% Text title : Anantashakti Stava % File name : anantashaktistavaH.itx % Category : devii, devI, tantra % Location : doc\_devii % Proofread by : Mohan Chettoor % Description/comments : From Stotras Samahara Part 1 (ed. K.Raghavan Pillai) % Latest update : September 4, 2022 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Anantashakti Stava ..}## \itxtitle{.. anantashaktistavaH ..}##\endtitles ## prasAntapadataH svataH sphurati yeyamAdyaprabhA samataguNagarbhiNI vividhamantravarNAmbikA | niruttarachamatkR^itiprasarasArasambodhikA jayatyagamajA tridhA tripurasundarI sAvyayA || 1|| ichChAj~nAnakriyAkhyaM tritayamiha paraM vAgbhavAdikramaughai\- ryA devI nirvibhAgA paramashivapadA sphArayantI nitAntam | svAtantryollAsavR^ittirniravadhivibhavA nirmalA nirNayetA\- (nirNayedA) varNAvarNakArasphurittanulatA sA jyatyAdyashaktiH || 2|| vargairaShTabhirAkR^itistanagatiH shIrShAMsahR^itpR^iShThagai\- rguhyA~NghrikramaniShThitastava sadA j~nAnapratAnapradA | chidrUpA paramA vibhAti nitarAM devyakShagAkShAshrayA pIThAj~nAnilayA trimUrtivasatiH kolApahA kauLinI || 3|| niruttarechChobhayasAmarasyA\- dyA mUrtirAdyA pravibhAti dIptA | AnandadAhArdhakalArdhagarbhA tAM naumi shR^i~NgATavarAsanasthAm || 4|| hutavaharavisomabrahmachakrAntarAle sphurati niravakAshA shambhushaktiH svatantrA | sakalabhuvanavargaM pUrayantI svabhAbhiH paramashivadharAdyA bhinnamUrtiM numastAm || 5|| (namastAm) brahmavyomno vikasitagatiH shaktirAdyA sphurantI mAyAgarbhe samarasatayA vyaktarUpaM vidhAya | tyaktvA bhUmiM bharitabhuvanA janmasaM.nj~nAM susUkShma\- prANoddhAtaiH shikhishitamukhA mohinI granthisaktAm || 6|| prolla~NghyAshu pratatahR^idayavyomadhAmAvyayAbhA svairaM prApya kShapitakalanA yA mahAnAdavR^ittiH | nityA devI niravadhilasadvAgvilAsaprapa~ncha\- sphUrtyuddAmagrathitarachanAhetubhUtAM numastAm || 7|| bhUyastato.api hR^idayArdhakalAkR^itiryA shaktiH parA niravadhi karavA virauti | prANapravR^ittishamataH parabhR^imimaptA vaktrAtigA vitataturyanamaHsvarUpA || 8|| (vitataturyanabhaHsvarUpA) tAM naumyanantavibhavAM bhuvanAlivarti\- mattA~NganAhR^idayamohanadakShalakShAm | devIM parAM tripurasundarinAmadheyAM sarvAbhilAShaparipUraNakalpavallIm || 9|| binduM vigAhya paramAmR^itasAravarShA vegAd vimuchya paritaH kapilAvanisthAm | hArdhAkR^itiprabalavahnisahasradIptA mAyAvimohavilyAchChivadhAmakhasthA || 10|| shaktiH parA jayati sA paramA vibheda\- vR^ittyA jagatsukhacharaM vachasAmagamyam | AsAdya satsu vitanoti vimuktilakShmIM yasyAH smR^ite cha layameti viShaM tridhottham || 11|| itthaM devyA niravadhi mahaH sarvAdikkaM vibhAti tredhA mAntraM satatavitataM kAmachArakrameNa | R^iddhiM siddhiM nirupamamahAmokShakakShyAmapIha prasphAryAshu svakuLapadgaM yasya samyak sa muktaH || 12|| shAktena bIjena vikAsya shakti\- michChAtmikA yA viShamatti sarvam | unmIlayantI bhuvanAnyabheda\- rUpANi garbhe tu namAmyahaM tAm || 13|| naira~njanaM dhAma paraM nitAntaM