% Text title            : DayAshatakam
% File name             : dayAshatakam2.itx
% Category              : devii, shrIdhara-venkaTesha, shataka, shiva
% Location              : doc\_devii
% Author                : Sri Sridhara Venkatesa
% Proofread by          : Aruna Narayanan
% Description-comments  : shrIdharastutimaNimAlA dvitIyo bhAgaH stutimaNimAlA
% Latest update         : November 20, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. DayAshatakam ..}##
\itxtitle{.. dayAshatakam ..}##\endtitles ##
shreyAMsi sandishati kandaLayatyamandaM
      Anandamasya daLayatyaghavR^indamArtIH |
dhUnoti, ki~Nkarayati druhiNAdikAMshcha
      mAtastavaiSha udayo hi daye purAreH || 1||
kalyANi shailatanayAkamanAnukampe
      tvaM yatra yatra vitanoShi padArpaNAni |
prAgeva padmajavalonmathanAdilakShmyaH
      prAdurbhavantyavahitAH khalu tatra tatra || 2||
mandasmitaM madanasundaramindurekhA\-
      sannaddhashekharamumAsakhamudvahantI |
divyaM vapuH kimapi dR^ikpathagA.anaghAnAM
      mAtarmudaM hi tanuShe mahatIM daye tvam || 3||
divyaM vapustadanusandadhataH purAreH
      kAMshchit guNAn jagati kechana nirvishanti |
AkhyAmR^itormirasikAstvapare.abhinanda\-
      ntyastAdhayaH shivadaye.amba tavAvalambAt || 4||
AkhaNDalo.ayamiti kashchidakhaNDitashrIH
      vitteshvaro.ayamiti vishrutavaibhavo.anyaH |
dhAteti ko.api jagatAM janakastavAmI
      kalyANyumeshakaruNe pariNAmabhedAH || 5||
Isho haraH sa jagatAM nanu tasya cha tvaM
      IshA parArtivinirAkR^itirAkR^itiste |
tanmAmakArtiharaNaM karuNe na chettvaM
      dhatse kathaM kathaya devi tavAtmalAbhaH || 6||
dAkShAyaNIsahachare garaLagraheNa
      dattAbhaye virachite.amba daye bhavatyA |
ashvadvipAptiramareshiturachyutasya
      shrIkAntatA diviShadAmamR^itAshitA cha || 7||
krUreNa hanta garaLena gaLe.analena
      phAle shirasyapi tara~NgavatIjhareNa |
krAntaM tvadadhvagatamAtanuShe daye svA\-
      dhIneshvarA bhavasi kaH kimihAbhidhattAm || 8||
kAchit tvadIyakaNikA maNikA~nchanAdyaiH
      arthairdhinotyamumihAruchiheturanyA |
ullAsayatyuDupatishritamauLisImni
      tvaddhAmni te hi karuNe saraNirvichitrA || 9||
bhIShAmahadbhayagiro.atibhaya~NkaratvaM
      yasyAhurugra iti bhIma iti prathA cha |
kShiptvaiva dAsayasi devi daye tamenaM
      hA jihvayaitadabhidhAspR^ishi pulkase.api || 10||
nAnyo madastyagatiko.agatikastava svaM
      shambhordaye.aghapishunA mayi shashvadAste |
sarvaj~natA vidadhatI tava durlabhaM mAM
      sajjasva mA janani bhUrapade tu niHsvA || 11||
svAdhInitendumakuTA.asi samarthitopa\-
      manyuprabhR^ityabhimatA jagati shrutA.asi |
AyuShmatI janani mantubhireva chAsi
      hA hanta mAM na karuNe kathamabhyupaiShi || 12||
shambho tvameva sharaNaM mama chandrachUDe\-
      tyAdyA girastaduchitasthitihAnito naH |
satyetarA api vibhurbhajanAya yadyat
      gR^ihNAti taddhi karuNe charitaM bhavatyAH || 13||
yadeshaH kupyenme duritavisaraidainyadhurayA
      tadA me hUtAvirbhavatu bhavatI tasya cha puraH |
madIyAMhaH saMhatyapalapanaraMhaH prathayati
