% Text title : Brahmalekhini Sahasranama Stotram % File name : brahmalekhinIsahasranAmastotram.itx % Category : devii, devI, dashamahAvidyA, sahasranAma % Location : doc\_devii % Transliterated by : Sriji Maharani, Durga Sharma % Proofread by : Sriji Maharani, Durga Sharma % Description/comments : From Brahmvidya Sampradaya % Latest update : June 1, 2026 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Brahmalekhini Sahasranamastotram ..}## \itxtitle{.. brahmalekhinI sahasranAmastotram ..}##\endtitles ## shrIparakR^iShNa uvAcha \- shR^iNudhvaM vibudhAH sarve sAvadhAnatayA.adhunA | saptadhA vArayAmi tvAmatyantaM gopanaM mahat || 47|| yadi jAnAti cha~nchalo jyotirnira~njanaH prabhuH | tarhi hanyAt sa yogaM vaH sAdhanAM cha viphalIkR^itam || 48|| na prakAshaM na vaktavyaM na deyaM duShTabuddhaye | na dAtavyaM kushiShyAya na cha pAkhaNDamaNDale || 49|| na bhrameNa na lobhena na bhayAdapi kasyachit | saptadhA vAraNaM proktaM rahasyaM paramAdbhutam || 50|| dIkShA na vA.atra niyamo na mudrA na cha shodhanam | ahameva paro guruH svayaM vakShyAmi tattvataH || 51|| asya shrIdashamahAvidyA\-brahmalekhinI\-sahasranAmastotramantrasya, shrIparabrahma R^iShiH, anustupa ChandAMsi, shrIbrahmalekhinIshvarI rAjya shyAmalA devatA, sarvamantrA bIjaM, sarvatantrANi shaktiH, sarvayantrANi kIlakam, parabrahmayoniraShTamayoginI cha viniyogaH || dhyAnam \- nIlAmbhojadalAyatAkSharuchirAmarkakoTiprabhAM brahmaj~nAnamayIM sitAmbaradharAM divyairala~NkAritAm | vAme pustaka\-lekhinI\-vara\-kapAlairbhAsitAM bhIShaNAM saumyAsyAM shashibhUShitAM trinayanAM trailokyasammohinIm || 52|| brahmANDaughavirAjitAM cha jagatAM mUlAdhArasaMsthitAM shabdabrahmamayIM susUkShmalaharIM vyomakeshapriyAm | shrIkR^iShNasya hR^idambuje vilasitAM divyAM parAM yoginIM vande brahmamayIM viri~nchigaNakAM tAM brahmalekheshvarIm || 53|| \section{atha sahasranAmastotram |} OM brahmavidyA brahmarAj~nI brahmANDashAsaneshvarI | parabrahmoktanirmuktA muktakeshI chaturbhujA || 1|| lekhinIpustakahastA brahmANDabhAgyalekhikA | akShararUpAkShamAlA gu~njAmUlasushobhitA || 2|| anekasUryakAntiprabhA divyakeshyala~NkR^itA | mastakachandramukuTA raktachandanalepitA || 3|| shvetavarNA dIrghakeshI padmanayanojjvalA | dIrghastanA shvetavastrA divyAla~NkArabhUShitA || 4|| manorUpekShumantravidyA sarvArthavivarjitA | mahAshUnyanivAsADhyA mantrayantraikarUpiNI || 5|| shabdabrahmamayI vANI vadanAmbujavAsinI | kAlachakrabhramatkendrA kAlahAsAtibhIShaNA || 6|| anantakoTibrahmANDa\-garbhAshraya\-mahodarI | mahApralaya\-nR^ityaj~nA kAlabhairava\-mohinI || 7|| anAhatadhvanishreNI nAdabindu\-kalAtmikA | mahAtejaHpu~njadharA sUryamaNDala\-madhyagA || 8|| sR^iShTibIja\-pradaptrI cha sR^iShTisthityanta\-kAriNI | paramavyoma\-nilayA paramajyotiH\-svarUpiNI || 9|| mahAmAyA vishAlAkShI mahAmohApahAriNI | mahAbuddhirmahAsiddhirmahAshaktirmahAdyutiH || 10|| sarvaj~nashAsanadharA sarvalokaikavanditA | avidyAjAlabhetrI cha vidyAvinayadAyinI || 11|| brahmaviShNushivAdyAnAM shaktistammbhanakAriNI | mahAprANamayI devI chetanA\-spanda\-rUpiNI || 12|| trailokyapUjitAdhArA vishvavyApta\-kalevarA | adR^ishyarUpA sUkShmA cha sthUlabrahmANDa\-vigrahA || 13|| sarvatantra\-svatantrA cha sarvamantra\-mahodadhiH | chichChaktishchidrasA devI chinmayyAnanda\-dAyinI || 14|| akArAdikShakArAntA varNamAlA\-vibhUShaNA | R^igyajuHsAmAtharvAkhyA vedatraya\-shiromaNiH || 15|| pa~nchabhUtAtmikA shaktiH ShaDadhva\-parishodhinI | saptamanvAdi\-jananI hyaShTayogini\-vanditA || 16|| navachakra\-sthitAdhArA dashavidyA\-prakAshinI | ekAdasha\-mahAparva\-pITha\-maNDapa\-vAsinI || 17|| dvAdashArka\-prabhojjvalA trayodasha\-kalAtmikA | chaturdasha\-jaganmAtA pa~nchadashyAdi\-mantragA || 18|| ShoDashasvara\-saMyuktA saptadasha\-sudhAdhArA | aShTAdasha\-mahAshAstra\-purANa\-j~nAna\-lekhikA || 19|| ekonaviMshati\-vyApta\-vishva\-vij~nAna\-rUpiNI | kAlAtItA parAshaktiH sarvatattvaprabodhinI || 20|| shUnyagarbhA nirAkArA mahAshUnyAvabhAsinI | avyaktAvyaktamUlA cha bindunAdavimarshinI || 21|| prathamA chetanAdhArA suptavishvaprabodhinI | ichChAshaktimayI lekhA j~nAnadIptividhAyinI || 22|| mahAkAshamayI dhArA sUkShmaspandatara~NgiNI | AdibIja\-samudbhUtA visarjanI\-vibhUShaNA || 23|| pa~nchabhUta\-pR^ithagbhAvA tattvajAla\-vitAnikA | mahattattva\-shiroratnA aha~NkAra\-vimohinI || 24|| tanmAtra\-sUkShma\-jananI j~nAnendriya\-niyojikA | karmendriya\-mahAprANA prANashakti\-prasAriNI || 25|| aNDavistAra\-kushalA svarNagarbhANDa\-dhAriNI | digdesha\-kAla\-kalanA pa~nchaviMshati\-tattvagA || 