% Text title            : Dakshinakalika Kavacham 2
% File name             : dakShiNakAlikAkavacham2.itx
% Category              : devii, devI, kavacha
% Location              : doc\_devii
% Transliterated by     : Ruma Dewan
% Proofread by          : Ruma Dewan
% Description/comments  : shyAmArahasyam | chaturthaH parichChedaH ||
% Latest update         : March 19, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Dakshinakalika Kavacham 2 ..}##
\itxtitle{.. dakShiNakAlikAkavacham 2 ..}##\endtitles ##
(shyAmArahasye)
virUpAkSha uvAcha |
namAmi gurumakShobhyaM mantrashaktisamanvitam |
prasannaM j~nAnamaj~nAnaM hetuM buddhiprakAshakam || 1||
gajendravadanaM naumi raktaM vighnavidArakam |
pAshA~NkushavarAbhIti lasadbhujachatuShTayam || 2||
bhairavaH sarvadA pAtu R^iShirme shirasopari |
mukhe ChandaH sadA pAtu triShTup cha vijayAtmakam || 3||
guNatrayamayI shaktiH parashaktistu IDitA |
brahmasvarUpiNI pAtu hR^idaye mama kAlikA || 4||
bIjasvarUpiNI pAtu krI~NkArI shaktirUpiNI |
hUM shakti sarvadA pAtu sarvarakShAsvarUpiNI || 5||
mahAkAlaH sadA pAtu mahAbhImaparAkramaH |
dadAtu mama kAmAni sarvasiddhIshvaro yataH || 6||
Adi L^IvarNaparyantAH hR^idaye mamamAtR^ikAH |
eghAnte ~NAdi chAntAshcha rakShantu bAhuyugmake || 7||
nabhomadhyagatA varNA mAdikShAntAstathaiva cha |
savindavaH sadA pAntu ja~Nghayorubhayormama || 8||
bhUtapretapishAchAdyA vighnadehAstathA punaH |
pR^ithagbhAvAH samadhyAshcha varNA rakShantu mAM sadA || 9||
samastaromakUpeShu marmasthAniShu sandhiShu |
nADIdhAtuvikAreShu rakShantu mama mAtR^ikAH || 10||
shaktirAdhArarUpA yA sA pAtu parameshvarI |
avarNaH sarvadA pAtu sarvadevamayaH svayam || 11||
phaNAgatA.avaniH pAtu samudraH pAtu mAM sadA |
ratnadvIpaH sadA pAtu rakShantu kalpapAdapAH || 12||
shmashAnapIThakaH pAtu pAtu mAM mAnavedikA |
sadAshiva mahApreta shavo mAM parirakShatu || 13||
dvAradeshe dvArapAlA yoginyaH pAntu mAM sadA |
siddhayo.aShTau sadA pAntu pUrvAdi vasudiggatAH || 14||
kAlIM kapAliNIM kullAM kurukullAM tathaiva cha |
virodhinIM viprachittAM namAmi sarvasiddhaye || 15||
etAstu vashayoginyo bahiH ShaTkoNakesthitAH |
rakShantu mAM sadA devyo mAtaro bhaktavatsalAH || 16||
ugrAmugraprabhAM dIptAM namAmyAtmavibhUtaye |
sarvasiddhiM prayachChantu pAntu mAM putravat sadA || 17||
nIlAM ghanAM valAkA~ncha praNamAmi samutsukaH |
sarvavighnAn samutsAryya rachantu kaluShArNavAt || 18||
mAtrAmudrAmitAnA~ncha namAmi charaNAmbujam |
devIpremasakhInA~ncha sharaNaM yAmi siddhaye || 19||
etAH pa~nchadashe koNe ekaikA varadA sadA |
tarjanIM vAmahastena khaDgaM dakShiNapANinA || 20||
muNDamAlAdharAH shIrShe nIlA~njanachayopamAH |
shatrubhyaH siddhidAshchaNDAH pAntu mAM kAlikApriyAH || 21||
bahiHpadmadalAnte tu brahmANyAdyaShTashaktayaH |
rakShantu me prayachChantu sarvasiddhiM dayAnvitAm || 22||
brahmANI pAtu mAM pUrve sarvAH shivavarapradAH |
vahnau nArAyaNI pAtu sarvakAmArthasiddhidA || 23||
mAheshI dakShiNe pAtu sarvama~NgalakAriNI |
chAmuNDA nairR^Ite pAtu sarvashatrupramardinI || 24||
