhantabuddha eva cha .. 25.. svayaM devI svayaM devaH svayaM shiShyaH svayaM guruH . svayaM dhyAnaM svayaM dhyAtA svayaM sarvatra devatA .. 26.. yAdR^ishena tu bhAvena puruSho bhAvayet sadA . tAdR^ishAM phalamAvpnoti nAtra kAryavichAraNAt .. 27.. asyaiva hi hi nAmAni pR^ithagbhUtAni yogibhiH . anAma tasya giyante bhrAntij~nAnavimohitaiH .. 28.. dharmAdharmasamAkliShTAvikalpatamashChAditAH . tena mu~nchanti saMsAraM narakaM yonisa~Nkulam .. 29.. akulavIraM mahadbhUtaM yadA pashyanti sarvagam . sa bAhyAbhyantare nityaM ekAkAraM charAcharam .. 30.. nistara~NgaM nirAbhAsaM padabhedavivarjitam . sarvAvayavanirmuktaM nirlayaM nirvakArajam .. 31.. adR^iShTanirguNaM shAntaM tattvAtItaM nira~njanam . sarvaj~naM paripUrNa~ncha svabhAvashchaivamakShayam .. 32.. kAryakAraNanirmuktamachintyamanAmayam . mAyAtItaM nirAlambaM vyApakaM sarvatomukham .. 33.. samatvaM ekabhUta~ncha UhApohavivarjitam . akulavIraM mahadbhUtaM astinAstivivarjitam .. 34.. na mano na cha vai buddhirna chintAchetanAdikam . na kAlaH kalanAshaktirna shivo na cha indriyaH .. 35.. na bhUte gR^ihyate so hi na sukhaM duHkhameva cha . na raso hi na sukhaM duHkhameva cha .. 36.. na raso virasashchaiva na kR^ito na cha jAyate . na chChAya na cha tApastu na shIto na cha uShNavAn .. 37.. na dR^ishyate mana statra udayAstamanavarjitam . na sImA dR^ishyate tatra na cha tirthyaM na cahivahi .. 38.. advaitamachalaM shAntaM sa~NgadoShavivarjitam . nirAkulaM nirvikalpa~ncha nibaddha~ncha malakShaNam .. 39.. anAthaM sarvanAtha~ncha unmanAM madavarjitam . anigR^iDhamasandhi~ncha sthAvaraM ja~Ngameva cha .. 40.. jvalajvalanabhUmyA cha Apo~nchaiva tathaiva cha . sarvaM samarasaM pUrNaM akulavIrantu kevalam .. 41.. yasyaiShA sam.sthitA muktiH sa mukto bhavabandhanAt . na tasya mAtApitA va bAndhavaM na cha devatA .. 42.. na yaj~naM nopavAsa~ncha na kriyA varNabhedakam . tyaktvA vikalpasa.ghAtaM akulavIralayaM gatAH .. 43.. na japo nArchanaM snAnaM na homaM naiva sAdhanam . agnipraveshanaM nAsti hetantabhR^igu nodanam .. 44.. niyamo.api na tasyAsti nopavAso vidhIyate . pitR^ikAryaM na karotAti tIrthayAtrAvratAni cha .. 45.. dharmAdharmaphalaM nAsti na snAnaM nodakakriyA . svayaM tyaja sarvakAryANi lokAchArANi yAni cha .. 46.. samayAchAravichAra~ncha kR^itakA bandhakAni tu . sa~Nkalpa~ncha nikalpa~ncha ye chAnye kila dharmiNaH .. 47.. bhave yogI nirAchAro pashuchAravivarjitaH . siddhishchavividhAkAra pAtAle cha rasAyanam .. 48.. pratyakSha~ncha yA labdhaM na gR^ihnIyAt kadAchana . sarva~ncha pAshajAla~ncha adhomArgapradAyakaH .. 49.. eteShu mochanA nAsti akulavIravivarjitAH . yathA mR^itAH na jAnanti svAdaM kaTumadhurasya tu .. 50.. tathA akulavIrantu na jAnanti svabhAvagam . yathA madirA mahAntasya kathitaM nevashakR^ite .. 51.. rasyaparamAnandamatiguhyaM sugopitam . lokAnAM cha hitArthAya siddhanAthena bhAShitam .. 