% Text title            : bhagavatIstotram
% File name             : bhagavatIstotram.itx
% Category              : devii, yogAnanda, devI
% Location              : doc\_devii
% Author                : Yogananda
% Proofread by          : Pallasena Narayanaswami ppnswami at gmail.com
% Latest update         : December 27, 2016
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. bhagavatIstotram ..}##
\itxtitle{.. bhagavatIstotram ..}##\endtitles ##

shrIgaNeshAya namaH |
namAmi tvAM mAtardraviNarahito.ahaM tava suto
     jagadvandyAM svarge bhuvi baligR^ihe chApi viditAm |
pR^ithivyAM kalyANI mama bhayaharA tvaM na cha parA
     yato.ahaM yAtastvAM bhavagatabhayAtsAmpratamume || 1||
prasIdeshe nityaM bhagavati bhavAmbhodhitaraNe
     sharaNye nAstyanyA vipadaghaharA kApi jagati |
jaDo mUrkho.ahaM te janani nahi jAne vilasita\\-
     mato.ahaM saMyAtastava padapayoje girisute || 2||
aho saMsAre.asmin janani tava tulyA nahi parA
     khalaM duShTaM putraM jagati jananI rakShati nijam |
parityaktvedAnIM sakalasuravR^indaM girisute
     namAmi tvAM devIM bhavabhayaharAM ma~NgalakarAm || 3||
jaganmAtardurge bhavabhayavibha~NgaikanipuNe
     mayA saMsAre.asmin tava charaNapUjA.api na kR^itA |
na puShpANAM hArastava shirasi shubhro.arpita iti
     kShamasvAgo mAtarmama bahuvidhaM shailatanaye || 4||
dhanAddhInaM dInaM parijanavihInaM bahushuchaM
     tathA shatrugrastaM vividhabhayayuktaM jaDamatim |
bhavatyAH saMyAtaM nikaTamayi bhUmIdharasute
     samAshvastaM dR^iShTyA kuru jagati kIrtyA cha viditam || 5||
tvamekA saMsAre janimadaghanAshe prabhuraho
     tvamevaikA mAtarbhavabhayalayAdhAnanipuNA |
tavAshA me shashvajjanani nijaduHkhaikadalane
     vihAya tvAM mAtaH kamiha nanu saMyAmi sharaNam || 6||
tathA pUrve kAle prabalataravIryau ditisutau
     prasiddhau sodaryau bhuvidivigatau bhIShaNatarau |
nishumbhaH shumbhashcha pravitatamahAmohagahanau
     vinaShTau tvAM prApyAmaravaranute shambhudayite || 7||
surAstvAM saMyAtA hariharanutAM daityadalitAH
     surANAM rakShAyai asurakulanAshaM kR^itavatI |
aho mUrtirdhanyA sakalasurasaMsevyacharaNA
     tvamevaikA mAtarjagati bahurUpA vijayase || 8||
bhagavatyA idaM stotraM yogAnandena nirmitam |
yaH paThedbhaktibhAvena phalamiShTaM labhet saH || 9||

iti yogAnandavirachitaM shrIbhagavatIstotraM sampUrNam ||
##
Proofread by Pallasena Narayanaswami ppnswami at gmail.com


\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}