      tvadAvirbhAve.asAvalamiha daye kiM kalayitum || 14||
maheshe sa~Nkruddhe madaghavidi mahyaM shritajana\-
      shramAkShantrI devi tvamayi sahasA.a.avirbhava daye |
madIyAMhassaMhatyapalapanaraMhaH prathayati
      tvadAvirbhAve.asAvalamiha daye kiM kalayitum || 15||
tvayA bhAvyaM mAtarmayi shashikalottaMsakaruNe
      praNamya tvAM yAche kati kati bhavatyA na hi bhR^itAH |
jagatyeko varte kvachidapi gatiM kAshchidapi na\-
      nvapashyannaivedaM sadR^ishamagatInAM tava gateH || 16||
tavAdhvanyA dhanyAstava hi bhavanAdantakaripoH
      yadeShvekenainaM shirasi dhanuShA ghAtamadayam |
tathAnyena grAvNAM kiraNamapareNAsilatayA
      daye.anaiShInmUrdhapravidaLanamapyamba bhavatI || 17||
priyo.artho.ayaM shambhoH prasadanavidheyAdhigama
       ityatha dveShyo.ayaM tatprasadanavidheyakShatiriti |
paro.ayaM tatrAyodaya iti cha taddhIkR^idakhilaM
      na me taddhIrmaivaM mayi vimukhatA te shivadaye || 18||
kShipan kAminyAdiShvanavadhi mithovaishasadhurA\-
      durApeShveShvakShaprakaramadhibAleyavadanam |
madhusyandidrAkShAphalakulamivAyurvitathayan
      kiyatkAlaM sIdAnyayi mayi kadA syAH shivadaye || 19||
kadA gaurInetrA~nchalasamuditAna~NgachakitAn
      kaTAkShAMstAMstachcha smitamadharabimbe kR^itapadam |
mukhaM shambhostachchonmR^iditasharadindupriyasakhaM
      purastAdAdadhyAH purabhidanukampe janani me || 20||
asAvarthaH shreyAnayamitara ityachChamatidAH
      prajAnAM sharmAptAvasukhavirahe cha pratibhuvaH |
vibhAnti shvAsA yadvidhushakalamauLerbhagavataH
      tadetat kalyANyAstava vilasitaM kiM na karuNe || 21||
smarArAte shambho purahara shivomAdhava hare
      murAre govindAmaravara mukundetyavirataiH |
shivAkhyApIyUShormibhirayi daye mAM kabaLitaM
      kadA vA kurvIraMstava guNajharA majjitaharAH || 22||
samunmIlajjvAlajvalanakalitasyAntikagato
      yathA tadvaddArAdyabhiratihatasyAntikagataH |
asAvIShTe nojjIvitumahaha kA tasya tu kathA
      kimanyajjIvAtustvamasi jagato.asyeshakaruNe || 23||
mayIshAnaM vAmAshayamatitarAM majjayatu te
      kadA pUraH svairaM kabaLitataTo devi karuNe |
tathA drAgutkarShan vighaTitavighAtavyatikaraH
      kadeshapremAkhye mahati cha pade sthApayatu mAm || 24||
priyo dveShyo.apyarthastudati mama buddhiM taditare\-
      .apyamI svairaM nighrantyahaha girishAli~Nganasukhe |
prasaktiH kA vA syAd bhagavati namaste.arhasi na mAM
      iyaddUrIkartuM girishakaruNe.ananyasharaNam || 25||
daye shambhostadbhaktyamR^italaharIM tAvakajharAH
      kadehopAneShyantyalamapanayantaH pratihatIH |
tayA chAtmA me.asAvatishishirito hAsyati kadA
      manojAdyunmIladgahanadahanotthaM paribhavam || 26||
maheshasya praj~nAsamuchitavidhAnakShamatayA
      mamApyenorAsherapi samavamarshe sati na me |
samAshvAsasyAshA nijalaharibhistannanu vibhuM
      vitanvAnA magnaM viharasi yadi tvaM na karuNe || 27||
dashAyAmetasyAmapi shivadaye te vimukhatA
      mayItthaM chenmagno mahati vipadabdhAvahamasau |
akIrtyabdhau magnA tvamapi mama yatki~nchana bhava\-
      tvapi svoddhAre vA bhavatu bhavatI prodyamavatI || 28||