52.. nirvikalpaM padaM shAntaM yatra lInaM parAparam . mokShasya tanmahAsthAnaM mantrarUpavivarjitam .. 53.. tatraiva sR^iShTirUpeNa punastatra layaM gatA . kintena bahunoktena sarvabandhavivarjitam .. 54.. akulavIraM yadA labdhaM tadA kiM kaulikaiH kramaiH . labhdvA tu mokShasadbhAvaM akulavIraM mahApaham ..55.. kaulamArge dvayo santi kR^itakA sahajA tathA . kuNDali kR^itakA j~neyA sahajA samarasa sthitA .. 56.. preryaprerakabhAvasthA kR^itakA sA.abhidhIyate . tataH sa pAtayed bhUmai mudrAmantrairniyogitaiH .. 57.. Ahute patane chAnye karNajApena dhUpakaiH . etat sAdhyamidaM tattvaM etad dhyAna~ncha dhAraNA .. 58.. anekaiH karmasa~NghAtaiH nAnAmArgavibhAvanaiH . vikalpakalalolloyA udbhrAntA bhrAntachetasaH .. 59.. hR^idi shokena santaptA vyAsa~NgAchcha mahAbhayaiH . harShaviShAdasampannA shochyamAnA muhurmuhuH .. 60.. tAvadbhramanti saMsAre kalpAkalpairbhavArNavaiH . dagdhabIjeShu sambhUtiryathA naiva prajAyate .. 61.. mUlaChinne yathA vR^ikShe na prarohaM vidyate . akulavIragataM bhinnaM nAnAbhAvAnubandhanaiH .. 62.. na badhyate yathA vimale rasaM vipralayaM gatam . tadvadakulavIre cha sattve bhrAbhrAkhya yadgataH .. 63.. timireNa yathAchChannamuditArkaM na pashyati . aj~nAnamanastadvad bhrAntijAlavimohitA .. 64.. akule vIre cha samprApte sarvametadvinishyati . dadhimadhe yathA sarpiH kAShThe chAgni sthito yathA .. 65.. puShpe gandhastile tailaM vR^ikShe chAyA samAshritA . madyamadhye yathAnandaM dIpe prabhA samAshritA .. 66.. padmamadhye cha kuNDalyA a~Ngapratya~Ngameva cha . raktArthAkulavIre cha tatsarvaM viniyojitam .. 67.. bhAvA.abhAvAdisam.yuktaiH pratyayairddR^iShTigocharaiH . akulavIraM na jAnanti kR^itakairmohitAtmanaH .. 68.. pAshajAlanibaddhAshcha mahAmAyavimohitAH . na jAnanti padaM shAntamachintyaM nityasambhavaH .. 69.. sarvavyApibhAvasthaM sthAnavarNavivarjitam . sarvabhUtasthitaM hyekamadhyayaM dheyavarjitam .. 70.. sa cha sarvagato bhAvaH sthire pUrNo nirantare . tatra mano vilInantu achalaM bhavatanmayam .. 71.. manovR^iddhistathA chintyaM kShiptA tanmayatAM gatA . yathA tiShThati tattvasthaH shivaniShkalamavyaye .. 72.. tadA tanmayatAM yAti nirmalaM nishchalaM padam . akulavIraM mahadbhutamekavIraM cha sarvagam .. 73.. durlabhaM surasiddhAnAM yoginInA~ncha gocharam . kechid vadantIdaM dharmamidaM shAstramidaM tapaH .. 74.. ayaM lokamimaM svargamidaM sAdhyamidaM phalam . idaM j~nAna~ncha vij~nAnaM shuddhAshuddhamidaM param .. 75.. j~neya~ncha tattvakUTa~ncha yatra dhyAna~ncha dhAraNA . tadAsau yoginI hyekaH nAnyastu hi dvitIyakaH .. 76.. anAgatantu gata~nchaiva na hachChenna cha tiShThati . na bhUtaM na bhaviShya~ncha sthitipralayavarjitam .. 77.. na chAhaM prachitairdoShaiH liptate na kadAchana . nAhaM kashchinna me kashchinna baddho na cha bAdhakaH .. 