% Text title            : Shri Bala Patalam
% File name             : bAlApaTalam.itx
% Category              : devii, dashamahAvidyA, devI
% Location              : doc\_devii
% Proofread by          : PSA Easwaran psaeaswaran at gmail.com
% Description/comments  : bAlAsaparyA saparyAkrama-nAmAvalI-stotrAdisaNgrahaH
% Latest update         : March 21, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Bala Patalam ..}##
\itxtitle{.. shrIbAlApaTalam ..}##\endtitles ## 
kailAsashikharAsInaM bhagavantamumApatim |
chandrArdhamukuTaM devaM somasUryAgnilochanam || 1||
gajacharmaparIdhAnaM virUpAkShaM surArchitam |
gaNagandharvayakShendradevAsuranamaskR^itam || 2||
vihasantaM japantaM cha paThantaM cha muhurmuhuH |
utthAya praNatA bhUtvA chedaM pR^ichChati bhairavI || 3||
shrIbhairavI \-
bhagavan karuNAmbodhe sarvAgamavishArada |
tvatprasAdAnmayA sarvAH shrutA vidyAH sureshvara || 4||
idAnIM shrotumichChAmi bAlAM tripurasundarIm |
dayAsti yadi me deva vada vidyAM maheshvara || 5||
shrIbhairavaH \-
shR^iNu devi ! pravakShyAmi pa~nchA~NgaM sAdhakeShTadam |
paTalaM paddhatiM varma tathA nAmnAM sahasrakam || 6||
stavarAjaM mahAdevi shR^iNuShvaikAgramAnasA |
shrIbAlA parameshAnI bhuktimuktipradAyinI || 7||
rAjyaM deyaM shiro deyaM gR^ihaM lakShmIyutaM tathA
sarvaM deyaM mahAdevi na deyamidamuttamam || 8||
asyA vidyAyAH sadR^ishI vidyA nAnyA kalau yuge |
shrIbAlAtripurAvidyA shIghraM siddhipradA smR^itA || 9||
deyA shiShyAya shAntAya gurubhaktiratAya cha |
nAbhaktAya pradAtavyA vidyeyaM parameshvari || 10||
mantroddhAraM tathA yantraM prastAraM dhyAnameva cha |
prayogAn sa.npravakShyAmi devadevyA maheshvari || 11||
prathamaM shR^iNu deveshi mantroddhAraM phalapradam |
gopanIyaM prayatnena yena siddhiH prajAyate || 12||
vAgbhavaM kAmarAjashcha shaktimadhye.abhidhaM nyaset |
namo.ante devi bAlAyA mantro.ayaM chAShTavarNakaH || 13||
nApi vighno na vA shaucho na vAraniyamastathA |
svayaM siddho mahAdevi mantrarAjaH kalau yuge || 14||
dakShiNAmUrtipa~Nktyau cha munishChandaH kramAt smR^itam |
devatA tripurA bAlA Adyante bIjashaktike || 15||
klIM kIlakaM samAdiShTaM dharmakAmArthamuktaye |
shirasi vadane devi hR^idaye guhyadeshake || 16||
pAdayornAbhikamale sarvA~Nge cha tathA nyaset |
R^iShyAdikaM mahAdevi kuryAnnyAsavikalpanAm || 17||
karanyAsaM ShaDa~NgaM cha bIjaiH kuryAnmaheshvari |
asyA dhyAnaM pravakShyAmi sAdhakAnAM hitapradam || 18||
raktAmbarAM chandrakalAvataMsAM samudyadAdityanibhAM trinetrAm |
vidyAkShamAlA.abhayadAnahastAM dhyAyAmi bAlAmaruNAmbujasthAm || 19||
iti dhyAtvA mahAdevIM japenmatraM susiddhadam |
lakShatrayaM purashcharyAvidhau sAdhakasattamaH || 20||
atha vakShyAmi deveshi yantroddhAraM sudurlabham |
sAdhakasya mahAdevyA bhuktimuktiphalapradam || 21||
bindutrikoNavasu(rasa)koNakanAgapatravR^ittatrayA~nchitamahIsadanatrayaM cha
bAlAdichakramidamArtiharaM girIshe brahmendraviShNunamitaM gaditaM mayA te ||
evaM vilikhite yantre pIThashaktIH prapUjayet |
ichChAj~nAnakriyAshchaiva kAminI kAmadAyinI || 23||
ratI ratipriyAnandA manonmanyapi chAntimA |
pIThashaktIrimA iShTvA pIThaM tanmanunA dishet || 24||
vyomaparvatatArtIyaM sadAshivamahApadam |
pIThapadmAsanAyAnte namo.antaH pIThamantrakaH || 25||
ShoDashArNastato mUrtau klR^iptAyAM mUlamantrataH |
AvAhya pUjayeddevImupachAraiH pR^ithagvidhaiH || 26||
devImiShTvA madhyayonau trikoNe matipUrvakam |
vAmakoNe ratiM dakShe prItimagre manobhavAm || 27||
