% Text title            : Chandi Stuti
% File name             : chaNDIstutiH.itx
% Category              : devii, devI, stuti
% Location              : doc\_devii
% Transliterated by     : Ruma Dewan
% Proofread by          : Ruma Dewan
% Description/comments  : shyAmArahasyam | trayodashaH parichChedaH ||
% Latest update         : March 19, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Chandi Stuti ..}##
\itxtitle{.. chaNDIstutiH ..}##\endtitles ##
(shyAmArahasye)
atha stutiH taduktaM kulachUDAmaNau |
bhairava uvAcha |
machchitte chara chaNDi ! chUrNitadurAchAraprachaNDAsave
svairaM dAraya bhUvi durdharadavadrohormimarmAspadaH |
tenAyaM nirupadruto nirupamashrIpAdapadmATavI\-
prAntAnantavashAntare mama manohaMsashchiraM nandatu || 1||
hitvA chaNDi ! hiraNyadAraNapaTuproddAmadantA~NguliH
sphAlatkalpasumerusAdarasaTATopaM nR^isiMhaM surAH |
mAtastatpashupAshapeshalapaTushrIpAda saMsevinaM
sevante karivairiNaM kimaribhirbhItirbhavatsevinAm || 2||
chaNDi ! tvadviShayAntarakShaNapadaM shrotrAntaraM choddhataM
tattattvaM puruShaprakR^ityanugataM brahmAdibhirgIyate |
tasmAddevi ! samastadaivata sudhAsAraikadhAmasphurat
shrImatpAdasarojachumbanaparaM mAmadya sambhAvaya || 3||
mannidrA yadi vAstu tatkulapathAchArAdvaraM mAstu vA
kIrttiH keshavakaushikArchanakarI naivAstu satsannidhiH |
mAtarbrahmaharismarArihutabhugdaityArisevApada\-
shrImatpAdasarojachintanavidhau chittaM sadaivAstu naH || 4||
nirdiShTo.asmi yadi tvadIyapadayukpUrvAparIbhAvane
nirdiShTasya tadA mamApi viralaM kiMvAstu siddhAspadam |
tasmAddevi ! kR^ipAbhavA~nChitabhavaM shrIpAdapadmadvayaM
machchitte kShatasampadi prasaratu kShema~Nkari ! kShamyatAm || 5||
svAtmAnaM parirabhya bhUtapatiramyunmAdamAsAditaH
svairaM jIvanarakShaNe sa cha kR^itau naivAbhaviShyat prabhuH |
daivAdvichyutachandrachandanavanaprAgalbhagarbhasrava\-
nmAdhvIpUrNabhavatpadaikakamalAmodena nAsvAditaH || 6||
hA hA mAtaranAdimohajaladhivyAhArasiddhAkhila\-
brahmAnandarasAbhiShekanirasasvAntodarairmAdR^ishaH |
asmAkaM suravandanirbharamanastApAbhibhUtikShama\-
shrImadbhaktirasAtidurdinaparINAhaH sadA sarpatu || 7||
yatpAdasphuradaMshajAlajaTharAchaNDAMshakoTikhalat\-
svAntadhvAntavisArinirmalachidAnandatrayaM daivatam |
svargaM saMsR^ijate sthitiM vitanute sR^iShTiM punarlumpate
prodbhinnA~njananIlanIrajamahachchitte tadevAstu naH || 8||
yA shashvanmahiShachChalasphuramiladgarbhadvidhArasphara\-
dbhaktAntaH prasarattamastamashiro daityaM samAlambate |
sA durgA bhayadurgadurgatiharA lambAntaratrAsinI
dR^ipyaddaivatavairimAraNapaTurjjIyAjjayAhlAdinI || 9||
nR^ityatkheTakachAmarA~njanacharachchakrAdyakhaDgAvara\-
sphAyachChailashilImukhochChaladanapAjichyutAstrAyudhau |
vA~nChAvAta\-visarpinArttitashiraHsATopaduShTAsura\-
vuTyatkhaNDavikhaNDitAkhilashakuntakShutpipAsAkulaiH || 10||
kA~nchIkalpavirAmakAlakalitAM tauvrorusampAdako\-
nmAdyanmAhiShatiryyagAyatashiraHshR^i~NgAntarAlasthale |
varNairvarNasupatramadhyakalite rakShAshrutau mAtR^ibhiH
sevye chAruvarA~Ngane raNamudA chUrNAyamAnAM smaret || 11||
UrddhvAdhaHkramasavyavAmakarayoshchakraM daraM karttR^ikA
kheTaM vANadhanustrishUlabhayakR^inmudrAM dadhAnAM shivAm |
shyAmAM nIlaghanochchakuntalachayapronnaddhajUTAsphala\-
dvIrAsphAlalasatkarAlavadanAM ghorATTahAsodbhaTIm || 12||
evaM ye bhavadevi ! mUrttimanaghAM dhyAyanti durgAdibhiH
shakrAdyairapi pUjitAM parapurakShobhAdikaM kurvate |
rAjyaM shatrujayaH sadarthadhiShaNA kAvyAmR^itaM deshikaH
stambhochchATanamAraNAdikR^itinAM teShAM svayaM jAyate || 13||
stotraM te charaNAravindayugaladhyAnAvadhAnAnmayA
mantroddhArakulopachArarachitaM guptopadveShTA yadi |
ye shR^iNvanti paThanti devi | sahasA shrImokShakAmAdaya\-
steShAM hastagatA bhavanti jagatAM mAtarnamaste jayaH |

iti shyAmArahasye kulachUDAmaNyuktaM chaNDIstutiH sampUrNA |

\- || shyAmArahasyam | trayodashaH parichChedaH ||
##
- .. shyAmArahasyam . trayodashaH parichChedaH ..

Encoded and proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}