78.. na mukti vai na cha na muktame mokShasya cha spR^ihA . gachChaMstiShThan sthapan jAgrad.hbhU~njAnao maithune.api vA .. 79.. bhayadAridrashokaishcha vividhairbhakShaNaistathA . chikitsA naiva kurvIta indriyArthaiH kadAchana .. 80.. Acharet sarvavarNaistu na tu bhakShyaM vichArayet . evaM sa charate yogI yathAraNye hutAshanaH .. 81.. piNDabadhA~ncha nAnAsti avasthA murkhavAsanAm . somashUnyastathA vahniprANAyamavarjitam .. 82.. aprameyanirAbhAsaM dhAraNAdhyAnavarjitam . yena janmasahasrANi bhaktyA sampUjito guruH .. 83.. te labhanti mahAj~nAnaM akulavIrantu mokShadam . yoginIrAkiNIchakre yasya bhaktiH sunishchalA .. 84.. akulavIraM mahadbhUtaM gambhIraM gahanAmayam . piNDAtItaM yadA j~neyamapiNDaM piNDavarjitam .. 85.. padavya~njananirmuktaM vimalaM satatoditam. talline tanmayAtmAnaM vindate shvAshvataM padam .. 86.. chitAtItaM bhavet so hi yogasaMyogavarjitam . nirvANaM vAsanAhInaM tR^iptAtma cha nirAmayaH .. 87.. tena labdhA na sandeho.amalA malachChedanAH . tasya pravarttate kShiptaM tasyaiva sarvasarvagam .. 88.. vedasiddhAntashAstrANi nAnAvidhAni shikhAni cha . tAni sarvANi mohAni kAyakleshairnirarthakam .. 89.. vidyAha~nKAragrastAstu garvitAH kugatiM gatAH . anarthena cha santuShTA bahugranthArthachintakAH .. 90.. akulavIraM na vindanti kR^itakairmohitAmanaH . garvitAnaM kuto j~nAnaM granthakoTishatairapi .. 91.. karpUraku~NkumAdInAM vastratAmbUlameva cha . kharavadbhavati tadbhAraM sarvaM tasya nirarthakam . akulavIra~ncha dehasthaM yadA pashyati sarvagam .. 92.. dharmAdharmaphalaM nAsti nodakaM tIrthasevanA . na kriyA satyashchaivaM vA karmakANDe na bhAvanA .. 93.. na tasya karmakarmANi lokAchArANi yAni cha . charitAH samayAchArA janairbhrAntivimohitaiH .. 94.. akulavIraM na jAnanti kiM vishiShTaM kutaH sthitam . kR^itakA bandhanA loke kalpitAshcha kupaNDitaiH .. 95.. sam.kalpavikalpa~ncha kalAkarmANi yAni cha . siddhayo vividhA loke pAtAlaM cha rasAyanam .. 96.. pratyakSha~ncha yadA labdhaM na vigR^ihNIyAt kadAchana . sarve te pAshabaddhAshcha adhomArgapradAyakAH .. 97.. na chaitairmuktiH sam.sAre akulaM bIravarjitAH . yathA madiramAnandaM kathitaM naiva jAyate .. 98.. tadvadakulavIrAkhyaM svasam.vedyaniropaNam . na jAnanti narA mUDhAH sArAt sArataraM param .. 99.. tAvad bhrAntivimugdhAtmA yAvattalaM na vindati . chitAtIte yadA yogI sa yogI yogachintakaH .. 100.. viraktA vAsanA yasya tR^iptAtma cha nirAmayaH . tAvad bhramanti mohAtmA nAnAbhAvAnubandhanaiH .. 101.. yAvat samamekatvaM paramAnandaM na vindati . murkhANAM cha yathAshAstraM kumArIsuratiM yathA .. 102.. akulavIraM vindanti kathyamAnaiH kumArikAH . dishaveshAvinirmultaM sthAnavarNavivarjitam .. 103.. nirAkulaM nirvikalpaM nirguNa~ncha sunirmalam . anAthaM sarvanAtha~ncha pramAdonmAdavarjitam .. 104.. ghananiviDanisandhisthAvare ja~NgameShu cha . jale jvalane tathA pavane bhUmyAkAshe tathaiva cha .. 