% Text title            : devi aparAdha kShamApana stotra
% File name             : dapradh.itx
% Category              : devii, durgA, stotra, devI, shankarAchArya
% Location              : doc\_devii
% Author                : Shankaracharya
% Transliterated by     : Ahto Jarve ajarve at fms30.cca.rockwell.com jarve at cs.miu.edu ek879 at cleveland.freenet.edu
% Proofread by          : Ahto Jarve ajarve at fms30.cca.rockwell.com jarve at cs.miu.edu ek879 at cleveland.freenet.edu
% Description-comments  : yogeshvarI stotra
% Latest update         : January 19, 2019
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Devi Aparadha Kshamapana Stotram ..}##
\itxtitle{.. devyaparAdhakShamApaNastotram ..}##\endtitles ##
|| atha devyaparAdhakShamApaNastotram ||
na mantraM no yantraM tadapi cha na jAne stutimaho
      na chAhvAnaM dhyAnaM tadapi cha na jAne stutikathAH |
na jAne mudrAste tadapi cha na jAne vilapanaM
      paraM jAne mAtastvadanusaraNaM kleshaharaNam || 1||
vidheraj~nAnena draviNaviraheNAlasatayA
      vidheyAshakyatvAttava charaNayoryA chyutirabhUt |
tadetat kShantavyaM janani sakaloddhAriNi shive
      kuputro jAyeta kvachidapi kumAtA na bhavati || 2||
pR^ithivyAM putrAste janani bahavaH santi saralAH
      paraM teShAM madhye viralataralo.ahaM tava sutaH |
madIyo.ayaM tyAgaH samuchitamidaM no tava shive
      kuputro jAyeta kvachidapi kumAtA na bhavati || 3||
jaganmAtarmAtastava charaNasevA na rachitA
      na vA dattaM devi draviNamapi bhUyastava mayA |
tathApi tvaM snehaM mayi nirupamaM yatprakuruShe
      kuputro jAyeta kvachidapi kumAtA na bhavati || 4||
parityaktA devA vividhavidhasevAkulatayA
      mayA pa~nchA shIteradhikamapanIte tu vayasi |
idAnIM chenmAtastava yadi kR^ipA nApi bhavitA
      nirAlambo lambodarajanani kaM yAmi sharaNam || 5||
shvapAko jalpAko bhavati madhupAkopamagirA
      nirAta~Nko ra~Nko viharati chiraM koTikanakaiH |
tavAparNe karNe vishati manu varNe phalamidaM
      janaH ko jAnIte janani jananIyaM japavidhau || 6||
chitAbhasmAlepo garalamashanaM dikpaTadharo
      jaTAdhArI kaNThe bhujagapatihArI pashupatiH |
kapAlI bhUtesho bhajati jagadIshaikapadavIM
      bhavAni tvatpANigrahaNaparipATIphalamidam || 7||
na mokShasyAkA~NkShA bhavavibhavavA~nChApi cha na me
      na vij~nAnApekShA shashimukhi sukhechChApi na punaH |
atastvAM sa.nyAche janani jananaM yAtu mama vai
      mR^iDAnI rudrANI shiva shiva bhavAnIti japataH || 8||
nArAdhitAsi vidhinA vividhopachAraiH
      kiM rukShachintanaparairna kR^itaM vachobhiH |
shyAme tvameva yadi ki~nchana mayyanAthe
      dhatse kR^ipAmuchitamamba paraM tavaiva || 9||
Apatsu magnaH smaraNaM tvadIyaM
      karomi durge karuNArNaveshi |
naitachChaThatvaM mama bhAvayethAH
      kShudhAtR^iShArtA jananIM smaranti || 10||
jagadamba vichitra matra kiM
      paripUrNA karuNAsti chenmayi |
aparAdhaparamparAparaM
      na hi mAtA samupekShate sutam || 11||
matsamaH pAtakI nAsti pApaghnI tvatsamA na hi |
evaM j~nAtvA mahAdevi yathAyogyaM tathA kuru || 12|| OM ||

iti shrIdevyaparAdhakShamApaNastotraM sampUrNam |
##

Encoded and proofread by 
Ahto Jarve ajarve at fms30.cca.rockwell.com
jarve at cs.miu.edu ek879 at cleveland.freenet.edu

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}