% Text title            : devIgItishatakam
% File name             : devIgItishatakam.itx
% Category              : shataka, devii, devI
% Location              : doc\_devii
% Author                : Sundaracharya
% Proofread by          : PSA Easwaran
% Description-comments  : Brihatstotraratnakara 2, Narayana Ram Acharya, Nirnayasagar, stotrasankhyA 225-425
% Latest update         : March 23, 2017
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. devIgItishatakam ..}##
\itxtitle{.. devIgItishatakam ..}##\endtitles ##

shrIgaNeshAya namaH ||
kiM devaiH kiM jIvaiH kiM bhAvaiste.api yena jIvanti |
tava charaNaM sharaNaM me darahaNaM devi kAntimatyamba || 1||
aruNAmbudanibhakAnte karuNArasapUrapUrNanetrAnte |
sharaNaM bhava shashibimbadyutimukhi jagadamba kAntimatyamba || 2||
kaliharaNaM bhavataraNaM shubhabharaNaM j~nAnasampadAM karaNam |
natasharaNaM tava charaNaM karotu me devi kAntimatyamba || 3||
amitAM samatAM mama tAM tanu tAM tanutAM gatAM padAbjaM te |
kR^ipayA vidito vihito yayA tavAhaM hi kAntimatyamba || 4||
mama charitaM viditaM chedudayenna dayA kadApi te satyam |
tadapi vadAmyayi kuru tAM nirhetukamAshu kAntimatyamba || 5||
na budhatvaM na vidhutvaM na vidhitvaM naumi kiM tu bhR^i~Ngatvam |
asakR^itpraNamya yAche tvachcharaNAbjasya kAntimatyamba || 6||
abhajamahaM kiM sAre kaMsAre vIpade.api saMsAre |
ruchimattAM shuchimattAmahaha tvaM pAhi kAntimatyamba || 7||
mAmasakR^idaprasAdAdduShkR^itakArIti mA.avamanyasva |
smara kiM na mayA sukR^itaM vardhitamidamadya kAntimatyamba || 8||
karuNAviShayaM yadi mAM na tanoShi yathA tathApi varte.aham |
bhavati kR^ipAlutvaM te sIdAmi mR^iSheti kAntimatyamba || 9||
atulitabhavAnurAgiNi durvarNAchalavihAriNi mayi tvam |
samaterShyayA prasAdaM na vidhatse kiM nu kAntimatyamba || 10||
dyAM gAM vAbhyapataM yadi jIvAtustvAmR^ite.antataH ko me |
hitvA payodapa~NktiM stokasya gatiH kva kAntimatyamba || 11||
kaM vA kaTAkShalakShyaM na karoShyevaM mayi tvamAsIH kim |
kiM tvAmupAlabhe.ahaM vidhirgarIyAn hi kAntimatyamba || 12||
tanuje jananI janayatyahite.api prema hIti tanmithyA |
yadupekShase trilokIM mAtarmAM devi kAntimatyamba || 13||
nindAmi sAdhuvargaM staumi punaH kShINaShaDgasaMsargam |
vande kiM te charaNe kiM syAtprItistu kAntimatyamba || 14||
gIrvANavR^indajihvArasAyanasvIyamAnanIyaguNe |
nigamAntapa~njarAntaramarAlike pAhi kAntimatyamba || 15||
trinayanakAnte shAnte tAnte svAnte mamAstu vada dAnte |
kR^ipayA munijanachintitacharaNe nivasAdya kAntimatyamba || 16||
dhutakadane kR^itamadane bhR^ishamadane yogisharvabhaktAnAm |
maNisadane shubharadane shashivadane pAhi kAntimatyamba || 17||