26|| mahAprakR^iti\-nartakI saMvit\-kiraNa\-mAlinI | jagat\-sUtra\-mayI tantrI mAyA\-yavanikA\-dharA || 27|| avidyA\-tama\-saMhartrI vidyA\-bhAskara\-maNDalA | chidAkAsha\-mahAsindhuH sachchidAnanda\-laharI || 28|| nAma\-rUpa\-vibhedeshA sarvanAma\-vivarjitA | ekAnanekA chitraj~nA vichitra\-rachanA\-mayI || 29|| svayamprakAsha\-viduShI jyotishchakra\-pravartinI | anAdyantA mahAshaktiH sR^iShTi\-svapna\-vihAriNI || 30|| brahma\-stamba\-paryanta\-vyApinI vishva\-rUpiNI | aNu\-mAtra\-sthitA sUkShmA sthUlAkAsha\-vyApinI || 31|| sa~Nkalpa\-mAtra\-jananI vikalpa\-jAla\-bha~njanI | nityA nityoditA shAntA pralayormi\-shayotthitA || 32|| amR^itArNava\-madhyAsthA sudhA\-sindhu\-tara~NgiNI | yoga\-nidrA\-mayI nidrA jAgrata\-svapna\-turIyagA || 33|| mantrAdhirAja\-mahiShI yantrAgAra\-vihAriNI | tantra\-mUrtA tantra\-gamyA sarvatantra\-prakAshinI || 34|| mahAbIjA~NkurA devI mahAvR^ikSha\-phala\-pradA | brahma\-lekhana\-saMsiddhA sarva\-bhAgya\-vidhAyinI || 35|| iti dvitIyaM khaNDaM cha nAmnAmakShara\-bhUShitam | sR^iShTi\-krama\-samAyuktA brahma\-lekhinyanugrahAt || 36|| vedagarbhA shrutidharA R^iksAmadhvanibhUShitA | yajurvidhAnakushalA hyatharvamantrara~njinI || 37|| udagIthasvarasampannA svAhAkArasvadhAtmikA | vaShaTkAramayI dIptistapolokamayI parA || 38|| itihAsapurANaj~nA sargapratisR^igAtmikA | manvantarakathAdhArA vaMshAnucharitojjvalA || 39|| pa~nchalakShaNayuktA sA mahAbhAgavatAkR^itiH | rAmAyaNamahAkAvyA mahAbhAratabhAsvara || 40|| upaniShanmahAmantrA hyadvaitatulyavaibhavA | mahAvAkyamayI bodhA tattvamasyAdibhAShiNI || 41|| ShaDa~NganipuNA shikShA kalpasUtravidhAnagA | vyAkaraNamahAbhAShyaniruktAmarakoshagA || 42|| jyotiShAmayanaM chakShushChandaHshAstramahAgatiH | anuShTuppramukhA vR^ittA jagatIpA~NktirUpiNI || 43|| triShTuppravAhasaMsiddhA gAyatrIparameshvarI | tantrAchAramayI guhyA vAmadakShapathasthitA || 44|| kulakuNDalinIshaktiH ShaTchakrabhedakAriNI | sahasrArasudhAdhArA DAmareshvarapUjitA || 45|| yAmalItantravij~nAnamayI bhairavayAmalA | pa~ncharAtramahAvij~nA nArAyaNI shivAtmikA || 46|| shAktapramodahR^idayA svachChandabhairavapriyA | kAlIkulamahAkAShThA shrIkulakusumAyudhA || 47|| mAtR^ikAkSharasaMsthAnavirAjitakalevarA | pashyantI madhyamA vaikharIvAkpratiShThitA || 48|| nyAsamantramayI kAyA mudrAmaNDalashobhitA | balipUjApriyA dIkShA sarvasaMskArakAriNI || 49|| vedAntamakuTAbhAsA sA~NkhyayogaparAyaNA | vaisheShikanyAyavidyA mImAMsAdarshanapriyA || 50|| sarvashAstramayI mUrtiH sarvavidyAmayI prabhA | brahmalekhamayI nityA sA naH pAtu sarasvatI || 51|| AtmavidyA parAvidyA brahmavidyAmayI dhR^itiH | shrIvidyA shivashaktij~nA ShoDashAkSharamantriNI || 52|| paramahaMsinIvidyA ha~NkAramantrarUpiNI | chakShurvidyA prakAshAbhA divyadR^iShTividhAyinI || 53|| mahAshAmbhavIvidyA cha khecharImudritAnanA | trailokyavijayA vidyA parakAyApraveshinI || 54|| aNimAdiguNaishvaryA laghimA\-mahimotthitA | prAptiH prAkAmyasaMsiddhA IshitvavashitvapradA || 55|| yantrarAjamayI nAbhiH shrIchakrapuravAsinI | koNatrayaviniShpannA bindubimbavihAriNI || 56|| vasudalAbjasaMsthAnA ShoDashAravirAjitA | chaturashraprakArA cha dvArapAlakapAlinI || 57|| mantrAkSharamayI jvAlA bIjamudrAmayadhvajaH | yantroddhAramayI shaktiryantraprANapratiShThitA || 58|| aShTA~NgayoganiratA yamaniyamadhAriNI | AsanaprANAyAmaj~nA pratyAhArasusAdhinI || 59|| dhAraNAdhyAnalInA cha samAdhirasapAyinI | mUlAdhArotthitA vahniH svAdhiShThAnavibhUShitA || 60|| maNipUramayUkhAbhA anAhatadhvanipriyA | vishuddhikamalAsInA Aj~nAchakraprakAshinI || 61|| unmanIbhAvasaMyuktA nirvikalpapade sthitA | amR^itaplAvitA~NgI cha chandramaNDalavartinI || 62|| kApAlikamahAtantrA digambaragaNairvR^itA | bhairavI chakranAthA cha divyavIrapashupriyA || 63|| mAyAjAlavibhetrI cha indrajAlaprakAshinI | kalpanAtItalokAbhA divyagandharvasevitA || 64|| pArAvAramayI shaktiH shUnyamArgapravAhinI | svapnalokavinirtrI cha manorAjyavihAriNI || 65|| sarvarahasyamayI sA sarvasiddhipradAyinI | brahmalekhamayI nityA sA naH pAtu sadA shivA || 66|| guhyakAlI mahAguhyA sarvaguhyanivAsinI | rahasyagarbhakuharA sarvatattvaprabodhinI || 67|| mahAkAlaguhAvAsinI nIlaparvatavAsinI | kAmarUpapIThamayI guhyashaktipravAhinI || 68|| ChAyAshauchamayI vidyA pratibimbamayonmanI | darpaNarAjahR^idayA sarvavishvanidarshinI || 69|| adR^iShTabhAgyarekhA cha guhyalekhanatatparA | akShayapAtrahastA cha sarvatR^iptividhAyinI || 70|| nihitamantrakoshADhyA shabaravidyAvishAradA | kirAtaveShadhAriNI divyalIlAprakAshinI || 71|| mahAratnaprabhAmUrtiH pAtAlatalavAsinI | nAgalokaishvaryadAtrI