% Text title            : Dakshaprajapataye Mahalakshmyuktani Sviyani Shatadvayanamarupani
% File name             : dakShaprajApatayemahAlakShmyuktAnisvIyAnishatadvayanAmarUpANi.itx
% Category              : devii, devI, lakShmInArAyaNIyasaMhitA, lakShmI
% Location              : doc\_devii
% Proofread by          : PSA Easwaran
% Description/comments  : lakShmInArAyaNIyasaMhitA | khaNDa 3 | adhyAya 135/1-53||
% Latest update         : April 12, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Dakshaprajapataye Mahalakshmyuktani Sviyani Shatadvayanamarupani ..}##
\itxtitle{.. dakShaprajApataye mahAlakShmyuktAni svIyAni shatadvayanAmarUpANi ..}##\endtitles ##
shrIpuruShottama uvAcha |
shR^iNu nArAyaNIshri tvaM purA dakSheNa vanditA |
prAkaTyAni lalitAyA lakShmyoshchoktavatI svayam || 1||
dakShaH paprachCha mAtaste prAkaTyAnyatra bhUtale |
kAni kutra cha vartante vartsyante tAni me vada || 2||
yatpUjAbalatashchA.ahaM vighnAn vinAshaye sadA |
grahadoShAn karmadoShAn vinAshaye tavA.arhaNAt || 3||
tadA tvaM nijapUjAyAH phalaM choktavatI shubham |
lalitAkhyamahAlakShmyAH pUjakasyA.ashubhAni vai || 4||
vina~NkShyanti na sandeho mama pUjAprakAriNaH |
yAni yAni svarUpANi yatra yatra bhavanti cha || 5||
tAni vakShyAmi te dakShaprajApate nishAmaya |
ahaM tvakSharadhAmasthA shrIdevI puruShottamau || 6||
anAdishrIkR^iShNanArAyaNI shrIparameshvarI |
brahmamuktAnikA brAhmI kArShNI nArAyaNI ramA || 7||
vAsudevI cha vairAjI hiraNyA hariNI prabhA |
mahAlakShmIH kambharAshrIrlalitA kamalA chalA || 8||
IshvarI vaiShNavI chAndrI hiraNmayI cha devatA |
ArShI siddhA yoginI cha sAdhvI satI pativratA || 9||
prabhvI dhAmA jayA bhaumI maheshI bhUrnarAyaNI |
pAshavatI cha mANikyA mArUpA shrIharipriyA || 10||
duHkhahA shivarAj~nIshrI kR^iShNanArAyaNI satI |
brahmapriyA brahmadhAmni mahAlakShmIshcha shrIpure || 11||
lakShmIH ku~NkumavApyAM cha mahAlakShmIstu raivate |
vyAghreshvarI mAhiShe cha gokarNe dhenukarNikA || 12||
santuShTA chAkShare kShetre chamatkAre tu mAdhavI |
vArANasyAM vishAlAkShI naimiShe li~NgadhAriNI || 13||
prayAge lalitA chAsmi kAmAkShI gandhamAdane |
mAnase kumudA devI vishvakAyA chidambare || 14||
gomante gomatInAmnI mandarAdrau tu kAmagA |
madotkaTA chaitrarathe jayantI vArahAhvaye || 15||
gaurInAmnI kAnyakubje rambhA tu malayAchale |
ekAmrake kIrtimatI vishvA vishveshvare.asmi cha || 16||
puShkare puruhUtA.asmi kedAre mArgadA.asmi cha |
himAchale cha nandA.asmi bilvake bilvapatrikA || 17||
sthAneshvare bhavAnyasmi shrIshaile padminI sadA |
bhadrA bhadreshvare chAsmi jayA vArAhaparvate || 18||
kAmalA kamalAbhUmau raudrI cha rudrakoTike |
kAlI kAla~njare chA.asmi markoTe mukuTeshvarI || 19||
mahAli~Nge kapilA.asmi shivali~Nge jalapriyA |
shAlagrAme mahAdevI mAyApuryAM kumArikA || 20||
santAne kA~nchikApuryAM lalitA durgapattane |
utpalAkShI sahasrAkShe kalamAkShe mahotpalA || 21||
ga~NgAyAM ma~NgalA durgA vimalA puruShottame |
vipAshAyAmamoghAkShI pATalA puNDravardhane || 22||
nArAyaNI supArshve.asmi vikUTe bhadrasundarI |
vipule vipulAnAmnI kalyANI malayAchale || 23||
koTitIrthe koTavI cha sugandhA mAdhave vane |
kubjAmrake trisandhyA.asmi ga~NgAdvAre ratipriyA || 24||
shivakuNDe sunandA.asmi nandinI devikAtaTe |