giritanuje hatadanuje varamanujeddhAbhidhe cha haryanuje |
guhatanuje.avitamanuje kuru karuNAM devi kAntimatyamba || 18||
gajagamane ripudamane harakamane kLLiptapApakR^ichChamane |
kalijanane mayi dayayA prasIda he devi kAntimatyamba || 19||
yanmAnase padAbjaM tava saMvidbhAsvadAbhayA.a.abhAti |
tatpAdadAsadAsakadAsatvaM naumi kAntimatyamba || 20||
duShkaraduShkR^itarAsherna bibhemi shive yadi prasAdaste |
dalane dR^iShadAM Ta~NkaH kalpeta na kiM nu kAntimatyamba || 21||
komaladehaM kimapi shyAmalashobhaM sharanmR^igA~Nkamukham |
rUpaM tava hR^idaye mama dIpashriyametu kAntimatyamba || 22||
ki~nchanava~nchanadakShaM pa~nchasharAreH prapa~nchajIvAtum |
cha~nchalama~nchalamakShNorayi mayi kuru devi kAntimatyamba || 23||
a~nchati yaM tvadapA~NgaH ki~nchittasyaiva kumbhadAsatve |
ahamahamikayA vibudhAH kalahaM kalayanti kAntimatyamba || 24||
kimidaM vadAdbhutaM te kasmiMshchillakShite kaTAkSheNa |
bR^iMhAdInAM hR^idayaM dInatvaM yAti kAntimatyamba || 25||
prAyo rAyopachite mAyopAyolbaNAsurakShapaNe |
geyo  jAyorubale shreyo bhUyo.astu kAntimatyamba || 26||
karaNaM sharaNaM tava lasadalakaM kulakaM girIshabhAgyAnAm |
saralaM viralaM jayati sakaruNaM taruNAM hi kAntimatyamba || 27||
sha~Nkari namAMsi vANI ki~Nkari daiteyarADbhaya~Nkari te |
karavai muravairyanuje puravairyabhike.adya kAntimatyamba || 28||
tava sevAM bhuvi ke vA nAkA~NkShante kShamAbhR^itastanaye |	
tvamiva bhaveyuryadi te bhajanti ye yAM hi kAntimatyamba || 29||
bhavadavashikhAbhivItaM shItalayermAM kaTAkShavikShepaiH |
kAdambinIva salilaiH shikhaNDinaM devi kAntimatyamba || 30||
tvadguNapayaHkaNaM me nipIya mukterala~NkriyAM giratu |
chetaHshuktirmuktAM bhaktimiShAM devi kAntimatyamba || 31||	
guNagaNamahAmaNInAmAgamapAthodhijanmabhAjAM te |
guNatAM kadA nu bhajatAM mama dhiShaNA devi kAntimatyamba || 32||
pATIracharchitastani koTIrakR^itakShapAdhirATkalike |
vITIrasena kavitAdhATIM kuru me.adya kAntimatyamba || 33||
tava karuNAM kiM brUmastvAmapyeShAnavekShya tUShNIkAm |
UrIkaroti pApinamapi vinataM devi kAntimatyamba || 34||
Isho.api vinA bhavatIM na chalitumapi kiM punarvayaM shaktAH |
kimupekShase prasIda kShitidharakanye.adya kAntimatyamba || 35||
manmAnasAmrashAkhI pallavitaH puShpito.anurAgeNa |
harSheNa cha prasAdAllaghu tava phalino.astu kAntimatyamba || 36||
dhyAnAmbaravasatermama mAnasameghasya dainyavarShasya |
padayugalI tava shampA lakShmIM vidadhAtu kAntimatyamba || 37||
kalitapanabhAnutaptaM chittachakoraM mamAtishItAbhiH |
jIvaya kaTAkShadambhajyotsnAbhirdevi kAntimatyamba || 38||
jyotsnAsadhrIchIbhirdugdhashrIbhiH kaTAkShavIchIbhiH |
shItalayAnIchIbhiH kR^ipayA mAM devi kAntimatyamba || 39||
