% Text title            : Dakshakritam Gauri Stotram
% File name             : dakShakRRitaMgaurIstotram.itx
% Category              : devii, devI, lakShmInArAyaNIyasaMhitA, stotra
% Location              : doc\_devii
% Proofread by          : PSA Easwaran
% Description/comments  : lakShmInArAyaNIyasaMhitA | khaNDa 1 | adhyAya 169/98-111||
% Latest update         : December 25, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Dakshakritam Gauri Stotram ..}##
\itxtitle{.. dakShakR^itaM gaurIstotram ..}##\endtitles ##
dR^iShTvA dakShaH suhR^iShTAtmA babhAShe parameshvarIm |
adya me saphalaM janma chAdya me saphalaM tapaH || 98||
adya me puNyakallolAH putrIrUpA upasthitAH |
nArAyaNyA jagaddhAtryA darshanaM me.adya jAyate || 99||
shivAyAH prakR^iterdevyA darshanaM me.adya jAyate |
dhanyo.asmi kR^itakR^ityo.asmi prasampUrNatamo.asmi cha || 100||
adya me nu jaganmAturdarshanaM tava jAyate |
mama putrIsvarUpA tvaM jaganmAtA samAgatA || 101||
ato me kaH paro lAbho yatra devAH pratiShThitAH |
tvaM hi sA paramA shaktiranantA parameShThinI || 102||
tvameva paramAnandA tvamevAnandadAyinI |
tvayaiva sa~Ngato devaH svAtmAnandaM samashnute || 103||
shivaM sarvagataM sUkShmaM paraM brahma sanAtanam |
tvayi tiShThatyabhedena parabrahmamayI sthitA || 104||
namaste.astu mahAdevi! namaste parameshvari! |
namo bhagavatIshAni shivAyai te namo namaH || 105||
tvanmayo.ahaM tvadAdhArastvameva cha gatirmama |
tvAmeva sharaNaM yAmi prasIda parameshvari || 106||
mayA nAsti samo loke devo vA dAnavo.api vA |
jaganmAteva matputrI sambhUtA sA svayaM yataH || 107||
eShA tavA.ambA.asiknI vIrakanyakA.apyaho |
jaganmAtushcha mAtA.adya chAho.asyAH puNyagauravam || 108||
pAhi mAmamareshAni chAsiknyA saha sarvadA |
namAmi tava pAdAbbjaM vrajAmi sharaNaM shivam || 109||
aho me sumahadbhAgyaM mahAdevIsamAgamAt |
Aj~nApaya mahAdevi kiM kariShyAmi shA~Nkari || 110||
etAvaduktvA vachanaM tadA dakShaH prajApatiH |
samprekShamANo gaurIM tAM prA~njaliH pArshvataH sthitaH || 111||
dhyAtavAn svasutAM devIM parabrahmAtmikAM satIm |
asheShakalyANamayIM sarvavikR^itipAragAm || 112||

iti shrIlakShmInArAyaNIyasaMhitAyAM prathame kR^itayugasantAne 169\-adhyAyAntargataM
dakShakR^itaM gaurIstotraM sampUrNam |

lakShmInArAyaNIyasaMhitA | khaNDa 1| adhyAya 169/98\-111||
##
lakShmInArAyaNIyasaMhitA . khaNDa 1. adhyAya 169/98-111..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}