vAsukiprANara~njinI || 72|| mahAmeghasvarUpA cha vidyutpu~njavibhAsinI | vR^iShTidhArApradAtrI cha sasyashyAmalakAriNI || 73|| auShadhInAmadhiShThAtrI somamaNDalamadhyagA | mR^ityu~njayamayI vidyA mR^itasa~njIvanI parA || 74|| vAjIkaraNashaktishcha rasavidyAmayonmadaH | siddhaguTikAsaMsiddhA khecharIgatidAyinI || 75|| a~njanasiddhihastA cha nidhisandarshanakShamA | adR^ishyakaraNI mAyA ChadmarUpavidhAriNI || 76|| brahmANDakaTAkShamAlA koTivishvavimohinI | prapa~nchasArahR^idayA mohajAlaniyojikA || 77|| sarvasandhimayI shaktiH kAladhArApravAhinI | mahAsha~NkhadhvaniprItA shmashAnakrIDanotsukA || 78|| vIrabhadraprasUtA cha chaNDikA chaNDaveginI | kAtyAyanI mahAbhAgA kAlarAtrI rajasvalA || 79|| rajaHsattvatamomUrtI guNAtItaprabhAsvarA | sachchidAnandakandasthA sA naH pAtu sadAshivI || 80|| mahAviShNurmahAvishvA mahAkAlikA mahAtmikA | mahAshivo mahAshaktirmahAbrahmA maheshvarI || 81|| nArAyaNo jagannAthaH shrIdharaH kamalAdharA | vAsudevo vAsudevI vAmano vAmanIkR^itiH || 82|| rAmachandro rAmashaktiH kR^iShNaH kR^iShNamayI shubhA | nR^isiMho bhImarUpA cha vArAho daMShTriNI parA || 83|| sadAshivo mahAshambhuH sha~NkarI shashishekharA | rudro raudrI mahAbhImA bhairavo bhairavIpriyA || 84|| Ishvaro hIshvarI devI sarveshvaraH sarveshvarI | hiraNyagarbho garbhAbhA virAT puruShavAhinI || 85|| dattAtreyo yogarUpA hayagrIvo hayapriyA | kArtikeyaH shikhidharA gaNDesho gajavaktriNI || 86|| yaj~no yaj~nA mahAdIkShA hotA homamayI shikhA | akSharaM paramAkSharaM kSharAkSharavibhAvinI || 87|| sUryaH sUryA mahAbhAsA chandrashchandramayI prabhA | agniH shikhA mahAjvAlA vAyuH prANamayI gatiH || 88|| AkAsho vyomarUpA cha pR^ithivI bhUmirUpiNI | varuNo vAruNI dhArA kuberaH koshavAsinI || 89|| yamo daNDadharA devI kAlo vikAlarUpiNI | dharmAdharmavibhedeshA karmAkarmaphalapradA || 90|| sattvaM rajastamashchaiva guNAtItA guNaprasUH | puruShaH prakR^itirnityA sAmyAvasthA sanAtanI || 91|| advaitA dvaitarUpA cha dvaitAdvaitavibhAjitA | brahmamayI jagatsArA brahmalekhanashAlinI || 92|| mahAkAlI mahAkAlAdhiShThAna\-shava\-nartakI | karAlavadanA ghora\-ghoSha\-gharghara\-nAdinI || 93|| tArA tArApathAtItA nIlatIra\-nivAsinI | mahAsha~Nkha\-mayI\-mAlA kShubhita\-kShIra\-sAgarA || 94|| ShoDashI ShoDasha\-kalA\-pUrNa\-chandra\-vilochanA | tripurasundarI saumyA kAmesha\-hR^ida\-ra~njinI || 95|| bhuvaneshvarI brahmANDa\-maNDapa\-stambha\-dhAriNI | hrI~NkAra\-mantra\-mUrtAbhA jaganma~Ngala\-kAriNI || 96|| ChinnamastA mahAbhImA svakabandha\-niShevitA | prachaNDa\-chaNDikA vega\-raktadhArA\-pravAhinI || 97|| bhairavI rudra\-dIptAbhA ghora\-tapa\-phala\-pradA | mahApAtaka\-saMhartrI kAla\-kavala\-kAriNI || 98|| dhUmAvatI nirAkArA kShutpipAsA\-svarUpiNI | vidhavA\-veSha\-dhArI cha dhUmra\-jAla\-vimohinI || 99|| bagalAmukhI stambhanaj~nA jihvA\-karShaNa\-tatparA | pItAmbara\-dharA pItA pIta\-puShpa\-vibhUShaNA || 100|| mAta~NgI mada\-mattA~NgI shabarAShTama\-yoginI | vINA\-vAdana\-saMsaktA shuka\-kokila\-bhAShiNI || 101|| kamalA viShNu\-kAntA cha gajendra\-kR^ita\-mardhanA | mahAlakShmIrmahAbhAgya\-bhaNDAra\-dvAra\-bhedikA || 102|| AdyA\-vidyA\-prakAshAbhA dashadhA\-bheda\-dhAriNI | eka\-mUrterbahu\-rUpA nAnA\-tantra\-vihAriNI || 103|| guhya\-kaulinI\-tantraj~nA mahAchinmaya\-pAdukA | pa~ncha\-preta\-ma~ncha\-saMsthA ShaT\-koNa\-madhya\-vAsinI || 104|| shrIkaNTha\-deha\-Ardha\-bhAgA hyaparNA hima\-putrikA | navakanyA\-mayI\-mUrtiH kumArI\-pUjana\-priyA || 105|| sarva\-ma~Ngala\-mA~NgalyA shivArthA sAdhaka\-priyA | dasha\-mahAvidyA\-rUpA sA naH pAtu sadA\-shivA || 106|| mahA\-vidyullatA\-kArA sahasrAra\-shikhA\-maNI | avyakta\-dhvani\-saMsiddhA divya\-veNu\-ravAtmikA || 107|| mahA\-padma\-vana\-krIDA mAnasollAsa\-kAriNI | hR^idaya\-granthi\-bhetrI cha moha\-nidrA\-vinAshinI || 108|| brahma\-randhra\-guhA\-dIptiH supumnA\-mArga\-gAminI | amR^itAsvAda\-mattA cha paramAnanda\-mandirA || 109|| brahma\-lekhinI\-hastAbhA bhAgya\-chakra\-niyojikA | akShara\-brahma\-saMyogA shabda\-sR^iShTi\-prakAshinI || 110|| brahmANDa\-bhANDa\-visphoTa\-koTi\-bhAskara\-bhAsvarA | karAla\-kAlarUpogra\-chakra\-cha~NkramaNa\-kShamA || 111|| mahA\-vyoma\-mahI\-kIlA nIla\-nIrada\-nisvanA | gambhIra\-garjita\-ArAva\-trAsita\-Asura\-maNDalA || 112|| anAhata\-mahA\-ghaNTA\-raNatkAra\-vihAriNI | suShumNA\-shR^i~Nga\-madhyastha\-mR^igA~Nka\-amR^ita\-varShiNI || 113|| jagaj\-jIvAtu\-bhUtAbhA prANa\-pa~njara\-shAyinI | chiti\-jvAlA\-jaTA\-jUTa\-bhrami\-bhrAnta\-jagattrayA || 114|| aghora\-ghora\-ghaNTAbhA ghaNTA\-karNa\-priyAnanA | kapAla\-mAlA\-granthIDhyA