% Text title            : bagalAmukhI Hridayam
% File name             : bagalAmukhIhRidayam.itx
% Category              : hRidaya, devii, dashamahAvidyA
% Location              : doc\_devii
% Transliterated by     : Gopal Upadhyay gopal.j.upadhyay at gmail.com
% Proofread by          : Gopal Upadhyay gopal.j.upadhyay at gmail.com
% Description-comments  : mAlAmantra
% Latest update         : November 28, 2016
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrI bagalAmukhI hRidayam ..}##
\itxtitle{.. shrIbagalAmukhIhR^idayam ..}##\endtitles ##

atha hR^idayam |
OM asya shrIbagalAmukhIhR^idayasya nArada R^iShiH |
anuShTup ChandaH | shrIbagalAmukhI devatA |
hlIM bIjam | klIM shaktiH | aiM kIlakam |
shrIbagalAmukhIprasAdasiddhyarthe shrIbagalAmukhIhR^idayam
jape viniyogaH ||

R^iShyAdinyAsaH |
OM nAradaR^iShaye namaH shirasi |
OM anuShTup Chandase namaH mukhe |
OM shrIbagalAmukhI devatAyai namaH hR^idaye |
OM hlIM bIjAya namaH guhye |
OM klIM shaktayenamaH pAdayoH |
OM aiM kIlakAya namaH sarvA~Nge |
iti R^iShyAdinyAsaH ||

atha karanyAsaH |
OM hlIM a~NguShThAbhyAM namaH |
OM klIM tarjanIbhyAM namaH |
OM aiM madhyamAbhyAM namaH |
OM hlIM anAmikAbhyAM namaH |
OM klIM kaniShThikAbhyAM namaH |
OM aiM karatalakarapR^iShThAbhyAM namaH |
iti karanyAsaH ||

atha hR^idayAdiShaDa~NganyAsaH |
OM hlIM hR^idayAya namaH |
OM klIM shirase svAhA |
OM aiM shikhAyai vaShaT |
OM hlIM kavachAya hum |
OM klIM netratrayAya vauShaT |
OM aiM astrAya phaT |
iti hR^idayAdiShaDa~NganyAsaH |
OM hlIM klIM aiM iti digbandhaH ||

pItAmbarAM pItamAlyAM pItAbharaNabhUShitAm |
pItaka~njapadadvandvAM bagalAM chintaye.anisham || chintate.anisham

iti dhyAtvA sampUjya ||

pItasha~NkhagadAhaste pItachandanacharchite |
bagale me varaM dehi shatrusa~NghavidAriNI ||

iti samprArtthya ||

OM hlIM klIM aiM bagalAmukhyai gadAdhAriNyai pretAsanAdhyAsinyai svAhA ||

iti mantraM japitvA punaH pUrvavaddhR^idayAdi ShaDa~NganyAsa~NkR^itvA
stotrampaThet ||

isa mantrakA japa 11 21 51 yA 108 bAra kare.n aura punaH nyAsa kare.n |

atha karanyAsaH |
OM hlIM a~NguShThAbhyAM namaH |
OM klIM tarjanIbhyAM namaH |
OM aiM madhyamAbhyAM namaH |
OM hlIM anAmikAbhyAM namaH |
OM klIM kaniShThikAbhyAM namaH |
OM aiM karatala karapR^iShThAbhyAM namaH |
iti karanyAsaH ||

atha hR^idayAdiShaDa~NganyAsaH |
OM hlIM hR^idayAya namaH |
OM klIM shirase svAhA |
OM aiM shikhAyai vaShaT |
OM hlIM kavachAya hum |
OM klIM netratrayAya vauShaT |
OM aiM astrAya phaT |
iti hR^idayAdiShaDa~NganyAsaH |
OM hlIM klIM aiM iti digbandhaH ||

tadyathA ||

bande.ahaM bagalAM devIM pItabhUShaNabhUShitAm |
tejorUpamayIM devIM pItatejassvarUpiNIm || 1||

gadAbhramaNAbhinnAbhrAM bhrukuTIbhIShaNAnanAm |
bhIShayantIM bhImashatrUn bhaje bhaktasya bhavyadAm || 2||

pUrNachandrasamAnAsyAM pItagandhAnulepanAm |
pItAmbaraparIdhAnAM pavitrAmAshrayAmyaham || 3||

pAlayantImanupalaM prasamIkShyAvanItale |
pItAchAraratAM bhaktAM stAmbhavAnIM bhajAmyaham || 4||

pItapadmapadadvandvAM champakAraNyarUpiNIm |
pItAvataMsAM paramAM vande padmajavanditAm || 5||

lasachchArusi~njatsuma~njIrapAdAM chalatsvarNakarNAvataMsA~nchitAsyAm |
valatpItachandrAnanAM chandravandyAM bhaje padmajAdIDyasatpAdapadmAm || 6||

