% Text title            : Devadibhihkritam Shri Maharama Stotram
% File name             : devAdibhiHkRRitaMshrImahAramAstotram.itx
% Category              : devii, devI, lakShmInArAyaNIyasaMhitA, stotra
% Location              : doc\_devii
% Proofread by          : PSA Easwaran
% Description/comments  : lakShmInArAyaNIyasaMhitA | khaNDa 3 | adhyAya 118/16-40||
% Latest update         : February 28, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Devadibhihkritam Shri Maharama Stotram ..}##
\itxtitle{.. devAdibhiHkR^itaM shrImahAramAstotram ..}##\endtitles ##
sabhAyAM saMhatAstatra sarvastrIjAtishobhitAH |
tuShTavuH sahagandharvA.apsarasashcha mahAramAm || 16||
namo namaste parameshvarastrImUrddhanyamUrte.ardhaharisvarUpe |
mahAkShare chAkSharadhAmavAse trisR^iShTimAtaH sunamo namaste || 17||
namo.avatArAdisamagravAse namaH samasteshvarakoTivAse |
namaH samagreshvarikAnivAse muktAnikAmuktagaNAdhivAse || 18||
tubhyaM namaH kR^iShNanarAyaNA~Nge siddharShisatpittR^isude namaste |
sureshvarIvR^indasusevite te shrImAnavIrUpiNi te namo.astu || 19||
\ldq{}shrIkambhare shrIlalite sanAthe santoShikAmAtaratho namaste |
gajAnane.anantaramAnurUpe mAtarnamaste hariNIsvarUpe || 20||
sarveshvari sarvaramAdhinAthe shrImANikIpAshavatIpramode |
lakShmImahAsAgarabhAvike te brahmapriyAsthe satataM namaste || 21||
kAmAdhinAthe.arthitadAnadakShe chintAmaNe chitrajagatprasUte |
mokShaprade bhAskarachandranetre mandasmite yogini te namo.astu || 22||
namo namo bhaNDamahAsuraghne samastadaityAntakakartri mAtaH |
mudrAdhinAthe cha suyantrarUpe sarvashrutiprodbhavike namaste || 23||
kR^iShNe pare chakrasuShaTkasaMsthe ShaDUrmihartri shramanAshike te |
ShaDbhAvashUnye.aShTaguNAshraye te mAtarnamo mukhyasamastarAj~ni || 24||
kAntAdhinAthe kamale sunirmale kalAdhinAthe bhuvaneshvari priye |
rasAyane sarvarasAdhivAsini divyasvarUpe cha namo.astvabhIkShNashaH || 25||
sadANimAdyaShTakasevanIye gopAlakR^iShNAtmakama~nchavAse |
devAdhidevapramade savitri lokasya mAtaH praNamo namaste || 26||
vrahmapriyebrahmarame harishri brahmAtmike shrIlalite namaste |
brahmAmR^itasrotasi janmahantri brahmeshvari shrIlalite namaste || 27||
shubhAshraye shubhaprade.akSharAkhye hatArivarge lalite namaste |
sarvAdhike sarvagate samastasiddhiprade shrIlalite namaste || 28||
sarvA.amarA.a.akA~NkShitapUrayitri varaprade shrIlalite namaste |
bindusthite bindusurUpiNi shrIbR^ihatkuchA.ambhojavilolahAre || 29||
phalaprade kampalate.arkashobhe sarojavaktre lalite namaste |
sAraikabhUme puruShottami shrIbhUpadmikA.ajA kamalAtmike te || 30||
kR^ipAnidhAne surakAryashAlini shrIvaiShNavi shrIsakalAvatAriNi |
sAra~NgashAvAkShi manohare prasu mAtarnamaste lalite.atisundari || 31||
shrImanmahAlakShmi samR^iddhidAyini vipannivAre.atisanAtani prame |
tvayA samastaM bhuvanaM surakShitaM bhaNDAsurAdIn vinihatya sa~Ngare || 32||
shrIshambhunA bhasmita eva manmatho bhasmotthabhaNDo.api hataH punastvayA |
kAmasya bhasmA.api subhasmitA yato niShkAmatA nIratitA pradarshitA || 33||
sthUlaM sharIraM madanasya shambhunA dagdhaM cha sUkShmaM tu tataH punastvayA |
evaM sharIrobhayavarjitaM patiM vilokya tajjIvanamArthayadratiH || 34||
tadA punaH kAraNavarShma kalpanAtmakaM yadAsIdbahuvAsanAtmakam |
tasmAdadR^ishyaM ramaNasya varShma vai vyAptaM bR^ihatkR^itya dadau ratistriyai || 35||
ratirnijaM kAntamanuttamaM punaH samastalokasthitikaM hR^idi sthitam |
adR^ishyarUpaM prasamIkShya ra~njitA prasannatApUrvakamAshliShat patim || 36||
avarShmarUpo hyapi varShmakAryakR^it kAmo bhavatyA vihitastato hyasau |
tavAj~nayA vyAptimagAchChivApatau skando.abhavachChailasutAsuyogataH || 37||
sthUlasya kAmasya jayasya kartA shambhusvarUpo bhavatIti bodhyaH |
sUkShmasya kAmasya jayasya kartA lakShmIsvarUpo bhavatIti bodhyaH || 38||
kuvAsanA.ana~NgajayasyakartA nArAyaNashchordhvagatirhiM bodhyaH |
evaM tvayA bodhitameva sarvebhyo naH paresheshvari muktaye naH || 39||
iti stutvA pUjayitvA niShedurhR^iShTamAnasAH |
utsavaM tannimittaM cha chakruH sarve raNAjire || 40||

iti shrIlakShmInArAyaNIyasaMhitAyAH dvAparayugasantAnAtmakasya tR^itIyakhaNDe
118\-adhyAyAntargataM devAdibhiHkR^itaM shrImahAramAstotraM sampUrNam |

lakShmInArAyaNIyasaMhitA | khaNDa 3| adhyAya 118/16\-40||
##
lakShmInArAyaNIyasaMhitA . khaNDa 3. adhyAya 118/16-40..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}