% Text title            : Chidvilasastavah by Amritanandayogi
% File name             : chidvilAsastavaH.itx
% Category              : devii, devI, shiva
% Location              : doc\_devii
% Author                : Amritanandayogi
% Transliterated by     : Volunteers of Tripurā Tallikā provided by Brian Campbell tripura.tallika at gmail.com
% Proofread by          : Volunteers of Tripurā Tallikā
% Description/comments  : Amritanandayogi (1325-1375)
% Acknowledge-Permission: Tripurā Tallikā is a small group of Śrīvidyā practitioners https://tripuratallika.org/
% Latest update         : October 1, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Amritanandayogivirachitah Chidvilasastavah ..}##
\itxtitle{.. amR^itAnandayogivirachitaH chidvilAsastavaH ..}##\endtitles ##
svaprakAshashivamUrtirekikA tadvimarshatanurekikA tayoH |
sAmarasyavapuriShyate parA pAdukA parashivAtmano guroH || 1||
chitrabhAnushashibhAnupUrvakatritribhedaniyateShu vastuShu |
tattadAtmakatayA vimarshanaM tatsamaShTigurupAdukAjapaH || 2||
tIrthamadvayasudhArasodadhervAritaM nijavimarshavelayA |
ANavAdimalamochanochitaM snAnamatra vidhinA nimajjanam || 3||
sA nishA sakalalokamohanI vAsaraH sa khalu sarvabodhakaH |
sAmarasyamiha sandhiretayoH shrIparaiva nanu sAndhyadevatA || 4||
svaprakAshashiva eva bhAskarastadvimarshavibhavA marIchayaH |
yaiH sa bhAsayati vedyamaNDalaM tasya pUjanamahantayA matiH || 5||
chidvilAsamayabhittibhAvitaM j~nAnadIpavigalattamoguNam |
Atmatattvamiha yAgamaNTapaM tasya pUjanavidhAnamarchanam || 6||
bhedalakShaNavipakShasa~NkaTAttAraNaM paramihAtmarakShaNam |
saMvidAtmakatayA vimarshanaM bandhanaM bhavati sarvato dishAm || 7||
vedikA hR^idayapadmakarNikA chinmayI vasati tatra devatA |
yo hi tadyajanakarmakarmaThastasya pAshabhiduraH sa bhairavaH || 8||
vishvabhedavibhavA vikalpadhIlakShaNA bhavati vighnasantatiH |
nirvikalpanijadhAmavishramastannirAkaraNamatra kIrtitam || 9||
yatra nirviShayabodhalakShaNaH svAtmashambhuravatiShThate.anisham |
tattvajAlakamidaM shivAvadhi kShmAmukhaM sakalamAsanaM matam || 10||
Atmatattvagatayorashuddhayoratra karmakaraNAtmanordvayoH |
shuddhatattvalayabhAvanAmayI shuddhirAtmakarayoH parA matA || 11||
vedyasaMvida idaMsphurAtmano vetR^isaMvidi vilApanAmayI |
vR^ittiradvayavimarshavigrahA prANasaMyatirudIritottamA || 12||
AsanAni navachakrasaMvidAmudbhavasthitilayAstrishastrishaH |
a~NgaShaTkarachanA ShaDadhvanAmaMshatAvagatirAtmasaMvidaH || 13||
kAma UrdhvagatabindurAnanaM bhAnureSha tadadhogatau stanau |
chitrabhAnushashinAvubhau kalA yoniratra saparArdhakuNDalI || 14||
evamAtmani chatuShkalAmaye sarvatattvasamavAyalakShaNe |
nyAsamAhuriha vaikharItivAgvR^ittitaH samavisheShabhAvanam || 15||
pUruShatvasamavAptihetupuryaShTakAkhyanijasUkShmavarShmaNaH |
chitpade layavidhAnamaShTavAgdevatAnyasanamiShTamuttamam || 16||
antara~NgakaraNAnyupAdhayaH svaprakAshanabhaso.atra sa~NkramAt |
pIThabhAvamupayAnti tAni tannyAsakarma paradhAmni hR^illayaH || 17||
tattvadhAmayugamAtR^ikAtmakatritribhedaniyateShu vastuShu |
pAnapAtraparamAmR^itatrayaM turyavishramaNamarghyashodhanam || 18||
medinIpramukhamAshivaM mataM tattvachakramiha chakramuttamam |
svasvabhAvasamavAyabhAsinI devatA bhavati sAMvidI kalA || 19||
Antarasya nijasaMvidAtmano mAturakShakaraNAdhvanA bahiH |
meyasaMvidi samarpaNaM tadAvAhanaM samarasatvalakShaNam || 20||
pa~nchadhaiva yadidaM prapa~nchitaM pa~nchadhAnubhavashAshvatodayam |
tatsusaMharaNamaupachArikaM karma nirmalanijAtmasaMvidi || 21||
yastu pa~nchadashadhA prakalpyate kAla eSha shashibhAnusa~NkramAt |
tasya shAshvatapade layakriyA nityavAsarakalArchanaM matam || 22||
bAhyachakraM upagA marIchayastattvajAlalasadAtmasaMvidaH |
tatsamarchanamatIva chinmayAnAkhyadhAmni vilayakramakriyA || 23||
yachchaturvidhamidaM vibhAsate tattvarUpamamR^itAntarAkR^iti |
tasya pa~nchamapade layakriyA sammataM balichatuShTayaM tathA || 24||
pa~nchadhA prasaratashchidAtmano hyAntarasya bahirindriyAdhvanA |
sAmarasyamiha saMvidAtmanArAtrikaM paramidaM samIritam || 25||
vAk sahaiva manasA nivartate prApyaniShkalanira~njanAdyataH |
tatra nirmanasi shabdavarjite dhAmni vishramaNAmuttamo japaH || 26||
bimbitaM sphurati yatra saMvido rUpamAntaramidantayA bahiH |
vishvametadakhilaM charAcharaM darpaNaM hR^idayadarpaNaM param || 27||
ChAdayannikhalamAtmasaMvidA trAyate trividhatApasa~NkaTAt |
yachchidambaragataM shivAtmakaM Chatramatra kamalaM sudhAmalam || 28||
pa~nchadhA sphuraNameva saMvidashchAmaraM vividhachArucha~Nkramam |
vishvadR^iglayavichitranirmitaH svekShaNakShaNabhavo bhavastavaH || 29||
eShaNAtrayamayasya varShmaNastattvasa~nchayamayasya saMvidi |
dhAmni tattvasamatItasattvake svAtmanaH khalu nivedanaM matam || 30||
svaprakAshavapuShA guruH shivo yaH prasIdati padArthamastake |
tatprasAdamiha tattvashodhanaM prApya modamupayAti bhAvukaH || 31||
pAshajAlakamidaM paraM pashornAshakAraNamato mataM haviH |
tattvato nijagurornirIkShaNAtprApyate tadamalaM pavitritam || 32||
vedyarAshidamanena vishvato nirvikalpamayavAsanolbaNam |
chittameva damanaM shive.amukasyArpaNaM damanakArpaNaM param || 33||
dIyate parashivaikyabhAvanA kShIyate sakalapApasa~nchayaH |
yena chijjaladhipArasetunA dIkShaNaM gurukaTAkShavIkShaNam || 34||
antara~NgakaraNAtmanAM chatuHsrotasAM vividhadevatAjuShAm |
pUjanaM paramihonmanIshikhAmadhyavartiparamAtmayojanam || 35||
pa~nchabodhakaraNAni mAnasaM darshanAni viShayapradarshanAt |
darshanAni ShaDamUni tAni tatpUjanaM bhavati tallayashchiti || 36||
jAgradAdisamayAshchaturvidhAshchAntarAtmaparamAtmavigrahAH |
pa~nchame.atra tadatItachidghane dhAmni tallayamatistadarchanam || 37||
khe nirastanikhilakriyAkrame yA chitishcharati shAshvatodayA |
sA shivatvasamavAptikAriNI khecharI nikhilakhedahAriNI || 38||
yatsvarUpamahimA vikalpitaM shaktichakramiha rajjusarpavat |
tatsvarUpaparamArthabodhatastatra tasya vilayo visarjanam || 39||
yA kriyA samabhihAratastridhA darshitAtra gurubhAvanAdikA |
sA vibhedalayabhAvanAdikAbhyasyatAM parashivaikyasiddhaye || 40||