ruShTA tvamAgasA yadi tarjaya dR^iShTyApi nekShase yadi mAm |
bAla iva lolachakShuH kaM sharaNaM yAmi kAntimatyamba || 40||
vibhavaH ke kiM kartuM prabhavaH karuNA na chettavAnte.api |
nochChvasituM kR^itamebhistvAmIshvari naumi kAntimatyamva || 41||
jitvA madamukharipugaNamitvA tvadbhaktabhAvasAmrAjyam |
gatvA sukhaM jano.ayaM varteta kadA nu kAntimatyamba || 42||
akhiladiviShadAlambe padayugmaM devi te sadA.a.alambe |
jagatAM gomatyamba kShitidharakanye.adya kAntimatyamba || 43||
atraiva kalpavallIchintAmaNirasti kAmadhenurapi |
vedmi na kiM yadi budhatA puMsA labhyeta kAntimatyamba || 44||
nAhaM bhajAmi daivaM manasApyanyattvameva daivaM me |
na mR^iShA bhaNAmi shodhaya mAnasamAvishya kAntimatyamba || 45||
khedayasi mAM mR^igaM kiM mR^igatR^iShNeva prasIda naumi shive |
modaya kR^ipayA no chetkva nu yAyAM devi kAntimatyamba || 46||
kAryaM svena svahitaM ko nAma vadedayaM jano vetti |
tvaM vA vadasi kimasmAdgatistvamevAsya kAntimatyamba || 47||
dhanyo.asti ko madanyo divi vA bhuvi vA karoShi chetkaruNAm |
idamapi vishvaM vishvaM mama haste kiM cha kAntimatyamba || 48||
taruNenduchUDajAye tvAM manujA ye bhajanti teShAM te |
bhUtiH padAbjadhUlirdhUlirbhUtistu kAntimatyamba || 49||
tvAmatra sevate yastvatsArUpyaM sametya so.amutra |
harakelyAM tvadasUyApAtrati chitrA~Ngi kAntimatyamba || 50||
chitrIyate manastvAM dR^iShTvA bhAgyAvatAramUrtiM me |
ki~ncha sudhAbdherlaharIvihAritAmeti kAntimatyamba || 51||
kiratu bhavatI kaTAkShA~njalajasadR^ikShAn rasena tAdR^ikShAn |
kR^itasurarakShAnmohanadakShAnbhImasya kAntimatyamba || 52||
mAnasavArdhinilInau rAgadveShau pravodhavedamuShau |
madhukaiTabhau tavekShaNamIno me haratu kAntimatyamba || 53||
ma~njulabhAShiNi va~njulakuDmalalalitAlake lasattilake |
pAlaya kuvalayanayane bAlaM mAM devi kAntimatyamva || 54||
puramathanavilolAbhiH paTulIlAbhiH kaTAkShamAlAbhiH |
shubhashIlAbhiH kuvalayanIlAbhiH pashya kAntimatyamba || 55||
karuNArasArdranayane sharaNAgatapAlanaikakR^itadIkShe |
praguNAbharaNe pAlaya dInaM mAM devi kAntimatyamba || 56||
narajanmaiva varaM tvadbhajanaM yena kriyeta chedasmAt |
kimavaramevaM no chedatastadevAstu kAntimatyamba || 57||
yaddurlabhaM surairapi tannarajanmAdisho namAmyetat |	
sArthaya dAnAdbhaktervyarthaya mAnyena kAntimatyamba || 58||
jIvati pa~nchabhirebhirna vinA.astyebhirjanastanuM bhajate |
tadapi tadAsInAM tvAM daramapi no vetti kAntimatyamba || 59||
yatpremadvipavadane ShaDvadane vA kuruShva tanmayi te |
jAtvapi mA bhUdbhedaH stokeShvasmAsu kAntimatyamba || 60||
shambararuharuchivadane shambararipujIvike himAdrisute |
ambaramadhye bambaraDambarachikure.ava kAntimatyamba || 61||