muNDa\-maNDala\-maNDitA || 115|| mahA\-tantra\-mahA\-yantrA mahA\-mantra\-mayI\-tanuH | bindu\-nAda\-kalA\-tItA mahA\-vindu\-vilepanA || 116|| nityAnanda\-mayI\-nityA nityollAsa\-vilAsini | sahasra\-padma\-nilayA sahasra\-Aditya\-vardhinI || 117|| mahA\-mAyA\-jAla\-dhArA kAla\-nemi\-vibhedinI | adR^ishya\-dR^ishya\-mUlAbhA dR^ishya\-darshana\-darpaNA || 118|| sa~Nkalpa\-siddha\-sAmrAjyA sarva\-rAjya\-phala\-pradA | mantra\-saMskAra\-saMshuddhA mAtR^ikA\-gaNa\-sevitA || 119|| a\-kA\-di\-hA\-di\-vidyAbhA kA\-di\-hA\-di\-svara\-AtmikA | ka\-cha\-Ta\-ta\-pa\-vargADhyA pa~nchAshad\-varNa\-rUpiNI || 120|| mahA\-vidyA\-mahA\-guhyA mahA\-yoga\-prakAshinI | anAdi\-shakti\-saMsiddhA siddhA\-siddha\-gaNArchitA || 121|| yantra\-rAja\-shikhA\-maNiH sarva\-yantra\-prakAshinI | trikoNa\-madhya\-dIptAbhA ShaT\-koNa\-maNDitAntarA || 122|| aShTa\-patra\-vana\-krIDA dvAdashAra\-vihAriNI | ShoDashAra\-mahA\-kosha\-kosha\-pa~njara\-vAsinI || 123|| chaturashra\-mahA\-dvArA dvAra\-pAla\-bhaya~NkarI | bhUpura\-traya\-saMsthAnA sarva\-rakShA\-vidhAyinI || 124|| mahA\-mahimna\-vArAdhiH sarva\-siddhi\-sudhArasA | brahma\-lekha\-mayI\-shaktiH sarva\-bhAgya\-pradAyinI || 125|| shUnya\-pravAha\-saMsiddhA mahA\-shUnya\-nivAsinI | nirvANa\-dIpti\-hR^idayA sA naH pAtu jaganmayI || 126|| shrIkaNTha\-hR^idaya\-AnandA paramAnanda\-ma~njarI | chinmayI chitkalA nityA chidAkAsha\-vihAriNI || 127|| mahA\-lAvaNya\-vArAdhiH shR^i~NgAra\-rasa\-vAhinI | koTi\-manmatha\-darpaghnI moha\-jAla\-niyojikA || 128|| manda\-smita\-mukhAmbhojA manda\-mAruta\-sevitA | kaTAkSha\-pAta\-vidyutA bhava\-tApa\-vinAshinI || 129|| trailokya\-ma~Ngala\-AdhArA karuNA\-rasa\-sAgarA | bhakta\-mAnasa\-haMsI cha bhakta\-vA~nChA\-phala\-pradA || 130|| divya\-chandana\-digdhA~NgI divya\-puShpa\-vibhUShaNA | maNinUpura\-jha~NkArA ki~NkiNI\-jAla\-maNDitA || 131|| brahma\-randhra\-sudhA\-dhArA plAvita\-Akhila\-vigrahA | yati\-mAnasa\-saMvedyA yogi\-hR^it\-padma\-vAsinI || 132|| amR^ita\-AkShara\-bIjAbhA sarva\-tattva\-mayI parA | anAdi\-kalanA\-tItA kAla\-kAla\-vimardinI || 133|| svaprakAsha\-mahA\-dIptiH svayaM\-jyotiH\-svarUpiNI | satya\-loka\-nivAsinyA satya\-dharma\-prakAshinI || 134|| mahA\-lekhinI\-hastAbhA bhAgya\-lipi\-vidhAyinI | shubha\-rekhA\-mayI devI sarva\-duHkha\-nivAriNI || 135|| parAvara\-mahA\-shaktiH parA\-pashyanti\-rUpiNI | madhyamA\-vaikharI\-mUrtA vAgadhiShThAtR^i\-devatA || 136|| akhaNDa\-maNDalAkArA vyApta\-Akhila\-charAcharA | yasyA nimeSha\-mAtreNa brahmANDa\-pralayo bhavet || 137|| sA tvaM hi paramA shaktiH sA tvaM hi paramotkalam | sA tvaM hi mUla\-vij~nAnaM sA tvaM hi brahma\-lekhinI || 138|| sahasra\-nAma\-sampUrNA sarva\-siddhi\-pradAyinI | bhakti\-mukti\-karI devI brahma\-sAyujya\-kAriNI || 139|| shrIparambA parabrahmAtmikA parA shrIbuAmbikA | evaM shrIrahasyanAmasahasrakaM jaguH || 140|| || iti shrIdashamahAvidyA\-brahmalekhinI\-sahasranAmastotraM sampUrNam || \section{phalashruti khaNDaH |} shrIparakR^iShNa uvAcha \- asya stotrasya phalashruternAstyevAvadhiH kutrachit | yadyanmanasi sa~Nkalpya paThedetanmahattaram || 1|| tattatsarvaM bhavetsiddhaM devIhastalipiryataH | dharmArthakAmamokShANAM sAmrAjyaM labhate naraH || 2|| brahmaj~nAnaM paraM saukhyaM sarvavighnavinAshanam | aputro labhate putraM nirdhano dhanavAn bhavet || 3|| trikAlaM yaH paThedbhaktyA tasya vai brahmalekhinI | svayaM likhati saubhAgyaM na kAlo bAdhate cha tam || 4|| yatki~nchid durlabhaM loke tatsarvaM labhate dhruvam | ekasandhyApaThenApi martyo bhaktyA samanvitaH || 5|| ShaShTilakShaguNaM prApnoti gAyatryAH paramaM phalam | dvisandhyaM yaH paThennityaM sa tu bhAgyasamanvitaH || 6|| chatvAriMshatsahasrANAM gAyatryAH phalabhAgbhavet | trisandhyaM paThanAdeva gAyatrIpurashcharaNam || 7|| labhate mAnavaH sadyo nAtra kAryA vichAraNA | asyaikashlokapAThAttu viShNushaktIshvarasya cha || 8|| koTinAmajapasyaiva phalaM prApnoti nishchitam | pradarshya yonimudrAM cha devyai mantrArthavigrahaH || 9|| japet sahasranAmedaM sa sAkShAtbhairavo bhavet | uShaHkAle paThedyastu sarvaj~nAnamavApnuyAt || 10|| sarvasiddhipradAtA cha jAyate sa pumAn bhuvi | madhyAhne paThanAdasya dhanadhAnyaM mahadyashaH || 11|| sAya~NkAle paThedyastu j~nAnashaktyaishvaryabhAjanam | ardharAtrau paThedyastu mahAnipAtrakIrttitaH || 12|| nAnArahasyasiddhiM cha labhate nAtra saMshayaH | aNimA mahimA chaiva laghimA cha tathA parA || 13|| ShaNmAsamAtrapAThAttu pratyakShaM jAyate dhruvam | na homo na cha tarpaNaM na mArjanavidhikriyA || 14|| na dIkShApyatra kartavyA kevalaM pAThamAtrataH | tathApi ched bhavedichChA kuberasadR^ishaM dhanam || 15|| ShaTsahasrairbilvapatrairhavanaM kArayet sudhIH | havanAbhAvapakShe tu shrIchakre vinivedayet || 16|| lekhinItantrayantre vA pUjayet parayA mudA | vidyArthI vedavedA~Nga\-shAstraj~nAnaM cha vindati || 17|| dashamahAvidyAsiddhiM yo vA~nChati kuleshvaraH | japApuShpaishcha haridrAbhiH karavIraistathaiva cha || 18|| havanaM prakurvIta pa~nchakanyAshcha bhojayet | rogArtto yaH paThedetachchaturvAraM samAhitaH || 19|| abhimantrya jalaM pItvA sarvarogaiH pramuchyate | jvarAdiprAkR^itArogAH shravaNAnnAshanaM yayuH || 20|| mR^itavatsA cha yA nArI vandhyA vA yA prakIrttitA | labhate sutamuddAmaM divyalakShaNalakShitam || 21|| sahasrasya paThan yastu purashcharyAvidhiH smR^itaH | vashIkaraNakAmastu kAmabIjaM samuchcharet || 22|| Adau ante cha nAmnAM vai sampuTaM parikalpayet | veshyAgR^ihe shmashAne vA yonIpIThe susa~NkaTe || 23|| kAmasthAne paThenmartyaH sa vashaM nayate jagat | rAjAno rAjaputrAshcha nAryashcha kulajAstathA || 24|| tasyAdhInA bhavantyeva dAsabhUtA nirantaram | yat yat kAmayate chitte tat tat prApnoti mAnavaH || 25|| anAyAsena bhUpAlo jAyate nAtra saMshayaH | brahmANDabhANDamadhye tu yAvantaH siddhayaH sthitAH || 26|| tAH sarvAH pATamAtreNa hastasthA eva sarvadA | vivekamuttamaM prApya vAksiddhiM labhate dhruvam || 27|| gadyapadyamayIM vANiM ga~NgApravAharUpiNIm | vadate vadane nityaM brahmalekhinIsa.nj~nayA || 28|| na bhayaM siMhavyAghrebhyo na cha chaurabhayaM kachit | vajrapAte.api sa~NgrAme kavacha pratirakShitaH || 29|| dashadikShu cha kIrttiH syAt subhAsvaramahodayA | ya imaM paramaM divyaM saMvAdmamR^itopamam || 30|| mantrANAM mAraNaM chaiva stambhanochchATanaM tathA | vidveShaNamatho vashyaM sAdhayet pAThamAtrataH || 31|| shatroH pAdatalaspR^iShTAM mR^ittikAM gR^ihya mAnavaH | sahasranAmapAThAttu shmashAne nikShiped yadA || 32|| saptarAtreNa sa shatruH yamalokaM samashnute | na mAraNAya homasya charmakIlasya vA gatiH || 33|| uchchATanaM chet kartuM kA~NkShati kulasAdhakaH | kAkapakSheNa sampuTIkR^itya nAmnAM shataM paThet || 34|| vAyukoNe kShipettattu shatayojanagachChati | arkamUlaM samAdAya nikhanet ripumandire || 35|| tadgR^ihaM sarvashUnyaM syAt stambhanaM jAyate dhruvam | atha guhyaprayogAMshcha shR^iNu garbha samAhitaH || 36|| raktachandanatoyena likhitvA ripunAmakam | jihvAyAmathavA pAde mahiShasya gale tathA || 37|| yantraM kR^itvA mahAguhyaM saMsmaret lekhinIM parAm | sa shatruH sahasA bhUmau raktamudgIrya nashyati || 38|| ya imaM paramaM stotraM japed vA shR^iNuyAdapi | tasya shatruH krUradR^iShTyA kAmAsaktyA.api vA punaH || 39|| krUrabhAvena pashyechchet sAdhakaM kulayoginam | tadaiva sahasA tatra mahogrA yoginI svayam || 40|| koTisUryapratIkAshA kAlarAtrisamaprabhA | tasya shatrusamUhaM cha hanti mUlakulaiH saha || 41|| vaMshastasya kShayaM yAti na sandeho.atra kashchana | shivagaNA bhairavAshcha sarvadikShu cha sarvadA || 42|| rakShanti sAdhakaM dhIraM vajraprAkArarUpiNaH | yo vA~nChati dhanaM hartuM kIrtiM vA kulasAdhakAt || 43|| mantraM vA tantrasAraM vA chorayet mUDhachetanaH | ku~njikA sA mahAdevI tasya dIkShAM cha mantrakam || 44|| yantraM tantraM shrutaM bhAgyaM sarvaM kIlayati dhruvam | na tasya siddhiriha loke na paratra sukhAvaham || 45|| naShTabhAgyo bhavet so.api shmashAnAgnisamaprabhaH | sa~NkhyAkramavidhAnaM cha shR^iNu garbha mahattaram || 46|| dashasAhasrapAThAttu indrapadaM labhennaraH | pa~nchAshachcha sahasraistu brahmapadaM pravindati || 47|| lakShamAtrajapenaiva viShNusAyujyamApnuyAt | ekabrahmANDabharttA cha jAyate nAtra saMshayaH || 48|| dashalakShajapenaiva rudrapadaM samashnute | IshvaratvaM sadAshivatvaM devIsAyujyameva cha || 50|| labhate mAnavo loke jIvanmukto na saMshayaH | dIkShitaH kulamArgeNa lekhinIkramapAragaH || 51|| shyAmAkramavidhAne vA dIkShAM prApya sulochanaH | aShTottarashataM vApi pa~nchashatAni vA punaH || 52|| nAmnAM sahasraM prapaThet purA pashchAchcha dhImataH | yo vA.adIkShito martyo mandabhAgyo.api vA bhavet || 53|| tena vAgbIjarAjaM cha ai~NkAraM paramottamam | shatavAraM japedAdau stotrasyAsya samR^iddhaye || 54|| tataH pAThAd bhavet siddhiH vAksiddhirjAyate dhruvam | na tasya durlabhaM ki~nchit trailokye sacharAchare || 55|| bhUtale svargaloke cha pAtAle maNDale.api vA | sarvatra pUjito bhUtvA viharet bhairavopamaH || 56|| rAjAno vashatAM yAnti dAsIva kulakAminI | yantraM vinA vinA pIThaM kevalaM mantrabhAvataH || 57|| bhAgyarekhAM parivartayituM shaknoti sAdhakaH | yadyad vA~nChati sa~Nkalpe paThanAdasya tatkShaNam || 58|| na kAlo