supItAbhayAmAlayA pUtamantraM paraM te japanto jayaM sallabhante |
raNe rAgaroShAplutAnAM ripUNAM vivAde balAdvairakR^iddhAtamAtaH || 7||

bharatpItabhAsvatprabhAhaskarAbhAM gadAga~njitAmitragarvAM gariShThAm |
garIyo guNAgAragAtrAM guNADhyAM gaNeshAdigamyAM shraye nirguNADhyAm || 8||

janA ye japantyugrabIjaM jagatsu paraM pratyahaM te smarantaH svarUpam |
bhavedvAdinAM vA~Nmukhastambha Adye jayo jAyate jalpatAmAshu teShAm || 9||

tava dhyAnaniShThA pratiShThAtmapraj~nAvatAM pAdapadmArchane premayuktAH |
prasannA nR^ipAH prAkR^itAH paNDitA vA purANAdikA dAsatulyA bhavanti || 10||

namAmaste mAtaH kanakakamanIyA~NghrijalajaM
baladvidyudvarNAM ghanatimiravidhvaMsakaraNam |
bhavAbdhau magnAtmottaraNakaraNaM sarvasharaNaM
prapannAnAM mAtarjagati bagale duHkhadamanam || 11||

jvalajjyotsnAratnAkaramaNiviShaktA~NkabhavanaM
smarAmaste dhAma smaraharaharIndrendupramukhaiH |
ahorAtraM prAtaH praNayanavanIyaM suvishadaM
paraM pItAkAraM parichitamaNidvIpavasanam || 12||

vadAmaste mAtaH shrutisukhakaraM nAma lalitaM
lasanmAtrAvarNaM jagati bagaleti pracharitam |
chalantastiShThanto vayamupavishanto.api shayane
bhajAmo yachChreyo divi duravalabhyaM diviShadAm || 13||

padArchAyAM prItiH pratidinamapUrvA prabhavatu
yathA te prAsannyaM pratipalamapekShyaM praNamatAm |
analpaM tanmAtarbhavati bhR^itabhaktyA bhavatu no
dishAtaH sadbhaktiM bhuvi bhagavatAM bhUri bhavadAm || 14||

mama sakalaripUNAM vA~Nmukhe stambhayAshu
bhagavati ripujihvAM kIlaya prasthatulyAm |
vyavasitakhalabuddhiM nAshayAshu pragalbhAM
mama kuru bahukAryaM satkR^ipe.amba prasIda || 15||

vrajatu mama ripUNAM sadmani pretasaMsthA
karadhR^itagadayA tAn ghAtayitvAshu roShAt |
sadhanavasanadhAnyaM sadma teShAM pradahya
punarapi bagalA svasthAnamAyAtu shIghram || 16||

karadhR^itaripu jihvApIDana vyagrahastAM
punarapi gadayA tAMstADayantIM sutantrAm |
praNatasuragaNAnAM pAlikAM pItavastrAM
bahubalabagalAntAM pItavastrAM namAmaH || 17||

hR^idayavachanakAyaiH kurvatAM bhaktipu~njaM
prakaTita karuNArdrAM prINatIjalpatIti |
dhanamatha bahudhAnyaM putrapautrAdivR^iddhiH
sakalamapi kimebhyo deyamevaM tvavashyam || 18||

tava charaNasarojaM sarvadA sevyamAnaM
druhiNahariharAdyairdevavR^indaiH sharaNyam |
mR^idulamapi sharaNaM te sharmadaM sUrisevyaM
vayamiha karavAmo mAtaretad vidheyam || 19||

bagalAhR^idayastotramidaM bhaktisamanvitaH |
paThed yo bagalA tasya prasannA pAThato bhavet || 20||

pItAdhyAnaparo bhakto yaH shR^iNotyavikalpataH |
niShkalmaSho bhavenmarttyo mR^ito mokShamavApnuyAt || 21||

Ashvinasya site pakShe mahAShTamyAM divAnisham |
yastvidaM paThate premNA bagalAprItimeti saH || 22||

devyAlaye paThan marttyo bagalAM dhyAyatIshvarIm |
pItavastrAvR^ito yastu tasya nashyanti shatravaH || 23||

pItAchArarato nityaM pItabhUShAM vichintayan |
bagalAyAH paThennityaM hR^idayastotramuttamam || 24||

na ki~nchid durllabhaM tasya dR^ishyate jagatItale |
shatravo glAnimAyAnti tasya darshanamAtrataH || 25||

iti siddheshvaratantre uttarakhaNDe bagalApaTale
shrIbagalAhR^idayastotraM samAptam ||

\iti
##
Encoded and proofread by Gopal Upadhyay gopal.j.upadhyay at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}