105.. sarvatra samarasaM bharitamakulavIrantu kevalam . na j~nAtaM yena dehasthaM sa muktaH sarvabandhanAt .. 106.. na tasya kriyAbandhena na vedyaM na cha vedanA . na yaj~no nopavAsashcha na charyA na kriyodayaH .. 107.. na varNo varNabhedashcha akulavIraM yadAgatam . na jApo nArchAnagnInAM na homo naiva sAdhanam .. 108.. nAgnipraveshanantasya mantrapUjAcharaNodakam . niyamAshcha na tasyAsti kShetrapIThe cha sevanaiH .. 109.. na kriyA nArchanAkAdyairna tIrthAni vratAni cha . nirAlambapadaM shAntaM tathAtItaM nira~njanam .. 110.. sarvaj~naparipUrNa~ncha svabhAvena vilakShyate . kAryakAraNanirmuktamachintita~ncha anAmayam .. 111.. mAyAtItaM nirAlambaM vyApakaM sarvatomukham . svadehe saMsthitaM shAntamakulavIraM taduchyate .. 112.. samastamekadAbhUtaM dvaitAbhAvavivarjitam . akulavIraM mahadbhUtamastinAstivivarjitam .. 113.. manobuddhichittastachittA naiva svachetanA . na kAlakalanA chaiva na shaktishca na chendriyaH .. 114.. na bhUte gR^ihyate so hi na duHkhaM sukhameva cha . na raso.adhirasashchaiva kR^itakaM naiva kArakam .. 115.. na chChAyA nAtapo vahnirna cha shItoShNavavedanA . na dinaM rAtrimityuktamudayAstamanavarjitam .. 116.. na mano dR^ishyate tatra norddhvamadhyaM cha j~nAyate . akShobhyamachalaM shAntamIdR^ishaM tattvanirNayam .. 117.. yAdR^ishena tu bhAvena puruSho bhAvayet sadA . tAdR^ishaM phalamApnoti nAtra kAryavichAraNAt .. 118.. eva~ncha kulasadbhAvamavAchyaM paramAmR^itam . agamyaM gamyate kasmAd bhrAntij~nAnavihohitAH .. 119.. na dUre na nikaTe chaiva pratyakShaM na parokShatA . na bharito na rikto vA nipuNo nApi chAdhikaH .. 120.. etat.hpakShavinirmukto hetudR^iShTAntavarjitaH . kR^itakairmohitA mUDhAH karmakANDaratAstu ye .. 121.. na teShAM muktiH saMsAre narake yonisa~Nkule . akulavIraM mahadbhUtaM yadA pashyati sarvagam .. 122.. sabAhyAbhyantaraikatvaM sarvatraiva vyavasthitam . nistara~NgaM nirAbhAsaM padachChedavivarjitam .. 123. sarvAvayavanirmuktaM nirvikAra~ncha nirmalam . adR^ishyaM nirguNaM nityaM nirNirodha~ncha nishchalam .. 124.. na dhyAnaM dhAraNA naiva na sthAnaM varNameva cha . na rechakaM pUraka~nchaiva narod.hghAta~ncha kumbhakam .. 125.. na chAntamAdimadhyasthaM na sato vR^iddhireva cha . grAhyagrAhakanirmuktagranthAtIta~ncha yadbhavet .. 126.. etaiH sarvairvinirmuktaM hetudR^iShTAntavarjitam . sabAhyAbhyantaraikatvaM sarvatraiva vyavasthitam .. 127.. samarasAnandrarUpeNa ekAkAraM charAchare . ye cha j~nAtaM svadehasthamakulavIraM mahadbhUtam .. 128.. yasyA vashaM sthitaH kashchit samarasaM rasasaMsthitam . sa brahmA sa harishchaiva sa rudra~nchaiveshvarastathA .. 129.. sa shivaH shAshvato devaH sa cha somArkasha~NkaraH . sa vishAkhyo mayurAkSho arhanto budhameva cha .. 130.. svayaM devi svayaM devaH svayaM shiShyaH svayaM guruH . svayaM dhyAnaM svayaM dhyAtA svayaM sarveshvaro guruH .. 