bAdhate tasya na mR^ityuH prabhavatyapi | chinmayaH subhago loke mahAkIrtisamanvitaH || 59|| gambhIrashabdagumphena stauti yo brahmalekhinIm | tasya pAdayuge nityaM namasyanti surAsurAH || 60|| athAnyachcha pravakShyAmi prayogANAM mahattaram | shrutvA vimuchyate mohAt sarvasiddhIshvaro bhavet || 61|| kR^iShNAShTamyAM chaturdashyAM shmashAne muNDamaNDale | likhitvA haimalekhinyA bhUrjapatre kulArchanam || 62|| dhattUrapuShpamandAraiH pUjayet kAlakAminIm | sahasranAmapAThAttu shatavAraM samAhitaH || 63|| yamAlayaM gato vA.api dIrghAyurjAyate dhruvam | apasmAronmAdakuShTha\-jvaraplIhAdirogiNaH || 64|| kavachaM nAma saMsmR^itya spR^iShTvA rogiNaM mudA | sadyo nIrogatAM yAti divyadehadharo bhavet || 65|| rAjadvAre vivAde cha mahAshatrusamAgame | paThan sahasranAmedaM sadyo jayamavApnuyAt || 66|| baddho yadi bhavet pAshaiH shR^i~NkhalAbhiH sudurbhidaiH | sakR^it pAThAd bhavenmukto kArAgArAt khago yathA || 67|| ya imaM paThati nityaM shR^iNoti vA samAhitaH | tasya hastagatA siddhiH sarvaj~natvaM pade pade || 68|| nadIpravAhe saMstambhaM karoti pAThamAtrataH | agnistambhaM jalastambhaM vAyustambhaM cha vindati || 69|| yasya yasya gR^ihaM gatvA paThate kulasAdhakaH | tatra tatra sthirA lakShmIH putrapautrAdibhUShitA || 70|| durbhikShe mahAmArINAM pAtAle vA raNA~Ngane | nAmedaM prajapedyastu sa sAkShAd bhairavopamaH || 71|| likhitvA dhArayedyastu bhuje vA kaNThamaNDale | tasya dehe sthirA siddhiH vajrapa~njarasannibhA || 72|| na shastrairbhiyate gAtraM na chAgnirdahate kachit | na cha pralapate vyAdhiH kAlamR^ityurna bAdhate || 73|| shamashAnabhasmanA yuktaM kR^itvA yantraM mahattaram | nikhaned yasya nAmnA cha tasya buddhiH praNashyati || 74|| jaDo bhavati sadyo.asau vAksiddhirapi kIlitA | punaH prakShAlya toyena sahasranAmakIrttanAt || 75|| sadyo chaitanyamApnoti brahmalekha prasAdtaH | yadyat pApaM kR^itaM pUrvaM janmAntarashatairapi || 76|| tatsarvaM bhasmasAdyAti nAmasmaraNamAtrataH | govadhaM brahmahatyAM cha mAtR^ihA pitR^ihA tathA || 77|| sarvapApaiH pramuchyeta suvarNasteyavAnapi | ga~NgAditIrthayAtrANAM phalakoTiguNaM labhet || 78|| ekavAraM paThedyastu bhaktiyukto dR^iDhavrataH | na tasya sadR^ishaH kashchit triShu lokeShu vidyate || 79|| vANI cha vadane nityaM lakShmIH hastatale sthirA | hR^idaye paramaM jyotiH parabrahmamayaM padam || 80|| ya imaM paramaM divyaM saMvAdmamR^itopamam | shR^iNoti shrAvayedvApi tasya puNyaM na gaNyate || 81|| na kAlo bAdhate tasya na mR^ityuH prabhavatyapi | chinmayaH subhago loke mahAkIrtisamanvitaH || 82|| gambhIrashabdagumphena stauti yo brahmalekhinIm | tasya pAdayuge nityaM namasyanti surAsurAH || 83|| nirIkShante sadA devAH sAdhakaM kavachadhAriNam | kiM tasya yogamArgeNa kiM tasya tapasA bhuvi || 84|| yasya jihvAgrara~Nge tu brahmalekhinInAmakAH | atulaM labhate saukhyaM sarvAnandamayaM param || 85|| shatrusainyaM prakampeta dR^iShTvA sAdhakalochanam | achintyamahimA devI sarvatantramayI shivA || 86|| tasyAH prasAdtashchaiva mantrAH sidhyanti tatkShaNam | na homo na cha sa~NkalpaH kevalaM pAThadhAraNAt || 87|| tribhuvanaM vashaM kuryAt kiM punaH kShudramAnavAn | iti mantrArthavij~nAnaM brahmANDakampakArakam || 88|| rahasyAtirahasyaM cha guhyAdguhyataraM mahat | parakR^iShNamukhodgIrNaM bhAgyarekhAvishodhanam || 89|| yaH paThechChraNuyAdvApi sakR^inmAtraM samAhitaH | tasya sarvabhayaM nashyet satyaM satyaM vadAmyaham || 90|| athAnyadapi deveshi shR^iNuShvAtyantadurlabham | yannoktaM kutrachit shAstre gopitaM paramaM padam || 91|| yasya smaraNamAtreNa kalpakoTyarjitaM tamaH | kShaNArdhena kShayaM yAti sUryodaye tamisravat || 92|| asya stotrasya pAThAd vai yamarAj~naH pralekhakaH | chitragupto mahAprAj~naH prakampati muhurmuhuH || 93|| likhitvA yAM kulipiM cha martyAnAM pUrvakarmaNAm | tAM lipiM sammArjya sadyaH sulipiM kurute svayam || 94|| brahmANDakoTibha~Nge.api mahApralayasa~NkaTe | na nashyati sa martyo vai brahmalekhinIrakShitaH || 95|| vyomni nakShatrasa~NghAnAM pAtanaM yaH samIhate | tasyAj~nayA nipatanti bhUmau tArAH sahasrashaH || 96|| kiM choktaira bahubhirvAkyaiH satyaM satyaM kuleshvara | amuShya dhAraNAdeva brahmA lokaM sR^ijatyapi || 97|| viShNuH pAlayate vishvaM shivaH saMharate jagat | etanmantraprabhAveNa tridevAH kAryatatparAH || 98|| yasya kaNThe sthitaM nityaM sahasranAmamuttamam | tasya vAkyaprabhAveNa shuShkavR^ikShe.api ma~njarI || 99|| jAyate tatkShaNaM sadyaH satyavAdI bhavet pumAn | nadIvegaM samAlokya yaH paThedekavArakam || 100|| pravAhaH stambhanaM yAti viparItaM pradhAvati | garjantaM hastinaM dR^iShTvA