vikAsayantI sadasadvihInam | chakrAshrayAdikramavikramaudha\- saMhAriNIM naumi chitiM svatantrAm || 14|| kAmAkhyabIjena chitiM kriyAkhyAM prollAsa vishvaM vamanAt samagrAm | karoti nityaM nijabIjavR^itti\- mAhAtmyato yA graNamAmyahaM tAm || 15|| Adyena bIjena sadeva devI (sadaiva) j~nAnAbhidhAM shaktimihAmitAbhAm | viShphArya ga~NgAjalavIchividyA (vIchivadyA) tanoti kAvyaM ruchiraM numastAm || 16|| brAhme bile hR^idbhuvi nAbhidhAmni yadvarNabha~NgirnitarAM vibhAti | tAM naumi devIM paranAdashaktiM prollAsarUpAM tripurAM trimArgAm || 17|| sphaTikamaNinibhaM yachChaktibIjaM karandhre prabhavati parasaMvidyAbhinInAtharUpam | amR^itanikaradhArAsAramuchchairvimuchya pratatakulakalApavyApakaM tat prapadye || 18|| abhinavadinanAthaprasphuratkAntivarNaM hR^idayagaganadhAmni bhrAjate yat sadaiva | tadiha kusumachApasphArakaM kAmarAjaM bhavati nikhilakAntAsantaterdhyAnayogAt || 19|| kusumavishikhavarNaiH pa~nchabhiH sAdhyanAma sphuradanupamanAdasphAramAvishya samyak | vR^itamiha nitarAM yat kAmarAjodarasthaM katipayadinapUjAdhyAnataH kShubhyate tat || 20|| kuLagaganapadAntardivyali~NgAgrabhAge prabhavati parabIjaM vAgbhavaM vidyudAbham | yadiha vividhavidyAdyotakaM dhyAnagamyaM jayati niruparAgaM tat paraM vishvarUpam || 21|| vAgbhAvAdyaiH sphuradamitabhAbhAsvaraiH ShaTprakArai\- rdivyaM mAntraM vapuranupamaM tAvakaM ye vidanti | teShAM devi! tvamapi paramAM siddhimuchchairdadAsi sthUlaM sUkShmaM paramatha mahAdhyAnamAshritya mAtaH || 22|| iti janani tavedaM divyamantrAkSharANAM nigaditamanupAdhi dhyAnamadhyAtmadR^iShTyA | guruvaraparavaktrasphArasatsampradAyAt prabhavati nijachitte yasya samyak sa siddhaH || 23|| itthaM tvadichChochchalitA tridheyaM varNojjhitaM vArNamidaM svarUpam | prakAshayantI parachidvikAsa\- prollAsitaM yA praNamAmyahaM tAm || 24|| jayatrayaM gauNamathAvirUpaM (jagattrayM) dhAmAbhidhaM kAraNasa.nj~nitaM cha | chakrAdikaM tAtvikamapyananta\- khyApyetthamAshu prathitA khato yA || 25|| tridhA tridhedaM tu vikAsya vishvaM sarvAdigAnuttarachid vibhAti | sadAtmanA prachyutavR^ittiruchchaiH sthiteha tAM naumi parAM bhavAnIm || 26|| vishvaM sarvaM samarasatayA vyaktamantarvidhatte dvivyomA~NkAkulitavibhavA yAmbikA sA niruktA | sampratyeShA shitataramukhA bIjabhAvaM svatantrA shaktirvAmA prathamahakalAkAramAptA~Nkuratvam || 27|| kauNDilyeva prabhavati shikhAkAramAshritya dIptA jyeShThA daNDAkR^itiriva kalA darshitA shAstradR^iShTyA | raudrI raudrA trijagadakhilaM bhAsayantI trikoNA tvaM devyeva tridashanabhite bhAsanantaikataiva || 28|| (bhAsanantaikadaiva) AbhiH kalAbhirabhito nijarUpamatra prasphArya varNarachanAmavalambya devi! | sanmantratantravaravishvavibhAgachitraM saMvinnayasyakhilamAtmarucho vibhinnam || 29|| nAmarUpakalanAkulaM priye svairatAtra kulanAyike kulam | AshritArthamaguNaM kuLakramaM kauLyate kamapi cheShTitaM tvidam || 30|| prakAshadharmA bhagavAn mahesho yayA vinA bhAti na kutrachichcha | yadvIryavij~nAnavikAsayogAd vishvodayAbhAsanirAsakR^ityai || 31|| kartA vibhurbhedavibhAgamuktaH sattAM vigAhya prathate sadaiva | tAM naumi shaktiM tripurAbhidhAnAM mahAvimarshodayavR^ittirUpAm || 32|| ekA yA pa~nchashaktikramaparahutabhugyugmayugmaikyavR^ittau shArvI sanmaNDale.antaH prabhavati satataM yonibhistryuttarAbhiH | chatvAriMshadbhiruchchairakR^itakarachanArA~njite divyapadma\- dvandvA~Nke dvAraturyaM dishatu jagati shaM chakradevIyutA sA || 33|| prANo vahnirihochyate praLayakR^ijjanmAdishIrpAntagaH pronmeShaH kShititurthamArutamahAbhUtAntasattAshrayaH | shaktiH shAmbhavadhAmatastvanavadhiH sR^iShTikramaproditA kAdikShAntagatA sadeti guruto j~nAtvAmaratvaM yajet || 34|| agnirUrdhvagatirnR^INAM vapuH saMhartumudgataH | shaktiH sAmR^itavarSheNa taM vilApya tataH sR^ijet || 35|| tasmAdakuLataH shaktiM prasR^itAM bhAvayed budhaH | tadbhAvanAtaH satataM trijagat syAdanashvaram || 36|| apAnadharmA pratibhAti yasyAH puraHsthitaM pUrakadhAmaniShThaH | gaNAdhinAthaH sakalAn vilApya sa~NkalpavighnAn praNamAmyahaM tAm || 37|| prANapravAhaprachayasvarUpo dvArAgravartI baTuko vibhAti | vAMhyonyavargaughanipAnasakto (vAhyo?) yasyA natonaM tripureshvarIM tAm || 38|| sudhAbdhimukhyaM pravibhAti yasyAH ShoDhAsanaM chakrakalAtmikAyAm | tAM vishvarUpAM praNamAmyanalpa\- pronmeSharUpAM tripurAM trimArgAm || 39|| tryashramadhyagaganodaroditA sarvachakravibhavaughanAyikA | turyarUpamatragAhya bhAti yA tAM parAM tripurasundarIM numaH || 40|| oDDiyANaparapIThasaMshrayaM saMshritA niravakAshadharmiNI | nirvikalpaparadhAmachAriNI yA kalAmayamahaM nato.asmi tAm || 41|| sarvaj~natAdyAni varANi bhAnti yasyAH sadA~NgAni hR^idAdikAni | tAM naumi devIM paribodhadhAma\- spandAmarUpAmiha vAmakeshIm || 42|| ichChAdishaktitritayaM krameNa kAmeshvarImukhyamiha trikaM cha | pIThatrayAkAramaye trikoNe chakAsti yasyAH praNamAmyahaM tAm || 43|| rudrasya viShNoH kamalodbhavasya parasya cha brahmatanoH shivasya | ekaiva shaktiH pratibhAti nityaM nijechChayA janmapade cha shuddhAm || 44|| shabdAditanmAtravapurmahograM yasyAH purovarti mahaH samiddham | astrAShTakaM chaiva parAntarALe virAjate tAM praNamAmi devIm || 45|| chakraM vashinyAdi puraM maheshyA vargAShTakAkAra manusvarUpam | chakAsti yasyAH parito.aShTakoNe chakreshvarIM tAmiha naumi nityAm || 46|| tato dashAraM hutabhukkalAtma\- sarvaj~nadevIpramukhaM tu chakram | avyaktarUpaM pravibhAti yasyA\- stAM sUkShmanAdAM gaNamAmi nityAm || 47|| dvipa~nchakoNe.atha vibhAti dIptaM chakraM dvitIye dahanAMshurUpam | siddhipradAdipramukhaM tu yasyA vyaktaM purastAt tripurAM bhaje tAm || 48|| chaturdashAre kR^itasupratiShTaM sa~NkShobhiNImukhyamihArka chakram | antarbahIrUpakalAdvayena yuktaM tu yasyAH satataM numastAm || 49|| padme .aShTapatre sthitamaShTadhotthaM chakraM tu puryaShTakabhedabhinnam | urvyAdyaha~NkAramayaratvana~Nga\- puShpAdikaM yatpuragaM numastAm || 50|| dviraShTapatre jalaje.antarALe shItAMshurashmipravibhaktagAtram | kAmAbhidhAmukhyabhihoditaM tu yasyAshchitestAmiha naumi nityAm || 51|| bAhyaniShThachaturashrasaMsthitA mAtaro.aShTakakalAtmikA imAH | vyaktavargatanavo yada~NganA\- stAM namAmi pararAvachAriNI || 52|| tryashrAdichakranivahe prathitAM sadaivaM chakreshvarIchayamaye svayameva devI || nirdhAmadhAmavibhatrA parameshadhAmni yeyaM virAjitavapuH svachitiM numastAm || 53|| mudrAbhiru chchairdashabhiH svadhAma\- rUpAbhirAshu pravibhAtyameyA | trikhaNDamudrAdimayIbhirAdyA yeyaM chitistAM praNamAmi nityAm || 54|| modayanti svachitsphArairdrAvayanti malAni yAH | mudaM rAnti cha mudrAkhyAH khyAtAstA iha shaktayaH || 55|| ekaiva yA pUjanavaibhavena nAnAvichitreNa bahuprakAram | viShphArya rUpaM nijamaprameyaM virAjate tAM praNato.asmi devIm || 56|| proddAmapUjAkramabhedabha~NgayA yA prodgatA vyutkramataH samantAt | nijasvarUpapratipAdanAya tAM naumi devI gurumUrtimAptAm || 57|| chidvimarshavapuSho nirantarA rashmayastripurasundarIha ye | bhAnti te parashivAmbaraprabhA\- maNDalaM tadiha dhAma vAchakam || 58|| rekhAkramo bhAti vichitravR^itti \- ryo.ayaM svashaktiprasaraprabhedaH | ekasya chidvyomatanoraneka\- stathaiva sA saddhR^idi posphurIti || 59|| bAlabhAnusadR^ishena mUrtima\- dvaibhavena nijamAntaraM mahaH | darshayatyamitabodhabR^iMhitaM sarvadikkamiha yA nato.asmi tAm || 60|| ekena yA vaktravareNa devI sarvodayaM sarvavikalpamuktam | satsUchayantI parabhaktibhAjAM tvAM shaktimAnandatanuM namAmi || 61|| netratrayeNeha sadA bhavAnI yA jAgarAdiprabhavAtmakena | j~neyAdirUpaM trijagatprapa~nchaM saMlakShayantI praNamAmyahaM tAm || 62|| dordaNDayugmadvayasannivesha\- krameNa yA vargachatuShkamuchchaiH | AveshayantyAshu vichitramUrtI\- stAM naumi nityAM paramAmavAchyAm || 63|| dR^igAdivR^ittiprachayasvarUpaM sharau ghamuchchairiha pa~nchadhA yA | vibhakti devI nitarAmanAdi\- (bhinatti devI) bodhaikamUrtiH praNamAmyahaM tAm || 64|| chaitanyaviShphAravapurbibharti yA kArmukaM buddhiguNena yuktam | tAM naumi devIM parachitprakAsha\- rUpeshvarA bhinnavimarshashaktim || 65|| AkR^iShya pAshena samastadoShAn mohAdikAn kauNDalivigraheNa | bhinatti yAstreNa mahA~NkushAkhya\- rUpeNa saMhArakalAmayena || 66|| tAM naumi devIM kuLashUnyadhAma\- madhyoditAM kAraNapa~nchakaM cha | janmAdibhUbhyantaragaM samantAd vilApayantImakuLAmavAchyAm || 67|| yA dvAdashAntaHsthitashaivadhAma\- labdhAspadA kAlakalAvimuktA | tAM naumi devIM parashUnyagarbhe shAntAM prashAntaM vapurudvahantIm || 68|| svAtantryatantreNa tato.api** vikAsavR^ittiM paramAM vigAhya | chAndraM mahAmaNDalamaprameyaM vidrAvya tUrNaM kuLamAvishantIm || 69|| pIyUShadhArAprachayena nitya\- mApUrya janmAvadhi dhAmni bhUyaH | labdhaprarohaprabhavaprashAnti\- rUpeha tAM shaktimahaM namAmi || 70|| AdhAramAku~nchya gurUktayuktyA prANAn niruyordhvavahaM samastam | prajvAla madhyasthita shaktitejaH\- (prajvAlya?) pu~njaM samAdhiM vibhajanti dhanyAH || 71|| itthaM samAvishya kuLaktramasthAM