% Text title            : Brahmakritam Radhika Stotram
% File name             : brahmakRRitaMrAdhikAstotram.itx
% Category              : devii, devI, brahmavaivartapurANa, stotra, rAdhA
% Location              : doc\_devii
% Proofread by          : PSA Easwaran
% Description/comments  : brahmavaivartapurANa | shrIkRRiShNajanma, pUrvabhAga | adhyAya 15/97-116||
% Latest update         : March 22, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Brahmakritam Radhika Stotram ..}##
\itxtitle{.. brahmakR^itaM rAdhikAstotram ..}##\endtitles ##
brahmovAcha |
he mAtastvatpadAmbhojaM dR^iShTaM kR^iShNaprasAdataH || 94||
sudurlabhaM cha sarveShAM bhArate cha visheShataH |
ShaShTivarShasahasrANi tapastaptaM purA mayA || 95||
bhAskare puShkare tIrthe kR^iShNasya paramAtmanaH |
AjagAma varaM dAtuM varadAtA hariH svayam || 96||
varaM vR^iNIShvetyukte cha svAbhIShTaM cha vR^itaM mudA |
rAdhikAcharaNAmbhojaM sarveShAmapi durlabham || 97||
he guNAtIta me shIghramadhunaiva pradarshaya |
mayetyukto harirayamuvAcha mAM tapasvinam || 98||
darshayiShyAmi kAle cha vatsedAnIM kShameti cha |
nahIshvarAj~nA viphalA tena dR^iShTaM padAmbujam || 99||
sarveShAM vA~nChitaM mAtargoloke bhArate.adhunA |
sarvA devyaH prakR^ityaMshA janyAH prAkR^itikA dhruvam || 100||
tvaM kR^iShNA~NgArdhasambhUtA tulyA kR^iShNena sarvataH |
shrIkR^iShNastvanmayaM rAdhA tvaM rAdhA vA hariH svayam || 101||
na hi vedeShu me dR^iShTa iti kena nirUpitam |
brahmANDAdbahirUrdhvaM cha goloko.asti yathAmbike || 102||
vaikuNThashchApyajanyashcha tvamajanyA tathAmbike |
yathA samastabrahmANDe shrIkR^iShNAMshAMshajIvinaH || 103||
tathA shaktisvarUpA tvaM teShu sarveShu saMsthitA |
puruShAshcha hareraMshAstvadaMshA nikhilAH striyaH || 104||
AtmanA deharUpA tvamasyAdhArastvameva hi |
asyAnu prANaistvaM mAtastvatprANairayamIshvaraH || 105||
kimaho nirmitaH kena hetunA shilpakAriNA |
nityo.ayaM cha tathA kR^iShNastvaM cha nityA tathA.ambike || 106||
asyAMshA tvaM tvadaMsho vA.apyayaM kena nirUpitaH |
ahaM vidhAtA jagatAM devAnAM janakaH svayam || 107||
taM paThitvA gurumukhAdbhavantyeva budhA janAH |
guNAnAM vAstavAnAM te shatAMshaM vaktumakShamaH || 108||
vedo vA paNDito vA.anyaH ko vA tvAM stotumIshvaraH |
stavAnAM janakaM j~nAnaM buddhirj~nAnAmbikA sadA || 109||
tvaM buddherjananI mAtaH ko vA tvAM stotumIshvaraH |
yadvastu dR^iShTaM sarveShAM taddhi vaktuM budhaH kShamaH || 110||
yadadR^iShTAshrutaM vastu tannirvaktuM cha kaH kShamaH |
ahaM mahesho.anantashcha stotuM tvAM ko.api na kShamaH || 111||
sarasvatI cha vedAshcha kShamaH kaH stotumIshvaraH |
yathAgamaM yathoktaM cha na mAM ninditumarhasi || 112||
IshvarANAmIshvarasya yogyAyogye samA kR^ipA |
janasya pratipAlyasya kShaNe doShaH kShaNe guNaH || 113||
jananI janako yo vA sarvaM kShamati snehataH |
ityuktvA jagatAM dhAtA tasthau cha puratastayoH || 114||
praNamya charaNAmbhoje sarveShAM vandyamIpsitam |
brahmaNA cha kR^itaM stotraM trisandhyaM yaH paThennaraH || 115||
rAdhAmAdhavayoH pAde bhaktirdAsyaM labheddhruvam |
karmanirmUlanaM kR^itvA mR^ityuM jitvA sudurjayam |
vila~Nghya sarvalokAMshcha yAti golokamuttamam || 116||

iti shrIbrahmavaivartapurANe shrIkR^iShNajanmakhaNDe pUrve pa~nchadashAdhyAyAntargataM
         brahmakR^itaM shrIrAdhikAstotraM samAptam |

brahmavaivartapurANa | shrIkR^iShNajanma, pUrvabhAga | adhyAya 15/97\-116||
##
brahmavaivartapurANa . shrIkRRiShNajanma, pUrvabhAga . adhyAya 15/97-116..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}