siMhaM vA krUralochanam || 101|| sahasranAmapAThAttu te bhavanti mR^igopamAH | raNabhUmau mahAghore shastrAstraughakulAkule || 102|| yaH paThet sAdhako dhIraH shatakoTisharairapi | na bhidyate tasya gAtraM puShpavR^iShTirivAbabhau || 103|| mantrAH sarve kulInAshcha kIlitAH kalinAvR^itAH | asya stotrasya pAThAd vai niShkIlitA bhavanti hi || 104|| yathA sUryaprabhAveNa padmamunmIlate mudA | tathA stotraprabhAveNa sarvamantrAH sphuTanti cha || 105|| paramantraparatantrANi yantrANi kIlanAni cha | sAdhakaM vIkShya dUreNa sphuTanti vajrapAtavat || 106|| yadi kashchinmahAmUDho nindati kulasAdhakam | tasya jihvA sadyaH pUyA gachChati cha vishIrNatAm || 107|| aShTottarashataM chaiva japet stotramanuttamam | mahAshUnyaprAnte vA shmashAne muNDamaNDale || 108|| sAkShAt kulamahAdevI tasyAgre samupasthitA | varaM dadAti sA devI rAjyaM chAmaradurlabham || 109|| khecharIsiddhimApnoti bhUmau na pAdasaMspR^ishaH | adR^ishyo jAyate martyo devaloke.api sa~ncharet || 110|| AyuShyaM vardhate nityaM palitaM na cha jAyate | valIbha~Ngavimukto.asau navayauvanavAn bhavet || 111|| yadyanmanasi sa~Nkalpya shR^iNuyAd vA paThed vA | tattat sarvaM bhavet sadyaH pratyakShaM nAtra saMshayaH || 112|| etad guhyatamaM stotraM mahAkAlamukhodgatam | brahmalekhaprashamanaM bhAgyarekhAvishodhanam || 113|| na dadyAt kasyachit loke na darshayenmahodayam | gopyaM kaulikamArgeNa prANAt parataraM sadA || 114|| yathA gopyA mahAkAlI yathA gopyaH paraH shivaH | tathA gopyamidaM stotraM sarvasiddhikaraM param || 115|| paThanAd brahmasAyujyaM shravaNAd viShNupadaM labhet | dhAraNAchChivamUrttiH syAt satyaM satyaM vadAmyaham || 116|| iti kAlamukhodgIrNA phalashrutiH suvistarA | rahasyAtirahasyA cha brahmalekhapradAyinI || || iti shrIdashamahAvidyA\-brahmalekhinI\-sahasranAmastotrasya phalashrutiH sampUrNA || || iti shrIdurlabhA shrIparakR^iShNayamale shrIrahasyanAmasahasrakaM samAptam || \section{sarvasaubhAgyadAyakaM vajrapa~njara brahmalekhinIkavacham |} shrIparakR^iShNa uvAcha\- lekhinI mahAvidyA koTikalpeShu durlabhA | shR^iNu kavachasyAsya R^iShiH parabrahmasmR^itaH || 1|| Chando.anuShTup proktA devatA lekhinIshvarI | vAgbhavabIjaM cha shaktikUTabIjakam || 2|| kUrchabIjotkIlanAM saubhAgyanirNayAya cha | madIyA~NkalipisaMshodhanArthe viniyogaH smR^itaH || 3|| || atha kavacham || praNavaM me shiraH pAtu mAyAM cha mama bhAlakam | ekAkSharI parA shaktiH sravantI pAtu chakShuShI || 4|| tryakSharI tryambakAkArA nAsikAM me sadAvatu | chaturakSharI mahAmAyA mukhaM me pAtu sarvadA || 5|| pa~nchadashAkSharI nityA jihvAM rakShet kuleshvarI | ShoDashI ShoDashArNA cha kaNThaM me pAtu chinmayI || 6|| aiM hrIM aiM sampuTAkArA karNayugmaM sadAvatu | klIM blUM klIM bIjarUpA cha kapolau me sadAvatu || 7|| mAyAbIjaM mahAdIptaM dantapa~NktiM mamAvatu | kUrchabIjaM parAkAraM chivukaM me sadAvatu || 8|| vadhUbIjaM mahAguhyaM rasanAM me sadAvatu | lekhinI sarvavarNeshA grIvAM pAtu mahotkaTa || 9|| gAyatrI pAtu me skandhau sAvitrI bAhuyugmakam | sarasvatI karau pAtu tArA a~NgulImUlakam || 10|| ugratArA nakhAgraM cha nIlasarasvatI tathA | vakShaHsthalaM sadA rakShet shAradA sarvama~NgalA || 11|| shyAmA pAtu dvipArshvaM cha mAta~NgI stanamaNDalam | bagalAmukhI mahodagro nAbhiM pAtu bhayAtura || 12|| rAjamAta~NginI pAtu jaTharaM kukShibhAgakam | mahApishAchinI rakShet pR^iShThavaMshaM samantataH || 13|| koTishvarI kaTiM pAtu kalpabhedinI guhyakam | hastiyoginI me UrU rahasyayoginI tathA || 14|| brAhmI pAtu jAnuyugmaM brahmayoginI ja~Nghakam | brahmalekhinI pAtu pAdau brahmANI pAdapR^iShThakam || 15|| akSharA pAtu pAdA~NgulIH mahAsarasvatI tathA | nIlAdevI sarvagAtraM pAtu mAM sarvasa~NkaTe || 16|| AdishAradA sadA rakShet svapne jAgaraNe pathi | vINApANirj~nAnamayI sarvadikShu sadAvatu || 17|| durgA durgatikA pAtu sa~NgrAme rAjamandire | pa~nchaprANAn mahAmAyA lekhinIrUpadhAriNI || 18|| raktamAMsamasthimajjAM shukraM tvachaM tathaiva cha | dhAtUna sarvAn sharIre tu pAtu devyakShareshvarI || 19|| bhUcharI khecharI chaiva pAtu mAM kulavarddhinI | yAdR^ishaM rUpamAsthAya vilikhed daivamakSharam || 20|| tAdR^ishaM rUpamAsthAya pAtu mAM sarvato vibhuH | iDA pi~NgalA suShumnA nADItantraM mamAvatu || 21|| sahasrAradalapadmaM mahAbinduM sadAvatu | akSharamAlA mahAdIptA sarvA~NgaM me sadAvatu || 22|| bindudvandvamayI chaiva pAtu me netramaNDalam | trikoNamadhyasaMviShTA bhrUyugaM me sadAvatu || 23|| kAdirUpA pAtu kaNThaM hAdirUpA cha hR^idgatam | sAdirUpA mahAdevI nAbhideshaM sadAvatu || 24|| vAgbhavADhyA mahAlekhA dakShiNaM pArshvamAvatu | kAmakUTAtmikA