% Text title            : Chandi Shatakam 4
% File name             : chaNDIshatakam.itx
% Category              : devii, shataka, devI, durgA
% Location              : doc\_devii
% Transliterated by     : Ruma Dewan
% Proofread by          : Ruma Dewan
% Description/comments  : Kavyamala 4
% Latest update         : April 17, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Chandi Shatakam ..}##
\itxtitle{.. chaNDIshatakam ..}##\endtitles ##
(bANabhaTTavirachitam)
mA bhA~NkShIrvibhramaM bhrUradhara vidhuratA keyamAsyAsya rAgaM
pANe prANyeva nAyaM kalayasi kalahashraddhayA kiM trishUlam |
ityudyatkopaketUnprakR^itimavayavAnprA(sthA)payantyeva devyA
nyasto vo mUrdhni muShyAnmarudasuhR^idasUnsaMharanna~NghriraMhaH || 1||
hu~NkAre nyakkR^itodanvati mahati jite shi~njitairnUpurasya
shliShyachChR^i~NgakShate.api kSharadasR^iji nijAlaktakabhrAntibhAji |
skandhe vindhyAdribud.hdhyA nikaShati mahiShasyAhito.asUnahArShI\-
daj~nAnAdeva yasyAshcharaNa iti shivaM sA shivA vaH karotu || 2||
jAhnavyA yA na jAtAnunayapara(anavamapu?)harakShiptayA kShAlayantyA
nUnaM no nUpureNa glapitashashiruchA jyotsnayA vA nakhAnAm |
tAM shobhAmAdadhAnA jayati navamivAlaktakaM pIDayitvA
pAdenaiva kShipantI mahiShamasurasAdAnaniShkAryamAryA || 3||
mR^ityo(yAmyAH)stulyaM trilokIM grasitumatirasAnniHsR^itAH kiM nu jihvAH
kiM vA kR^iShNA~NghripadmadyutibhiraruNitA viShNupadyAH padavyaH |
prAptAH sandhyAH smarAreH svayamuta nutibhistisra ityUhyamAnA
devairdevItrishUlAhata(devyAstrishUlakShata)mahiShajuSho raktadhArA jayanti || 4||
datte darpAtprahAre sapadi padabharotpiShTadehAvashiShTAM
shliShTAM shR^i~Ngasya koTiM mahiShasuraripornUpuragranthisImni |
muShyAdvaH kalma(kilbi)ShANi vyatikaraviratAvAdadAnaH kumAro
mAtuH prabhraShTalIlAkuvalayakalikAkarNapUrAdareNa || 5||
shashvadvishvopakAraprakR^itiravikR^itiH sAstu shAntyai shivA vo
yasyAH pAdopashalye tridashapati(mahiShasura)ripurdUraduShTAshayo.api |
nAke prApatpratiShThAmasakR^idabhimukho vAdaya~nshR^i~NgakoTyA
hatvA koNena vINAmiva raNitamaNiM maNDalIM nUpurasya || 6||
niShThyUto.a~NguShThakoTyA nakhashikharahataH pArShNiniryAtasAro(niShNAtsAraH)
garbhe darbhAgrasUchIlaghuriva gaNito nopasarpansamIpam |
nAbhau vakraM praviShTA(tiShThA)kR^itivikR^iti yayA pAdapAtena kR^itvA
daityAdhIsho vinAshaM raNabhuvi gamitaH sAstu devI shriye (shAntyai shivA)vaH || 7||
grastAshvaH shaShpalobhAdiva haritahareraprasoDhAnaloShmA
sthANau kaNDUM vinIya pratimahiSharuShevAntakopAntavartI |
kR^iShNaM pa~NkaM yathechChanvaruNamupagato majjanAyeva yasyAH
svastho.abhUtpAdamAptvA hradamiva mahiShaH sAstu durgA shriye (devI mude)vaH || 8||
trailokyAta~NkashAntyai pravishati vivashe dhAtari dhyAnatandrI\-
mindrAdyeShu dravatsu draviNapatipayaHpAlakAlAnaleShu |
ye sparshenaiva piShTvA mahiShamatiruShaM trAtavantastrilokIM (trAtavanto jaganti)
pAntu tvAM pa~ncha chaNDyAshcharaNanakhanibhenA(miSheNa)pare lokapAlAH || 9||
prAleyotpIDapInvAM(dIvyat)nakharajanikR^itAmAtapenAtipANDuH
pArvatyAH pAtu yuShmAnpituriva tulitAdrIndrasAraH sa pAdaH |
yo dhairyAnmuktalIlAsamuchitapatanApAtapItAsurAsI\-
nno devyA eva vAmashChalamahiShatanornAkalokadviSho.api || 10||
vakSho vyAjaiNarAjaH sa dashabhirabhinatpANijaiH prAksurAreH
pa~nchaivAstaM nayAmo yuvaticharaNajAH shatrumete vayaM tu |
ityutpannAbhimAnairnakhashashimaNibhirjyotsnayA svAMshumayyA
(ityutpannAtiruchirnakhaiH shashimaNibhirjyotsnayA svAMshumayyA)
yasyAH pAde hatArau hasita iva hariH sAstu kAlI shriye (shAntyai shivA)vaH || 11||
raktAkte.alaktakashrIrvijayini vijaye no virAjatyamuShmi\-
nhAso hastAgrasaMvAhanamapi da(tu)litAdrIndrasAradviSho.asya |