kamalabhavapadaM vA kaiTabhArishriyaM vA
      madanabhidanukampe ma~NkShu dAtuM kShamA tvam |
kimu na dishasi vItakleshikAmAsikAM me
      kvachana shivashivetyAkhyAnadhAraikatAnAm || 29||
hitamahitamavaituM vartitu~nchAnurUpaM
      na punaralamabodhAnIshatAbhyAM hato.aham |
pramathapatidaye.aye pAlayestvaM kathaM mAM
      kathamiva na cha te syAt khyAtibha~Ngo na jAne || 30||
tava bhavati nivAsastArakAdhIshamauliH
      sa cha madaghabhavogrAmarShaparyAkulAtmA |
samava tamanukampe tvadrasaughAvasekaiH
      mama tadalamayi tvaM nAvane me.arthanIyA || 31||
abhilapatu shivAkhyAmAharetyAdidambhAt
      api sakR^idayametasyAkhilArtiM hariShye |
 iti satatavinidrAmindumauLerdaye ya\-
      dyahamiva na jaDaH ko.ananyadhIrnAshrayet tvAm || 32||
charati samanurundhan preraNAdhoraNIM te\-
      .anilagatimiva tUlo hyeSha doShaM kuto.asmin |
gaNayasi paratantre manniyogAdava drAg\-
      amumiti karuNe taM tvAdisheshaM madarthe || 33||
madaghavitatirantaH satvamAvishya shambhoH
      pravighaTayati yogaM tasya te chAnukampe |
tadapi nirupamA maddainyasampattireShA
      pratibhavati punarvAM nirbharAshleShasandhau || 34||
daLayatu digibhaugho dantakANDaiH kaThoraiH
      dahatu dahanamAlA dArayatvastrajAlam |
api dhuri parivR^iNvantvabdhayo nainamArtiH
      spR^ishati shivadaye yaH spR^ishyate te.anilena || 35||
adhijaTamasurArAtyApagA kvApi lInA
      manasijavinihanturmajjito.ayaM jharaiste |
kabaLayati nima~NktussA shramaM tvaM tvama~NktuH
      kathamiva na daye te svardhunIto visheShaH || 36||
prabhavati na hi dAtuM bhadramIsho vinA tvAM
      alamapi tadadAtuM nAmba satyAM bhavatyAm |
vitarati cha shuchaM tvadviprakarShe satIshaH
      kathayitumanukampe kastavAlaM prabhAvam || 37||
madanashatamanoj~naM ma~njuhAsAnanAbjaM
      sharaduDupatigauraM sAmbamardhenduchUDam |
draviNamayi madIyaM dR^ikpathe dhatsva me tat
      tava khalu vashavartItyarthaye.ahaM daye tvAm || 38||
tvamasi madavanArthaM nArthanIyA daye yaH
      tava bhavati nivAso dussahaM tasya shambhoH |
prashamaya tamamarShoShmAtirekaM mamAgaH
      prabhavamayi bhavatyA nirjharaistanmamAlam || 39||
pashuriva paribhUtIrashnuvAno.api shashvat
      viShayavisarametaM hAtumapyapragalbhaH |
viSha iva vimukhaste veshmanIshe tathA.ahaM
      kathamiva karuNe.a~NgIkArapAtraM tavAham || 40||
avitari purahantaryasya sarvasya jantoH
      mama gatirabalAdyA nanvamI so.ahameShAm |
 iti kumatihatastaM chintaye hanta neshaM
      sa tu kathamanukampe syAnmayi tvadvidheyaH || 41||
visR^imaradahanArchirvipluto.ahnAya shItaM
      jalamiva karuNe santyaktasarvaH kadA.aham |
tava padamuDurADuttaMsamAnandasindhuM
      shramaharamavagAhe dattahasto bhavatyA || 42||
makuTagavidhuni tvanmandire sthityalAbhaH
      sthitiriyamitaravyAsa~NgadAvAnale cha |
phalamahaha daye.adaH kasya pApasya vA drAk
      tadidamudasanIyaM dauHsthyamamba tvayA me || 43||
tanukaraNakadambaM dakShamevaM manastvad\-
      grahachaNamanukampe nanvadAH sha~NkarAkhye |
