% Text title            : devI keshAdipAdavarNanam
% File name             : devIkeshAdipAdavarNanam.itx
% Category              : devii, ShoDasha
% Location              : doc\_devii
% Transliterated by     : Sunder Hattangadi sunderh at hotmail.com
% Proofread by          : Sunder Hattangadi, PSA Easwaran psaeaswaran at gmail.com, T B Lakshman Rao
% Latest update         : May 15, 2017
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. devI keshAdipAdavarNanam ..}##
\itxtitle{.. devI keshAdipAdavarNanam ..}##\endtitles ##
sindUrAruNamujjvalaM nayanayorAnandasandohanaM
vishvaMvyApimanoramaM kalayatAM santApavidhvaMsanam |
tejomaNDalamAtmani sphuratu me bhUyastadantargataM
lAvaNyAyatanaM svarUpamapi te muktisthalasthe shive || 1||
udyadbhAskarakoTisuprabhamanarghAnekaratnAvalI\-
rAjachchandrakalAvirAjimukuTaM haimaM nisargojjvalam |
AnIlaM pR^ithuku~nchitAgramamalaM kalpaprasUnA~nchitaM
snigdhaM te kabarIbharaM cha kalaye muktisthalasthe shive || 2||
ardhendupratime lalATaphalake nIlAlakAla~NkR^ite
kastUrItilakaM vilAsachaturaM chAna~NgachApopamam |
bhrUvallIyugalaM samunnatamatisvachChaM cha nAsApuTaM
rAjanmauktikaratnamamba kalaye muktisthalasthe shive || 3||
lIlAcha~nchalama~njanA~nchitamatItAlokalIlAlava\-
pradhvastAnatabhUritApanikaraM vistIrNamatyAyatam |
snigdhashyAmalapakShmapa~NktinayanadvandvaM dayAvAridhe
dIne pAtaya mayyananyasharaNe muktisthalasthe shive || 4||
gaNDau vidrumadarpaNAtivimalau gorochanAla~NkR^itau
karNodbhAsitaratnakuNDalaruchA vibhrAjitau komalau |
bandhUkaprasavAruNAdharapuTaM kundAbhadantAvalI\-
bibhrAjachchibukaM cha devi kalaye muktisthalasthe shive || 5||
bhAsvadratnakirITakuNDalayugagraiveyakodbhAsite
vaktrendau nijakAntirUShitapariShkAre manonandane |
rAjantIM smitachandrikAM natajanAntastApanirmUlinIM
nityaM chetasi bhAvayAmi varade muktisthalasthe shive || 6||
kastUrIghanasAraku~NkumamukhairAlepanaira~nchitaM
graiveyaishcha nirantaraM maNimayairmA~NgalyasUtrojjvalam |
rekhAbhistisR^ibhistathA vilasitaM chArusvaraM bandhuraM
kaNThaM te kalayAmi gItinipuNe muktisthalasthe shive || 7||
keyUrAdivichitrabhUShaNatarAn ratnA~NgulIyaprabhA\-
rAjatpANitalAn dhR^itaikShavadhanuHpuShpeShu pAshA~NkushAn |
AnamrAbhayadAn shirIShamR^idulAnAlepanaira~nchitAn
bAhUn mUrdhani me nidhehi sadayaM muktisthalasthe shive || 8||
niShkaM bAhulatAntare maNigaNairAkIrNamatyadbhutaM
hAraM chApi manoharaM maNimayIM mAlAM tathA kA~nchanIm |
rAjIvotpalachampakAdikusumaiH klR^iptAmahInashriyaM
mAlAM saurabhashAlinIM cha kalaye muktisthalasthe shive || 9||
vR^ittau ku~NkumarUShitau nirupamau pInau stanau saMhatau
tu~Ngau komalasUkShmapATalapaTaprachChAditAvujjvalau |
madhyaM chApi kR^ishaM valitrayayutaM vakShojabhArAnataM
tanvIM romalatAM cha devi kalaye muktisthalasthe shive || 10||
AvartopamamandashobhamamalaM nimnaM cha nAbhIbilaM
kA~nchIdAmanibaddharatnavilasatsindUravarNAMshukam |
vistIrNaM rashanApadaM kanakasadrambhAnibhau komalau
UrU chArutarau cha devi kalaye muktisthalasthe shive || 11||
jAnudvandvamibhendrakumbhasuShamAchoraM cha ja~NghAyugaM
chetojanmaniSha~NgasaurabhaharaM vR^ittaM cha nAtyAyatam |
ma~njIraM cha mano.abhirAmaninadaM ratnaprabhAbhAsuraM
kUrmAbhaM prapadaM cha devi kalaye muktisthalasthe shive || 12||
snigdhasvachChatarA~NgulIdalatatichChAyaM virAjannakha\-
prAleyAMshumarIchidhUtavinamattApAndhakArotkaram |
kAntaM kalpalatApravAlasubhagaM lAkShArasAra~njitaM
pAdAbjaM tava bhAvayAmi varade muktisthalasthe shive || 13||
bhaktAnAM hR^idayeShu bhUrikR^ipayA nyastaM tadantargataM
gADhaM tApatamo nirasya shishirIkurvanprakAshAdhikam |
AnandAmR^itavarShikaM cha varadaM yatsevyamAnaM budhai\-
statte pAdasarojamamba kalaye muktisthalasthe shive || 14||
yatpAMsuM kamalAsanaprabhR^itayo devA munIndrAstathA
voDhuM mUrdhni na kurvate yatadhiyaH kiM kiM tapo duShkaram |
tatpAdAmbujamAnatasya satataM dInasya me mastake
kUjannUpuramarpayAmba sadayaM muktisthalasthe shive || 15||
rAjA chaitrakulodbhavasya suratho yatsevayA.abhUnmanuH
vaishyaH so.api samAdhirApa matimAn j~nAnaM parairdurlabham |
yoShAmUrtiramUmuhatsmararipuM devo.api nArAyaNa\-
statte pAdasarojamamba kalaye muktisthalasthe shive || 16||
nityaM yena shivA~NgavarNanamidaM stotraM dvayossandhyayoH
padyaiH ShoDashabhiH kR^itaM kR^itadhiyA martyena sa~NkIrtyate |
tasya prItamanAH pareshamahiShI tvaM devi tApatrayaM
nirdhUyAshu vidhehi bhaktimachalAM muktisthalasthe shive || 17||
prAgantevasatA chiraM shrutigirassArAvadAtAtmanA
neyattA niraNAyi yasya bhagavachChrIsha~NkarasvAminA |
brAhmaM vaiShNavamaishvaraM cha kimapi prAgalbhyamudbhAsayat
sAyujyaM mama sandadhAtu tadidaM muktisthalasthaM mahaH || 18||

OM tatsat |

|| iti shrInArAyaNabhaTTatirivirachitaM muktisthalaShoDashastotraM sampUrNam ||
\iti

##
The varNanam is attributed to Melpathur Narayana Bhattathiri, the composer of the Narayaneeyam.

The last shloka (18) is generally considered part of this mukthisthala Shodasha stotra.  Legend is that Shrimad Shankaracharya worshipped here and realized the greatness of the presiding Deity.

Encoded by Sunder Hattangadi sunderh at hotmail.com
Proofread by Sunder Hattangadi, PSA Easwaran, T B Lakshman Rao

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}