131.. sarvaj~naH sarvamAsR^itya sarvato hitalakShaNaH . sarvayoginI tatrasthA sarve siddhAshcha tatra vai .. 132.. sarvaM sarvA^rthakaM chaiva sarvaj~nAnashca tatra vai . yathAsau mahArtha~ncha akulavIramiti smR^itam .. 133.. shabdaH sparsho raso rUpaM gandho vadyANipama cha . sarve bhIrAshcha tatraiva ye pralInAH pralayaM gatAH .. 134.. nAdhAre dhyeyalakShye cha na nAdagochare pare . na hR^idi nAbhikaNThe vA vaktre ghaNTikarandhrayoH .. 135.. na iDA pi~NgalA chaiva suShmaNa cha gamAgamaiH . na nAbhichakre kaNThe cha na shire binduke tathA .. 136.. chakShukarNonmIlanaM naivaM nAsikAgranirIkShaNe . na pUrake kumbhake chaiva rechake cha tathA punaH .. 137.. na bindubhedagranthau cha lalATe na cha chandramAH . praveshe nirgame chaiva shikhA Urddhve na binduke .. 138.. na karairna sarairmudraiH nAkAsho vAyumaNDale . na chApe chandrasUrye cha bhAvAbhAve samAgame .. 139.. anaupamyaM nirAlambaM pakShApakShavivarjitam . aj~nAnamalagrastAtmA mahAmAyavimohitAH .. 140.. shAstrArthena vimuDhAtmA mohitA viduSho janAH . na vidanti padaM shAntaM kaivalyaM nishkriyaM gurum .. 141.. sa~NkhyAdayashcha ye kechit nyAyavaisheShikAstathA . bauddhArahantAshca ye kechit somasiddhAntadakShiNAH .. 142.. mImAMsA pa~ncharAtra~ncha vAmadakShiNakaulikAH . itihAsapurANAni bhUtatattva~ncha gAruDam .. 143.. ete chaiva samAH sarve kechit vA.api kriyAnvitAH . vikalpasiddhidAH sarve tadvidurna cha paNDitAH .. 144.. vikalpabahalAH sarve mithyAvAdanirarthakAH . na te muchyanti saMsAre akulavIravivarjitAH .. 145.. yAni kAni cha sthAnAni girirnagarasAgaram . sarvatra saMsthitaM nityaM sthAvare ja~NgameShu cha .. 146.. pa~nchabhUtAtmakaM sarve yat ki~nchit sacharAcharam . shivAdyadevaparyantaM sarvaM tatraiva saMsthitam .. 147.. IdR^ishaM yoginaM dR^iShTvA upasarpanti ye narAH . gandaiH puShpaishcha dhUpaishcha khAnapAnAdibhakShaNaiH .. 148.. tarpayanti cha ye bhaktAstrividhaishchaivAntarAtmanA . te.api bandaiH pramuchyanti muktimArgI na kADkShiNaH .. 149.. brahendraviShNurudra~ncha arahantA buddhameva cha . viShAkhyo mayUrAkSha ye cha R^iShayastapodhanAH .. 150.. devAdibho narendrAshcha ye chAnye mokShakA~NkShiNaH . te sarve mokShamichChanti akulavIrantu mokShadam .. 151.. athAnyaM sampravakShyAmi bhinnAvasthAM svabhAgaH . pUrvaM yaduktA sarve anvayamArge tvakaulike .. 152.. ## * * * * * * * * * *## ## * * * * * * * ## nAtra saMshayaH .. 153.. na jarAsteShAM na mR^ityushcha na shoko duHkhameva cha . sarvavyAdhiharashchaiva na punarbhavasambhavaH .. 154.. akulavIraM sthitaM divyaM siddhanAthaprasAdataH . sarvataH sarvadA shuddhaH sarvataH sarvadA prabhuH .. 155.. iti machChendrapAdAvatArite kAmarUpisthAne yoginIprasAdAllabdhaM akulavIraM samAptam . ## Encoded by Mike Magee ac70@cityscape.co.uk \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}