kaumArI pashchime pAtu shaktihastA visUdinIm |
aparAjitA cha vAyavyA pAtu mAM jayadA shubhA || 25||
uttare pAtu vArAhI varadA ghorarUpiNI |
nArasiMhI sadA pAtu aishAnyAM bhayanAshinI || 26||
etAstu varavidyAyAH shaktayashchAShTadevatAH |
brahmaviShNushivAdInAM tejobhinnakalevarA || 27||
sUryyenduvahnipIThe tu baindave parameshvarI |
namAmi dakShiNAmUrttiM kAlikAM parabhairavIm || 28||
bhinnA~njanachayaprakhyAM pravInashavasaMsthitAm |
galachChoNitadhArAbhiH smerAnanasaroruhAm || 29||
pInonnatakuchadvandvAM pInavakShonitambinIm |
dakShiNe muktakeshAM cha digambaravinodinIm || 30||
mahAkAlasamAviShTAM smamerAnandopari sthitAm |
sukhasAndrasmitAmodamodinIM madavihvalAm || 31||
AraktasukhasAndrAdinetrAlIbhirvirAjitAm |
shavadvayakR^itottaMsAM sindUratilakojjvalAm || 32||
pa~nchAshanmUrttighaTitamAlAM shoNitalohitAm |
nAnAmaNivishobhADhyAM nAnAla~NkArashobhitAm || 33||
shavAsthikR^itakeyUrasha~Nkhaka~NkaNamaNDitAm |
shavavakShaH samArUDhAM lelihAnAM shavaM kvachit || 34||
shavamAMsakR^itagrAsAM sATTahAsAM muhurmuhuH |
khaDgamuNDadharAM vAme savye.abhayavarapradAm || 35||
danturA~ncha mahAraudrIM chaNDanAdAtibhIShaNAm |
shivAbhirghorarAvAbhirveShTitAM bhayanAshinIm || 36||
mAbhairmAbhaiH svabhakteShu jalpantIM ghoranisvane |
yUyaM kimichChatha brUtha dadAmItiprabhAShiNIm || 37||
tvaM gatiH sharaNaM devi ! tvaM mAtA parameshvari ! |
pAhi mAM karuNAsAndre ! namaste parameshvarari ! || 38||
namaste kAlike ! devi ! namaste bhaktavatsale ! |
mUrkhatAM hara me devi ! pratibhApratidAyike ! || 39||
gadyapadyamayIM vANIM tarkavyAkaraNAdikAm |
anadhItagatAM vidyAM dehi dakShiNakAlike ! || 40||
jayaM dehi sabhAmadhye dhanaM dehi dhanAgame |
dehi me chirajIvitvaM kAlike ! rakSha dakShiNe ! || 41||
rAjyaM dehi yasho dehi putrAn dArAndhanaM tathA |
dehAnte dehi me muktiM jaganmAtarnamo.astu te || 42||
ma~NgalA bhairavI durgA kAlikA tridasheshvarI |
umA haimavatI kanyA kalyANI bhairaveshvarI || 43||
kAlI brAhmI cha mAheshI kaumArI mAdhusUdanI |
vArAhI vAsanI chaNDA tvAM jagurmunayo mudA || 44||
ugratAreti tAreti shivetyakajaTeti cha |
lokottareti bAleti gIyate kR^itibhiH sadA || 45||
yathA kAlI tathA tArA tathA ChinnA cha kullukA |
ekamUrttishchaturbhishcha devi ! tvaM kAlikAparA || 46||
ekadvitrividhA devi ! koTidhA.anantarUpiNI |
a~NgA~NgakairnAmabhedaiH kAliketi pragIyate || 47||
shambhuH pa~nchamukhenaiva guNAn vaktuM kShamo na te |
chApalaM yat kR^itaM sarvaM kShamasva shubhadA bhava || 48||
prANAn rakSha yasho rakSha putradAradhanaM tathA |
sarvakAle sarvadeshe pAhi dakShiNakAlike ! || 49||
yaH sampUjya paThedrakShAM divA vA sandhyayostathA |
avApya mahatIM praj~nAM sarvakAmAMstato labhet || 50||
yadyatprArthayate chitte tattadApnoti kA kathA |
svayaM lakShmIrvaseddehe muktiH karagatA punaH ||

iti shyAmArahasyavarNitaM rudrayAmale uttaratantre dakShiNakAlikAkavachaM sampUrNam |

\- || shyAmArahasyam | chaturthaH parichChedaH ||
##
- .. shyAmArahasyam . chaturthaH parichChedaH ..

Encoded and proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}