pradishasi mama kiM na tvanniveshe praveshaM
      pradadati bhuvane kiM prANashUnyAya kanyAm || 44||
sagaraLamadhikaNThaM sAnalaM bhAladeshe
      sadanamahiparItaM sarvataste.anukampe |
tadidamupagatA ye tAnimAMstanvatI tvaM
      viharasi jitamR^ityUn vIkShitAnapyamIbhiH || 45||
na vitara padamaindraM na shriyaM vaidhasIM vA
      shritabhujagakule.api kShveLakheladgaLe.api |
mama ghaTaya daye tvanmandire sampraveshaM
      vigalitavividhavyAsa~NgametanmamAlam || 46||
tava samudayarodhaM tatparo.asau vidhatte
      svakacharitamahimnA svAtmaghAtI tamenam |
bhagavati nanu bhartuM bhrAmyasIshAnukampe
      tava parahitaniShThA tAdR^ishI stautu kastvAm || 47||
kiyadiva vimukhatvaM chitsukhAtmanyumeshe
      ratirapi kiyatI me.anyatra dhi~NmAM mamAsya |
asadapi na daye tvaM hAsyasi trANamaddhA
      tava ka iha niroddhA dAsayantyAstamIsham || 48||
ashrUdgamagadgadavAgaviralapulakADhyayA bhave bhaktyA |
kati na ramante mAM shivakaruNe kuru tadanugaM mamaitadalam || 49||
karuNe taruNendudharastvadvashavartIti tava nishamya yashaH |
tasyAvalambamIhe tadghaTane pratibhuvA tvayA bhAvyam || 50||
janimR^itidahanArchishshAntidivyAmR^itaughe
      janani shashivibhUShe tvadgR^ihe sampravesham |
vighaTayadanukampe vighnavR^indaM vibhindan
      mayi patatu kadA tvannirjharaH shrAntihArI || 51||
tvamabhij~nashikhAmaNau maheshe bhajadatya~NkushamantusantatInAm |
yadapahnutipaNDitA daye tanniravadyaM tava vedmi sAhasikyam || 52||
karuNe kathaye kimAj~nayA te
      hyanudhAvatyahaha smaranti ye tAn |
makuTavyatiSha~NgichandrarekhaM
      madanadhvaMsi madIyabhAgadheyam || 53||
hariNArbhakamAnane tarakShoriva kAntAdimukhe bhayAnake mAm |
vinipAtya shivo vilokamAnaH karuNe kinna kadarthyate bhavatyA || 54||
karuNe taruNendudhAriNo madbharaNe shaMsa tavAmba ko viLambaH |
gaNito.ayamahaM kilAkhilA~NgiShvayi kiM teShu na mAmalekhayastvam || 55||
aghavAniti mayyasa~NgR^ihIte
      sakalAghApahajAtunAmavAdaH |
api dInajanAviteti kIrtyoH
      avasAdaM karuNe.abhidhehi shambhoH || 56||
mama shambhudaye tvadarhatAyAM ahamanyanna vilokayAmyupAyam |
mama choditayArtibhistvayaiva shrayaNIyA tadupAyatA bruve kim || 57||
purabhitkaruNe purandarAdyaiH tvamupAsyA sulabhA na nastathApi |
prachakAsti parAtidurlabhatvatpadadarshI nanu dInatA.a.ashrayo naH || 58||
bhavatIshadaye payodamAlA bhavatIvrAnalashAntidAshriteShu |
tamasAmavasAdikAH shivekShAtaTitashchitramacha~nchalAH prasUte || 59||
karuNe shivachandrachandrikA.asau bhavatI sanmaNisaudhasaMsadIva |
prasR^itA.api mayIha tuchChakuDye timiraM lumpatu tAvatA kShatiH kA || 60||
kutukaparavashairumAkaTAkShaiH kuvalayabhAji navoDupAvataMse |
janani tava jhare nimagnamastajvarabharamArachayerdaye kadA mAm || 61||
bata sahaviharaddarasmitAnAM
      paricharaNAdhikR^itAravindabhAsAm |
bhagavati karuNe tvayeritAnAM pathi
      kimasAnyahamIshavIkShitAnAm || 62||
sarvaj~natvAdiguNAH svAtmatrANaikalampaTA bahavaH |
sharvasya sha~NkarAkhyAnirvahaNaM taddaye tvadAyattam || 63||
shrIkaNThAya kShveLaM rochitavatyA daye nanu bhavatyA |