rukmavarNA dvAravatyAM rAdhA vR^indAvane.asmi cha || 25||
madhurAyAM devakanyA pAtAle parameshvarI |
chitrakUTe tu sItA.asmi vindhye vindhyAchalI tathA || 26||
sahyAdrAvekavIrA.asmi harmachandre tu chandrikA |
ramaNA rAmatIrthe.asmi yamunAyAM mR^igAvatI || 27||
karavIre mahAlakShmIrumAdevI vinAyake |
aromA vaijanAthe.asmi mahAkAle maheshvarI || 28||
abhayA.asmi choShNatIrthe amR^itA vindhyakandare |
mANDavye mANDavInAmnI svAhA mAheshvare pure || 29||
ChAgale.asmi prachaNDA.ahaM chaNDikA makarandake |
someshvare varArohA prabhAse puShkarAvatI || 30||
sarasvatyAM devamAtA pArA pArAtaTe.asmi cha |
mahAlaye mahAbhAgA payoShNyAM pi~NgaleshvarI || 31||
siMhAraNye siMhikA.asmi kArtikeye yashaskarI |
utpalAvartake lolA subhadrA shoNasa~Ngame || 32||
mAtA lakShmIH siddhapure a~NganA pulahAshrame |
jAlandhare vishvamukhI tArA kiShkindhaparvate || 33||
devadAruvane puShTirmedhA kAshmiramaNDale |
himAdrau bhImikAdevI puShTirvishveshvare.asmi cha || 34||
kapAlamochane shuddhirmAtA kAyAvarohaNe |
sha~NkhoddhAre dharAdevI dhR^itiH piNDArake.asmi cha || 35||
mANikyA.a.anartake nArAyaNIshrIrasmi nAgare |
kAlA.asmi chandrabhAgAyAmachChode shivakAriNI || 36||
veNAyAmamR^itAnAmnI badaryAmurvashI tathA |
oShadhishchottarakurau kushadvIpe kushodakA || 37||
manmathA hemakUTe tu mukuTe satyavAdinI |
ashvatthe vandanIyAsmi nidhishcha shravaNAlaye || 38||
gAyatrI brahmaNA sAkaM pArvatI shivasannidhau |
devaloke tathendrANI brahmAsye.asmi sarasvatI || 39||
sUryabimbe prabhA dhairye pAshavatI tu vaiShNavI |
anAdishrIkR^iShNanArAyaNe.asmi sukhadA ramA || 40||
arundhatI satI chAsmi tilottamA.apsarogaNe |
chitte brahmakalA chAsmi kAntA kAnteShu sarvashaH || 41||
bha~NgA nIlagirAvasmi vijayA.a.asAmabhUtale |
kAmarUpe cha kAmAkShyA brahmadesha irA.asmi cha || 42||
khAsIneShu brahmaputrI patatkAye tu pAvanI |
shyAmA shyAmapradeshe.asmi prAchIne menakA~NginI || 43||
uchchIne yAgashikShA~NgI trya~NguleShu tu kAramI |
kArAkAre kR^iShNavarNA elune khanirasmi cha || 44||
mUkI ma~Ngolake chAsmi khi~Ngane ma~nchChikA.asmi cha |
stenAvAse pArashavI rAshiputrI tu rAshane || 45||
uralA choralAdrau cha raktA chAraktabhUtale |
nArAyaNI sudAne.asmi chAlpA chAlpe cha parvate || 46||
i~Ngitaj~nA ketumAle parI chAsmi balAyate |
hAritI pi~Ngadeshe cha amarI kimpumAtmake || 47||
rAkarI mAnaka~Ngau cha parInArI tu dakShake |
saMhArA najare.adrau cha kAmarUpA kamAraNe || 48||
mAsAmbA sAmbashaile.asmi kalihArA tu mitrape |
trihotre hotriNI chAsmi jhambe mA~njhAmbikAsmi cha || 49||
navadeshe maNikAntA uShTrAlaye mahordhvikA |
kalagaralI shvAnAyAM chAlishI kvAthaparvate || 50||
evamAdisvarUpaishcha bhUtale saMvasAmyaham |
dakSha! sarvatra matpUjAM kuru bhuktipramuktidAm || 51||
ityAha shrImahAlakShmIstadA dakShaM prajApatim |
ataste tu mahAlakShmyAH pUjanaM sarvashAntikR^it || 52||
pUjAyAM sarvanAmAni dve shate tava yo japet |
sarvAshcha siddhayastasyopatiShThantu yatheShTadAH || 53||

iti shrIlakShmInArAyaNIyasaMhitAyAH dvAparayugasantAnAtmakasya tR^itIyakhaNDe
135\-adhyAyAntargataM dakShaprajApataye mahAlakShmyuktAni svIyAni shatadvayanAmarUpANi |

lakShmInArAyaNIyasaMhitA | khaNDa 3| adhyAya 135/1\-53||
##
lakShmInArAyaNIyasaMhitA . khaNDa 3. adhyAya 135/1-53..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}