mudrAM mahAmantramayIsvarUpAm | prakAshatAM yAti nirAkhyarUpA yeyaM parA shaktiriha stumastAm || 72|| vigAhya meDhrAdinavaprakAra\- sthAnaughamuchchairnavabhiH sametam | shikhAgnilakShairjvalitA dadAti siddhiM parAM yA praNamAmyahaM tAm || 73|| anena saddoshikasampradAya kramodayenAshvavagamyate yaiH devI yadeShAM parabhuktimuktI dadAti garbhe tu namAmyahaM tAm || 74|| devIM numastAM paritaH svasaMvi\- drUpAM varAM bhaktivikAsayogAt | yayA malAditritaprapa~nchaH prakShAlito bodhajalaprapUraiH || 75|| puShpAdibAhyapratatopachArai\- rdevyarchyate bhaktajanaiH sadaiva | AbhyantarA kApyamitAtra pUjA yasyAH svarUpAnuguNasthitAyAH || 76|| tAmeva vakShye guruvaktrayuktyAH sa~NkShepataH sAdhuvibodhanAya | sUkShmAM parAM cha svachitisvarUpAM samyak samAvishya nijaprabodham || 77|| pitAmaharamAdhipaprabhR^itipa~nchakaM helayA vilApayati enmahaH prathamanAdavR^ittyudgamAt | (sanmaha?) tadeva vitataprathaM svakuLamadhyagaM devi te sthitaM svarasataH satAM vitatamadhyagaM nirmalam || 78|| tAsAM mahat ka~nchukapa~nchake(?)yat tadeva yasyArghyamanargaLasya | samarchyate tat praNamAmi bhakttyA devIsvarUpaM vitataprakAsham || 79|| pa~nchapravAhoditashaktichakra\- kramoddhR^itairbhAvavibhAgapuShpaiH | yAharnishaM devyanurodhatastvaM samate sadbhirabhiShTumastAm || 80|| brAhmAd bilAdUrdhvagamoditAlaM shaktiprabhA dhUpashikheva bhAti | yadagragAM naumi samastabhAva\- saMhAriNIM tAM nijachidvibhUtim || 81|| prANapravAhaughanighaTTanena yajjyotirAgneyamanalpavIryam | udaityasau dIpavaraH pradIpto yadagragastAM praNamAmi devIm || 82|| akhaNDitasvAtmamahAvabhAsa\- chitku~NkumaughaH pratatapramodaH | sadA~NgarAgaH pravibhAti yasyA\- stAM naumi devIM ramaNIyavR^ittim || 83|| akShavargagamaniShThitaM paraM chittabhairavavapurnivedanam | yatpriyaM niravadhiM namAmi tAM sundarImaparabodhabR^iMhitAm || 84|| chinmR^igA~NkavapupashchyutAmR^ita\- srAvasambhR^itamahArghyapAtrataH | tarpaNaM vitatamAsthitaM sadA yattanoH satatamasmi to nataH || 85|| janmakuNDagaganodarodgatashchitrabhAnuriha bhAbhirutkaTaH | akShapakShaviShayAhutIH sadA bhakShayan niravadhikramAkramaiH || 86|| jAjvalIti karaNeshasaptakaprAjyaghasmarashikhAvirAjitaH | chittatribhramamayendhanaiH sadA vahnikarma tava devyavarithatam || 87|| itthaM sadA sadbhiranAndivodhadhAmA niketaM guruvaktragamyam | samyak samAvishya samarchyate yA tAM naumi kA~nchichchitima prameyAm || 88|| iyaM parasmAdavibhinnarUpA shivasvatantrA kramato.akrameNa | Adau pareNAtha parAvarAkhyabhedenaM pashchAdapareNa devI || 89|| nijasvarUpaM tu vibhajya nityaM jahAti naivApratimaprabhAvam | shaivaM mahaH sarvavibhedamuktaM niruttaraM yA graNamAbhyahaM tAm || 90|| chida~NkuraM kAma kalAsvarUpaM binduM vichintyAmR^itatejaseddham | anAhatonmeShaninAdashaktivaktre sthitaM vyomabilAntarALe || 91|| tasyAdharasthaM shashisUryarUpaM bindudvayaM pArshvayugapravAham | tasyApyadho vahnishikhAsvarUparekhAkR^itiM cha pravilApya