mAmakamantukadambe kevalamambeha vada vilambaH kaH || 64||
shiva iti tadbhaktiriti smR^itirasya cha seti sArtihantrIti |
iyadavagamayya sheShe viratiriyaM shivadaye na te sadR^ishI || 65||
abjjayitumachyutayitumapi shivayitumalamumeshakaruNe tvam |
alamasi shivarasikAnAmakShipathe kinna mAM pravartayitum || 66||
vijayasva sid.hdhyatAttava vidhushekharavipralambhanaipuNyam |
manmantubhirunmiShatu cha mAtaH karuNe pichaNDilatvaM te || 67||
karuNe yadi manmantUn kabaLayasi na vipralabdhagirishA tvam |
kA mama gatistavApi cha kA gatirAgobhireva jIvantyAH || 68||
karuNe tvadadhvagAnAM kAmAdyA ye dviShastadunmathane |
girishaM tvayerayantyA kR^ito.asya bhImogranAmasaMsargaH || 69||
sharvaM prati manmantuShu sarvaj~natayA nivedyamAneShu |
AdhUyatAmamuM dR^iDhamAli~Ngya daye nayAshu paravashatAm || 70||
ahaha girishaikatAnAmabhilaShitasthitimanAptavati mayi tAm |
ArtiShu majjati vartitumarhasi na stabdhamevamIshadaye || 71||
nAgAMsi yanmahAntyapi gaNyante guNakaNo bahu kriyate |
girishena tadanugairapi tad girishe tvanniveshataH karuNe || 72||
mativAgapade.anante maheshvare manananamanapUjAbhiH |
AgobhirabhAvi guNairanukampe tasya tava pariShva~NgAt || 73||
avarundhatyA karuNe haraM tvayA tasya mAmakasvAntam |
gehaM kriyatAmayi me sAha~NkriyatAjvaraM jihIrShasi chet || 74||
kAmAriNA niviShTaiH kAmAdibhirasharaNastvahaM karuNe |
tADye kila kinna tvaM tat j~napayasi tachcha kinna vArayasi || 75||
antakaharaM padaM tava hanta daye ghrAtumapyanarhaM mAm |
akaroddurvidhirastu tadapanayane tava vilambanaM nArham || 76||
dR^iShTe mayA tvadokasi dR^ishA.anayA sarvama~NgaLAshliShTe |
karuNe kA tava hAniH kati kati taddarshinastvayA na kR^itAH || 77||
dugdhArthino munishishordugdhAmbunidhirvashaM nItaH |
jaladhiraparasya haste jalakaNatAM shivadaye na te.asti bharaH || 78||
avataMsitendukandaLamAj~nAvashavartipavanatapanAdim |
kalaye daye tava jharaM karmaparabrahmagandhinishvAsam || 79||
karuNe.a~NgIkuryA mAM kadA.amba tamumAsakhaM chidAkAram |
galahastitaviShayAntaramAsInaM manmatau kadA kuryAH || 80||
bhayavirahamantakAttvaM pradisha parasyeva na mama kintu bhayam |
yena shive.abhiratassyAM shivAnukampe prasIda tadalaM me || 81||
gaurIsakhamuDugauraM kandarpasahasrasundarAkAram |
nIlagrIvamudAraM nidhehi manmanasi tava daye pUram || 82||
krandeyaM bata kaM pratIha balinA kAmena kAmAntakaH
      kAmaM pashyati pIDyamAnamapi mAM kAlena kAlAntakaH |
tvaM chettasya vibhorbhavatkR^itapariShva~NgairapA~Ngairdaye
      mAmAmodayase kShatistava tu kA kiM syAchcha me.asau dashA || 83||
nidrAlasyabharo vapuShyatijarAdussa~Nga IrShyA matiH
      yatra kvApi hi kaishchiditthamashubhairvighnaiH parItasya me |
IshAne.abhiratishcha nirvR^itikathA kveshAnukampe kadA
      dInAnveShiNi mAM tvadabhyupagamo dInAgragaNyaM spR^ishet || 84||
taraNe bhavasya sharaNaiShiNA mayA duritAni hanta charitAnyalaM daye |
uchitAni naiva ruchitAni mAnase lapitAni chaiva kupitAkR^itIni me |
shamanAvalepadamanAvahA.amba
      kinvapuShat na khinnavapuShaM mR^ikaNDujam |