manmAnasapAThInaM kalipuline krodhabhAnusantapte |
si~ncha parito bhramantaM kR^ipormibhirdevi kAntimatyamba || 62||
yaminaH kva veda mukuTAnyapi bhavatIM bhAvayanti vA no vA |
yadyevaM mama hR^idayaM vettu kathaM brUhi kAntimatyamba || 63||
klishyatyayaM jano bata jananAdyairityahaM shrito bhavatIm |
tatrApyevaM yadi vada tava kiM mahimA.atra kAntimatyamba || 64||
vR^ijinAni santu kimatasteShAM dhUtyai na kiM bhavedvada te |
smaraNaM dR^iShadutkShepaNamiva kAkagaNasya kAntimatyamba || 65||
prasarati tava prasAde kimalabhyaM vyatyaye tu kiM labhyam |
labhyamalabhyaM kiM nastena vinA devi kAntimatyamba || 66||
kiM chintayAmi saMvichCharadudayaM tvatpadachChalaM katakam |
ghR^iShTaM yadi prasIdeddhR^idayajalaM me.adya kAntimatyamba || 67||
vibhajatu tava padayugalI haMsIyogIndramAnasaikacharI |
saMvidasaMvitpayasI milite hR^idi me.adya kAntimatyamba || 68||
kiyadAyustatrArdhaM svapne na hR^itaM kiyachcha bAlyAdyaiH |
kiyadasti kena bhajanaM tR^iptistava kena kAntimatyamba || 69||
vedmi na dharmamadharmaM kAyaklesho.astyado vichAraphalam |
jAnAmyekaM bhajanaM tava shubhadaM hIti kAntimatyamba || 70||
snihyati bhoge druhyati yogAyedaM vR^ithA.adya muhyati me |
hR^idayaM kimu svato vA parato vA vetti kAntimatyamba || 71||
na bibhImo bhavajaladherdaramapi danujArisodari shive te |
Aste kaTAkShavIkShAtaraNirnanu devi kAntimatyamba || 72||
chintAmaNau karasthe.apyaTanaM vIthIShu kiM bruve mAtaH |
vada kiM me tvayi satyAmanyAshrayaNe na kAntimatyamba || 73||
naravarNanena rasanA paravanitAvIkShaNena netramapi |
krauryeNa mano.api hataM bhAvyaM tu na vedmi kAntimatyamba || 74||
trAsitasurapatitaptaM taptaM kiM dharmameva vA kLLiptam |
kimapi na sa~nchitamamitaM vR^ijinamaye kiM tu kAntimatyamba || 75||
pApItyupekShase chetpAtuM kA.anyA bhavedvinA bhavatIm |
kimidaM na vedmi so.ayaM bakamantraH kasya kAntimatyamba || 76||
va~nchayituM vR^ijinAdyairmugdhAnbhavatIM vinetarAnnekShe |
kimataH paraM kariShyasi viditamidaM me.adya kAntimatyamba || 77||
va~nchayasi mAM rudantaM bAlamiva phalena mAM dhanADhyena |
mAstu kadApi mamedaM kaivalyaM dehi kAntimatyamba || 78||
trayyA kiM me.adya guNe tava vidite yo yatastu sambhavati |
AstAM mauktikalAbhe sati shuktyA kiM nu kAntimatyamba || 79||
adbhutamidaM sakR^idyena j~nAtA vA shriyo dishasyebhyaH |
ye khalu bhaktAstebhyaH kaivalyaM dishasi kAntimatyamba || 80||
suranaichikIva vibudhAnkAdambinikeva nIlakaNThamapi |
prINayasi mAnasaM me shobhaya haMsIva kAntimatyamba || 81||
kartuM manaHprasAdaM tava mayi chetkiM kariShyati vR^ijinam |
jalajavikAse bhAnoH paripanthitamo nu kAntimatyamba || 82||
tava tu karuNA sravantyAM pravahantyAM stokatA gateti mayA |