trAsenaivAdyaH sarvaH praNamati kadanenAmuneti kShatAriH
pAdo.avyAchchumbito vo rahasi vihasatA tryambakeNAmbikAyAH || 12||
bha~Ngo na bhrUlatAyAstulitabalatayAnAsthamasthnAM tu chakre
na krodhAtpAdapadmaM mahadamR^itabhujAmuddhR^itaM shalyamantaH |
vAchAlaM nUpuraM no jagadajani jayaM shaMsadaMshena pArShNe\-
rmuShNantyAsUnsurAreH samarabhuvi yayA pArvatI pAtu sA vaH || 13||
ni(ti)ryannAnAstrashastrAvali valati balaM kevalaM dAnavAnAM
drA~N nIte dIrghanidrAM dviShati na mahiShItyuchyase prAyasho.adya |
astrIsambhAvyavIryA tvamasi khalu mayA naivamAkAraNIyA
kAtyAyanyAttakelAviti hasati hare hrImatI hantvarInvaH || 14||
jAtA kiM te hare bhIrbhavati mahiShato bhIravashyaM harINA\-
madyendordvau kala~Nkau tyajati patirapAM dhairyamAlokya chandram |
vAyo kampyastvayAnyo naya yama mahiShAdAtmayugyaM yayArau
piShTe naShTaM jahAsa dyujanamiti jayA sAstu devI shriye vaH || 15||
shUlaprotAdupAttaplutamahi mahiShAdutpatantyA sravantyA
vartmanyArajyamAne sapadi makhabhujAM jAtasandhyApramohaH |
nR^ityanhAsena matvA vijayamahamahaM mAnayAmItivAdI
yAmAshliShya pranR^ittaH punarapi purabhitpArvatI pAtu sA vaH || 16||
nAkaukonAyakAdyairdyuvasatibhirasishyAmadhAmA dharitrIM
rundhanvardhiShNuvindhyAchalachakitamanovR^ittibhirvIkShito yaH |
pAdotpiShTaH sa yasyA mahiShasuraripurnUpurAntAvalambI
lebhe lolendranIlopalashakalatulAM stAdumA sA shriye vaH || 17||
durvArasya dyudhAmnAM mahiShitavapuSho vidviShaH pAtu yuShmA\-
npArvatyA pretapAlasvapuruShaparuShaH preShito.asau pR^iShatkaH |
yaH kR^itvA lakShyabhedaM hR^itabhuvanabhayo gAM vibhidya praviShTaH
pAtAlaM pakShapAlIpavanakR^itapatattArkShyasha~NkAkulAhiH || 18||
vajraM vinyasya hAre harikaragalitaM kaNThasUtre cha chakraM
keshAnbaddhvAbdhipAshairdhR^itadhanadagadA prAkpralInAnvihasya |
devAnutsAraNotkA kila mahiShahatau mIlato hrepayantI
hrImatyA haimavatyA vimativihataye tarjitA stAjjayA vaH || 19||
khaDge pAnIyamAhlAdayati hi mahiShaM pakShapAtI pR^iShatkaH
shUlenesho yashobhAgbhavati parilaghuH syAdvadhArhe.api daNDaH |
hitvA hetIritIvAbhihatibahalitaprAktanApATalimnA
pArShNyaiva proShitAsuM suraripumavatAtkurvatI pArvatI vaH || 20||
kR^itvedR^ikkarma lajjAjananamanashane shakra mAsUnvihAsIH\-
vitte(arthe)sha sthANukaNThe jahi gadamagadasyAyamevopayogaH |
jAtashchakrinvichakro ditija iti surAMstyaktahetInbruvantyA
vrIDAM(lajjAM)vyApAditArirjayati vijayayA nIyamAnA bhavAnI || 21||
deyAdvo vA~nChitAni chChalamayamahiShotpeSharo(do)ShAnuSha~NgA\-
nnItaH pAtAlakukShiM hR^itabhuvana(kR^itaparama)bhayo bhadrakAlyAH sa pAdaH |
yaH prAdakShiNyakA~NkShAvalayitavapuShA vandyamAno muhUrtaM
sheSheNevendukAntopalarachitamahAnUpurAbhogalakShmIH || 22||
shUlaM tUlaM nu gADhaM prahara hara hR^iShIkesha kesho.api vakra\-
shchakreNAkAri kiM me paviravati nahi tvAShTrashatro dyurAShTram |
pAshAH keshAbjanAlAnyanala na labhase bhAtumityAttadarpaM
jalpandevAndivaukoripuravadhi yayA sAstu shAntyai shivA (pArvatI pAtu sA)vaH || 23||
shAr~NginbANaM vimu~ncha bhramasi balirasau saMyataH kena bANo
gotrAre hanmyahaM te ripumama(su)raripustveSha gotrasya shatruH |
daityA vyApAdyatAM drAgaja iva mahiSho hanyate manmahe.adye\-
tyutprAsyomA purastAdanu danujatanuM mR^idgatI trAyatAM vaH || 24||
spardhAvardhitavindhyadurbharabharavyastAdvihAyastalaM
hastAdutpatitA prasAdayatu vaH kR^ityAni kAtyAyanI |
yAM shUlAmiva devadArughaTitAM skandhena mohAndhadhI\-
rvadhyoddeshamasheShabAndhavakuladhvaMsAya kaMso.anayat || 25||
tUrNaM to(ro)ShAtturAShATprabhR^itiShu shamite shAtrave stotrakR^itsu
klAntevopetya patyustatabhujayugalasyAlamAlambanAya |
dehArdhe gehabuddhiM prativihitavatI lajjayAlIya kAlI