yonyAM tu vahnikoNAdAva~NgAni paripUjayet |
madhyayonyAM bahiH pUrvadikShu chAgre smarAnapi || 28||
bANadevIstadvadeva shaktIraShTAsu yoniShu |
subhagAkhyA bhagA pashchAttR^itIyA bhagasarpiNI || 29||
bhagamAlA tathAna~NgAdyAna~NgakusumA parA |
ana~NgamekhalAna~NgamadanetyaShTashaktayaH || 30||
padmakesaragA brAhmImukhAH patreShu bhairavAH |
dalAgre.apyaShTa pIThAni kAmarUpAkhyamAdimam || 31||
malayaM kaulagiryAkhyaM chauhArAkhyaM kulAntakam |
jAlandharaM tathauDyANaM devakUTamathAShTamam || 32||
bhUgR^ihe cha dharAdikShu herukaM tripurAntakam |
vetAlamagnijihvaM cha kAlAntakakapAlinau || 33||
ekapAdaM bhImarUpaM malayaM hATakeshvaram |
shakrAdyAnAyudhaiH sarvaiH svasvadikShu samarchayet || 34||
tadbahirdikShu vaTukaM yoginIH kShetrapAlakam |
gaNeshaM vidishAsu vai vasUn sUryaM shivaM tathA || 35||
(sarvabhUtAn samabhyarchya pUjayedAyudhAMstathA) |
bAlAM madhye vibhAvyAdau kAmeshvarA~NkamadhyagAm || 36||
makAraiH pa~nchabhiH kaulaH kaulAchAraparAyaNaH |
sampUjayenmahAdevi sAdhako mantrasAdhakaH || 37||
bindau gandhAkShataiH puShpairdhUpadIpAditarpaNaiH |
layA~NgamidamAkhyAtaM prayogAn shR^iNu pArvati || 38||
yAn vidhAya manuH shIghraM siddhibhAgbhavati dhruvam |
stambhanaM mohanaM chaiva mAraNAkarShaNe tathA || 39||
vashIkAraM tathochchATaM shAntikaM pauShTikaM tathA |
etatsAdhanamAchakShe sArabhUtaM manoH priye || 40||
adeyaM devyabhaktAya gopyaM guhyatamaH pashoH |
 1\. pratipaddivase devi ! snAtvA kR^itvAhnikIM kriyAm || 41||
madhyAhne nirjanaM gatvA yathAvadayutAvadhi |
homo dashAMshataH kAryo ghR^itapAyasabarhakaiH || 42||
santarpya devatAH sadyaH stambhanaM jAyate dhruvam |
rAjasUryenduvAtAnAM dasyuvAdimukheShu cha || 43||
 2\. darshe sAyaM shmashAne tu japedulUkaviShTaraH |
ayutaM taddashAMshena homaM sarpissurAnvitaiH || 44||
bhUtAkhye vAsare devi gatvA pretAlayaM nishi || 45||
chitAgre sa~njapedvidyAM vIrendraH ShoDashAkSharIm |
ayutaM cha hunenmantrI chitAgnau ghR^itaguggulam || 46||
chaNDAlakeshasahitaM mriyate ripurutkaTaH |
 4\. aShTAmyAM shuklapakShe tu japedrahasi sAdhakaH || 47||
ayutaM mUlavidyAyA dhyAtvA kAntAM manogatAm |
homo dashAMshataH sarpirlAkShApuShpavatIrajaH || 48||
karIrapUlagodhUmaiH strINAmAkarShaNaM bhavet |
 5\. navamyAM sAdhakaH snAtvA kR^itvA karmAhnikaM priye || 49||
ayutaM ghR^itamatsyANDapadmamuktaiNaromabhiH |
homo vidheyo varIshairvAsavo dAsatAM vrajet || 50||
 6\. chaturthyAM kR^iShNapakShe tu japechchandrodaye shive |
nadItIre manuM vIro.ayutaM shIrShAsanasthitaH || 51||
dashAMshena hunettatra ghR^itanIlotpalatvachaH |
lava~NgamarichAmlAdIn riporuchchATanaM bhavet || 52||
 7\. pa~nchamyAM nishi deveshi japedayutasa~NkhyayA |
huneddashAMshataH sarpirmatsyamatsyANDakharparAn || 53||
mahAmayamahAbhIti\-mahopadravashAntaye |
 8\. mahAShTamyAM naraH snAtvA pIThe shreShThe dashAdhikAm || 54||
vIro dashA~NkasAhasrIM hunettatra dashAMshataH |
ghR^itakharjUramR^idvIkA \-nAghavallIdalasrajaH || 55||
ChAgamAMsaM saraktaM cha mahApuShTiH prajAyate |
idaM rahasyamAkhyAtaM sarvatattvanirUpaNam || 56||
sarvasvaM mama deveshi rahasyaM gopayetkalau |
sUryAdivAreShu japairdashasAhasrasa~NkhyakaiH || 57||
sarvasiddhimavApnoti nAtra kAryA vichAraNA |
ityeSha paTalo divyaH snehAt tava prakAshitaH |
gopyAdgopyo gopyataro gopanIyaH svayonivat || 58||

iti shrImadrudrayAmalAntargataM shrIbAlApaTalaM sampUrNam |

##
Proofread by PSA Easwaran 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}