iti amR^itAnandayogivirachitaH chidvilAsastavaH samAptaH ||

\section{prakShiptA adhikA vA shlokAH}
yat tvagAdinijadhAtusaptakaM tatsamaShTiriha chAShTakaM tanau |
tattada~NgavilayakriyoditaM tvaShTakAShTakasamarpaNaM param || 41||
dR^ikkriyAtmashashibhAnumadhyagaM khe charatyanalayaShTidhAma yat |
yattadUrdhvashikharaM paraM nabhastatra darshaya shivaM tvamambike || 42||
AtmasaMvidanale shivAtmani vAsanendhanavivR^iddhatejasi |
vR^ittipa~nchakahavissamarpaNaM homamatra kathitaM manIShibhiH || 43||
yA shivaikyaviShayA manaH kriyA pratyagunmukhatayA shivastriyA |
pUjanAdivividhakriyAlayaH svAtmasaMviditi hi kShamApaNam || 44||
AtmachakramanudevatAtmanAmAsanaM shivamayatvabhAsanam || 45||
##

Author: Amṛtānanda

Title: Cidvilāsastavaḥ

Source: Dwivedi, Vrajavallabha (ed). Nityāṣoḍaśikārṇavaḥ: Śivānandakṛtayā ṛjuvimarśinyā Vidyānandakṛtayā Artharatnāvalyā ca Saṃvalitaḥ. 2. Saṃskaraṇam. Vārāṇasyām: Sampūrṇānanda-Saṃskṛta-Viśvavidyālayaḥ. pp. 322-330. 1985.

Description: The Cidvilāsastava by Amṛtānanda, also known as Amṛtānandanātha and Amṛtānandayogin (fl. c. 1325-1375), is one of the most comprehensive treatments of the esoteric contemplation of ritual found within the Śrīvidyā tradition and Śaiva tantra in general. This short forty-verse hymn offers esoteric knowledge and creative contemplations (bhāvanā) for critical steps in the ritual worship of Tripurasundarī. Although belonging to the Śrīvidyā tradition, the Cidvilāsastava will likely be of great interest to all who perform pūjā as many of the verses deal with topics and procedures that are common to all traditional forms of ritual worship.

The text is prepared by volunteers of Tripurā Tallikā and is provided by Brian Campbell tripura.tallika at gmail.com
Tripurā Tallikā is a small group of Śrīvidyā practitioners https://tripuratallika.org/


\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}