kR^ichChraM vo.anichChayaivApatitaghanatarAshleShasaukhyA vihantu || 26||
AstAM mugdhe.ardhachandraH kShipa surasaritaM yA sapatnI bhavatyAH
krIDA dvAbhyAM vimu~nchAparamalamamunaikena me pAshakena |
shUlaM prAgeva lagnaM shirasi yadabalA yudhyase.avyAdvidagdhaM
sotprAsAlApapAtairiti danujamumA nirdahantI dR^ishA vaH || 27||
vakrANAM viklavaH kiM vahasi bata ruchaM skanda ShaNNAM viShaNNA\-
manyAH ShaNmAtaraste bhava bhava sakalastvaM sharIrArdhalabdhyA |
jihmAM hanmyadya kAlImiti samamasubhiH kaNThato nirgatA gI\-
rgIrvANAreryaye(dR^i)chChAmR^idupadamR^iditasyAdrijA sAvatAdvaH || 28||
gAhasva vyomamArgaM gatamahiShabhayairbradhna vishrabdhamashvaiH
shR^i~NgAbhyAM vishvakarmanghaTayasi na navaM shAr~NgiNaH shAr~Ngamanyat |
aibhI tva~NgiShThureyaM bibhR^ihi mR^idumimAmIshvaretyAttahAsA
gaurI vo.avyAtkShatAriH svacharaNagarimagrastagIrvANagarvA || 29||
kShipto bANaH kR^itaste trikavinatitato nirvalirmadhyadeshaH
prahlAdo nUpurasya kShataripushirasaH pAdapAtairdisho.agAt |
sa~NgrAme sannatA~Ngi (santatA vo)vyathayasi mahiShaM naikamanyAnapi tvaM
ye yudhya(vidya)nte.atra naivetyavatu patiparIhAsahR^iShTA shivA vaH (tuShTA bhavAnI) || 30||
merau me raudrashrR^i~NgakShatavapuShi ruSho naiva nItA nadInAM
bhartAro riktatAM yattadapi hitamabhUnniHsapatno.atra ko.api |
etanno mR^iShyate yanmahiSha kaluShitA svardhunI mUrdhni mAnyA
shambhorbhindyAddhasantI patimiti shamitArAtirItIrumA vaH || 31||
sadyaH sAdhitasAdhyamuddhR^itavatI shUlaM shivA pAtu vaH
pAda(prota)prAntaviShakta eva mahiShAkAre suradveShiNi |
diShTyA deva vR^iShadhvajo yadi bhavAneShApi naH svAminI
sa~njAtA mahiShadhvajeti jayayA kelau kR^ite.ardhasmitA || 32||
vidrANendrANi kiM tvaM draviNadadayite pashya sa~NkhyaM svasakhyAH
svAhe svasthA svabhartaryamR^itabhu(sR^i)ji mudhA rohiNI roditIya |
lakShmi shrIvatsalakShmorasi vasasi puretyArtamAshvAsayantyAM
svargastraiNaM jayAyAM jayati hatariporhrepitaM haimavatyA || 33||
nirvANaH kiM tvameko raNashirasi shikhi~nshAr~NgadhanvApi vidhyaM\-
statte dhairyaM kva yAtaM jahihi jalapate dInatAM tvaM na dInaH |
shakto no shatrubha~Nge bhayapishuna sunAsIra nAsIradhUli\-
rdhigyAsi kveti jalpanripuravadhi yayA pArvatI pAtu sA vaH || 34||
nandinnAnandado me tava murajamR^iduH samprahAre prahAraH
kiM dante romNi rugNe vrajasi gajamukha tvaM vashIbhUta eva |
nighnannighnannidAnIM dyujanamiha mahAkAla eko.asmi nAnyaH
kanyAdrerdaityamitthaM pramathaparibhave mR^idgatI trAyatAM vaH || 35||
vajraM maj~no marutvAnari harirurasaH shUlamIshaH shirasto
daNDaM tuNDAtkR^itAntastvaritagatigadAmasthito.arthAdhinAthaH |
prApanyatpAdapiShTe dviShi mahiShavapuShya~NgalagnAni bhUyo\-
.apyAyUMShIvAyudhAni dyuvasataya iti stAdumA sA shriye vaH || 36||
dR^iShTAvAsaktadR^iShTiH (kR^itamakhavikR^itiH)prathamamiva tathA sammukhInAbhimukhye
smerA hAsapragalbhe priyavachasi kR^itashrotrapeyAdhikoktiH |
udyuktA narmakarmaNyavatu pashupatau (pashupateH)pUrvavatpArvatI vaH
kurvANA sarvamIShadvinihitacharaNAlaktakeva kShatAriH || 37||
daityo dordarpashAlI nahi mahiShavapuH kalpanIyAbhyupAyo
vAyo vArIsha viShNo vR^iShagamana vR^iShankiM (bR^ihat)viShAdo vR^ithaiva |
badhnIta bradhnamishrAH kavachamachakitAshchitrabhAno dahArI\-
nevaM devA~njayokte jayati hatariporhrepitaM haimavatyAH
(nevaM devA~njayokte jayati hataripurhrepitasvarnikAyA) || 38||
A vyomavyApisImnAM vanamatigahanaM gAhamAno bhujAnA\-
marchirmokSheNa mUrchChandavadahanaruchAM lochanAnAM trayasya (trayeNa) |
yasyA nirmajjamajjachcharaNabharanato gAM vibhidya praviShTaH
pAtAlaM pa~NkapAtonmukha iva mahiShaH stAdumA sA shriye vaH || 39||
nIte nirvyAjadIrghAM maghavati maghavadvajralajjAnidAne