bhavatI madIyabhavatIvratApahR^it
      taruNenduchUDa karuNe na kiM bhavet || 86||
uchitaM tavoparachitaM daye na kiM
      prabalAparAdhakabaLArpaNaM mayA |
ayi sharvamamba mayi sharmadaM na kiM
      vitanoShi shaMsa bata no yasho.astyataH || 87||
garaLe harasya taraLetarAM ruchiM
      bhavatI daye.arpitavatI na me.amhasi |
uditAdarA.atra viditA karALatA
      mahitA na sA kimahitAvahA tava || 88||
kalinA.amunA.atibalinA kadarthitaH
      svahite kShamo na vihite.asmi mAdR^ishAm |
avane shramastu tava neshiturdaye jagati
      tvayaiva sagatistadasmyaham || 89||
valabhedanAdisulabhetaraM haraM
      smarato daLAmbu kirato.api nirvasoH |
nayase vashaM kalayase.adbhutaM daye\-
      .ahamasAvapIha kimasAni te padam || 90||
smaraNaM praNAmakaraNaM tathAbhidhA\-
      gadana~ncha jAtuchidana~NgavairiNaH |
paramaM bhavArtiharamamba dehinAM
      tvadaye gatistava daye garIyasI || 91||
bhavatApabhItamavatA.akhilaM janaM
      puramardanena paramarjyate yashaH |
ghanamamba yadbhuvanama~NgaLaM daye
      tadaye shramachChidudaye tvadAshrayAt || 92||
bhuvane tavAmba navane paTurdaye
      paramatra ko nu jharamajjitaH sa te |
shritamantushailashatamantakAntako\-
      .akhilaveditA na kila vedituM kShamaH || 93||
manaseha sarvamanaseva yadvahe
      haramekameva na rame hi vismaran |
tadimaM tvameva hR^idi mantumAshu me
      karuNe yatasva taruNendushekharam || 94||
kimato mamAmba vimato bhavArNavaH
      tudatIha mAM na nudatIdR^ishaM shucham |
girijApaterupari jAtu me daye
      hR^idayaM kuruShva sadaya~ncha ta~ncha mAm || 95||
charaNaM natArtiharaNaM vibhordaye
      nR^itamo bhajeta katamo vinA tvayA |
tadamuM tavAmba padamunnataM naya
      prabhave madarthivibhave.arthinI bhava || 96||
kamalAsanashcha kamalApatishcha te
      kalayA.a.apnutAM hi tulayA vihInatAm |
svakarAvalambasukarAmR^itashriyaM
      kuru me kuleshiturumeshiturdaye || 97||
aparAdhajAlamaparA nudeta kA
      bhavatIM vinoddhR^itavatI jagaddaye |
jananIM pramodajananImR^ite shishoH
      shamalaM pramArjitumalaM parA tu kA || 98||
umApatiramApatI mama shivau jahItAM mano
      na jAtu karuNe yathA kuru tathaiva buddhiM dR^iDhAm |
tathaiva rasanAmamUM shiva shiveti vAguddharAM
      na chaitadubhayaM vinA kimapi me.abhilAShAspadam || 99||
prasIda karuNe.adhunA manasi me shivaM sthApayA\-
      napAyinamumAsakhaM kuru cha mayyanugrAhakam |
tathA.anishamihAsanaM shivapadasya jihvA~nchale
      dadasva mama kA~NkShitadvayamidaM tvadekAyanam || 100||
kAle.antime shivadaye mama te prasAdAd
      etAvadeva hR^idaye dR^iDhamAvirastu |
yad\-dvayakSharaM shiva shiveti tavAspadIya
      mokShapradaM bhuvanama~NgaLanAmadheyam || 101||
evaM dayAstavamimaM paThatAM hi bhaktayA.a.a\-
      rogyAyurachChashivabhaktidhanarddhividyAH |
agryAn sutAnapi yashashcha vimuktimante
      shrIpArvatIshakaruNA dishati prahR^iShTA || 102||

iti shrIshrIdharave~NkaTashAryavirachitaM dayAshatakaM sampUrNam |

##
Proofread by Aruna Narayanan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}