luThati sphuTati mano me nedaM jAnAsi kAntimatyamba || 83||
shodhayitumudAsInA yadi mAM pAtraM kimasya pashyAham |
mAdR^ishi kA vA vArtA dAsajane kAntimatyamba || 84||
abhajamananyagatistvAM kiM kuryAstvaM na vedmyataHprabhR^iti |
avane vA.anavane vA na vichAro me.asti kAntimatyamba || 85||
kiM vartate mamAsmAnnikhilajaganmastalAlitaM bhAgyam |
yamihR^idayapadmahaMsIM yattvAM seve.adya kAntimatyamba || 86||
kartuM jaganti vidhivadbhartuM harivadgirIshavaddhartum |
lIlAvatI tvameva pratIyase devi kAntimatyamba || 87||
kechidvidanti bhavatIM kechinna vidanti devi sarvamidam |
tvatkR^ityaM vada satyaM kiM labdhaM tena kAntimatyamba || 88||
shAstrANi kukShipUrtyai sphUrtyai nigamAshcha karmaNA kiM taiH |
kiM tava tattvaM j~neyaM yaistvatkR^ipayaiva kAntimatyamba || 89||
kiM prArthaye punaH punaravane bhavatIM vinA vichAraH syAt |
kasyAH ka iti vidannapi dUye mohena kAntimatyamba || 90||
viduShastvAM sharaNaM me shAstrashramaleshavArtayApi kR^itam |
karajuShi navanIte kiM dugdhavichAreNa kAntimatyamba || 91||
praNavopaniShannigamAgamayogimanaHsvivAtitu~NgeShu |
bhAhi prabheva taraNermama hR^idi nimne.api kAntimatyamba || 92||
sphuTitAruNamaNishobhaM truTitAbhinavapravAlamR^idulatvam |
shrutishikharashekharaM te charaNAbjaM staumi kAntimatyamba || 93||
tava charaNAmbujabhajanAdamR^itarasasyandinaH kadApyanyat |
svapne.api ki~nchidapi me mA sma bhaveddevi kAntimatyamba || 94||
vismApanaM purArerasmAdR^igjIvikAM parAtparamam |
suShamAmayaM svarUpaM sadA niSheveya kAntimatyamba || 95||
ma~Ngalamastviti piShTaM pinaShTi gIH sarvama~NgalAyAste |
vashitajayAyAshcha tathA jayeti vAdo.api kAntimatyamba || 96||
AshAsiturvibhUtyai bhavati bhavatyai hi ma~NgalAshAstiH |
svAmisamR^iddhyAshaMsA bhR^ityonnatyai hi kAntimatyamba || 97||
nigamairaparichChedyaM kva vaibhavaM te.alpadhIH kva chAhamiti |
tUShNIkaM mAM bhaktistava mukharayati sma kAntimatyamba || 98||
anukampAparavashitaM kampAtaTasImni kalpitAvasatham |
upaniShadAM tAtparyaM tava rUpaM staumi kAntimatyamba || 99||
jaya dharaNIdharatanaye jaya veNuvanAdhirATpriye devi |
jaya jambhabhedivinute jaya jagatAmamba kantimatyamba || 100||
guNama~njaripi~njaritaM sundararachitaM vibhUShaNaM sudR^ishAm |
gItishatakaM bhavatyAH kShayatu kaTAkSheNa kAntimatyamba || 101||
vaptA yasya manIShihArataralaH shrIve~NkaTesho mahAn\-
     mAtA yasya punaH sarojanilayA sAdhvIshirobhUShaNam |
shrIvatsAbhijanAmR^itAmbudhividhuH so.ayaM kaviH sundaro
     devyA gItishataM vyadhatta mahitaM shrIkAntimatyA mude || 102||

iti shrIsundarAchAryapraNItaM devIgItishatakaM sampUrNam ||

##
Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}