nidrAM drAgeva devadviShi muShitaruShaH(bhiyaH)saMsmarantyAH svabhAvam |
devyA dR^igbhyastisR^ibhyastraya iva galitA rAshayo raktatAyA\-(shoNitasya)
strAyantAM(rakShantutvAM)vastrishUlakShatakuharabhuvo lohitAmbhaH samudrAH || 40||
kAlI kalpAntakAlAkulamiva sakalaM lokamAlokya pUrvaM
pashchAchChliShTe viShANe viditaditisutA lohitA matsareNa |
pAdotpiShTe parAsau nipatati mahiShe prAksvabhAvena gaurI
gaurI vaH pAtu patyuH pratinayanami(i)vAviShkR^itAnyonyarUpA(bhAvA) || 41||
gamyaM nAgnerna (jitenduM)chendoH sapadi dinakR^itAM dvAdashAnAmasahyaM(shakyaM)
shakrasyAkShNAM sahasraM saha surasadasA sAdayantaM prasahya |
utpAtogrAndhakArAgamamiva mahiShaM nighnatI sharma dishyA\-
 ddevI vo vAmapAdAmburuhanakhamayaiH pa~nchabhishchandramobhiH || 42||
dattvA sthUlAntramAlAvalivighasahasaddhasmarapretakAntaM
kAtyAyanyAtmanaiva tridasharipumahAdaityadehopahAram |
vishrAntyai pAtu yuShmAnkShaNamupari dhR^i(kR^i)taM kesariskandhabhitte\-
rbibhrattatkesarAlImalimukhararaNannUpuraM pAdapadmam || 43||
kopenevAruNatvaM dadhadadhikatarAlakShyalAkShArasashrIH
shliShyachChR^i~NgAgrakoNakvaNitamaNitulAkoTihu~NkAragarbhaH |
pratyAsannAtmamR^ityupratibhayamasurairIkShito hantvarInvaH
pAdo devyAH kR^itAnto.apara iva mahiShasyopariShTAnniviShTaH || 44||
AhantuM(ghAtaM)nIyamAnA bharavidhurabhujasraMsamAnobhayAMsaM
kaMsenainAMsi sA vo haratu hariyashorakShaNAya kShamApi |
prAkprANAnasya nAsyadgaganamudapatadgocharaM yA shilAyAH
samprApyAgAmivindhyAchalashikharashilAvAsayogodyateva || 45||
sAmnA nAmnAyayonerdhR^itimakR^ita harernApi chakreNa bhedA\-
tsendrasyairAvaNasyApyupari kaluShitaH (pulakitaH)kevalaM dAnavR^iShTyA |
dAnto daNDena mR^ityorna cha viphalayathoktAbhyupAyo hato.ari\-
ryenopAyaH sa pAdaH sukhayatu bhavataH (nadatu bhavadaghaM)pa~nchamashchaNDikAyAH || 46||
bhartA kartA trilokyAstripuravadhakR^itI pashyati tryakSha eSha
kva strI kvAyodhanechChA na tu sadR^ishamidaM prastutaM kiM mayeti |
matvA savyAjasavyetaracharaNachalA(nakhA)~NguShThakoNAbhimR^iShTaM(koNena piShTvA)
sadyo yA lajjitevAsurapatimavadhItpArvatI pAtu sA vaH || 47||
vR^iddhokSho na kShamaste bhavatu bhava bhavadvAha eSho.adhuneti
kShiptaH pAdena devaM prati jhaTiti yayA kelikAntaM vihasya |
dantajyotsnAvitAnaira(alabhata)tanubhiratanurnyakkR^itArdhendubhAbhi\-
rgauro gaureva jAtaH kShaNamiva mahiShaH sAvatAdambikA vaH || 48||
prAkkAmaM dahatA kR^itaH paribhavo yena trisandhyAnataiH(teH)
serShyA vo.avatu chaNDikA charaNayoH svaM pAtayantI patim |
kurvatyAbhyadhikaM kR^ite pratikR^itaM muktena maulau muhu\-
rbAShpeNAhitakajjalena likhitaM svaM nAma (nAmeva)chandre yayA || 49||
tu~NgAM(~NgAH)shrR^i~NgAgrabhUmiM(miH)shritavati marutAM pre(pro)takAye nikAye
ku~njautsukyAdvishatsu shrutikuharapuTaM drAkkakupku~njareShu |
smitvA vaH saMhR^itAsordashanaruchikR^itAkANDakailAsabhAsaH
pAyAtpR^iShThAdhirUDhe smaramuShi mahiShasyochchahAseva devI || 50||
kR^itvA pAtAlapa~Nke(~NkaiH)kShayarayamilitaikA(ra)rNavechChAvagAhaM
dAhAnnetratrayAgnervilayanavigalachChR^i~NgashUnyottamA~NgaH |
kriDAkroDAbhisha~NkAM vidadhadapihitavyomasImA mahimnA
vIkShya kShuNNo yayAristR^iNamiva mahiShaH sAvatAdambikA(kAlikA)vaH || 51||
shUle shailAvikampaM na nimiShitamiShau paTTishe sATTahAsaM
prAse sotprAsamavyAkulamapi(iva)kulishe jAtasha~NkaM na sha~Nkau |
chakre.avakraM(ktraM)kR^ipANe(NaM)na kR^ipaNamasurArAtibhiH pAtyamAne
daityaM pAdena devI mahiShitavapuShaM piMShatI vaH punAtu || 52||
chakre chakrasya nAstryA na cha khalu parashorna kShuraprasya nAse\-
ryadvaktraM kaitavAviShkR^itamahiShatanau vidviShatyAjibhAji |
protAtprAsena mUrdhnaH saghR^iNamabhimukhAyAtayA kAlarAtryA
