% Text title            : Brahmakritam Kanchikamakshi Stotram
% File name             : brahmakRRitaMkAnchIkAmAkShIstotram.itx
% Category              : devii, devI, lakShmInArAyaNIyasaMhitA, stotra
% Location              : doc\_devii
% Proofread by          : PSA Easwaran
% Description/comments  : lakShmInArAyaNIyasaMhitA | khaNDa 3 | adhyAya 120/1-40||
% Latest update         : April 12, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Brahmakritam Kanchikamakshi Stotram ..}##
\itxtitle{.. brahmakR^itaM kA~nchIkAmAkShIstotram ..}##\endtitles ##
shrInArAyaNIshrIruvAcha |
kA~nchIpuryAH sukalyANI dvedhA yA vartate svayam |
mahAlakShmIH parA shaktistAM dvedhAM disha me prabho || 25||
shrIpuruShottama uvAcha |
kA~nchIkShetre purA brahmA mAlakShmIdarshanAya ha |
AtmaikadhyAnayuktashcha tapastepe.atiduHsaham || 26||
purastasya prAdurAsInmahAlakShmIH karAbjikA |
padmAsane rAjamAnA viShNunA mahatA saha || 27||
sarvashR^i~NgAraveShADhyAM sarvAbharaNabhUShitAm |
AdilakShmIM pravIkShyaiva brahmaviShNvIshamAtaram || 28||
kAmAkShIM tAM divyadevImastauShIdvishvasR^iT svayam |
anAdishrIkR^iShNanArAyaNasya jananIM bhuvi || 29||
brahmovAcha |
jaya lakShmi mahAlakShmi jaganmAtaH pareshvari |
jaya shrInAthasahaje jaya shrIsarvama~Ngale || 30||
jayashrIkaruNArAshe jaya vaiShNavavandite |
jaya lokaprapUjye tvaM lokakartryai cha te namaH || 31||
ananyabhAvanAbhaktairvedyAyai te namo namaH |
AmnAyamunisa~NghAtairj~nAtoktA yA pareshvarI || 32||
parabrahmasvarUpAyai mAtre te vai namo namaH |
hR^idayasthe namastubhyaM sAmrAjyasampadIshvari |
vedA niHshvasitaM te vai tasyai mAtre namo namaH || 33||
sahasrashIrShA devo.api dhatte yadAj~nayA kShitim |
sUryachandrAgnayo bhAnti yadaMshatejasA sadA || 34||
pa~nchaviMshatirUpAyai mAtre lakShmyai namo namaH |
IshvarA api yasyAste prApyaishvaryANi cheshvarAH || 35||
sarvAtmanAmantarasthAM paramAnandarUpiNIm |
shrIvidyAM shrImahAlakShmIM tvAM namAmi punaH punaH || 36||
sarvaj~nAnAtmikA yUpAtmikA svarNAtmikA.asi cha |
tattvopadesharUpA cha smR^id.hdhyAtmA shAntivarShiNI || 37||
deshakAlapadArthAtmA maNimantrauShadhAtmikA |
dhAtutaijasarUpA cha tasyai mAtrai namo namaH || 38||
kalyANaguNasampannA kambharAbhUtishAlinI |
ku~NkumavApikAmAtA bAlakR^iShNaprasUH ramA || 39||
anAdishrIkR^iShNanArAyaNA~NkashobhitA.avyayA |
vAraM vAraM surAShTre tvaM samAyAsi namo.astu te || 40||

iti shrIlakShmInArAyaNIyasaMhitAyAH dvAparayugasantAnAtmakasya tR^itIyakhaNDe
120\-adhyAyAntargataM brahmakR^itaM kA~nchIkAmAkShIstotraM sampUrNam |

lakShmInArAyaNIyasaMhitA | khaNDa 3| adhyAya 120/1\-40||
##
lakShmInArAyaNIyasaMhitA . khaNDa 3. adhyAya 120/1-40..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}