devI vAmapArshvaM sadAvatu || 25|| shaktikUTA mahAguhyA pR^iShThabhAgaM sadAvatu | lajjAbIjaM mahAbhAsaka hR^idayantaraM mamAvatu || 26|| shrIbIjaM pAtu me koshAM kaulIM cha pAtu kaulikI | mantralekhamayI nityA buddhiM me pAtu sarvadA || 27|| chittaM cheto madIyaM cha j~nAnarUpaM kalAvatI | aha~NkAraM mama rakShet sarvavidyAvishAradA || 28|| shabdAkSharamayI rekhA shrotrendriyaM mamAvatu | sparshAkSharamayI nityA tvagindriyaM sadAvatu || 29|| rUpAkSharamayI jyeShThA chakShurindriyamavAtu | rasAkSharamayI shreShThA jihvendriyaM mamAvatu || 30|| gandhAkSharamayI shuddhA ghrANendriyaM sadAvatu | vAkpANipAdapAyUMshcha pAtu devyakShareshvarI || 31|| jAgradavasthAM sadA rakShet vishvarUpA parAtparA | svapnAvasthAM mahAsUkShmA taijasAkhyA sadAvatu || 32|| suShuptyavasthAM nityaM me prAj~narUpA mamAvatu | turIyAsthAM mahAshUnyA bindurUpA sadAvatu || 33|| pUrvasyAM pAtu mAM vANI AgneyyAM tAriNI tathA | dakShiNasyAM mahAshyAmA naiR^ityAM ugratAriNI || 34|| pashchimAyAM mahAdurgA vAyavyAM bagalAmukhI | uttarasyAM sadA rakShet mAta~NgI rAjamAtula || 35|| aishAnyAM pAtu mAM brAhmI UrdhvaM brahmamayI parA | adhastAt pAtu mAM nityaM pAtAlavAsinI shivA || 36|| digvidikShu cha sarvatra sarvavyApinI lekhinI | vajrarekhAparighR^ite rakShet mAM kulamandire || 37|| yantralekhamahAprAchI mantrakIlanasaMskR^itA | mahApishAchamantrebhyo rakShet mAM sarvadA vibhuH || 38|| jalamadhye sthalamadhye cha raNe rAjakule pathi | mahAshailataTe ghore pAtu mAM kAmarUpiNI || 39|| vivAde shAstracharchAyAM sabhAyAM shatrusa~NkaTe | dantauShThakaNThajihvAsu pAtu mAM shAradA svayam || 40|| aj~nAnAt j~nAnato vA.api yat tyaktaM kavache mama | tatsa rakShet mahAdevI lekhinI sarvama~NgalA || 41|| pAdatalAt shiro yAvat shirasaH pAdatalakam | vajrakoTisamaM gAtraM pAtu devI nirantaram || 42|| \section{kavachasya phalashrutiH} ityetatkavachaM divyaM vajrapa~njaramuttamam | guhyAdguhyataraM tattvaM sarvasaubhAgyadAyakam || 1|| na deyaM yasya kasyApi gopitaM kulapustake | yaH paThechChraNuyAdvApi trisandhyaM niyataH shuchiH || 2|| tasya hastagatA siddhiH sAkShAdvAgIshvaro bhavet | etanmahAkavachaM guhyaM yo na jAnAti mAnavaH || 3|| sa japet satataM mantraM tasya mantro na sidhyati | sArasvataM mahAmantraM lekhinImantramuttamam || 4|| dIkShito.api kulAchAre koTikalpairna vindati | kavachena vinA martyo mantrajApyaM karoti yaH || 5|| tasya bhAgyakShayo yAti mantrAshcha malinAstathA | koTa kalpaM japedvApi shrama eva hi kevalam || 6|| tasmAtsarvaprayatnena kavachaM prapaThetpurA | pashchAnmantraM japetprAj~naH sa sAkShAd bhairavo bhavet || 7|| rakShAkAmo mahAmartyo yaH kashchid bhuvi vartate | tena na gantavyaM kvApi kavachena vinA padam || 8|| na padaikaM pragachChechcha na cha gachChet kadAchana | vinA kavachapAThAttu mArgaM naiva pravishet pumAn || 9|| yadi gachChet pramAdena mandabuddhiH vimohitaH | tadaiva tasya vighnAni jAyante sarvatomukham || 10|| bhUtapretapishAchAshcha DAkinyo yAtudhAnAH | ripavaH shastrahastAshcha taM hiMsanti pade pade || 11|| tasmAd gR^ihAd viniShkrAnte kavachaM dhArayet paThet | tasya pAdayuge nityaM rakShA tiShThati sarvadA || 12|| ShaNmAsadhAranAdasya vajrakAyo bhavennaraH | na shastrairbhidyate gAtraM na chAgnirdahate kachit || 13|| viShaM sthAvaraja~NgamaM kR^itrimaM chAbhichArikam | prashAmyedamR^itaM yAti kavachasya prabhAvataH || 14|| yaH paThet paramaM divyaM sa vashaM nayate jagat | rAjAno rAjaputrAshcha nAryashcha kulajAstathA || 15|| tasyAdhInA bhavantyeva dAsabhUtA nirantaram | mahotpAte cha durbhikShe shmashAne sa~NkaTe tathA || 16|| kavachaM saMsmaran martyo hyakShato vijayAnvitaH | likhitvA dhArayedyastu kaNThe vA dakShiNa bhuje || 17|| tasya gehe sthirA lakShmIH vANI cha vadane vaset | iti te kathitaM garbha parakR^iShNarahasyakam || 18|| bhAgyarekhAvishodhanaM sarvakAraNakAraNam | na kAlo bAdhate tasya na mR^ityuH prabhavatyapi || 19|| chinmayaH subhago loke mahAkIrtisamanvitaH | sarvamArgeShu mAM pAtu parakR^iShNo jaganmayaH || 20|| iti sarvasaubhAgyadAyakaM vajrapa~njara brahmalekhinIkavacham sampUrNam | ## This sahasranAmastotram is parakRiShNayAmalatantram. The file includes both sahasranAmastotram and kavacham. If the main aim is protection, chant the Kavacha first, then the Sahasranama. If the main aim is devotion and spiritual growth, chant the Sahasranama first, then the Kavacha. If both are goals, you can alternate or combine them in a single session. Encoded and proofread by Sriji Maharani and Durga Sharma \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}