kalyANAnyAnanAbjaM sR^ijatu tadasR^ijo dhArayA vakritaM vaH || 53||
hastAdutpatya yAntyA gaganamagaNitAdhairyavIryAvalepaM
vailakShyeNeva pANDudyutimaditisutArAtimApAdayantyAH |
darpAnalpATTahAsa(sA)dviguNatarasitAH saptalokIjananyA\-
starjanyA janyadUto nakharuchitataya(rarucha)starjayantyA jayanti || 54||
prAleyAchalapalvalaikabisinI sAryAstu vaH shreyase
yasyAH pAdasarojasImni mahiShakShobhAtkShaNaM vidrutAH |
niShpiShTe patitAstriviShTaparipau gItyutsavollAsino
lokAH sapta sapakShapAtamaruto bhAnti sma bhR^i~NgA iva || 55||
AprApye(pte)ShurudAsitAsirashanerArAtkutaH sha~Nkata\-
shchakravyukramakR^itparokShaparashuH shUlena shUnyo yayA |
mR^ityurdaityapateH kR^itaH susadR^ishaH pAdA~NgulIparvataH(NAH)
pArvatyA pratipAlyatAM tribhuvanaM niHshalyakalyaM tayA || 56||
naShTAnaShShTau gajendrAnavata na vasavaH kiM disho drAggR^ihItAH
shAr~Nginsa~NgrAmayuktyA laghurasi gamitaH sAdhu tArkShyeNa taikShNyam |
utkhAtA netrapaktirna tava samarataH(surapate)pashya nashyadbalaM svaM
svarnAthetyAttadarpaM vyasumasuramumA kurvatI trAyatAM vaH || 57||
shrutvA shatruM duhitrA nihatamatijaDo.apyAgato.ahnAya harShA\-
dAshliShya~nChailakalpaM mahiShamavanibhR^idbAndhavo vindhyabud.hdhyA |
yasyAH shvetIkR^ite.asminsmitadashanaruchA tulyarUpo himAdri\-
rdrAgdrAghIyAnivAsIdavatamasa(tanujanu)nirAsAya sA stAdumA vaH || 58||
kShipto.ayaM mandarAdriH punarapi bhavatA veShTyatAM vAsuke.abdhau(sau)
prIyasvAnena(prIto.anenaiva)kiM te bisatanutanubhirbhakShitastArkShya nAgaiH |
aShTAbhirdiggajendraH saha na harikarI karShatImaM hate vo
hrImatyA haimavatyAstridasha(diva)ripupa(ha)tau pAntviti vyAhR^itAni || 59||
eSha ploShTA purANAM trayamasuhR^iduraHpATano.ayaM nR^isiMho
hantA tvAShTraM dyurAShTrAdhipa iti vividhAnyutsavechChAhR^itAnAm |
vidrANAnAM vimarde dititanayamaye nAkalokeshvarANA\-
mashraddheyAni karmANyavatu vidadhatI pArvatI vo hatAriH || 60||
shatrau shAtatrishUlakShatavapuShi ruShA pre(gro)Shite pretakAShThAM
kAlI kIlAlakulyAtrayamadhikarayaM(taraM)vIkShya vishvAsitadyauH |
trisrotAstryambakeyaM vahati tava bhR^ishaM pashya raktA visheShA\-
nno mUrdhnA dhAryate kiM hasitapatiriti prItaye kalpatAM vaH || 69||
shR^i~Nge pashyo(yasya)rdhvadR^iShTyAdhikataramatanuH sanna puShpAyudho.asmi
vyAlAsa~Nge.api nityaM na bhavati bhavato bhIrnayaj~no.asmi yena |
tvaM mu~nchochchaiH pinAkinpunarapi vishikhaM dAnavAnAM puro.ahaM
pAyAtsotprAsamevaM hasitaharamumA mR^idgatI dAnavaM vaH || 62||
nandIshotsAryamANApasR^itisamanamannAkilokaM(nR^ityaM)nuvatyA
napturhastena hastaM tadanugatagateH ShaNmukhasyAvalambya |
jAmAturmAtR^imadhyopagamaparihR^ite darshane sharma dishyAt\-
nedIyachchumbyamAnA (devI santuShyamANA)mahiShavadhamahe menayA mUrdhnyumA vaH || 63||
bhaktyA bhR^igvatrimukhyairmunibhirabhinutA bibhratI naiva garvaM
sharvANI sharmaNe vaH prashamitasakalopaplavA sA sadAstu |
yA pArShNikShuNNashatrurvigalitakulishaprAsapAshatrishUlaM
(yA pArShNikShuNNashatrurvigalitakulishApAstashastrIpinAkaM)
nAkaukolokameva svamapi bhujavanaM saMyuge.avastvamaMsta || 64||
chakraM shaureH pratIpaM pratihatamagama(pata)tprAgdyudhAmnAM tu pashchA\-
dApachchApaM balArerna paramaguNatAM pUstrayaploShiNo.api |
shaktyAlaM mAM vijetuM na jagadapi shishau ShaNmukhe kA katheti
nyakkurvannAkilokaM ripuravadhi yayA sAvatAtpArvatI vaH || 65||
vidrANe rudravR^inde savitari tarale vajriNi dhvastavajre
jAtAsha~Nke shashA~Nke viramati maruti tyaktavaire kubere |
vaikuNThe kuNThitAstre mahiShamatiruShaM pauruShopaghnanighnaM
nirvighnaM nighnatI vaH shamayatu duritaM bhUribhAvA bhavAnI || 66||
bhUShAM bhUyastavAdya dviguNataramahaM dAtumevaiSha lagno