samyak || 92|| etaM kramaM dhyAnaparaM sadaiva tyaktvA ktramaM sarvAvikalpamuktam | dhyAyenmahAsAdhakapu~Ngavo yo labhet sa siddhi parama shivottamam || 93|| mAyAkAmAsanasthaM hR^idayapadAtaM kAmarAjasya sAdhyaM (hR^idayapadamataM?) dhyAtvA tadvAhyakoShTaM puTitamanupamaM vAgbhavaM tadbahishcha | brU~NkAraM koNaShaTke bahirapi cha tatastristhitA tumbururdhvaM kR^itvA klImbIjakaM yat smarati sa bhuvanaM kShobhayed devi samyak || 94|| idaM yantraM samAdhistho dR^iggoLo keLiyogataH (?) | mahAkAmakalAM dhyAtvA pUjayed yaH sa siddhibhAk || 95|| vidyAdharI suravadhUrapi siddhapatnI gandharvadivyalalanoraganAyikApi | yakSheshvarapriyatamA naradhuryarAmA tvatsevakasya bhavetIha vashA sadaiva || 96|| ekaikAkSharasAdhanaM vidhivaraistvanmUrtimAdyAM parAM dhyAtvA ye bhavapatni! sAdhakavarAH kurvanti teShAM sadA | tvaddR^ikpAtapavitritaikamanasAmatyadbhutA jAyate siddhiryadvashataH surAdhipamukhA dAsyaM spR^ishantyAdarAt || 97|| yo lakShANi varA~NgajanmahR^idayabrahmAkhyarandhrAtmanA khyAtAnyatra kuLAgame guruvarairyAnyAdyasiddheshvaraiH | tad.hdhyAnaM parito vidhAya nipuNairlakShatrayaM japyate shaktayuddIpanapUrvakaM tu paramA siddhistato jAyate || 98|| vashyAkarShaNavAgbhavAdipR^itanAstambhAdikAryakrama\- shchakradhyAnasamarchanAdividhinA sid.hdhyatyavashyaM nR^iNAm | kAruNyAt tava devi! nirmaladhiyAM mohAbhidhAnakShayA\- nmokShapratyayadarshanAya satataM mukhyAnubhAvo.atra naH || 99|| chaturthashaktiprathitaM vilApya mohaprarohaM bhavabhedadaM yA | vikAsya nirdvandvachitiprakAshaprakAshitAM shaktimanugrahAkhyAm || 100|| vibhAti tAM naumi bhavAbdhimadhye pronmagnajantUddharaNaikadIkShAm | nirdhAmadhAmakrama viShphuli~Nga\- prapUritAsheShadigantarALAm || 101|| akR^itakaparabhaktivyaktisaMsaktachitta\- prathitavitarabodhasphArasampreraNena | kR^itamidamaniketadhyAnasAdhyaika mUrte\- rnirupamanijasaMviddevatAmAyayochchaiH || 102|| guruvaravadanotthaprAjyasatsampradAya \- kramaparamarahasyairbR^iMhitairvAgvilAsaiH | tripuramathanakAntAbhaktisaktena yattat stabakamamalachittA hanta shR^iNvantu santaH || 103|| anantashakti kR^ichchedaM stotraM tava maheshvari ! | yat tena devi! bhaktAnAM bhuktimuktimahAphalam || 104|| (anantashaktistavanAmakamidaM tripurasundarIstotram | kuLayogAnusAraM vividha\-mUlamAlasampuTitaiH parashshatairanavadyaiH padyaiH sa~NgumphitamidaM sAdhakAnAmanantashaktipradam | devyAM tripurAmbikAyAM akR^itaka\-bhaktimatA vitatabodhena gurUpadeshadvArA kauLa\-sampradAyarahasyavedinA kenApi sAdhakavareNa virachitamidaM stavaratnamityetasyAntimashlokAbhyAmavagamyate || ) ##(This stotra is much tantric in content and many of the mysterious formulae (bIjamantra) employed by tantrics are incorporated in it. The authot himself makes it clear that he has followed the kaula system of tantra in composing the work.)## iti anantashaktistavaH samAptaH | ## Proofread by Mohan Chettoor \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}