bhagne daityena darpAnmahiShitavapuShA kiM viShANe viShaNNaH |
ityuktvA pAtu mAturmahiShavadhamahe ku~njarendrAnanasya
nyasyannAsye guho vaH smitasitaruchinI dveShiNo dve viShANe || 67||
vishrAmyanti shramArtA iva tapanabhR^itaH saptayaH sapta yasmi\-
nsuptAH saptApi lokAH sthitimuShi mahiShe yAminIdhAmni yatra |
dhArANAM raudhirINAmaruNimani nabhaHsAndrasandhyAM dadhAna\-
 stasya dhvaMsAtsutAdreraparadinapatiH pAtu vaH pAdapAtaiH || 68||
devArerdAnivArerdrutamiha mahiShachChadmanaH padmasadmA
vidrAtItyatra chitraM tava kimiti bhavannAbhijAto yataH saH |
nAbhIto.abhUtsvayambhUriva samarabhuvi tvaM tu yadvismitAsmI(mAM)\-
tyu(stya)ktvA tadvismitaM vaH smararipumahiShIvikrame.avyAjjayAyAH(vaH) || 69||
nistriMshenochitaM te vishasanamurasashchaNDi karmAsya ghoraM
vrIDAmasyopari tvaM kuru dR^iDhahR^idaye(yaM)mu~ncha shastrANyamUni |
itthaM daityaiH sadainyaM samadamapi suraistulyamevochyamAnA
rudrANI dAruNaM vo dravayatu duritaM dAnavaM dArayantI || 70||
chakShurdikShu kShipantyAshchalitakamalinIchArukoShAbhitAmraM
mandradhvAnAnuyAtaM jhaTiti valayino muktabANasya pANeH |
chaNDyAH savyApasavyaM suraripuShu sharAnprerayantyA jayanti
truTyantaH pInabhAge stanavalanabharAtsandhayaH ka~nchukasya || 71||
bAhUtkShepasamullasatkuchataTaM prAntasphuTatka~nchukaM
gambhIrodaranAbhimaNDalagalatkA~nchIdhR^itArdhAMshukam |
pArvatyA (rudrANyAH)mahiShAsuravyatikare vyAyAma(shR^i~NgAra)ramyaM vapuH
paryastAvadhibandhabandhuralasatkeshochchayaM pAtu vaH || 72||
chakraM chakrAyudhasya kvaNati nipatitaM romaNi grAvaNIva
sthANorbANashcha lebhe pratihatimuruNA charmaNA varmaNeva |
yasyeti krodhagarbhaM hasitahariharA tasya gIrvANashatroH
pAyAtpAdena mR^ityuM mahiShatanubhR^itaH kurvatI pArvatI vaH || 73||
kR^itvA vaktrendubimbaM chaladalakalasadbhrUlatAchApabha~NgaM
kShobha(kopAt)vyAlolatAraM sphuradaruNaruchisphAraparyantachakShuH |
sandhyAsevAparAddhaM bhavamiva purato vAmapAdAmbujena
 kShipraM daityaM kShipantI mahiShitavapuShaM pArvatI vaH punAtu || 74||
ga~NgAsamparkaduShyatkamalavanasamuddhUtadhUlIvichitro
vA~nChAsampUrNabhAvAdadhikatararasaM tUrNamAyAnsamIpam |
kShiptaH pAdena dUraM vR^iShaga iva yayA vAmapAdAbhilAShI
devAriH kaitavAviShkR^itamahiShavapuH sAvatAdambikA vaH || 75||
bhadre bhrUchApametannamayasi nu vR^ithA (shamaya mama (shamayasi tu)ruShA)visphurannetrabANaM
nAhaM kelau rahasye pratiyuvatikR^itakhyAtidoShaH pinAkI |
devI sotprAsamevaM dhR^itamahiShatanuM (mahiShitavapuShaM)dR^iptamantaHsakopaM
devAriM pAtuyuShmAnatiparuShapadA nighnatI bhadrakAlI || 76||
anyonyAsa~NgagADhavyatikaradalitabhraShTakApAlamAlAM(laM)
svAM bhoH (svA~NgaM)santyajya (vinayasya)shambhau(bho)khurapuTadalitaprollasaddhUlipANDuH |
bhadre krI(kro)DAbhimardI tava savidhamahaM kAmataH prApta Isho\-
.atraivaM sotprAsamavyAnmahiShasuraripuM nighnatI pArvatI vaH || 77||
jvAlAdhArAkarAlaM dhva(sva)nitakR^itabhayaM yaM prabhettuM (yatra kartuM)na shaktaM
chakraM viShNordR^iDhAsri(shri)pra(sR^i)tivihatarayaM daityamAlA(yA)vinAshi(lAsi) |
kShuNNastasyasthisAro vibudharipupateH(vibhoH)pAdapAtena yasyA
rudrANI pAtu sA vaH prashamitasakalopaplavA(bhuvanopadravA)nirvighAtam || 78||
gADhAvaShTambhapAdaprabala(chura)bharanamatpUrvakAyordhvabhAgaM
daityaM sa~njA(nij~nA)tashikShaM janamahiShamiva nyakkR^i(prAkR^i)tAgryA~NgabhAgam |
ArUDhA shUlapANiH kR^itavibudhabhayaM(rUpaM)hantukAmaM sagarvaM
deyAdvashchantitAni drutamahiShavadhAvAptatuShTirbhavAnI || 79||
brahmA(hman)yogaikatAno virahabhava(bhavaviraha)bhayAddhUrjaTiH strI(svI)kR^itAtmA
vakShaH shaurervishAlaM praNayakR^itapadA padmavAsAdhishete |
yuddhakShmAmevamete vijahatu dhigimaM(mAnt)yastyajatyeSha shakro (shatruH)
(yuddhakShmAmevamete vijahatu vidishaM drAktyajatveSha shakraH)
dR^iptaM(ShTaM)daityendramevaM sukhayatu samadA nighnatI pArvatI vaH || 80||
evaM mugdhe kilAsIH karakamalaruchA(tayA)mA muhuH keshapAshaM
so.anyastrINAM ratAdau kalahasamuchito yaH priye doSha(kopa)labdhe |
vaidagdhyAdevamantaH kaluShitavachanaM duShTadevArinAthaM
devI vaH pAtu pArShNyA dR^iDhatanumasubhirmochayantI bhavAnI || 81||
bAlo.adyApIshajanmA samaramuDupabhR^itpAMsulIlAvilAsI
(bAlo.adyApIshajanmA samarasurapatirbhasmalIlAvilAsI)
nAgAsyaH shAtadantaH svatanukaramadAdvihvalaH so.api shAntaH |
dhigyAsi kveti du(dR^i)ShTaM mu(mR^i)ditatanumudaM dAnavaM sasphuro(To)ktaM
pAyAdvaH shailaputrI mahiShatanubhR^itaM nighnatI vAmapArShNyA || 82||
mUrdhnaH shUlaM mamaitadviphalamabhimukhaM sha~NkarotkhAtashUlaM
sa~NgrAmAddUrametaddhR^i(masmatsthi)tamari hariNA manmanaH karShatIva |
garvAdevaM kShipantaM vibudhajanavibhUndaityasenAdhinAthaM
sharvANI pAtu yuShmAnpadabharadalanAtprANato dUrayantI || 83||
bhrAmyaddhAmaurvadA(dbhImorude)hakShubhitajalacharavyastavIchInsakampA\-
nkR^itvai(vA)vAshu(drAga)prasannAnpunarapi jaladhInmandarakShobhabhAjaH |
darpAdAyAntameva shrutipuTaparuShaM nAdamabhyudgirantaM
kanyAdreH pAtu yuShmAMshcharaNabharanataM piMShatI daityanAtham || 84||
mainAmindo(mainAM mugdhai).abhinaiShIH shritapR^ithushikharAM shR^i~Ngayugmasya pArshvaM(tryaM)
yuddhakShmAyAM tanuM svAM ratimadavilasatatstrIkaTAkShakShameyam |
bhAno kiM vIkShitena kShitimahiShatanau tvaM hi sa.nnyastapAdo
darpAdevaM hasantaM vyasumasurasumA kurvatI trAyatAM vaH || 85||
sa~NgrAmAttrastametaM tyaja nijamahiShaM lokajIvesha mR^ityo
syAtuM shUlA(shastrA)grabhUmau gatabhayamajayaM mattametaM gR^ihANa |
daitye pAdena yasyAshChAlamahiShatanau shAyi(prApi)te dIrghanidrAM
bhAvotpattau(drAgdurmede)jayaivaM hasati(hasita)pitR^ipatiM sAmbikA vaH punAtu || 86||
shrutvaitatka(IdR^ikk)rma bhAvAdanibhR^itarabhasaM sthANunAbhyetya (shambhunAgatya)dUrA\-
chChliShTA bAhuprasAraM (bAhUpasAdaM)shvasitabharachalattArakA dhUtahastA (koddhUtahastA) |
daitye gIrvANashatrau (santApitArau)bhuvanasukhamuShi pre(pro)Shite pretakAShThAM
gaurI vo.avyAnmilatsu(tsvarUpaM)tridiviShu tamalaM lajjayA vArayantI || 87||
bhadre sthANustavA~NdhriH kShatamahiSharaNavyAjakaNDUtireSha(va)
trailokyakShemadAtA(nAt)bhuvanabhayaharaH sha~Nkaro.ato haro.api |
devAnAM nAyike(ka)tvadguNakR^itavachano.ato mahAdeva eSha
(devairbrahmAdibhistvadguNakR^itavachano.ato mahAdeva eSha)
kelAvevaM smarArirhasati ripuvadhe yAM shivA pAtu sA vaH || 88
kelAvevaM smarArau vadati ripuvadhe pArvatI vaH punAtu) || 88||
khaDgaH kR^iShNasya nUnaM rahitaguNagatirnandakAkhyAM prayAtaH
shatrorbha~Ngena vAmastava muditasuro nandakastveSha pAdaH |
bhAvAdevaM jayAyAM (gatAnAM)nutikR^iti nitarAM sannidhau devatAnAM
savrIDA bhadrakAlI hataripuravatAdvIkShitA shambhunA vaH || 89||
ekenaivodgame(te)na pravilayamasuraM(jayamaparaM)prApayAmIti pAdo
yasyAH kAntyA nakhAnAM hasati suraripuM (saha vibhudharipuM)hantumudyansagarvam |
viShNosriH pAdapadmaM valiniyamavidhAvuddhR^i(dga)taM)kaitavena
kShipraM(ptaM)sA vo ripUNAM vitaratu vipadaM pArvatI kShuNNashatruH || 90||
khaDgaM khaTvA~NgayuktaM yuvatirapi vibho te sharIrArdhalInA
(ga~NgA maulau vilagnAyuvatiriti vibho te sharIrArdhalInA)
(khaTvA~NgaM khaDgayuktaM yuvatirapi vibho te sharIrArdhalInA)
hAsyaM prAgeva labdhaM(gnaM)surajanasamitau duShkR^itena tvayaivam |
jAtA bhUyo.api lajjA raNata iyamalaM hAsyatA shUlabharta\-
rdarpAdevaM hasantaM bhavamasuramumA ninnatI trAyatAM vaH || 91||
sthANau kaNDUvinodo(dAt)nudati dinakR^itastejasA tApitaM no(naH)
toyasthAne na chAptaM sukhamadhikataraM gAhanenA~NgajAtam |
shUnyAyAM yuddhabhUmau vadati hi dhigidaM mAhiShaM rUpamekaM
rudrANyAropito vaH sukhayatu mahiShe prANahR^itpAdapadmaH || 92||
piMSha~nChailendrakalpaM mahiShamatigururbhagna(rshIrNa)gIrvANagarvaM
shambhorjAto laghIyA~nChramarahitavapurdUramabhyUhyapAtaH |
vAmo devAripR^iShThe kanakagirisadAM kShemakAro.a~Nghripadmo
yasyA durvAra evaM vividhaguNagatiH sAvatAdambikA vaH || 93
(vAmo devAripR^iShThe kanakagirisadAM kShemakAro hi yasyAH
pAdo.atulyaprabhAva vividhaguNagatiH sAvatAdambikA vaH) || 93||
mArgaM shItAMshubhAjAM sarabhasamaladhuM hantumudyansurAriM
netrairudvR^ittatAraiH sachakitama(su)marairunmukhairvIkShyamANaH |
yasyA vAmo mahIyAnmuditasuramanAH prANahR^itpAdapadmaH
prAptastanmUrdhasImAM sukhayatu bhavataH sA bhavAnI hatAriH || 94||
mUrdhanyApAtabhagne miSha(sura)mahiShatanuH (miShatanumahiShaH)sannaniHshabdakaNThaH
shoNAbjAtAmrakAnti(ntiH)pratataghanabR^ihanma(lasanma)NDale pAdapadme |
yasyA lebhe surArirmadhurasa(pasu)nibhR^itadvAdashArdhA~NghrilIlAM
sharvANI pAtu sA vastribhuvanabhayahR^itsvagibhiH stUyamAnA || 95
(sharvANI pAtu sarva tribhuvanabhayahR^itsvagibhiH stUyamAnA) || 95||
pAdotkShepAdvrajadbhirnakhakiraNashatairbhUShitashchandragaurai\-
rmUrdhAgre chApatadbhishcharaNatalagatairaMshubhiH shoNashobhaH (padmashoNaH) |
sa.nnyastAlInaratnapravirachitakaraishcharchitaH kShiptakAyai\-
ryasyA devaiH praNIto haviriva mahiShaH sAvatAdambikA vaH || 96||
kvAyaM tIkShNogradhArAshatanishitavapurvajrarUpaH surAriH
pAdashchAyaM sarojadyutiranati(mara)gururyoShitaH kveti devyAH |
dhyAyaM(tvA)dhyAyaM(tvA)stuto yaH suraripumathane vismayAvaddhachittaiH
pArvatyAH so.a(sA)vatAdvastribhuvanagurubhiH sAdaraM vandyamAnaH (vIkShyamANa) || 97||
vajritvaM vajrapANerdititanaya(danuja)bhidashchakriNashchakrakR^ityaM
shUlitvaM shUlabhartuH surakaTaka(samiti)vibhoH shaktitA ShaNmukhasya |
yasyAH pAdena sarvaM kR^itamamararipo(dititanayabhR^ita)rbAdhayaitatsurANAM
rudrANI pAtu sA vo danuviphalayudhAM svargiNAM kShemakArI || 98||
pa~NgurnetA harINAmasamahariyutaH svandanashchaikachakro
bhAnoH sAmagryapetaH kR^ita iti vidhinA tyaktavairaH pata~Nge |
darpAdbhrAmyanraNakShmAM pratibhaTasamarAshleShalubdhaH surAri\-
ryasyAH pAdena nItaH pitR^ipatisadanaM sAvatAdambikA vaH || 99||
yuktaM tAvadgajAnAM pratidishamaya(gama)naM yuddhabhUmerdigIshAM
hIyetAshAgajatvaM subhaTaraNakR^itAM(yudhAM)karmaNA dAruNena |
yadyeSha sthANusa.nj~no bhayachakitadR^ishA nashyatItyadbhutaM ta\-
(yA chaiShAM sthANusa.nj~nA bhayachakitadR^ishAM nashyatItyadbhutaM ta\-)
ddarShAdevaM santaM suraripumavatAnnighnatI pArvatI vaH || 100||
srastA~NgaH sannacheShTo bhayahatavachanaH sannadordaNDashAkhaH
(yaM dR^iShTvA srastacheShTaH bhayahatavachanaH sannadordaNDashAkhaH)
sthANurdR^iShTvA (rdaityaM yamAjau kShaNamiha(va)sarupaM(bhayaM)sthANurevopajAtaH |
(sthANurdaityaM tamAjau kShaNamiha(va)sarupaM(bhayaM)sthANurevopajAtaH) |
(sthANurdaityaM yamAjau kShaNamiha(va)sarupaM(bhayaM)sthANurevopajAtaH) |
(sthANurdR^iShTvA surAriM kShaNamiha(va)sarupaM(bhayaM)sthANurevopajAtaH) |
tasya dhvaMsAtsurArermahitavapuSho labdhamAnAvakAshaH
pArvatyA vAmapAdaH shamayatu duritaM dAruNaM vaH sadaiva ||
(pArvatyA vAmapAdaH shamayatu bhavatAM dhvAntamantarhitArkaH) || 101||
kunte dantairniruddhe dhanuShi vimukhitajye viShANena mU(shU)lA\-
llA~NgUlena prakoShThe valayini patite tatkR^ipANe svapANeH |
shUle lolA~NghripAtairlalitakaratalAtprachyute dUramurvyAM
sarvA~NgINaM lulAyaM jayati charaNatashchaNDikA chUrNayantI || 102||

iti mahAkavishrIbANabhaTTavirachitaM chaNDIshatakaM sampUrNam |

##
Encoded and proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}